Iste’mol mollari va xizmatlari narxlarining oshishi davom etayotganligi va aholini ijtimoiy himoya qilishni ta’minlash zarurligi munosabati bilan Vazirlar Mahkamasi qaror qiladi:

4. O‘zbekiston Respublikasi Mehnat vazirligi Moliya vazirligi, Oliy va o‘rta maxsus ta’lim vazirligi, Xalq ta’limi vazirligi, Madaniyat vazirligi, Sog‘liqni saqlash vazirligi, Ijtimoiy ta’minot vazirligi, Uy-joy-kommunal xo‘jaligi vazirligi, Mudofaa ishlari vazirligi, Adliya vazirligi, Oliy Sudi, Oliy hakamlik sudi, Prokuraturasi, Davlat teleradioeshittirish kompaniyasi, Davlat jismoniy tarbiya va sport qo‘mitasi, O‘zbekiston arxivlar bosh boshqarmasi hamda O‘zbekiston Respublikasi davlat muassasalari organlari bilan birgalikda xalq ta’limi, sog‘liqni saqlash, madaniyat, ijtimoiy ta’minot, fan, davlat muassasalari va uy-joy-kommunal xo‘jaligi tarmoqlari (nomoddiy ishlab chiqarish sohalari) xodimlari tarif stavkalari va maoshlarining yangi miqdorlarini ishlab chiqsin va tasdiqlasin.

5. O‘zbekiston Respublikasi Prezidentining “Barcha turdagi maktablarning o‘qituvchilariga, bolalar uylarining tarbiyachilariga qo‘shimcha imtiyozlar berish, yuqori sinflar o‘qituvchilarining ish haqini oshirish to‘g‘risida” 1990-yil 13-noyabrdagi Farmonining amal qilishi 1992-yil 1-yanvardan boshlab quyidagilarga ham tatbiq etilsin:

maktabgacha va maktabdan tashqari bolalar muassasalarining tarbiyachilariga, o‘qituvchilariga, respublika hunar-texnika ta’limi tizimining o‘qituvchilariga va ishlab chiqarish ustalariga;

bolalar-o‘smirlar sport maktablarining, olimpiya rezervlari maktablarining direktorlariga, direktor o‘rinbosarlariga, o‘rgatuvchi-o‘qituvchilariga, yo‘riqchi-metodistlariga;

O‘zbekiston Respublikasi Madaniyat vazirligining bolalar musiqa maktablari va san’at maktablari direktorlariga, direktor o‘rinbosarlariga, o‘qituvchilariga, konsertmeystyerlariga;

internat maktablar va bolalar uylarining maxsus fanlar o‘qituvchilariga va musiqa rahbarlariga.

9. O‘zbekiston Respublikasi Moliya vazirligi respublikaning 1992-yilgi budjetida ko‘rsatilgan aholi toifalarining pensiyalarini, stipendiyalari va ish haqlarini oshirish uchun zarur mablag‘larni nazarda tutsin, bunda ushbu maqsadlarga budjetdan tashqari va boshqa manbalarni jalb qilishni ta’minlashni hisobga olsin.

10. O‘zbekiston Respublikasi Davlat banki, O‘zbekiston sanoat-qurilish banki, O‘zbekiston dehqonchilik-sanoat banki, O‘zbekiston jamg‘armalar banki mazkur qarorda belgilangan miqdorlardan kelib chiqqan holda ish haqi, stipendiyalar, pensiyalar va nafaqalar to‘lashga naqd pul berishni ta’minlasinlar,

12. Belgilab qo‘yilsinki, viloyatlar va shaharlar xodimlarini mehnatga haq to‘lash guruhlariga kiritish O‘zbekiston Respublikasi Prezidenti huzuridagi Vazirlar Mahkamasi tomonidan belgilanadi.

Davlat hokimiyati va boshqaruv organlari xodimlariga mehnat haqi to‘lash sharoitlari bo‘yicha Toshkent shahri “guruhdan tashqari” viloyatlar toifasiga tenglashtirilsin.

Davlat hokimiyati va boshqaruv organlari xodimlariga mehnat haqi to‘lash sharoitlari bo‘yicha Qashqadaryo viloyati ikkinchi guruhdan birinchi guruhga o‘tkazilsin.

14. Vazirliklar, idoralar, uyushmalar, konsernlar, birlashmalar, korxonalar va xo‘jaliklar 1992-yilda ishlovchilarning ish haqini, uning belgilangan eng oz miqdorini hisobga olgan holda, yanada ko‘paytirishni ta’minlovchi chora-tadbirlarni amalga oshirishni nazarda tutsinlar, bunda erkin va shartnomaviy narxlardan keng foydalanishni, iste’mol fondi bo‘yicha barcha cheklashlarni bekor qilishni, ishlab chiqarishni o‘stirishning mavjud rezervlarini jalb qilishni ko‘zda tutsinlar.

15. O‘zbekiston Respublikasi Prezidenti huzuridagi Vazirlar Mahkamasining “Davlat boshqaruv organlari apparati, sud organlari va notarial idoralar xodimlarining lavozim maoshlari to‘g‘risida” 1991-yil 23-noyabrdagi 298-son qarori o‘z kuchini yo‘qotgan deb hisoblansin.

16. Adliya vazirligi, Mehnat vazirligi manfaatdor vazirliklar va idoralar bilan birgalikda bir oy muddat ichida, mazkur qarordan kelib chiqqan xolda, amaldagi qonunchilikka o‘zgartishlar va qo‘shimchalar kiritish to‘g‘risida takliflar tayyorlasinlar va kiritsinlar.

17. Mazkur qarorning bajarilishini nazorat qilish Vazirlar Mahkamasi Raisining o‘rinbosarlari — komplekslarning rahbarlariga yuklatilsin.