Davlat xizmatlari koʻrsatishda fuqarolardan talab etilayotgan axborotlar va hujjatlar roʻyxatini tubdan qisqartirish maqsadida Vazirlar Mahkamasi qaror qiladi:

1. Quyidagi tartib belgilansin, unga koʻra fuqarolarga davlat xizmatlari koʻrsatish jarayonida:

chet eldagi harakatlar uchun zarur boʻlgan, xorijiy davlatlar organlari tomonidan tasdiqlangan yoki berilgan hujjatlarning, apostil qoʻyiladigan va belgilangan tartibda legallashtiriladigan, shuningdek, qonunda toʻgʻridan-toʻgʻri nazarda tutilgan holatlarda faqat hujjatlarning notarial tasdiqlangan nusxalari talab etiladi;

jismoniy va yuridik shaxslar tomonidan taqdim etiladigan hujjatlarning nusxalari olinadi, ular davlat xizmatlari koʻrsatuvchi organ tomonidan tasdiqlanadi, asl nusxalari esa qaytarib beriladi.

2. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

3. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov zimmasiga yuklansin.

1. Vazirlar Mahkamasining 1994-yil 22-martdagi 153-son qarori (Oʻzbekiston Respublikasi QT, 1994-y., 3-son, 18-modda) bilan tasdiqlangan Yuridik shaxslar birlashmalarini davlat roʻyxatidan oʻtkazish haqida Nizomning 4-bandi “b” kichik bandi ikkinchi xatboshi quyidagi tahrirda bayon etilsin:

“taʼsis shartnomasi va ustav (nusxalari olinib, asli qaytariladi)”.

2. Vazirlar Mahkamasining 1995-yil 6-yanvardagi 8-son qarori (Oʻzbekiston Respublikasi QT, 1995-y., 1-son, 1-modda) bilan tasdiqlangan Oʻzbekiston Respublikasi fuqarolarining chet elga chiqishi va Oʻzbekiston Respublikasi hududiga kirishi tartibi II boʻlimi 2-bandining yettinchi xatboshidagi “vafot etganlik toʻgʻrisidagi guvohnomaning yoki sudning shaxsni bedarak yoʻqolgan deb eʼtirof etish haqidagi qarorining notarial tasdiqlangan nusxasini” soʻzlari “vafot etganlik toʻgʻrisidagi guvohnomani yoki sudning shaxsni bedarak yoʻqolgan deb eʼtirof etish haqidagi qarorini (nusxalari olinib, asli qaytariladi)” soʻzlari bilan almashtirilsin.

3. Vazirlar Mahkamasining 1996-yil 21-noyabrdagi 408-son qarori bilan tasdiqlangan Xorijiy fuqarolar va fuqaroligi boʻlmagan shaxslarning Oʻzbekiston Respublikasiga kelishlari va Oʻzbekiston Respublikasidan ketishlari tartibi 16-bandining yettinchi xatboshidagi “vafot etganlik toʻgʻrisidagi guvohnomaning yoki sudning shaxsni bedarak yoʻqolgan deb eʼtirof etish haqidagi qarorining notarial tasdiqlangan nusxasini” soʻzlari “vafot etganlik toʻgʻrisidagi guvohnomani yoki sudning shaxsni bedarak yoʻqolgan deb eʼtirof etish haqidagi qarorini (nusxalari olinib, asli qaytariladi)” soʻzlari bilan almashtirilsin.

4. Vazirlar Mahkamasining 1998-yil 27-maydagi 232-son qarori (Oʻzbekiston Respublikasi QT, 1998-y., 5-son, 20-modda) bilan tasdiqlangan Kichik tadbirkorlikni rivojlantirish uchun loyihalarni tanlab olish va xorijiy kreditlarni berish tartibining 19-bandi yettinchi va sakkizinchi xatboshilari quyidagi tahrirda bayon etilsin:

“ — garov shartnomasi nusxasi, agar u talab qilinsa;

— sugʻurta polislari nusxalari”.

6. Vazirlar Mahkamasining 1999-yil 23-martdagi 131-son qarori (Oʻzbekiston Respublikasi QT, 1999-y., 3-son, 15-modda) bilan tasdiqlangan Madaniy boyliklarning olib chiqilishi va olib kirilishi tartibi toʻgʻrisidagi Nizomning 9-bandi quyidagi tahrirda bayon etilsin:

“9. Madaniy boyliklarning Oʻzbekiston Respublikasidan olib chiqilishi yoki vaqtincha olib chiqilishi huquqini beruvchi sertifikat olish uchun (1 va 1a-ilovalar) ularning egasi oldindan Oʻzbekiston Respublikasi Madaniyat vazirligiga belgilangan shakldagi yozma ariza (2-ilova), olib chiqib ketiladigan ashyolarning roʻyxatini, shuningdek, ashyolarning oʻzini taqdim etishi shart. Matbaa asarlari olib chiqilishi uchun roʻyxat ikki nusxada taqdim etiladi (3-ilova)”.

8. Vazirlar Mahkamasining 1999-yil 4-oktabrdagi 454-son qarori (Oʻzbekiston Respublikasi QT, 1999-y., 10-son, 60-modda) bilan tasdiqlangan Uy-joylarni xususiy uy-joy mulkdorlari shirkati boshqaruviga berish va uy-joy fondini saqlash va tuzatish masalalarida davlat hokimiyati organlari bilan oʻzaro hamkorlik qilish tartibi toʻgʻrisida Namunaviy nizomning 1.2-bandi ikkinchi xatboshi quyidagi tahrirda bayon etilsin:

“shirkatning yuridik shaxs sifatida roʻyxatdan oʻtkazilganligi toʻgʻrisidagi guvohnoma (nusxasi olinib, asli qaytariladi)”.

9. Vazirlar Mahkamasining 2000-yil 25-iyuldagi 283-son qarori (Oʻzbekiston Respublikasi QT, 2000-y., 7-son, 42-modda) bilan tasdiqlangan Xorijiy davlatlarda ilmiy daraja olganlik toʻgʻrisidagi hujjatlarni tan olish va nostrifikatsiyalash (ekvivalentligini qayd etish) tartibi toʻgʻrisida Nizomning 1-ilovasidagi Ilmiy daraja diplomini nostrifikatsiyalash boʻyicha Oʻzbekiston Respublikasi Oliy attestatsiya komissiyasiga yuboriladigan attestatsiya ishi hujjatlarining roʻyxati 3-bandi quyidagi tahrirda bayon etilsin:

“3. Ilmiy daraja diplomi (nusxasi olinib, asli qaytariladi)”.

11. Vazirlar Mahkamasining 2002-yil 27-noyabrdagi 413-son qarori (Oʻzbekiston Respublikasi QT, 2002-y., 11-son, 72-modda) bilan tasdiqlangan Sugʻurtalovchilar va sugʻurta brokerlarining sugʻurta faoliyatini litsenziyalash toʻgʻrisidagi Nizomning 9-bandida:

a) “a” kichik bandida:

toʻrtinchi xatboshi quyidagi tahrirda bayon etilsin:

“litsenziya talabgorining rahbari va bosh buxgalterining sugʻurta faoliyatini tartibga solish va nazorat qilish boʻyicha maxsus vakolatli davlat organi tomonidan belgilangan malaka talablariga muvofiqligini tasdiqlaydigan hujjatlar — soʻrovnoma, oliy maʼlumot toʻgʻrisidagi diplom yoxud vakolatli davlat organining xorijiy taʼlim muassasasida olingan oliy maʼlumot toʻgʻrisidagi hujjatning ekvivalentligini eʼtirof etish toʻgʻrisidagi guvohnoma hamda mehnat daftarchasi (nusxalari olinib, asli qaytariladi)”;

oʻn uchinchi va oʻn yettinchi xatboshilaridagi “notarial tasdiqlangan” soʻzlari chiqarib tashlansin;

b) “b” kichik bandining toʻrtinchi xatboshi quyidagi tahrirda bayon etilsin:

“litsenziya talabgorining rahbari va bosh buxgalterining sugʻurta faoliyatini tartibga solish va nazorat qilish boʻyicha maxsus vakolatli davlat organi tomonidan belgilangan malaka talablariga muvofiqligini tasdiqlaydigan hujjatlar — soʻrovnoma, oliy maʼlumot toʻgʻrisidagi diplom yoxud vakolatli davlat organining xorijiy taʼlim muassasasida olingan oliy maʼlumot toʻgʻrisidagi hujjatning ekvivalentligini eʼtirof etish toʻgʻrisidagi guvohnoma hamda mehnat daftarchasi (nusxalari olinib, asli qaytariladi)”.

12. Vazirlar Mahkamasining 2003-yil 31-yanvardagi 54-son qarori (Oʻzbekiston Respublikasi QT, 2003-y., 1-son, 12-modda) bilan tasdiqlangan Transport vositalarini majburiy texnik koʻrikdan oʻtkazish tartibi toʻgʻrisidagi Nizomning 30-bandida:

beshinchi xatboshi chiqarib tashlansin;

oltinchi — oʻninchi xatboshilar tegishli ravishda beshinchi — toʻqqizinchi xatboshilar deb hisoblansin.

13. Vazirlar Mahkamasining 2003-yil 16-iyuldagi 315-son qarori (Oʻzbekiston Respublikasi QT, 2003-y., 7-son, 63-modda) bilan tasdiqlangan Giyohvandlik vositalari, psixotrop moddalar va prekursorlarning muomalada boʻlishi bilan bogʻliq faoliyatni litsenziyalash toʻgʻrisidagi Nizom 12-bandining oʻn uchinchi xatboshi quyidagi tahrirda bayon etilsin:

“giyohvandlik vositalari, psixotrop moddalarning muomalada boʻlishi (saqlash, berish, sotish, tayyorlash, foydalanish, yoʻq qilish) sohasidagi masʼul xodim uchun oliy farmatsevtika maʼlumoti toʻgʻrisidagi diplom (nusxasi olinib, asli qaytariladi) hamda uni lavozimga tayinlash toʻgʻrisidagi buyruq nusxasi”.

15. Vazirlar Mahkamasining 2003-yil 3-noyabrdagi 479-son qarori (Oʻzbekiston Respublikasi QT, 2003-y., 11-son, 107-modda) bilan tasdiqlangan Veterinariya faoliyatini litsenziyalash toʻgʻrisidagi Nizomning 9-bandi quyidagi tahrirda bayon etilsin:

“9. Litsenziya olish uchun litsenziya talabgori litsenziyalovchi organga quyidagi hujjatlarni taqdim etadi:

a) litsenziya berish toʻgʻrisida ariza, unda quyidagilar koʻrsatiladi:

yuridik shaxs uchun — yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bank muassasasidagi hisob raqami;

jismoniy shaxs uchun — familiyasi, ismi, otasining ismi, fuqaroning shaxsini tasdiqlovchi hujjat maʼlumotlari;

yuridik yoki jismoniy shaxs amalga oshirishni moʻljallayotgan veterinariya faoliyati ishlari turlari;

b) litsenziyalovchi organ tomonidan litsenziya berish toʻgʻrisidagi ariza koʻrib chiqilganligi uchun yigʻim toʻlanganligini tasdiqlovchi hujjat;

v) hududiy sanitariya-epidemiologiya nazorati organining veterinariya faoliyatini amalga oshirish uchun moʻljallangan binolarning sanitariya normalari va qoidalariga muvofiqligi toʻgʻrisidagi xulosasi;

g) litsenziya talabgorida veterinariya faoliyatini amalga oshirish uchun zarur boʻlgan mavjud asbob-uskunalar va apparaturalar roʻyxati;

d) tegishli yakka tartibdagi tadbirkorning malakasini tasdiqlovchi hujjatlar (diplom, malaka oshirish, ixtisoslashuvdan oʻtish toʻgʻrisidagi hujjatlar, mehnat daftarchasining nusxalari)”.

17. Vazirlar Mahkamasining 2007-yil 3-yanvardagi 2-son qarori (Oʻzbekiston Respublikasi QT, 2007-y., 1-son, 1-modda) bilan tasdiqlangan Uy-joy qurilishiga, uni rekonstruksiya qilishga va sotib olishga ipoteka krediti berish toʻgʻrisidagi Nizomda:

23-bandning ikkinchi xatboshi quyidagi tahrirda bayon etilsin:

“1) qonun hujjatlarida belgilangan tartibda yakka tartibda uy-joy qurish uchun ariza beruvchining yer uchastkasiga (doimiy foydalanish, meros qilib qoldirish huquqi bilan umrbod egalik qilish, mulk egasi) boʻlgan huquqini tasdiqlovchi hujjat (nusxasi olinib, asli qaytariladi)”;

24-bandning ikkinchi xatboshi quyidagi tahrirda bayon etilsin:

“1) rekonstruksiya qilinadigan yakka tartibdagi uy-joyga boʻlgan huquqni tasdiqlovchi hujjatlar (nusxalari olinib, asli qaytariladi)”.

18. Vazirlar Mahkamasining 2007-yil 21-noyabrdagi 242-son qarori (Oʻzbekiston Respublikasi QT, 2007-y., 11-son, 64-modda) bilan tasdiqlangan Axborotning kriptografik himoya vositalarini loyihalashtirish, tayyorlash, ishlab chiqarish, realizatsiya qilish, taʼmirlash va ulardan foydalanish faoliyatini litsenziyalash toʻgʻrisidagi Nizomning 9-bandida:

uchinchi xatboshi chiqarib tashlansin;

toʻrtinchi — yettinchi xatboshilar tegishli ravishda uchinchi — oltinchi xatboshilar deb hisoblansin.

19. Vazirlar Mahkamasining 2007-yil 22-noyabrdagi 244-son qarori (Oʻzbekiston Respublikasi QT, 2007-y., 11-son, 65-modda) bilan tasdiqlangan Yuridik xizmatlar xodimlarini attestatsiyadan oʻtkazish va ularning malakasini oshirish tartibi toʻgʻrisida Nizom 11-bandining toʻrtinchi xatboshi quyidagi tahrirda bayon etilsin:

“oliy yuridik maʼlumot toʻgʻrisidagi diplom yoki oliy yuridik maʼlumot toʻgʻrisidagi diplomdan koʻchirma. Agar talabgor chet mamlakatlarda taʼlim olgan boʻlsa, chet mamlakatlarda taʼlim olganligini tasdiqlovchi hujjatning va vakolatli davlat organi tomonidan berilgan, taʼlim olganligi toʻgʻrisidagi hujjatning tan olinganligi yoki ekvivalentligi qayd etilgan guvohnoma (nusxalari olinib, asli qaytariladi)”.

20. Vazirlar Mahkamasining 2008-yil 24-iyundagi 141-son qarori (Oʻzbekiston Respublikasi QT, 2008-y., 6-son, 32-modda) bilan tasdiqlangan Transport vositalari egalarining fuqarolik javobgarligini majburiy sugʻurta qilish qoidalarining 12-bandi yettinchi xatboshidagi ikkinchi jumla chiqarib tashlansin.

21. Vazirlar Mahkamasining 2008-yil 28-iyuldagi 161-son qarori (Oʻzbekiston Respublikasi QT, 2008-y., 7-son, 38-modda) bilan tasdiqlangan Sud organlari soʻrovnomalariga koʻra bahsli vaziyatlarda baholanuvchi obyektlarni baholash materiallarini ekspertizadan oʻtkazish boʻyicha ekspert komissiyasining ishini tashkil etish tartibi toʻgʻrisidagi Nizom 14-bandining toʻrtinchi xatboshidagi “notarial tasdiqlangan” soʻzlari chiqarib tashlansin.

22. Vazirlar Mahkamasining 2008-yil 4-avgustdagi 169-son qarori (Oʻzbekiston Respublikasi QT, 2008-y., 8-son, 42-modda) bilan tasdiqlangan Xorijiy fuqarolarni Oʻzbekiston Respublikasi taʼlim muassasalariga oʻqishga qabul qilish va oʻqitish tartibi toʻgʻrisidagi Nizomning 18-bandi uchinchi xatboshidagi “va notarial tasdiqlangan nusxalari” soʻzlari chiqarib tashlansin.

23. Vazirlar Mahkamasining 2008-yil 30-oktabrdagi 235-son qarori (Oʻzbekiston Respublikasi QT, 2008-y., 10-son, 59-modda) bilan tasdiqlangan Hakamlik sudlari hisobini yuritish tartibi toʻgʻrisidagi Nizomda:

a) 6-bandda:

ikkinchi xatboshidagi “guvohnomaning notarius tomonidan tasdiqlangan nusxasi” soʻzlari “guvohnoma” degan soʻz bilan almashtirilsin;

yettinchi xatboshidagi “diplomlarining (oliy yuridik maʼlumoti boʻlganda) notarius tomonidan tasdiqlangan nusxalari” soʻzlari “diplomlari (oliy yuridik maʼlumoti boʻlganda)” soʻzlari bilan almashtirilsin;

sakkizinchi xatboshidagi “daftarchalarining (mavjud boʻlganda) notarius tomonidan tasdiqlangan nusxalari” soʻzlari “daftarchalari (mavjud boʻlganda)” soʻzlari bilan almashtirilsin;

quyidagi mazmundagi xatboshi qoʻshilsin:

“Ikkinchi, yettinchi va sakkizinchi xatboshilarda koʻrsatilgan hujjatlardan nusxalar olinib, asli qaytarib beriladi”;

b) 11-bandda:

beshinchi xatboshidagi “diplomlarining (oliy yuridik maʼlumoti boʻlganda) notarius tomonidan tasdiqlangan nusxalari” soʻzlari “diplomlari (oliy yuridik maʼlumoti boʻlganda)” soʻzlari bilan almashtirilsin;

oltinchi xatboshidagi “daftarchalarining (mavjud boʻlganda) notarius tomonidan tasdiqlangan nusxalari” soʻzlari “daftarchalari (mavjud boʻlganda)” soʻzlari bilan almashtirilsin;

quyidagi mazmundagi xatboshi qoʻshilsin:

“Beshinchi va oltinchi xatboshilarda koʻrsatilgan hujjatlardan nusxalar olinib, asli qaytarib beriladi”;

v) 14-bandda:

uchinchi xatboshidagi “diplomlarining (oliy yuridik maʼlumoti boʻlganda) notarius tomonidan tasdiqlangan nusxalari” soʻzlari “diplomlari (oliy yuridik maʼlumoti boʻlganda)” soʻzlari bilan almashtirilsin;

toʻrtinchi xatboshidagi “daftarchalarining (mavjud boʻlganda) notarius tomonidan tasdiqlangan nusxalari” soʻzlari “daftarchalari (mavjud boʻlganda)” soʻzlari bilan almashtirilsin;

quyidagi mazmundagi xatboshi qoʻshilsin:

“Uchinchi va toʻrtinchi xatboshilarda koʻrsatilgan hujjatlardan nusxalar olinib, asli qaytarib beriladi”;

g) Nizomga 1-ilovada:

“notarius tomonidan tasdiqlangan” soʻzlari chiqarib tashlansin;

d) Nizomga 3-ilovadagi “notarius tomonidan tasdiqlangan” soʻzlari chiqarib tashlansin.

24. Vazirlar Mahkamasining 2009-yil 9-martdagi 60-son qarori (Oʻzbekiston Respublikasi QT, 2009-y., 3-son, 18-modda) bilan tasdiqlangan Advokatlik faoliyatini litsenziyalash toʻgʻrisidagi Nizomning 8-bandi toʻrtinchi va beshinchi xatboshidagi “notarial tasdiqlangan” soʻzlari chiqarib tashlansin.

25. Vazirlar Mahkamasining 2009-yil 30-apreldagi 126-son qarori (Oʻzbekiston Respublikasi QT, 2009-y., 4-son, 33-modda) bilan tasdiqlangan Arxitektura-shaharsozlik hujjatlarini yaratish faoliyatini litsenziyalash toʻgʻrisidagi Nizom 8-bandi “e” kichik bandining ikkinchi xatboshidagi “(notarial tasdiqlangan)” soʻzlari chiqarib tashlansin.

26. Vazirlar Mahkamasining 2009-yil 24-iyundagi 177-son qarori (Oʻzbekiston Respublikasi QT, 2009-y., 6-son, 51-modda) bilan tasdiqlangan Ish beruvchining fuqarolik javobgarligini majburiy sugʻurta qilish qoidalarida:

12-bandning “v” kichik bandidagi “notarial tasdiqlangan” soʻzlari chiqarib tashlansin;

34-bandning sakkizinchi xatboshidagi “notarial tartibda tasdiqlangan” soʻzlari chiqarib tashlansin;

54-bandning “v” kichik bandidagi “notarial tasdiqlangan” soʻzlari chiqarib tashlansin;

4-ilovadagi “notarial tasdiqlangan” soʻzlari chiqarib tashlansin.

27. Vazirlar Mahkamasining 2010-yil 25-oktabrdagi 234-son qarori (Oʻzbekiston Respublikasi QT, 2010-y., 10-son, 52-modda) bilan tasdiqlangan Pirotexnika buyumlarini yaratish, ishlab chiqarish, tashish, saqlash, realizatsiya qilish, ulardan foydalanish, ularni yoʻq qilish va utilizatsiya qilish boʻyicha faoliyatni litsenziyalash toʻgʻrisidagi Nizom 15-bandining yettinchi xatboshidagi “notarial tasdiqlangan” soʻzlari chiqarib tashlansin.

28. Vazirlar Mahkamasining 2010-yil 4-noyabrdagi 244-son qarori (Oʻzbekiston Respublikasi QT, 2010-y., 11-son, 56-modda) bilan tasdiqlangan Kompleks tadbirkorlik litsenziyasi (franshizing) shartnomalarini davlat roʻyxatidan oʻtkazish tartibi toʻgʻrisidagi Nizom 9-bandining “a” kichik bandidagi “notarial tasdiqlangan” soʻzlari chiqarib tashlansin.

29. Vazirlar Mahkamasining 2010-yil 28-dekabrdagi 321-son qarori (Oʻzbekiston Respublikasi QT, 2010-y., 12-son, 75-modda) bilan tasdiqlangan Davlat sud ekspertlarining hayoti va sogʻligʻini davlat tomonidan majburiy sugʻurta qilish toʻgʻrisidagi Nizom 24-bandining beshinchi xatboshidagi “notarial tasdiqlangan” soʻzlari chiqarib tashlansin.

30. Vazirlar Mahkamasining 2011-yil 10-maydagi 129-son qarori (Oʻzbekiston Respublikasi QT, 2011-y., 5-son, 31-modda) bilan tasdiqlangan Rieltorlik faoliyatini litsenziyalash toʻgʻrisidagi Nizomning 9-bandi quyidagi tahrirda bayon etilsin:

“9. Litsenziya olish uchun litsenziya talabgori litsenziyalovchi organga quyidagi hujjatlarni taqdim etadi:

a) litsenziya berish toʻgʻrisida ariza, unda quyidagilar koʻrsatiladi:

yuridik shaxs uchun — nomi, tashkiliy-huquqiy shakli, joylashgan joyi (pochta manzili), xizmat koʻrsatadigan bankning nomi, bankdagi talab qilib olinadigan depozit hisob raqami, muassislarining (qatnashchilarining) roʻyxati, ularning manzillari va faoliyati turlari;

jismoniy shaxs uchun — familiyasi, ismi, otasining ismi, pasportining maʼlumotlari;

litsenziya talabgori amalga oshirishni moʻljallayotgan rieltorlik xizmatlarining turi (turlari);

b) litsenziyalovchi organ tomonidan litsenziya talabgorining arizasi koʻrib chiqilganligi uchun litsenziya talabgori tomonidan yigʻim toʻlanganligini tasdiqlovchi toʻlov hujjatining nusxasi;

v) asosiy ish joyi boʻyicha shtatdagi rieltorlarni ishga qabul qilish toʻgʻrisidagi mehnat daftarchasi va buyruqlarning yuridik shaxs muhri bilan tasdiqlangan nusxalari;

g) litsenziya talabgori shtatida turgan xodimlarning rieltorlar malaka sertifikatlarining yuridik shaxs muhri bilan tasdiqlangan nusxalari, jismoniy shaxs uchun — rieltor malaka sertifikatining nusxasi;

d) rieltorlik faoliyatining tegishli turini amalga oshirish uchun ushbu Nizomda nazarda tutilgan miqdorda ustav kapitalining toʻliq shakllantirilganligidan dalolat beradigan hujjat nusxasi. Bunda rieltorlik xizmatlari koʻrsatishda foydalaniladigan mol-mulkni kiritish hisobiga ustav kapitalini pulsiz shaklda qisman yoki toʻliq shakllantirishga yoʻl qoʻyiladi;

e) koʻrsatiladigan xizmatlar sifatini nazorat qilishning tasdiqlangan ichki qoidalari nusxasi.

Ushbu bandning “v”, “d”, “e” kichik bandlari talablari litsenziya talabgorlari boʻlgan jismoniy shaxslarga tatbiq etilmaydi”.

31. Vazirlar Mahkamasining 2011-yil 7-iyuldagi 200-son qarori (Oʻzbekiston Respublikasi QT, 2011-y., 7-son, 63-modda) bilan tasdiqlangan Oʻzbekiston Respublikasi fuqarosining biometrik pasportini va 16 yoshga toʻlmagan shaxslar uchun fuqaroligi boʻlmagan shaxslarning harakatlanish hujjatini berish tartibi toʻgʻrisidagi Nizom 30-bandining “v” kichik bandidagi “notarial tasdiqlangan” soʻzlari chiqarib tashlansin.

32. Vazirlar Mahkamasining 2011-yil 8-sentabrdagi 252-son qarori (Oʻzbekiston Respublikasi QT, 2011-y., 9-son, 75-modda) bilan tasdiqlangan Davlat pensiyalarini tayinlash va toʻlash tartibi toʻgʻrisidagi Nizom 27-bandidagi “yoki notarius” soʻzlari chiqarib tashlansin.

33. Vazirlar Mahkamasining “Toshkent shahri va Toshkent viloyatida doimiy propiska qilinishi lozim boʻlgan shaxslar — Oʻzbekiston Respublikasi fuqarolari toifalarining roʻyxati toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” i 2012-yil 16-fevraldagi 41-son qarorida (Oʻzbekiston Respublikasi QT, 2012-y., 5-son, 32-modda):

a) 1-ilovada:

4-bandning beshinchi — oʻn toʻrtinchi xatboshilari quyidagi mazmundagi yettita xatboshidan iborat tahrirda bayon etilsin:

“turar joy uchun hujjatlarning nusxalari;

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusxalari olinib, asli qaytariladi);

davlat hokimiyati tegishli organi, davlat va xoʻjalik boshqaruvi organi, respublika ahamiyatiga molik boshqa davlat tashkiloti (keyingi oʻrinlarda organ va tashkilot deb ataladi) rahbarining ishga taklif etilayotgan shaxsning (yuqori malakali mutaxassislar va tor ixtisosdagi mutaxassislarning) ishonchliligi kafolati bilan birgalikda iltimosnomasi. Bunda ushbu Nizom maqsadlari uchun respublika ahamiyatiga molik davlat tashkilotlari deganda ularni tashkil etish, qayta tashkil etish va tugatish masalalari qonun hujjatlari, Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining hujjatlari bilan tartibga solinadigan davlat tashkilotlari tushuniladi. Fuqaro Milliy xavfsizlik xizmati, prokuratura, Ichki ishlar vazirligi yoki adliya organlariga ishga qabul qilingan yoki oʻtkazilgan taqdirda ishga qabul qilinayotgan shaxsni (xodimni) doimiy propiska qilish toʻgʻrisidagi iltimosnoma (ishonchliligi kafolatlangan holda) koʻrsatib oʻtilgan organlar rahbarlarining oʻrinbosarlari tomonidan ham imzolanishi mumkin;

Oʻzbekiston Respublikasi Prezidentining 2007-yil 14-sentabrdagi PQ-694-son qarori bilan tasdiqlangan Oʻzbekiston Respublikasi Qurolli Kuchlari harbiy xizmatchilarini turar joy bilan taʼminlash tartibi toʻgʻrisidagi Nizomga muvofiq harbiy xizmatchi xizmat qilayotgan joydan berilgan turar joy olinganligi toʻgʻrisidagi maʼlumotnoma;

propiska uchun Oʻzbekiston Respublikasi Vazirlar Mahkamasi tomonidan belgilangan miqdorda davlat boji toʻlanganligi toʻgʻrisidagi kvitansiya.

Xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat va xoʻjalik boshqaruvi organlari, respublika ahamiyatiga molik boshqa davlat tashkilotlari roʻyxati Oʻzbekiston Respublikasi Vazirlar Mahkamasi tomonidan tasdiqlanadi”.

5-banddagi “toʻqqizinchi, oʻninchi va oʻn birinchi xatboshida koʻrsatilgan hujjatlar” soʻzlari “sakkizinchi xatboshida koʻrsatilgan hujjat” soʻzlari bilan almashtirilsin;

14-bandda:

oʻninchi xatboshi quyidagi tahrirda bayon etilsin:

“Agar vaqtincha turgan joyi boʻyicha hisobda turish uchun murojaat qilgan fuqaro (oila aʼzolari bilan birga) turar joy mulkdorining (mulkdorlarning) yoki ushbu turar joyda doimiy yashayotgan shaxsning yaqin qarindoshi boʻlsa, notarial tasdiqlangan turar joy yoxud uning bir qismidan tekin foydalanish shartnomasining nusxasini taqdim etish talab etilmaydi. Ushbu holatda vaqtincha turgan joyi boʻyicha hisobda turish uchun murojaat qilgan fuqaroning va turar joy mulkdorining (mulkdorlarning) yoxud ushbu turar joyda doimiy yashayotgan shaxsning qarindoshligi darajasini tasdiqlaydigan hujjatlar taqdim etilishi kerak. Bunda vaqtincha turgan joyi boʻyicha hisobda turish uchun murojaat qilgan fuqaroning oila aʼzolari (er, xotin, shuningdek, ularning oʻz oilasi boʻlmagan farzandlari, farzandlikka olinganlari) fuqaroning oila aʼzolari ekanligini tasdiqlovchi hujjatlarni taqdim qilishlari kerak”;

quyidagi mazmundagi xatboshi qoʻshilsin:

“Agar vaqtincha turgan joyi boʻyicha hisobda turish uchun murojaat qilgan fuqaro Toshkent shahar va Toshkent viloyatiga respublikaning boshqa hududlaridan xizmat safari, oʻqish, mehnat taʼtili, malakasini oshirish, davolanish munosabati bilan kelgan boʻlsa, tasdiqlovchi hujjatlar taqdim etilganda notarial tasdiqlangan turar joyning yoxud uning bir qismining ijara shartnomasining yoki turar joydan yoxud uning bir qismidan tekin foydalanish shartnomasining nusxasini taqdim etish talab etilmaydi”;

b) 2-ilovada:

3-bandning beshinchi xatboshi quyidagi tahrirda bayon etilsin:

“nikoh tuzilganlik, tugʻilganlik, ota-onalar vafot etganligi toʻgʻrisidagi guvohnomalar, shuningdek, vasiylik yoki homiylikni tasdiqlaydigan hujjatlar (nusxalari olinib, asli qaytariladi)”;

8-bandning toʻrtinchi — oltinchi xatboshilari quyidagi tahrirda bayon etilsin:

“uy-joy uchun hujjatlarning nusxalari;

uy-joy mulkdori (mulkdorlari)ning turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa;

nikoh tuzilganlik, tugʻilganlik, ota-onalar vafot etganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusxalari olinib, asli qaytariladi)”;

15-bandda:

beshinchi xatboshidagi “notarial tasdiqlangan” soʻzlari chiqarib tashlansin;

oltinchi xatboshi quyidagi tahrirda bayon etilsin:

“uy-joy mulkdori (mulkdorlari)ning turar joy maydoni berish toʻgʻrisidagi arizasi (roziligi) yoxud notarial tasdiqlangan arizasi (roziligi), agar shaxsan oʻzi berish imkoni mavjud boʻlmasa”.

34. Vazirlar Mahkamasining 2012-yil 28-martdagi 89-son qarori (Oʻzbekiston Respublikasi QT, 2012-y., 3-son, 20-modda) bilan tasdiqlangan Umumiy ovqatlanish korxonalari tomonidan alkogolli mahsulotlarni sotish huquqi uchun ruxsat guvohnomasi berish tartibi toʻgʻrisidagi Nizomga 2-ilovaning izoh qismidagi ikkinchi jumla chiqarib tashlansin.

35. Vazirlar Mahkamasining 2012-yil 5-apreldagi 101-son qarori (Oʻzbekiston Respublikasi QT, 2012-y., 4-son, 23-modda) bilan tasdiqlangan Arxiv hujjatlarini Oʻzbekiston Respublikasidan tashqariga olib chiqish va arxiv hujjatlarini Oʻzbekiston Respublikasiga olib kirish tartibi toʻgʻrisidagi Nizomning 9-bandida:

uchinchi xatboshi chiqarib tashlansin;

toʻrtinchi — sakkizinchi xatboshilar tegishli ravishda uchinchi — yettinchi xatboshilar deb hisoblansin.

38. Vazirlar Mahkamasining 2014-yil 10-martdagi 57-son qarori (Oʻzbekiston Respublikasi QT, 2014-y., 3-son, 25-modda) bilan tasdiqlangan Nodavlat notijorat tashkilotlarini davlat roʻyxatidan oʻtkazish tartibi toʻgʻrisidagi Nizomda:

13-bandda:

“z” kichik bandidagi “notarial tasdiqlangan” soʻzlari chiqarib tashlansin;

“k” kichik bandidagi “vasiyatnomaning notarial tasdiqlangan” soʻzlari “notarial tasdiqlangan vasiyatnomaning” soʻzlari bilan almashtirilsin;

43-bandning beshinchi xatboshidagi “notarial tasdiqlagan” soʻzlari chiqarib tashlansin.

39. Vazirlar Mahkamasining 2014-yil 5-maydagi 114-son qarori (Oʻzbekiston Respublikasi QT, 2014-y., 5-son, 41-modda) bilan tasdiqlangan Oʻzbekiston Respublikasi Jismoniy tarbiya va sport davlat qoʻmitasi huzuridagi Bolalar sportini rivojlantirish jamgʻarmasining valyuta mablagʻlarini jalb etgan holda bolalar sporti uchun mahsulotlar ishlab chiqaruvchi korxonalarni yangidan qurish, rekonstruksiya va modernizatsiya qilish boʻyicha amalga oshiriladigan loyihalarni tijorat banklari tomonidan kreditlash tartibi toʻgʻrisidagi Nizomning 14-bandi uchinchi xatboshidagi “notarial tasdiqlangan” soʻzlari chiqarib tashlansin.

40. Vazirlar Mahkamasining 2014-yil 12-iyundagi 156-son qarori (Oʻzbekiston Respublikasi QT, 2014-y., 6-son, 62-modda) bilan tasdiqlangan Qimmatbaho metallar va qimmatbaho toshlar bilan ishlashga roʻyxatdan oʻtkazish guvohnomasini berish tartibi toʻgʻrisidagi Nizomning 9-bandida:

uchinchi xatboshi chiqarib tashlansin;

toʻrtinchi — oltinchi xatboshilar tegishli ravishda uchinchi — beshinchi xatboshilar deb hisoblansin.

41. Vazirlar Mahkamasining 2014-yil 9-iyuldagi 184-son qarori (Oʻzbekiston Respublikasi QT, 2014-y., 7-son, 69-modda) bilan tasdiqlangan Qutqaruv xizmatlari, qutqaruv tuzilmalari va qutqaruvchilarni attestatsiyadan oʻtkazish, qutqaruv xizmatlari va qutqaruv tuzilmalarini hisobga olish roʻyxatidan oʻtkazish tartibi toʻgʻrisidagi Nizom 96-bandining yettinchi xatboshidagi “notarial tasdiqlangan” soʻzlari chiqarib tashlansin.

42. Vazirlar Mahkamasining 2014-yil 29-iyuldagi 205-son qarori (Oʻzbekiston Respublikasi QT, 2014-y., 7-son, 76-modda) bilan tasdiqlangan Ommaviy tadbirlarni oʻtkazish qoidalari 21-bandining “v” kichik bandi quyidagi tahrirda bayon etilsin:

“v) ommaviy tadbirning tashkilotchisi — jismoniy shaxs uchun — pasport (shaxsni tasdiqlovchi boshqa hujjat)ning nusxasi”.

43. Vazirlar Mahkamasining 2014-yil 11-avgustdagi 226-son qarori (Oʻzbekiston Respublikasi QT, 2014-y., 8-son, 83-modda) bilan tasdiqlangan Parvozlar xavfsizligiga tahdid solishi mumkin boʻlgan faoliyatni amalga oshirish uchun ruxsatnoma berish tartibi toʻgʻrisidagi Nizomning 8-bandidagi “e” kichik bandi chiqarib tashlansin.

44. Vazirlar Mahkamasining 2014-yil 15-sentabrdagi 263-son qarori (Oʻzbekiston Respublikasi QT, 2014-y., 9-son, 100-modda) bilan tasdiqlangan Ish oʻrinlarini mehnat sharoitlari va asbob-uskunalarning jarohatlash xavfliligi yuzasidan attestatsiyadan oʻtkazish boʻyicha mutaxassis malaka sertifikati berish tartibi toʻgʻrisidagi Nizomda:

11-bandda:

toʻrtinchi va beshinchi xatboshilar quyidagi tahrirda bayon etilsin:

“b) maʼlumoti toʻgʻrisidagi diplom yoxud fanlar nomzodi yoki doktori ilmiy darajasini olganlik toʻgʻrisidagi diplom yoxud hujjatni bergan muassasa tomonidan belgilangan tartibda tasdiqlangan nusxasi;

yoxud xorijiy davlatning taʼlim muassasasida olingan maʼlumot toʻgʻrisidagi diplomning nusxasi yoxud fanlar nomzodi yoki doktori ilmiy darajasini olganlik toʻgʻrisidagi diplomning nusxasi, shuningdek, maʼlumoti yoki ilmiy darajasi toʻgʻrisidagi xorijiy hujjatning nostrifikatsiyalangani toʻgʻrisida vakolatli davlat organi guvohnomasi”;

sakkizinchi xatboshi quyidagi tahrirda bayon etilsin:

“d) maxsus oʻquvdan va malaka oshirishdan oʻtganlik toʻgʻrisidagi hujjat yoki uni bergan muassasa tomonidan belgilangan tartibda tasdiqlangan nusxasi (oʻquv tugagan sanadan boshlab hujjatlarni topshirgungacha boʻlgan sanagacha bir yildan ortiq vaqt oʻtmagan boʻlsa hujjat haqiqiy hisoblanadi)”;

oʻninchi xatboshi quyidagi tahrirda bayon etilsin:

“Koʻrsatib oʻtilgan hujjatlar bir nusxada taqdim etiladi. Ushbu bandning “b” va “d” kichik bandlarida nazarda tutilgan hujjatlardan nusxalar olinib, asli qaytarib beriladi hamda ushbu bandda nazarda tutilmagan qoʻshimcha hujjatlarning talab qilinishiga yoʻl qoʻyilmaydi”;

38-bandning “v” kichik bandi quyidagi tahrirda bayon etilsin:

“v) maxsus oʻquvdan va malaka oshirishdan oʻtganlik toʻgʻrisidagi hujjat (nusxasi olinib, asli qaytariladi) yoki uni bergan muassasa tomonidan belgilangan tartibda tasdiqlangan nusxasi (u agar oʻqish tugagan sanadan boshlab hujjatlar topshirilgan sanagacha bir yildan koʻp vaqt oʻtmagan taqdirda haqiqiy hisoblanadi)”.

45. Vazirlar Mahkamasining 2014-yil 22-sentabrdagi 269-son qarori (Oʻzbekiston Respublikasi QT, 2014-y., 9-son, 101-modda) bilan tasdiqlangan Oʻzbekiston Respublikasida vasiylik va homiylik toʻgʻrisidagi Nizomda:

80-bandda:

“d” kichik bandi chiqarib tashlansin;

81-bandda:

“d” kichik bandi chiqarib tashlansin.

46. Vazirlar Mahkamasining “Davlat mulki obyektlarini xususiylashtirish tartibi toʻgʻrisidagi nizomlarni tasdiqlash haqida” 2014-yil 6-oktabrdagi 279-son qarorida (Oʻzbekiston Respublikasi QT, 2014-y., 10-son, 104-modda):

a) 1-ilovaning 7-bandi beshinchi xatboshidagi “notarial tarzda tasdiqlatilgan” soʻzlari chiqarib tashlansin;

b) 2-ilovaning 18-bandi ikkinchi xatboshidaga “notarial tarzda tasdiqlatilgan” soʻzlari chiqarib tashlansin;

v) 3-ilovaning 9-bandi ikkinchi xatboshidagi “notarial tarzda tasdiqlatilgan” soʻzlari chiqarib tashlansin.

47. Vazirlar Mahkamasining 2014-yil 15-dekabrdagi 341-son qarori (Oʻzbekiston Respublikasi QT, 2014-y., 12-son, 122-modda) bilan tasdiqlangan Voyaga yetmaganlar uchun moʻljallangan dori vositalarini reklama qilishga ruxsatnoma berish tartibi toʻgʻrisidagi Nizomning 10-bandida:

“b” kichik bandi chiqarib tashlansin.

48. Vazirlar Mahkamasining 2015-yil 31-martdagi 72-son qarori (Oʻzbekiston Respublikasi QT, 2015-y., 3-son, 20-modda) bilan tasdiqlangan Temir yoʻl shoxobcha yoʻllarini qurish va rekonstruksiya qilishda ruxsat berish tartib-taomillaridan oʻtish tartibi toʻgʻrisidagi Nizomning 6-bandida:

“b” kichik bandi chiqarib tashlansin.

49. Vazirlar Mahkamasining 2015-yil 22-iyundagi 166-son qarori (Oʻzbekiston Respublikasi QT, 2015-y., 6-son, 49-modda) bilan tasdiqlangan Qutqaruv xizmatlari va qutqaruv tuzilmalari qutqaruvchilarining hayoti va sogʻligʻini majburiy sugʻurta qilish toʻgʻrisidagi Nizomning 24-bandida:

uchinchi xatboshidan “notarial tartibda tasdiqlangan” soʻzlari chiqarib tashlansin;

toʻqqizinchi xatboshidagi “notarial tartibda tasdiqlangan” soʻzlari chiqarib tashlansin;

oʻn yettinchi xatboshidagi “notarial tartibda tasdiqlangan” soʻzlari chiqarib tashlansin.

50. Vazirlar Mahkamasining 2015-yil 14-oktabrdagi 292-son qarori (Oʻzbekiston Respublikasi QT, 2015-y., 10-son, 92-modda) bilan tasdiqlangan Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida eʼtirof etish tartibi toʻgʻrisida Nizomda:

11-bandning ikkinchi xatboshidagi “notarius tomonidan tasdiqlanishi yoxud” soʻzlari chiqarib tashlansin;

21-banddagi “yoxud notariusning” soʻzlari chiqarib tashlansin.

51. Vazirlar Mahkamasining 2016-yil 9-martdagi 70-son qarori (Oʻzbekiston Respublikasi QT, 2016-y., 3-son, 17-modda) bilan tasdiqlangan Turar joyni noturar joy toifasiga oʻtkazishga ruxsatnoma berish tartibi toʻgʻrisidagi Nizomning 9-bandida:

toʻrtinchi xatboshi chiqarib tashlansin;

beshinchi — yettinchi xatboshilar tegishli ravishda toʻrtinchi — oltinchi xatboshilar deb hisoblansin.

52. Vazirlar Mahkamasining 2017-yil 15-martdagi 139-son qarori (Oʻzbekiston Respublikasi QT, 2017-y., 3-son, 28-modda) bilan tasdiqlangan Ixtisoslashgan soʻyish korxonalarining veterinariya, veterinariya-sanitariya qoidalari va meʼyorlariga muvofiqligi haqida veterinariya-sanitariya xulosasi berish tartibi toʻgʻrisidagi Nizomning 7-bandida:

ikkinchi xatboshi chiqarib tashlansin;

uchinchi va toʻrtinchi xatboshilar tegishli ravishda ikkinchi va uchinchi xatboshilar deb hisoblansin.

53. Vazirlar Mahkamasining 2017-yil 11-avgustdagi 619-son qarori (Oʻzbekiston Respublikasi QT, 2017-y., 8-son, 170-modda) bilan tasdiqlangan Oʻzbekiston Respublikasi Qurolli Kuchlarining harbiy xizmatchilariga turar joy sotib olish (qurish) uchun uzoq muddatli imtiyozli ipoteka kreditlari hamda yakka tartibda uy-joy qurish uchun yer uchastkalari berish tartibi toʻgʻrisidagi Nizom 10-bandining beshinchi xatboshidagi “notarial tasdiqlangan” soʻzlari chiqarib tashlansin.