Don va unning davlat resurslaridan yanada samarali va oqilona foydalanish, unning bozor fondini shakllantirish hamda uni respublika mintaqalari boʻyicha maqbul taqsimlash mexanizmini takomillashtirish, aholining non mahsulotlariga boʻlgan ehtiyojini barqaror taʼminlash maqsadida Vazirlar Mahkamasi qaror qiladi:

1. Belgilab qoʻyilsinki:

unning bozor fondi kvotalarini Qoraqalpogʻiston Respublikasi, viloyatlar va Toshkent shahri, foydalanish yoʻnalishlari boʻyicha taqsimlashning yillik va choraklik loyihalari Vazirlar Mahkamasi tomonidan tasdiqlanadigan davlat resurslaridan oziq-ovqatga moʻljallangan bugʻdoydan foydalanish balanslari koʻrsatkichlariga qatʼiy muvofiq holda ishlab chiqiladi;

unning bozor fondi kvotalari Qoraqalpogʻiston Respublikasi, viloyatlar, shaharlar va tumanlar boʻyicha shahar va qishloq aholisining soni, sanoat markazlarining mavjudligi, savdo va non yopish tashkilotlarining joylashishi, shuningdek qishloq xoʻjaligi korxonalari, fermer va dehqon xoʻjaliklari ixtiyorida qolayotgan oziq-ovqatga moʻljallangan bugʻdoy hajmlari hisobga olingan holda taqsimlanadi;

boshoqli don ekinlarining 2002-yil hosilidan boshlab unning bozor fondi qishloq joylari, sanoat markazlari va viloyat ahamiyatiga ega boʻlgan shaharlar boʻyicha alohida prognozlashtiriladi;

unning bozor fondi ulardan foydalanishning quyidagi yoʻnalishlari non yopish, chakana savdo, non va qandolatchilik mahsulotlari ishlab chiqaruvchi yakka tartibdagi tadbirkorlar boʻyicha taqsimlanadi.

2. Quyidagi tartib belgilansin:

unning bozor fondi yillik va choraklik kvotalarini Qoraqalpogʻiston Respublikasi, viloyatlar va Toshkent shahri, foydalanish yoʻnalishlari boʻyicha tasdiqlash “Oʻzdonmahsulot” davlat korporatsiyasining Oʻzbekiston Respublikasi Iqtisodiyot vazirligi bilan kelishilgan takliflari asosida Vazirlar Mahkamasining Isteʼmol tovarlari ishlab chiqarish va savdo kompleksiga yuklanadi;

unning bozor fondi tasdiqlangan kvotalarini tumanlar, shaharlar va foydalanish yoʻnalishlari boʻyicha taqsimlash “Savdo” hududiy aksiyadorlik kompaniyalari va “Matlubotsavdo” aksiyadorlik kompaniyasi ishtirokida Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan amalga oshiriladi.

3. Belgilansinki, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari unning bozor fondi kvotalari samarali va maqbul taqsimlanishi, ulardan maqsadli foydalanilishi hamda aholi non mahsulotlari bilan uzluksiz, barqaror taʼminlanishi uchun toʻliq javob beradilar.

4. Unning bozor fondi kvotalarini shakllantirish, taqsimlash va ulardan foydalanish sxemasi ilovaga muvofiq tasdiqlansin.

5. “Oʻzdonmahsulot” davlat korporatsiyasi:

Oʻzbekiston Respublikasi Iqtisodiyot vazirligi ishtirokida unning bozor fondi kvotalarini taqsimlashning har choraklik loyihalari yuqorida koʻrsatib oʻtilgan talablarga muvofiq Qoraqalpogʻiston Respublikasi, viloyatlar va Toshkent shahri boʻyicha ishlab chiqilishini taʼminlasin hamda navbatdagi chorak boshlanishidan kamida 20 kun oldin ularni tasdiqlash uchun Vazirlar Mahkamasining Isteʼmol tovarlari ishlab chiqarish va savdo kompleksiga kiritsin;

Qoraqalpogʻiston Respublikasi, viloyatlar, Toshkent shahri, foydalanish yoʻnalishlari boʻyicha taqsimlashning Vazirlar Mahkamasining isteʼmol tovarlari ishlab chiqarish va savdo kompleksi tomonidan tasdiqlangan unning bozor fondi choraklik kvotalarini navbatdagi chorak boshlanishidan 10 kun oldin Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yetkazsin hamda ularni har oʻn kunda qatʼiy tasdiqlangan jadvallar boʻyicha bersin;

un resurslari un tortish zavodlari tomonidan savdo tashkilotlari va non yopuvchi tashkilotlarga belgilangan kvotalar va tuzilgan shartnomalarga muvofiq maqsadli berilishi ustidan qatʼiy nazorat oʻrnatsin.

6. Oʻzbekiston Respublikasi Davlat statistika qoʻmitasi “Oʻzdonmahsulot” davlat-aksiyadorlik korporatsiyasi ishtirokida 2002-yildan boshlab unning bozor fondlaridan mintaqalar va foydalanish yoʻnalishlari boʻyicha foydalanilishiga doir har oylik statistika hisobotini amaliyotga joriy etsin.

7. Oʻzbekiston Respublikasi Mudofaa vazirligi (shu jumladan harbiy savdo bosh boshqarmasi), Ichki ishlar vazirligi, Milliy xavfsizlik xizmati, Favqulodda vaziyatlar vazirligi, Davlat chegaralarini himoya qiluvchi qoʻmita, Davlat soliq qoʻmitasi, Davlat bojxona qoʻmitasi, “Qizilqumnodirmetalloltin” davlat konserni isteʼmolning tasdiqlangan normalariga muvofiq maxsus isteʼmolchilar uchun don mahsulotlari resurslariga boʻlgan ehtiyojga buyurtmalarni belgilangan tartibda va muddatlarda Oʻzbekiston Respublikasi Iqtisodiyot vazirligiga taqdim etsinlar.

8. “Oʻzdonmahsulot” davlat korporatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, don mahsulotlari resurslarini bozor va bozordan tashqari fondlar boʻyicha oluvchi vazirliklar va idoralar ulardan oqilona foydalanilishi ustidan nazoratni kuchaytirsinlar.

9. Vazirlar Mahkamasining “Oʻzbekiston Respublikasida don mahsulotlarini sotishni tartibga solishning qoʻshimcha chora-tadbirlari toʻgʻrisida” 1994-yil 2-noyabrdagi 532-son qarorining 5, 7, 8, 9-bandlari oʻz kuchini yoʻqotgan deb hisoblansin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari M. Z. Usmonov va R. S. Azimov zimmasiga yuklansin.

1. “Oʻzdonmahsulot” korporatsiyasi unning bozor fondi kvotalarini Qoraqalpogʻiston Respublikasi, viloyatlar va Toshkent shahri, foydalanish yoʻnalishlari (non yopish, chakana savdo, non va qandolatchilik mahsulotlari ishlab chiqaruvchi yakka tartibdagi tadbirkorlar uchun) boʻyicha taqsimlashning yillik va choraklik loyihalarini Vazirlar Mahkamasi tomonidan tasdiqlanadigan davlat resurslaridan oziq-ovqatga moʻljallangan bugʻdoydan foydalanish balanslari koʻrsatkichlariga qatʼiy rioya qilgan holda Oʻzbekiston Respublikasi Iqtisodiyot vazirligi ishtirokida ishlab chiqadi, ularni navbatdagi yil choragi boshlanishidan kamida 20 kun oldin Vazirlar Mahkamasining Isteʼmol tovarlari ishlab chiqarish va savdo kompleksiga tasdiqlash uchun kiritadi.

Unning bozor fondi kvotalari viloyatlar, shaharlar va tumanlar boʻyicha shahar va qishloq aholisi soni, sanoat markazlari mavjudligi, savdo va non yopish tashkilotlarining joylashishi, shuningdek qishloq xoʻjaligi korxonalari, dehqon va fermer xoʻjaliklari ixtiyorida qoladigan oziq-ovqatga moʻljallangan bugʻdoy hajmi hisobga olingan holda taqsimlanadi. Zarur maʼlumotlar “Oʻzdonmahsulot” korporatsiyasiga Oʻzbekiston Respublikasi Iqtisodiyot vazirligi tomonidan taqdim etiladi.

Bunda boshoqli don ekinlarining 2002-yilgi hosilidan boshlab unning bozor fondi qishloq joylar, sanoat markazlari va viloyat ahamiyatiga ega boʻlgan shaharlar boʻyicha alohida prognozlashtiriladi.

2. Unning bozor fondining Qoraqalpogʻiston Respublikasi, viloyatlar va Toshkent shahri hamda undan foydalanish yoʻnalishlari boʻyicha tasdiqlangan kvotalari “Oʻzdonmahsulot” davlat korporatsiyasiga yetkaziladi.

3. “Oʻzdonmahsulot” davlat korporatsiyasi navbatdagi yil choragi boshlanishidan kamida 10 kun oldin qishloq joylari, sanoat markazlari, viloyat ahamiyatiga ega boʻlgan shaharlar, shuningdek undan foydalanish yoʻnalishlari uchun moʻljallangan un hajmlarini koʻrsatgan holda unning tasdiqlangan bozor fondi kvotalarini Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yetkazadi.

4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari “Savdo” va “Matlubotsavdo” hududiy aksiyadorlik kompaniyalari bilan birgalikda tumanlar va shaharlar aholisining soniga, yakka tartibdagi tadbirkorlar mavjudligiga (soliq organlari maʼlumotlari boʻyicha), shuningdek qishloq xoʻjaligi korxonalari, fermer va dehqon xoʻjaliklari ixtiyorida qoladigan oziq-ovqatga moʻljallangan bugʻdoy hajmlariga qarab unning bozor fondi kvotalarini viloyatlar tumanlari va shaharlari boʻyicha taqsimlaydilar hamda ularni tumanlar va shaharlar hokimliklariga yetkazadilar.

5. Unning bozor fondi kvotalarining koʻrsatib oʻtilgan taqsimlanishi bir vaqtning oʻzida “Oʻzdonmahsulot” korporatsiyasining hududiy aksiyadorlik birlashmalariga yetkaziladi, ular ushbu kvotalarni viloyatning un tortish zavodlari boʻyicha taqsimlaydilar.

6. Tumanlar va shaharlar hokimliklari unning bozor fondi kvotalarini chakana savdo korxonalari (savdo tashkilotlarining joylashishiga muvofiq), non zavodlari, ijtimoiy soha muassasalari, umumiy ovqatlanish korxonalariga, “Oʻzdonmahsulot” davlat-aksiyadorlik korporatsiyasi boʻlinmalarining unni non va qandolatchilik mahsulotlarini yakka tartibda ishlab chiqaruvchi tadbirkorlarga ulgurji-chakana sotish boʻyicha ixtisoslashtirilgan firma doʻkonlariga taqsimlaydilar.

7. Chakana savdo korxonalari, non zavodlari, ijtimoiy soha va umumiy ovqatlanish muassasalari, shuningdek “Oʻzdonmahsulot” davlat-aksiyadorlik korporatsiyasining non va qandolatchilik mahsulotlarini yakka tartibda ishlab chiqaruvchi tadbirkorlarga un sotish boʻyicha firma doʻkonlari unning bozor fondini olish uchun “Oʻzdonmahsulot” davlat-aksiyadorlik korporatsiyasining un tortish korxonalari bilan toʻgʻridan toʻgʻrishartnomalari tuzadilar.

“Oʻzdonmahsulot” davlat-aksiyadorlik korporatsiyasi unning bozor fondini har 10 kunda qatʼiy tasdiqlangan jadvallar boʻyicha beradi hamda un resurslari un tortish zavodlari tomonidan belgilangan kvotalar va tasdiqlangan shartnomalarga muvofiq savdo va non yopish tashkilotlariga maqsadli berilishi ustidan qatʼiy nazoratni amalga oshiradi.

Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari unning bozor fondi kvotalari samarali va maqbul taqsimlanishi, ulardan maqsadli foydalanilishi hamda aholi non mahsulotlari bilan uzluksiz, barqaror taʼminlanishi uchun toʻliq javob beradilar.

Oʻzbekiston Respublikasi Davlat statistika qoʻmitasi “Oʻzdonmahsulot” davlat-aksiyadorlik korporatsiyasi ishtirokida unning bozor fondidan mintaqalar va foydalanish yoʻnalishlari boʻyicha foydalanilishiga doir har oylik statistika hisobotini yuritadi.