1-modda. O‘zbekiston Respublikasining 1993-yil 2-sentabrda qabul qilingan “Mahalliy davlat hokimiyati to‘g‘risida”gi 913-XII-sonli Qonuni (O‘zbekiston Respublikasi Oliy Kengashining Axborotnomasi, 1993-yil, № 9, 320-modda; O‘zbekiston Respublikasi Oliy Majlisining Axborotnomasi, 1997-yil, № 9, 241-modda; 1999-yil, № 1, 20-modda; 2005-yil, № 1, 18-modda; O‘zbekiston Respublikasi Oliy Majlisi palatalarining Axborotnomasi, 2005-yil, № 12, 418-modda; 2007-yil, № 4, 163-modda, № 9, 420-modda; 2008-yil, № 12, 640-modda; 2013-yil, № 12, 350-modda; 2014-yil, № 4, 86-modda, № 5, 130-modda; 2015-yil, № 6, 228-modda; 2017-yil, № 6, 300-modda, № 8, 383-modda, № 9, 510-modda) 25-moddasining birinchi qismiga quyidagi qo‘shimcha va o‘zgartish kiritilsin:

quyidagi mazmundagi o‘n uchinchi xatboshi bilan to‘ldirilsin:

“qonun hujjatlarida belgilanadigan alohida soliqlar bo‘yicha belgilangan stavkalarga hududlarning hamda faoliyatni amalga oshirish joyining xususiyatlarini inobatga olgan holda pasaytiruvchi va oshib boruvchi koeffitsiyentlarni kiritish”;

o‘n uchinchi xatboshi o‘n to‘rtinchi xatboshi deb hisoblansin.

3-modda. O‘zbekiston Respublikasining 2013-yil 26-dekabrda qabul qilingan O‘RQ-360-sonli Qonuni bilan tasdiqlangan O‘zbekiston Respublikasining Budjet kodeksiga (O‘zbekiston Respublikasi Oliy Majlisi palatalarining Axborotnomasi, 2013-yil, 12-songa 1-ilova; 2014-yil, № 9, 244-modda; 2015-yil, № 12, 452-modda; 2016-yil, № 12, 383, 385-moddalar; 2017-yil, № 6, 300-modda, № 10, 605-modda) quyidagi o‘zgartish va qo‘shimchalar kiritilsin:

1) 28-modda:

birinchi qismining o‘n birinchi xatboshisi quyidagi tahrirda bayon etilsin:

“qonun hujjatlarida belgilanadigan alohida soliqlar bo‘yicha belgilangan stavkalarga pasaytiruvchi va oshib boruvchi koeffitsiyentlarni kiritish to‘g‘risida hududlarning faoliyatni amalga oshirish joyining xususiyatlarini inobatga olgan holda qarorlar qabul qiladi”;

quyidagi mazmundagi ikkinchi qism bilan to‘ldirilsin:

“Qoraqalpog‘iston Respublikasi Vazirlar Kengashi, viloyatlar va Toshkent shahar, tumanlar va shaharlar hokimlari ushbu moddaning birinchi qismida ko‘rsatilgan vakolatlar bilan bir qatorda tegishincha Qoraqalpog‘iston Respublikasi respublika budjetining, viloyatlar viloyat budjetlari va Toshkent shahri shahar budjetining, tumanlar va shaharlar budjetlarining zaxira jamg‘armalari mablag‘laridan foydalanish to‘g‘risida qarorlar qabul qiladi”;

ikkinchi qismi uchinchi qism deb hisoblansin;

2) 36-moddaning matni quyidagi tahrirda bayon etilsin:

“Davlat maqsadli jamg‘armalari quyidagilardan iborat:

O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi;

O‘zbekiston Respublikasi Vazirlar Mahkamasi huzuridagi Respublika yo‘l jamg‘armasi;

O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi huzuridagi Xususiylashtirilgan korxonalarga ko‘maklashish jamg‘armasi;

O‘zbekiston Respublikasining Bandlikka ko‘maklashish davlat jamg‘armasi;

O‘zbekiston Respublikasi Moliya vazirligi huzuridagi budjetdan tashqari Ta’lim va tibbiyot muassasalarining moddiy-texnika bazasini rivojlantirish jamg‘armasi;

O‘zbekiston Respublikasi Vazirlar Mahkamasi huzuridagi Sug‘oriladigan yerlarning meliorativ holatini yaxshilash jamg‘armasi”;

3) 38-moddadagi “Moliya vazirligi” degan so‘zlar “Vazirlar Mahkamasi” degan so‘zlar bilan almashtirilsin;

4) 39-moddadagi “Davlat mulkini xususiylashtirishdan tushgan mablag‘lar” degan so‘zlar “O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi huzuridagi Xususiylashtirilgan korxonalarga ko‘maklashish” degan so‘zlar bilan almashtirilsin;

5) 41-modda quyidagi tahrirda bayon etilsin:

O‘zbekiston Respublikasi Moliya vazirligi huzuridagi budjetdan tashqari Ta’lim va tibbiyot muassasalarining moddiy-texnika bazasini rivojlantirish jamg‘armasi ta’lim hamda tibbiyot muassasalarini rekonstruksiya qilish va mukammal ta’mirlash, jihozlashga (to‘liq jihozlashga) yo‘naltiriladigan, ushbu Kodeksning 57-moddasida nazarda tutilgan majburiy to‘lovlar va boshqa manbalardan tushadigan mablag‘larni jamlaydi.

O‘zbekiston Respublikasi Moliya vazirligi huzuridagi budjetdan tashqari Ta’lim va tibbiyot muassasalarining moddiy-texnika bazasini rivojlantirish jamg‘armasining yuqori boshqaruv organi Jamg‘armani boshqarish kengashidir”;

6) 42-moddadagi “Moliya vazirligi” degan so‘zlar “Vazirlar Mahkamasi” degan so‘zlar bilan almashtirilsin;

7) 43-modda chiqarib tashlansin;

8) 51-moddaning 5-bandidagi “va jarima sanksiyalari” degan so‘zlar “jarima sanksiyalari va davlat daromadiga o‘tkazilgan mol-mulkni realizatsiya qilishdan tushgan tushumlar” degan so‘zlar bilan almashtirilsin;

9) 52-modda:

birinchi qismi 2-bandining:

ikkinchi xatboshisi chiqarib tashlansin;

uchinchi — yettinchi xatboshilari tegishincha ikkinchi — oltinchi xatboshilar deb hisoblansin;

ikkinchi xatboshisidagi “transport vositalariga” degan so‘zlar chiqarib tashlansin;

ikkinchi qismidagi “va dotatsiyalar” degan so‘zlar “dotatsiyalar va maqsadli ijtimoiy transfertlar” degan so‘zlar bilan almashtirilsin;

quyidagi mazmundagi to‘rtinchi qism bilan to‘ldirilsin:

“Mahalliy soliqlar va boshqa majburiy to‘lovlar tasdiqlangan normativlarga muvofiq Qoraqalpog‘iston Respublikasi respublika budjeti, viloyatlarning viloyat budjeti, Toshkent shahri shahar budjeti hamda tumanlar va shaharlar budjetlari o‘rtasida qayta taqsimlanishi mumkin”;

10) 54-moddaning nomidagi va birinchi xatboshisidagi “Moliya vazirligi” degan so‘zlar “Vazirlar Mahkamasi” degan so‘zlar bilan almashtirilsin;

11) 55-modda quyidagi tahrirda bayon etilsin:

O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi huzuridagi Xususiylashtirilgan korxonalarga ko‘maklashish jamg‘armasining daromadlari:

davlat mulki bo‘lgan korxonalarni, xo‘jalik jamiyatlarining ustav jamg‘armalaridagi aksiyalarni (ulushlarni), yer uchastkalari va boshqa mol-mulkni realizatsiya qilish;

ustav jamg‘armalarida davlat ulushi bo‘lgan xo‘jalik jamiyatlarini tugatishdan tushgan tushumlar;

davlat mulki ijarasidan tushadigan mablag‘lar, ijara to‘lovini kechiktirganlik uchun penya va shartnoma majburiyatlarini buzganlik uchun jarima summalari;

qonun hujjatlariga muvofiq boshqa manbalar hisobidan shakllantiriladi”;

12) 57-modda quyidagi tahrirda bayon etilsin:

O‘zbekiston Respublikasi Moliya vazirligi huzuridagi budjetdan tashqari Ta’lim va tibbiyot muassasalarining moddiy-texnika bazasini rivojlantirish jamg‘armasining daromadlari:

Ta’lim va tibbiyot muassasalarining moddiy-texnika bazasini rivojlantirish jamg‘armasiga majburiy ajratmalar;

Davlat budjeti mablag‘lari;

qonun hujjatlariga muvofiq boshqa manbalar hisobidan shakllantiriladi”;

13) 58-moddadagi “Moliya vazirligi” degan so‘zlar “Vazirlar Mahkamasi” degan so‘zlar bilan almashtirilsin;

14) 59-modda chiqarib tashlansin;

15) 69-modda:

birinchi qismining:

oltinchi xatboshisi “davlat hokimiyati va boshqaruvi organlarini” degan so‘zlardan keyin “adliya va prokuratura organlarini” degan so‘zlar bilan to‘ldirilsin;

yettinchi xatboshisidagi “adliya va prokuratura organlarini” degan so‘zlar chiqarib tashlansin;

ikkinchi qismi “Toshkent shahri shahar budjetining” degan so‘zlardan keyin “tumanlar va shaharlar budjetlarining” degan so‘zlar bilan to‘ldirilsin;

16) 70-modda:

birinchi qismi:

1-bandining:

uchinchi xatboshisidagi “Salomatlik va tibbiyot statistikasi instituti” degan so‘zlar chiqarib tashlansin;

o‘n ikkinchi xatboshisi “jamoat ishlarini moliyalashtirish” degan so‘zlar bilan to‘ldirilsin;

3-bandi:

to‘rtinchi xatboshisidagi “Moliya vazirligi” degan so‘zlar “Vazirlar Mahkamasi” degan so‘zlar bilan almashtirilsin;

quyidagi mazmundagi yettinchi xatboshi bilan to‘ldirilsin:

“Sof ichimlik suvi” jamg‘armasi orqali ichimlik suvi bilan ta’minlash tizimini rivojlantirish bilan bog‘liq xarajatlar”;

5-bandi:

birinchi xatboshisi “davlat hokimiyati va boshqaruvi organlarini” degan so‘zlardan keyin “adliya va prokuratura organlarini” degan so‘zlar bilan to‘ldirilsin;

quyidagi mazmundagi o‘ninchi xatboshi bilan to‘ldirilsin:

“adliya va prokuratura organlarini”;

6-bandidagi “adliya va prokuratura organlarini” degan so‘zlar chiqarib tashlansin;

ikkinchi qismining ikkinchi xatboshisidagi “va dotatsiyalar” degan so‘zlar “dotatsiyalar va maqsadli ijtimoiy transfertlar” degan so‘zlar bilan almashtirilsin;

17) 71-modda:

birinchi qismi:

1-bandi:

ikkinchi xatboshisidagi “o‘rta maxsus, kasb-hunar ta’limi” degan so‘zlar chiqarib tashlansin;

quyidagi mazmundagi o‘ninchi xatboshi bilan to‘ldirilsin:

“kam ta’minlangan oilalarga to‘lanadigan ijtimoiy nafaqalar, moddiy yordam hamda tabiiy ofatlardan jabrlangan oilalarga moddiy yordam”;

2-bandi:

oltinchi xatboshisi chiqarib tashlansin;

yettinchi xatboshisi oltinchi xatboshi deb hisoblansin;

quyidagi mazmundagi 6¹-band bilan to‘ldirilsin:

“6¹) harbiy-ma’muriy sektorga yuklatilgan tadbirlarni va vazifalarni amalga oshirish va hal qilish xarajatlari”;

ikkinchi qismidagi “va o‘tkazib beriladigan daromadlar” degan so‘zlar “o‘tkazib beriladigan daromadlar va maqsadli ijtimoiy transfertlar” degan so‘zlar bilan almashtirilsin;

18) 72 va 73-moddalar quyidagi tahrirda bayon etilsin:

Tumanlar va shaharlar budjetlaridan quyidagi xarajatlar amalga oshiriladi:

1) ijtimoiy soha va aholini ijtimoiy qo‘llab-quvvatlash xarajatlari, shu jumladan:

tumanlar (shaharlar) xalq ta’limi bo‘limlari va maktabgacha ta’lim bo‘limlarini, shuningdek ular tasarrufidagi maktabgacha ta’lim, umumiy o‘rta ta’lim, maktabdan tashqari ta’lim muassasalarini saqlab turish hamda qonun hujjatlarida tumanlar va shaharlar budjetlaridan moliyalashtirilishi nazarda tutilgan ta’lim tizimidagi tadbirlar xarajatlari;

tuman tibbiyot birlashmalari, tuman markaziy poliklinikalari va koykasiz dispanserlar, tumanlar (shaharlar) tibbiyot birlashmalari tasarrufidagi davolash-profilaktika muassasalari, oilaviy poliklinikalar, qishloq vrachlik punktlarini saqlab turish xarajatlari;

qabul qilingan davlat dasturlariga muvofiq fuqarolarning sog‘lig‘ini saqlash tadbirlarini amalga oshirish xarajatlari;

tumanlar (shaharlar) madaniyat bo‘limlari tasarrufidagi madaniyat muassasalarini, jismoniy tarbiya va sport muassasalarini saqlab turish, shuningdek madaniyatni, jismoniy tarbiya va sportni, bolalar musiqa va san’at maktablarini rivojlantirishga doir maqsadli tadbirlar xarajatlari;

uyda ijtimoiy yordam ko‘rsatish, Chernobil AES halokati oqibatlarini tugatishda ishtirok etgan shaxslarni va radiatsiya-yadro obyektlarida harbiy xizmatni o‘tagan pensiya yoshidagi shaxslarni ijtimoiy qo‘llab-quvvatlash xarajatlari;

2) iqtisodiyot xarajatlari, shu jumladan:

tumanlar va shaharlar davlat veterinariya bo‘limlari, laboratoriyalarni saqlab turish;

shaharlar va boshqa aholi punktlaridagi ko‘chalarni, shuningdek xo‘jaliklararo qishloq avtomobil yo‘llarini ta’mirlash;

uy-joy-kommunal xo‘jaligi obyektlarida ta’mirlash ishlarini olib borish;

aholi punktlarini obodonlashtirish xarajatlari;

3) tuman va shahar hokimliklarini hamda ularning bo‘limlarini saqlab turish xarajatlari;

4) fuqarolarning o‘zini o‘zi boshqarish organlarini saqlab turish xarajatlari;

5) tumanlar va shaharlar budjetlarining zaxira jamg‘armalarini shakllantirish xarajatlari;

6) boshqa xarajatlar, shu jumladan qonun hujjatlarida tumanlar va shaharlar budjetlaridan moliyalashtirilishi nazarda tutilgan ayrim tashkilotlar va tadbirlarning xarajatlari.

O‘zbekiston Respublikasi Vazirlar Mahkamasining, Qoraqalpog‘iston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetlarining zaxira jamg‘armalari moliya yili mobaynida iqtisodiy, ijtimoiy-madaniy va boshqa sohalardagi qo‘shimcha, ko‘zda tutilmagan xarajatlar o‘z vaqtida hamda uzluksiz moliyalashtirilishini ta’minlash uchun tashkil etiladi.

O‘zbekiston Respublikasi Vazirlar Mahkamasining, Qoraqalpog‘iston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetlarining zaxira jamg‘armalari mablag‘lari tegishincha O‘zbekiston Respublikasining respublika budjetiga, Qoraqalpog‘iston Respublikasining respublika budjetiga, viloyatlarning viloyat budjetlariga va Toshkent shahrining shahar budjetiga, tumanlar va shaharlarning budjetlariga tushadigan daromadlar hisobidan shakllantiriladi.

O‘zbekiston Respublikasi Vazirlar Mahkamasining, Qoraqalpog‘iston Respublikasi budjetining, viloyatlar va Toshkent shahar mahalliy budjetlarining zaxira jamg‘armalarining miqdori makroiqtisodiy ko‘rsatkichlar prognozi hamda Davlat budjetining asosiy parametrlari tasdiqlanayotganda belgilanadi.

Qoraqalpog‘iston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetlarining zaxira jamg‘armalari miqdori Qoraqalpog‘iston Respublikasi budjetining, viloyatlar va Toshkent shahar mahalliy budjetlarining parametrlari tasdiqlanayotganda belgilanadi.

O‘zbekiston Respublikasi Vazirlar Mahkamasining, Qoraqalpog‘iston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetlarining zaxira jamg‘armalari mablag‘larining taqsimlovchilari tegishincha O‘zbekiston Respublikasi Vazirlar Mahkamasi, Qoraqalpog‘iston Respublikasi Vazirlar Kengashi, viloyatlar va Toshkent shahar, tumanlar va shaharlar hokimlaridir.

O‘zbekiston Respublikasi Vazirlar Mahkamasining, Qoraqalpog‘iston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetlarining zaxira jamg‘armalari mablag‘laridan foydalanish to‘g‘risidagi moliya organlari bilan dastlab kelishilgan takliflar tashabbuskorlar tomonidan tegishincha O‘zbekiston Respublikasi Vazirlar Mahkamasi, Qoraqalpog‘iston Respublikasi Vazirlar Kengashi, viloyatlar va Toshkent shahar, tumanlar va shaharlar hokimlariga belgilangan tartibda kiritiladi.

O‘zbekiston Respublikasi Vazirlar Mahkamasining, Qoraqalpog‘iston Respublikasi respublika budjetining, viloyatlarning viloyat budjetlari va Toshkent shahri shahar budjetining, tumanlar va shaharlar budjetlarining zaxira jamg‘armalari mablag‘lari tegishincha O‘zbekiston Respublikasi Prezidenti, O‘zbekiston Respublikasi Vazirlar Mahkamasi, Qoraqalpog‘iston Respublikasi Vazirlar Kengashi, viloyatlar va Toshkent shahar, tumanlar va shaharlar hokimlarining qarorlari asosida, ushbu qarorlarda ko‘rsatilgan aniq maqsadlarga va miqdorlarda sarflanadi.

Agar O‘zbekiston Respublikasi Vazirlar Mahkamasining, Qoraqalpog‘iston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetlarining zaxira jamg‘armalaridan qo‘shimcha mablag‘lar ajratilishi taklif etilayotgan maqsadlar uchun Davlat budjetida ham mablag‘lar nazarda tutilgan bo‘lsa, u holda tegishli zaxira jamg‘armalarining mablag‘laridan foydalanish to‘g‘risidagi takliflar faqat ilgari tegishli budjetda nazarda tutilgan mablag‘lar sarflab bo‘linganidan keyingina kiritiladi.

Agar O‘zbekiston Respublikasi Vazirlar Mahkamasining, Qoraqalpog‘iston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetlarining zaxira jamg‘armalaridan mablag‘lar ajratilgan tadbirlar muayyan muddatga ega bo‘lsa, u holda foydalanilmay qolgan mablag‘lar tadbirlarni o‘tkazish muddati tugaganidan keyin o‘n ish kuni ichida tegishli zaxira jamg‘armasiga tiklanadi.

O‘zbekiston Respublikasi Vazirlar Mahkamasining, Qoraqalpog‘iston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetlarining zaxira jamg‘armasidan ajratilib, moliya yili davomida foydalanilmay qolgan budjetdan ajratilgan mablag‘lar moliya yili tugagach tegishli budjetga tiklanadi.

O‘zbekiston Respublikasi Vazirlar Mahkamasining, Qoraqalpog‘iston Respublikasi respublika budjetining, viloyatlar viloyat budjetlarining va Toshkent shahri shahar budjetining, tumanlar va shaharlar budjetlarining zaxira jamg‘armasidan mablag‘lar oluvchilar O‘zbekiston Respublikasi Moliya vazirligi va tegishli hududiy moliya organlariga tegishli zaxira jamg‘armasidan ajratilgan mablag‘lardan foydalanilishi to‘g‘risida har chorakda hisobot taqdim etadi”;

19) 75-moddaning nomidagi va birinchi xatboshisidagi “Moliya vazirligi” degan so‘zlar “Vazirlar Mahkamasi” degan so‘zlar bilan almashtirilsin;

20) 76-moddadagi “Davlat mulkini xususiylashtirishdan tushgan mablag‘lar” degan so‘zlar “O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi huzuridagi Xususiylashtirilgan korxonalarga ko‘maklashish” degan so‘zlar bilan almashtirilsin;

21) 77-moddaning yettinchi xatboshisi quyidagi tahrirda bayon etilsin:

“bandlikka ko‘maklashish markazlari bo‘linmalarining moddiy-texnika bazasini rivojlantirish”;

22) 78-modda quyidagi tahrirda bayon etilsin:

O‘zbekiston Respublikasi Moliya vazirligi huzuridagi budjetdan tashqari Ta’lim va tibbiyot muassasalarining moddiy-texnika bazasini rivojlantirish jamg‘armasining mablag‘laridan:

maktabgacha ta’lim muassasalarini, umumta’lim maktablari, kasb-hunar kollejlarini, akademik litseylarni, bolalar musiqa va san’at maktablarini, oliy ta’lim, ilmiy-tadqiqot muassasalarini, shuningdek tibbiyot muassasalarini qurish, rekonstruksiya qilish, mukammal ta’mirlash va jihozlash (qayta jihozlash) ishlarini moliyalashtirish;

sog‘liqni saqlash muassasalarini eng yangi laboratoriya, tashxis qo‘yish va davolash asbob-uskunalari, kompyuter texnikasi hamda boshqa tibbiy apparatlar, maxsus mebel va anjomlar bilan jihozlash hamda tizimli ravishda qayta jihozlashni moliyalashtirish;

belgilangan tartibda aniqlanadigan boshqa maqsadlar uchun foydalaniladi”;

23) 79-moddadagi “Moliya vazirligi” degan so‘zlar “Vazirlar Mahkamasi” degan so‘zlar bilan almashtirilsin;

24) 80-modda chiqarib tashlansin;

25) 95-moddaning beshinchi qismi quyidagi tahrirda bayon etilsin:

“Davlat maqsadli jamg‘armalari budjetlarining loyihalarini taqchillik bilan ishlab chiqishga, agar taqchillik davlat maqsadli jamg‘armalarining yil boshidagi qoldiq mablag‘lari bilan qoplanmasa, yo‘l qo‘yilmaydi”;

26) 98-moddaning:

yettinchi xatboshisidagi “va dotatsiyalarning” degan so‘zlar “dotatsiyalar va maqsadli ijtimoiy transfertlarning” degan so‘zlar bilan almashtirilsin;

o‘ninchi xatboshisidagi “Qoraqalpog‘iston Respublikasi respublika budjetining, viloyatlar viloyat budjetlarining va Toshkent shahri shahar budjetining” degan so‘zlar “Qoraqalpog‘iston Respublikasi budjeti, viloyatlar va Toshkent shahar mahalliy budjetlarining” degan so‘zlar bilan almashtirilsin;

27) 99-modda ikkinchi qismining:

ikkinchi xatboshisidagi “va dotatsiyalarning” degan so‘zlar “dotatsiyalar va maqsadli ijtimoiy transfertlarning” degan so‘zlar bilan almashtirilsin;

to‘rtinchi xatboshisi “Toshkent shahri shahar budjetining” degan so‘zlardan keyin “tumanlar va shaharlar budjetlarining” degan so‘zlar bilan to‘ldirilsin;

28) 100-modda:

birinchi qismining ikkinchi xatboshisidagi “va dotatsiyalar” degan so‘zlar “dotatsiyalar va maqsadli ijtimoiy transfertlar” degan so‘zlar bilan almashtirilsin;

ikkinchi qismining ikkinchi xatboshisidagi “hamda dotatsiyalar” degan so‘zlar “dotatsiyalar va maqsadli ijtimoiy transfertlar” degan so‘zlar bilan almashtirilsin;

29) 107-moddaning uchinchi qismi “Toshkent shahri shahar budjetining” degan so‘zlardan keyin “tumanlar va shaharlar budjetining” degan so‘zlar bilan to‘ldirilsin;

30) 112-moddaning oltinchi qismi o‘n to‘qqizinchi xatboshisi “Toshkent shahri shahar budjetining” degan so‘zlardan keyin “tumanlar va shaharlar budjetlarining” degan so‘zlar bilan to‘ldirilsin;

31) 119-moddaning birinchi qismi:

quyidagi mazmundagi beshinchi xatboshi bilan to‘ldirilsin:

“davlat daromadiga o‘tkazilgan mol-mulkni realizatsiya qilishdan tushgan tushumlar”;

beshinchi xatboshi oltinchi xatboshi deb hisoblansin;

32) 134-moddaning birinchi qismidagi “va o‘zaro hisob-kitoblar bo‘yicha mablag‘lar” degan so‘zlar “o‘zaro hisob-kitoblar bo‘yicha mablag‘lar va maqsadli ijtimoiy transfertlar” degan so‘zlar bilan almashtirilsin;

33) quyidagi mazmundagi 138¹-modda bilan to‘ldirilsin:

Maqsadli ijtimoiy transfertlar yuqori turuvchi budjetdan quyi turuvchi budjetga ta’lim va tibbiyot muassasalarining ish haqi va yagona ijtimoiy to‘lovlar bo‘yicha xarajatlarini qoplash uchun ajratiladi.

Maqsadli ijtimoiy transfertlarning miqdorlari:

O‘zbekiston Respublikasining respublika budjetidan Qoraqalpog‘iston Respublikasi budjetiga, viloyatlar va Toshkent shahar mahalliy budjetlariga – asosiy makroiqtisodiy ko‘rsatkichlar prognozi va Davlat budjetining asosiy parametrlari tasdiqlanayotganda;

Qoraqalpog‘iston Respublikasining respublika budjetidan, viloyatlarning viloyat budjetlari va Toshkent shahrining shahar budjetidan tumanlar va shaharlar budjetlariga — Qoraqalpog‘iston Respublikasi budjeti, viloyatlar va Toshkent shahar mahalliy budjetlari tasdiqlanayotganda Qoraqalpog‘iston Respublikasi Vazirlar Kengashi, viloyatlar va Toshkent shahar hokimlari tomonidan belgilanadi.

Foydalanilmagan maqsadli ijtimoiy transfertlar joriy moliya yili oxirida tegishli yuqori turuvchi budjetga qaytarilishi kerak”;

34) 140-moddaning uchinchi qismi “o‘tkazib beriladigan daromadlarning summasi” degan so‘zlardan keyin “maqsadli ijtimoiy transfertlar” degan so‘zlar bilan to‘ldirilsin;

35) 156-moddaning uchinchi qismi quyidagi tahrirda bayon etilsin:

“Davlat qimmatli qog‘ozlarini chiqarishdan olingan tushumlar:

Davlat budjeti taqchilligini qoplash uchun;

mamlakatning ijtimoiy-iqtisodiy rivojlanishi bo‘yicha chora-tadbirlar, O‘zbekiston Respublikasi Prezidentining qarorlari bilan belgilanadigan yirik investitsiya loyihalari va boshqa chora-tadbirlarni amalga oshirish uchun yo‘naltiriladi”;

36) 177-moddaning nomi va birinchi xatboshisi quyidagi tahririda bayon etilsin:

O‘zbekiston Respublikasi Moliya vazirligining Davlat moliyaviy nazorati bosh boshqarmasi va uning hududiy boshqarmalari”.

4-modda. O‘zbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid bo‘lgan o‘z normativ-huquqiy hujjatlarini qayta ko‘rib chiqishlari va bekor qilishlarini ta’minlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi o‘rtasida tushuntirilishini ta’minlasin.

5-modda. Ushbu Qonun 2018-yil 1-yanvardan e’tiboran kuchga kiradi.