Oʻzbekiston Respublikasi Prezidentining “Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi huzurida Oʻzbekistondagi Islom madaniyati markazini tashkil etish chora-tadbirlari toʻgʻrisida” 2017-yil 23-iyundagi PQ-3080-son qaroriga oʻzgartirish kiritish haqida” 2017-yil 1-dekabrdagi PQ-3420-son qaroriga muvofiq Vazirlar Mahkamasi qaror qiladi:

1. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Oʻzbekistondagi Islom madaniyati markazi faoliyatini tashkil etish toʻgʻrisida” 2017-yil 2-avgustdagi 572-son qaroriga (Oʻzbekiston Respublikasi QHT, 2017-y., 31-son, 782-modda) ilovaga muvofiq oʻzgartirishlar kiritilsin.

2. Mazkur qarorning ijrosini nazorat qilish Vazirlar Mahkamasining Madaniyat, sanʼat va yoshlar siyosati masalalari axborot-tahlil departamentiga yuklansin.

1. Qarorning nomi, muqaddimasi, 1 va 2-bandlaridagi “madaniyati” soʻzi “sivilizatsiyasi” soʻzi bilan almashtirilsin.

2. Ilovada:

a) nomi va 10-bandning oʻn ikkinchi xatboshisidagi “madaniyati” soʻzi “sivilizatsiyasi” soʻzi bilan almashtirilsin;

b) 6-band quyidagi tahrirda bayon etilsin:

“6. Markazning toʻliq nomi:

davlat (oʻzbek) tilida — Oʻzbekiston Respublikasi Vazirlar Mahkamasi huzuridagi Oʻzbekistondagi Islom sivilizatsiyasi markazi;

rus tilida — Sentr islamskoy sivilizatsii v Uzbekistane pri Kabinete Ministrov Respubliki Uzbekistan;

ingliz tilida — Center of Islamic Civilization in Uzbekistan under the Cabinet of Ministers of the Republic of Uzbekistan;

arab tilida — لدي مجلس الوزراء لجمهورية أوزبكستان مركز الحضارة الإسلامية في أوزبكستان ”.