Oʻzbekiston Respublikasi Qurolli Kuchlari pensionerlarini ijtimoiy qoʻllab-quvvatlashni yanada takomillashtirish, kadrlar tayyorlash tizimida ilmiy salohiyatni saqlab qolish, xizmat-jangovar faoliyatni oʻtash davrida mudofaa va xavfsizlik vazirliklari hamda idoralari harbiylari va xodimlari tomonidan egallangan bilimlaridan samarali foydalanish va yosh avlodga bilim berish, oʻspirin avlodni vatanparvarlik, Vatanga sadoqat va muhabbat ruhida tarbiyalash, shuningdek, respublika harbiy-sanoat kompleksini rivojlantirish maqsadida:

1. Quyidagilarga 2017-yilning 1-aprelidan boshlab pensiya miqdori toʻliq hajmda toʻlanishi belgilansin:

a) Oʻzbekiston Respublikasi Mudofaa vazirligining harbiy xizmatchilari safidagi:

Qurolli Kuchlar Akademiyasi, Oʻzbekiston Respublikasining oliy harbiy taʼlim muassasalarining oʻqituvchilari va ilmiy xodimlari sifatida oʻz mehnat faoliyatini olib borayotgan harbiy-akademik litseylar rahbarlari, ularning oʻrinbosarlari va oʻqituvchilari, shuningdek, respublika akademik litseylari va kasb-hunar kollejlarining boshlangʻich harbiy tayyorgarlik rahbarlari;

harbiy-sanoat kompleksi tuzilmasiga kiruvchi korxonalarning boshqaruv va ishlab chiqarish xodimlari tarkibidagi mutaxassislar.

b) Oʻzbekiston Respublikasi Ichki ishlar vazirligi, Favqulodda vaziyatlar vazirligi, Milliy xavfsizlik xizmati va Davlat bojxona qoʻmitasi:

MXX instituti, Oʻzbekiston Respublikasi Strategik tahlil va prognozlashtirish oliy maktabi, Maxsus tayyorlov oʻquv markazi, Radioelektron tizimlar va axborot texnologiyalari markazi, shuningdek, Fuqaro muhofazasi instituti, aholini tayyorlash hududiy markazlari va FVV rahbar tarkibi hamda Oʻzbekiston Respublikasining boshqa oliy harbiy taʼlim muassasalarida;

respublika akademik litseylari va kasb-hunar kollejlarining maʼnaviyat va maʼrifat hamda tarbiyaviy ishlari boʻyicha rahbarlarining oʻrinbosarlari sifatida mehnat faoliyatini oʻqituvchi va ilmiy xodim sifatida olib borayotgan harbiy xizmatchilari va xodimlari;

harbiy-sanoat kompleksi tuzilmasiga kiruvchi korxonalarning boshqaruv va ishlab chiqarish xodimlari tarkibidagi mutaxassislar.

Pensiyalar, agarda yuqorida qayd etilgan faoliyat turi harbiy pensionerning yagona ish joyi boʻlsagina toʻlanadi.

2. Oʻzbekiston Respublikasi Mudofaa vazirligi (K. Berdiyev) Mehnat vazirligi (A. Abduxakimov), Moliya vazirligi (B. Xodjayev) va Oliy taʼlim vazirligi Oʻrta maxsus va kasb-hunar taʼlimi markazi (U. Salimov) bilan birgalikda 2017-yilning 1-martigacha mamlakatimizning harbiy-akademik litseylari, shuningdek, akademik litseylar va kasb-hunar kollejlariga harbiy xizmatchilardan pensionerlarni ishga qabul qilish tartibi toʻgʻrisidagi Nizomni ishlab chiqsin.

3. Oʻzbekiston Respublikasi Mudofaa vazirligi (K. Berdiyev), Ichki ishlar vazirligi (A. Azimov), Favqulodda vaziyatlar vazirligi (K. Aripov), Milliy xavfsizlik xizmati (R. Inoyatov) va Davlat bojxona qoʻmitasi (M. Toxiriy) Adliya vazirligi (M. Ikromov) boshqa mutasaddi vazirliklar va idoralar bilan birgalikda bir oy muddatda ushbu Farmondan kelib chiqadigan oʻzgartishlarni oʻzlarining idoraviy normativ-huquqiy hujjatlariga kiritsin.

4. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.