318-сон 06.07.2004. Mahsulotlarni sertifikatlashtirish tartibotini soddalashtirishga doir qoʻshimcha chora-tadbirlar toʻgʻrisida

Oʻzbekiston Respublikasi Vazirlar Mahkamasining qarori, 06.07.2004 yildagi 318-son

Кучга кириш санаси

06.07.2004

Рус

Eng

Ўзб

O’zb

O‘zb|Рус

Hujjat 13.01.2024 sanasi holatiga

Joriy versiya

Oʻzbekiston Respublikasi Vazirlar Mahkamasining

qarori

Mahsulotlarni sertifikatlashtirish tartibotini soddalashtirishga doir qoʻshimcha chora-tadbirlar toʻgʻrisida

Tadbirkorlik faoliyati subyektlari uchun qulay shart-sharoitlar shakllantirishni davom ettirish, mahsulotlarni sertifikatlashtirish jarayonini soddalashtirish va bu boradagi byurokratik toʻsiqlarni bartaraf etish maqsadida Vazirlar Mahkamasi qaror qiladi:

1. Quyidagilar:

Mahsulotlarni sertifikatlashtirish tartibi toʻgʻrisidagi nizom 1-ilovaga muvofiq;

Mahsulotni standart talablariga muvofiq sertifikatlashtirish tartibi toʻgʻrisidagi nizom 2-ilovaga tasdiqlansin.

2. 2004-yil 1-oktabrdan boshlab deklaratsiyalash yoʻli bilan mahsulotlarning belgilangan talablarga muvofiqligini tasdiqlash tizimi joriy etilsin.

“Oʻzstandart” agentligi ikki oy muddatda Mahsulotning xavfsizlik talablariga muvofiqligini deklaratsiyalash tartibi toʻgʻrisidagi nizomning belgilangan tartibda ishlab chiqilishini va Oʻzbekiston Respublikasi Adliya vazirligida roʻyxatdan oʻtkazilishini taʼminlasin.

3. “Oʻzstandart” agentligi, Oʻzbekiston Respublikasi Sogʻliqni saqlash vazirligi, Qishloq va suv xoʻjaligi vazirligi, Davlat tabiatni muhofaza qilish qoʻmitasi manfaatdor vazirliklar va idoralar bilan birgalikda bir oy muddatda mazkur qarorga muvofiq:

chetdan keltirilayotgan mahsulotlardan akkreditatsiya qilingan organlar va laboratoriyalar tomonidan sinov oʻtkazish uchun namuna olishning cheklangan normalarini belgilasinlar;

akkreditatsiya qilingan organlar va laboratoriyalar oʻrtasida sinovlarning takrorlanishiga yoʻl qoʻymaslik maqsadida sinovlar turlarini belgilasinlar;

5. Belgilab qoʻyilsinki, muvofiqlik sertifikatlari mavjudligini tekshirish faqat majburiy tartibda sertifikatlanadigan mahsulotlarga nisbatan qonunchilikka muvofiq belgilangan vakolatli davlat organlari tomonidan amalga oshirilishi mumkin.

5. Belgilab qoʻyilsinki:

muvofiqlik sertifikatlarining mavjudligi faqat majburiy tartibda sertifikatlanadigan mahsulotlarga nisbatan qonunchilikka muvofiq belgilangan vakolatli davlat organlari tomonidan tekshiriladi;

majburiy raqamli markirovka qilinishi belgilangan maishiy texnika mahsulotlari qatʼiy ravishda tegishli markirovka kodi olingandan soʻng roʻyxatga olinadi, muvofiqlik sertifikati beriladi va muvofiqlik deklaratsiyasi roʻyxatga olinadi.

6. “Oʻzstandart” agentligi uch oy muddatda:

“Oʻzstandart” agentligida “Standartlashtirish toʻgʻrisida”gi Oʻzbekiston Respublikasining Qonunida belgilangan standartlashtirish boʻyicha normativ hujjatlar toifalarini tayyorlash va roʻyxatdan oʻtkazish tartibi toʻgʻrisidagi nizomning hamda Majburiy tartibda sertifikatlanadigan bir turdagi mahsulotlarning har bir turini ularda sertifikatlashtirishning tegishli normativ hujjatlarda belgilangan xavfsizlik koʻrsatkichlari koʻrsatilgan qoidalarining Oʻzbekiston Respublikasi Adliya vazirligida roʻyxatdan oʻtkazilishini;

majburiy tartibda sertifikatlanadigan mahsulotlarning nomenklatura roʻyxati, ularning sifatini va xavfsizligini belgilovchi normativ hujjatlarni koʻrsatgan holda, nashr etilishini hamda bojxona, soliq va akkreditatsiya qilingan organlarga joʻnatilishini taʼminlasin.

7. Oʻzbekiston Tovar ishlab chiqaruvchilar va tadbirkorlar palatasi huzuridagi “EAN Uzbekistan” masʼuliyati cheklangan jamiyatni “EAN Uzbekistan” uyushmasiga aylantirish maqsadga muvofiq deb hisoblansin.

Oʻzbekiston Tovar ishlab chiqaruvchilar va tadbirkorlar palatasi ikki oy muddatda ushbu bandning bajarilishini taʼminlasin.

8. “Oʻzstandart” agentligi, Oʻzbekiston Tovar ishlab chiqaruvchilar va tadbirkorlar palatasi, Oʻzbekiston Teleradiokompaniyasi, Oʻzbekiston matbuot va axborot agentligi boshqa manfaatdor vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda sertifikatlashtirish sohasidagi barcha normativ-huquqiy hujjatlarni respublikadagi barcha tadbirkorlarga, shu jumladan Internet orqali yetkazish boʻyicha chora-tadbirlar kompleksini ishlab chiqsinlar va amalga oshirsinlar.

9. Quyidagilar:

Vazirlar Mahkamasining “Sertifikatlashtirilishi shart boʻlgan mahsulotlar roʻyxatini, sertifikatlashtirishni oʻtkazish, xavfsizligini tasdiqlash talab etiladigan tovarlarni Oʻzbekiston Respublikasi hududiga keltirish va ularni uning tashqarisiga chiqarish tartibini tasdiqlash haqida” 1994-yil 12-avgustdagi 409-son qarori (Oʻzbekiston Respublikasi QT, 1994-y., 8-son, 38-modda) 1-bandining ikkinchi xatboshi va ushbu qarorga 1-ilova;

Vazirlar Mahkamasining “Oʻzbekiston Respublikasiga isteʼmol tovarlari olib kelishni takomillashtirish chora-tadbirlarini amalga oshirish toʻgʻrisida” 2002-yil 5-dekabrdagi 427-son qarori (Oʻzbekiston Respublikasi QT, 2002-y., 12-son, 75-modda) 2-bandining uchinchi xatboshi va ushbu qarorga 3-ilova oʻz kuchini yoʻqotgan deb hisoblansin.

10. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

Vazirliklar va idoralar mahsulotlar va xizmatlarni sertifikatlashtirish masalalarini tartibga soluvchi idoraviy hujjatlarni bir oy muddatda xatlovdan oʻtkazsinlar va mazkur qarorga muvofiqlashtirsinlar hamda belgilangan tartibda Oʻzbekiston Respublikasi Adliya vazirligida roʻyxatdan oʻtkazsinlar.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ.T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2004-yil 6-iyul,

318-son

Vazirlar Mahkamasining
2004-yil 6-iyuldagi 318-son qaroriga
1-ILOVA

Mahsulotlarni sertifikatlashtirish tartibi toʻgʻrisida

NIZOM

I. Umumiy qoidalar

1. Mazkur Nizom ishlab chiqariladigan va chetdan keltiriladigan mahsulotlarni sertifikatlashtirish (keyingi oʻrinlarda matnda sertifikatlashtirish deb ataladi) tartibini belgilaydi.

Mahsulotlarning har bir turi boʻyicha sertifikatlashtirish tartibi Oʻzbekiston Respublikasi Adliya vazirligida roʻyxatdan oʻtkaziladigan sertifikatlashtirishning tegishli qoidalari bilan belgilanadi.

Sertifikatlashtirish davomida ilgari tekshirilgan xavfsizlik boʻyicha tavsifga taʼsir etmaydigan mahsulotning dizayni yoki tashqi tavsiflari oʻzgarishi zamonaviylashtirilgan mahsulotga qoʻshimcha sertifikatlashtirish oʻtkazilishiga olib kelmaydi. Mahsulot xavfsizligi boʻyicha majburiy tavsiflar standartlashtirish boʻyicha tegishli normativ hujjatlarda belgilanadi.

2. Mazkur Nizomning amal qilishi majburiy va ixtiyoriy sertifikatlashtirishga tatbiq etiladi.

Majburiy tartibda sertifikatlashtiriladigan, shuningdek ularning muvofiqligi muvofiqlik deklaratsiyasi bilan tasdiqlanishi mumkin boʻlgan mahsulotlar roʻyxati Oʻzbekiston Respublikasi Vazirlar Mahkamasi tomonidan belgilanadi.

3. Sertifikatlashtirishni amalga oshirish ilovaga muvofiq sxema boʻyicha, qoidaga koʻra, ikki bosqichda oʻtkaziladi.

Birinchi bosqich bir vaqtning oʻzida, zaruratga koʻra veterinariya va fitosanitariya xulosalarini tegishli ravishda davlat veterinariya nazorati va oʻsimliklar karantini va himoyasi boʻyicha davlat xizmati organlarida rasmiylashtirilgan holda akkreditatsiya qilingan sertifikatlash organlariga ariza berishni oʻz ichiga oladi. Bunda tadbirkorlik faoliyati subyekti:

zarurat boʻlganda tegishli xulosalar olish uchun veterinariya va fitosanitariya nazorati organlariga mustaqil ravishda murojaat qilishga haqlidir.

Ikkinchi bosqich — sertifikatlashtirish organlari tomonidan muvofiqlik sertifikati berishdir.

4. Sertifikatlashtirish organlari tadbirkorlik subyektlarining yozma arizasiga muvofiq davlat veterinariya nazorati va oʻsimliklar karantini va himoyasi boʻyicha davlat xizmati organlarida, shuningdek ekologiya va atrof muhitni muhofaza qilish davlat organlarida sertifikatlashtirishni oʻtkazish va barcha zarur xulosalarni olish yuzasidan agentlik xizmatlari koʻrsatishga haqlidir.

Bunda namunalar tanlab olinishi, shuningdek ular toʻgʻri tanlanganligi va ular tegishli davlat organlariga taqdim etilishi uchun sertifikatlash organlari javob beradilar.

Koʻrsatib oʻtilgan xizmatlarga haq toʻlash Oʻzbekiston Respublikasi Moliya vazirligida deklaratsiyalangan tariflar boʻyicha amalga oshiriladi.

5. Mahsulotning (transport vositalaridan tashqari) muvofiqlik sertifikatini rasmiylashtirish va berish muddati barcha zarur hujjatlar (sinov protokollari, tadqiqot dalolatnomalari, veterinariya, fitosanitariya xulosalari, ekologik ekspertiza xulosasi) berilgan vaqtdan boshlab uch ish kunidan oshmasligi lozim.

II. Sanitariya-epidemiologik, veterinariya va fitosanitariya xulosalarini rasmiylashtirish va berish tartibi

6. Sanitariya-epidemiologik, veterinariya, fitosanitariya va ekologiya sertifikatlari (xulosalar) sertifikatlashtirilayotgan mahsulotlarga normativ hujjatlarda tegishli ravishda sanitariya-epidemiologik, veterinariya, fitosanitariya yoki ekologik normalar va talablar mavjud boʻlgan taqdirda rasmiylashtiriladi.

7. Sanitariya-epidemiologiya xulosasini olish uchun ariza beruvchi sanitariya-epidemiologiya xizmatining hududiy organiga qonunchilikda belgilangan tartibda tasdiqlangan shakldagi ariza bilan murojaat qiladi.

Oziq-ovqat ishlab chiqaruvchilar arizaga texnologik yoʻriqnoma va retseptura ilova qiladi.

8. Oʻzbekiston Respublikasi ilgari ishlab chiqarilmagan va ilk bor olib kelingan oziq-ovqat qoʻshimchalari, maxsus joriy etiladigan biologik aktiv moddalar yoki oziq-ovqat xomashyosi va oziq-ovqat mahsulotlari ishlab chiqarish texnologiyalarini qoʻllash bilan bogʻliq ishlab chiqarishni tashkil etishda yoxud mahsulotlarni chetdan keltirishda ariza beruvchi tegishli ruxsatnomani olish uchun Oʻzbekiston Respublikasi Sogʻliqni saqlash vazirligiga murojaat qiladi.

Oʻzbekiston Respublikasi Sogʻliqni saqlash vazirligi ruxsatnomani uch ish kunidan ortiq boʻlmagan muddatda beradi. Laboratoriya tadqiqotlarini oʻtkazish xarajatlarini qoplash uchun Oʻzbekiston Respublikasi Sogʻliqni saqlash vazirligi tomonidan Moliya vazirligi bilan kelishilgan holda belgilanadigan tariflar boʻyicha toʻlov undiriladi.

9. Taqdim etilgan hujjatlar oʻrganib chiqilgandan keyin sanitariya-epidemiologiya xizmatining hududiy organi tomonidan belgilangan tartibda joyning oʻziga borib laboratoriya sinovlari oʻtkazish va ishlab chiqarish obyektini saqlash shart-sharoitlarini tekshirish uchun mahsulotlarning namunalari tanlab olinadi. Mahsulotlarni gigiyenik koʻrsatkichlarni aniqlash uchun sinash Oʻzbekiston Respublikasi Milliy akkreditatsiya tizimida akkreditatsiya qilingan sanitariya-epidemiologiya xizmatining hududiy organlari laboratoriyalari tomonidan amalga oshiriladi.

10. Agar mahsulot kelib chiqishiga koʻra hayvonot yoki oʻsimlik dunyosiga tegishli boʻlgan taqdirda, sanitariya-epidemiologiya xizmatining hududiy organi ariza beruvchidan hujjatlar olingan sanadan keyingi kundan kechikmay veterinariya yoki fitosanitariya xulosasi berish boʻyicha vakolatli organlarga murojaat qiladi.

Veterinariya yoki fitosanitariya xulosasi davlat veterinariya nazoratining tuman (shahar) organlari yoki oʻsimliklar karantini va himoyasi boʻyicha davlat xizmati organlari tomonidan beriladi.

Davlat veterinariya nazorati organi 20 kungacha boʻlgan muddat bilan belgilangan tartibda ajratib qoʻyish-cheklash tadbirlari (karantin) belgilashi mumkin. Bunda veterinariya xulosasi berish tartiboti karantin muddati tamom boʻlgunga qadar toʻxtatib turiladi.

Veterinariya yoki fitosanitariya xulosasi tayyorlash va berish muddati uch ish kunidan oshmasligi kerak.

Veterinariya yoki fitosanitariya xulosasi berilganligi uchun Oʻzbekiston Respublikasi Veterinariya va chorvachilikni rivojlantirish davlat qoʻmitasi tomonidan belgilanadigan va Oʻzbekiston Respublikasi Moliya vazirligida deklaratsiyalangan tariflar boʻyicha, biroq bazaviy hisoblash miqdorining bir baravaridan ortiq boʻlmagan summada toʻlov undiriladi.

11. Veterinariya va fitosanitariya xulosalari olinishi hisobga olingan holda sanitariya-epidemiologik xulosani rasmiylashtirish va berish muddati tegishli sinov metodlari uchun normativ hujjatlarda nazarda tutilgan muddatlarga qarab belgilanadi.

12. Laboratoriya tadqiqotlarini oʻtkazish, sanitariya-epidemiologik xulosasini rasmiylashtirish va berish xarajatlarini qoplash uchun sanitariya-epidemiologiya xizmati organlari tomonidan Oʻzbekiston Respublikasi Sogʻliqni saqlash vazirligi tomonidan Moliya vazirligi bilan kelishilgan holda belgilanadigan tariflar boʻyicha toʻlov undiriladi.

13. Veterinariya va fitosanitariya xulosalari berish boʻyicha vakolatli organlarning xizmatlariga ariza beruvchi tomonidan haq toʻlash sanitariya-epidemiologiya xizmatining hududiy organlari orqali yoki qonunchilikda belgilangan tartibda mustaqil ravishda amalga oshiriladi.

14. Ishlab chiqariladigan mahsulotga sanitariya-epidemiologik xulosaning amal qilish muddati — 3 yil.

Chetdan olib kelinayotgan mahsulotga sanitariya-epidemiologik xulosa mahsulotning yaroqlilik davriga, yaroqlilik muddatiga ega boʻlmagan mahsulotga esa — muddati koʻrsatilmasdan beriladi.

Aynan bir xil tovarlarga bir tashqi savdo shartnomasi (kontrakti) doirasida sanitariya-epidemiologiya xulosasi bir kalendar yilidan oshmagan muddatga bir marotaba beriladi.

Import qilinayotgan oziq-ovqat mahsulotlarining yorliqlarida qayd etilgan mahsulotning yaroqlilik muddatlari Oʻzbekiston Respublikasida amal qiluvchi texnik jihatdan tartibga solish sohasidagi normativ hujjatlarda qayd etilgan yaroqlilik muddatlaridan farq qilgan taqdirda, akkreditatsiyadan oʻtgan laboratoriya majmualari tomonidan ularning qayd etilgan yaroqlilik muddatiga muvofiqligi va xavfsizlik koʻrsatkichlariga tahlillar oʻtkazilib, ijobiy baholanganidan soʻng respublika hududiga import qilinishiga ruxsat etiladi.

Bolalar oziq-ovqat mahsulotlari, bolalar oʻyinchoklari, energetik ichimliklar akkreditatsiyadan oʻtgan laboratoriyalar tomonidan toksikologik tahlillar oʻtkazilib, xavfsizlik koʻrsatkichlari boʻyicha ijobiy baholanganidan soʻng respublika hududiga import qilinishiga ruxsat etiladi.

Oʻzbekiston Respublikasi Sanitariya-epidemiologik osoyishtalik va jamoat salomatligi xizmati Oʻzbekiston Respublikasida amal qiluvchi texnik jihatdan tartibga solish sohasidagi normativ hujjatlarga muvofiqlik (nomuvofiqlik) toʻgʻrisida berilgan sanitariya-epidemiologik xulosalarning elektron reyestrini yuritadi hamda Oʻzbekiston Respublikasi Sogʻliqni saqlash vazirligining rasmiy veb-sahifasiga joylashtirib boradi.

15. Sanitariya-epidemiologik xulosa ariza beruvchiga sanitariya-epidemiologiya xizmatining hududiy organi rahbarining imzosi bilan beriladi, u ushbu organning muhri bilan tasdiqlanadi, unga sinovlar protokoli nusxalari ilova qilinadi.

Agar sanitariya-epidemiologik ekspertiza bilan bir vaqtda mahsulotning fitosanitariya yoki veterinariya normalari va qoidalariga muvofiqligi sinovdan oʻtkazilgan taqdirda, ariza beruvchiga tegishli xulosalar ham beriladi.

16. Quyidagilar sanitariya-epidemiologiya xulosasini berishni rad etish uchun asos hisoblanadi:

sanitariya-epidemiologik xulosa rasmiylashtirib berish vaqtida oziq-ovqat mahsulotining yaroqlilik muddati 60 foizdan kam boʻlganida (ishlab chiqaruvchi tomonidan belgilangan umumiy yaroqlilik muddatiga nisbatan foizda);

xalqaro akkreditatsiyadan oʻtgan laboratoriyalar tomonidan oʻtkazilgan oziq-ovqat mahsulotlari uchun tahlil bayonlari boʻlmasa;

yuqumli kasalliklarni keltirib chiqaruvchi mikroorganizmlar bilan zararlanganligi aniqlanganda;

radioaktiv koʻrsatkichlarning meʼyorlardan yuqoriligi aniqlanganda;

oziq-ovqat mahsulotlarining tarkibida genetik modifikatsiyalangan organizmlar (keyingi oʻrinlarda GMO deb ataladi) belgilangan meʼyorlar darajasidan yuqori boʻlganda (amaldagi texnik jihatdan tartibga solish sohasidagi normativ hujjatlarga muvofiq tarkibida GMO mavjudligiga tekshiriladigan oziq-ovqat mahsulotlari uchun tatbiq etiladi);

parazitlar yoki ularning tuxumlari aniqlanganda;

laboratoriya sinovlarining salbiy natijalari;

hujjatlar toʻliq taqdim etilmagan taqdirda.

Sanitariya-epidemiologiya xulosasini berishni rad etish boʻyicha qaror qabul qilingan taqdirda, Oʻzbekiston Respublikasi Sanitariya-epidemiologik osoyishtalik va jamoat salomatligi xizmati, uning hududiy boshqarmalari yoki tuman (shahar) boʻlimlari tomonidan uning aniq sabablari va qonunchilikda belgilangan normalarini koʻrsatgan holda ariza beruvchiga yozma shaklda maʼlum qilinadi.

Muvofiqlik sertifikatlarini rasmiylashtirishda takroriy sinovlar oʻtkazilishi taqiqlanadi va ularni berishda, idoraviy boʻysinishidan qatʼiy nazar, belgilangan tartibda akkreditatsiyadan oʻtgan laboratoriyalar tomonidan amalga oshirilgan sinovlarning ijobiy natijalari asos boʻladi.

Ariza beruvchi sanitariya-epidemiologik xulosa yoxud fitosanitariya va veterinariya xulosalari berishning rad etilishi yuzasidan belgilangan tartibda shikoyat qilishi mumkin.

16^1. Oʻtkazilgan laboratoriya tahlillari natijasiga koʻra, Oʻzbekiston Respublikasi hududida ishlab chiqarilgan yoki import qilinayotgan oziq-ovqat mahsulotlari isteʼmol qilishga hamda foydalanishga yaroqsiz deb topilgan taqdirda, masʼul sanitariya vrachi tomonidan bir kun muddatda ikki nusxada dalolatnoma tuziladi. Bunda oziq-ovqat mahsulotini ishlab chiqaruvchi yoki uni olib keluvchi toʻgʻrisidagi maʼlumotlar, oziq-ovqat mahsulotining qayerdan keltirilganligi, nomi va turi, ogʻirligi, miqdori, toʻplami, ishlab chiqarilgan sanasi, yaroqlilik muddati, oziq-ovqat mahsulotining qadoq turi, ushbu mahsulotning texnik jihatdan tartibga solish sohasidagi normativ hujjatlarga nomuvofiqligi koʻrsatiladi.

16². Tuzilgan dalolatnoma va hujjatlar toʻplami Sanitariya-epidemiologiya xizmati, uning hududiy boshqarmasi yoki tuman (shahar) boʻlimi rahbariga taqdim etiladi. Sanitariya-epidemiologiya xizmati, uning hududiy boshqarmasi yoki tuman (shahar) boʻlimi rahbari tomonidan dalolatnoma asosida bir kun muddatda isteʼmolga yaroqsiz deb topilgan oziq-ovqat mahsulotini ishlab chiqarish, undan foydalanish yoki respublikaga import qilishni taqiqlash toʻgʻrisida qaror imzolanadi.

Isteʼmolga yaroqsiz deb topilgan oziq-ovqat mahsulotini ishlab chiqarish, undan foydalanish yoki respublikaga import qilishni taqiqlash toʻgʻrisidagi qaror ikki nusxada tayyorlanadi, birinchi nusxasi bir ish kuni ichida ariza beruvchiga beriladi, ikkinchi nusxasi — Sanitariya-epidemiologiya xizmati, uning hududiy boshqarmasi yoki tuman (shahar) boʻlimida saqlanadi.

16³. Isteʼmolga yaroqsiz deb topilgan oziq-ovqat mahsuloti turiga qarab, tegishli tashkilotlar bilan kelishgan holda qayta ishlash yoki yoʻq qilish usuli va shartlari belgilanadi. Isteʼmolga yaroqsiz deb topilgan oziq-ovqat mahsulotidan qayta ishlashda foydalanish yoki uni yoʻq qilish usullari va shartlari Oʻzbekiston Respublikasi Sanitariya-epidemiologik osoyishtalik va jamoat salomatligi xizmati, Ekologiya va atrof-muhitni muhofaza qilish davlat qoʻmitasi, Oʻzbekiston Respublikasi Veterinariya va chorvachilikni rivojlantirish davlat qoʻmitasi, Oʻsimliklar karantini va himoyasi agentligi tomonidan amaldagi qonunchilikda belgilangan tartibda belgilanadi.

Oʻzbekiston Respublikasi hududiga import qilinayotgan oziq-ovqat mahsulotlari isteʼmol qilishga yoki foydalanishga yaroqsiz deb topilgan taqdirda, yuk egasi oziq-ovqat mahsulotini qonunchilikda belgilangan tartibda Oʻzbekiston Respublikasi bojxona hududidan olib chiqib ketish huquqiga ega.

Isteʼmolga yaroqsiz deb topilgan oziq-ovqat mahsuloti qayta ishlashda foydalanish yoki yoʻq qilishga qadar alohida joyda (rezervuarda), hisobda toʻplami, ishlatish (qayta ishlash) yoki yoʻq qilish usullari va shartlari aniq koʻrsatilgan holda saqlanishi shart.

Isteʼmolga yoki foydalanish uchun yaroqsiz deb topilgan mahsulotning toʻliq saqlanishi uchun masʼuliyat qonunchilikda belgilangan tartibda uning egasi zimmasiga yuklanadi. Isteʼmolga yaroqsiz deb topilgan mahsulotni qonunchilikda belgilangan tartibda ekspertiza qilish, yoʻq qilish usullari va shartlarini belgilash, qayta ishlash, saqlash, tashish, yoʻq qilish yoki Oʻzbekiston Respublikasi bojxona hududidan olib chiqib ketish bilan bogʻliq xarajatlar mahsulotning egasi hisobidan amalga oshiriladi.

III. Muvofiqlik sertifikatini rasmiylashtirish va berish tartibi

17. Muvofiqlik sertifikatini rasmiylashtirish sertifikatlash organlari tomonidan amalga oshiriladi.

Sertifikatlashtirish organini tanlash arizachi tomonidan mustaqil amalga oshiriladi.

18. Ariza beruvchi istalgan vaqtda, sertifikatlashtirish organlari esa birinchi talabga koʻra quyidagi hujjatlarni taqdim etishi shart:

a) muvofiqlik sertifikati majburiy tartibda boʻlishi kerak boʻlgan mahsulot turlarining roʻyxati yoki roʻyxatdan koʻchirma;

b) akkreditatsiya qilish sohasiga taalluqli boʻlgan mahsulotni sertifikatlash qoidalari;

v) sertifikatlashtirish boʻyicha xizmatlar narxlari (tariflari) preyskuranti;

g) davlat vakolatli organida akkreditatsiya qilinganlikni tasdiqlovchi hujjat.

Sertifikatlashtirish organi koʻrsatib oʻtilgan hujjatlar nusxalarini taqdim etganlik uchun nusxalarni tayyorlash xarajatlaridan ortiq boʻlmagan miqdorda toʻlov undirishga haqlidir.

19. Ishlab chiqarilayotgan mahsulotga muvofiqlik sertifikatini rasmiylashtirish uchun ariza beruvchi sertifikatlashtirish organiga ariza bilan murojaat qiladi. Arizaga quyidagi hujjatlar ilova qilinadi:

ishlab chiqarilayotgan mahsulotga normativ hujjat nusxasi;

mahsulotni markirovka qilish namunasi (mahsulot toʻgʻrisida axborot);

Chetdan olib kelinayotgan mahsulotni sertifikatlashtirish uchun mahsulotni markirovka qilish namunasi (mahsulot toʻgʻrisida axborot) taqdim etiladi.

20. Ishlab chiqarilayotgan mahsulotni sertifikatlashtirish maqsadida sertifikatlashtirish organlariga standartlash boʻyicha rasmiy, “Oʻzstandart” agentligi tomonidan tasdiqlangan normativ hujjatlar nusxalari taqdim etiladi, boshqa hollarda, shu jumladan oʻz ehtiyojlari uchun, tasdiqlanmagan nusxalardan foydalanilishi mumkin.

21. Arizada nazarda tutilgan taqdirda, sertifikatlashtirish organi ishlab chiqarilayotgan mahsulotni sertifikatlashtirish ishlarini (veterinariya va fitosanitariya xulosalari) nusxalarini olish muddatini kechiktirgan holda boshlashi mumkin.

Bu holda sertifikatlashtirish organi ishlab chiqarilayotgan mahsulotga muvofiqlik sertifikatini faqat ariza beruvchi tomonidan ijobiy natijalarga ega boʻlgan hujjatlarning barcha zarur nusxalari taqdim etilgandan keyin berishga haqlidir.

22. Sertifikatlashtirish organi ariza berilgan kundan boshlab ikki kun muddatda joyiga borib sertifikatsiya sinovlarini oʻtkazish uchun mahsulot namunalarini tanlab oladi va identifikatsiya qiladi.

Namunalar soni, tanlab olish tartibi, identifikatsiya qilish va saqlash qoidalari mahsulotga normativ hujjatlarda belgilanadi.

23. Maʼlum turdagi mahsulotni sertifikatlash maqsadida sinovlar protokolini rasmiylashtirish va berish muddati ushbu turdagi mahsulotni texnik tartibga solish sohasidagi normativ hujjatlar bilan belgilanadigan uslublarga muvofiq sinovlardan oʻtkazishning umumiy davom etish vaqtidan kelib chiqqan holda belgilanadi.

Ariza beruvchi oʻz mahsulotining tanlab olinishida va sinovlarida qatnashish huquqiga ega. Bunda laboratoriyada maxfiylikni taʼminlash chora-tadbirlari koʻrilishi kerak.

Namunalarning saqlanishi, sifati va sinovlarining ishonchliligi uchun “Oʻzstandart” agentligi tomonidan akkreditatsiya qilingan laboratoriya (markaz) javob beradi. Sinovlar protokollarini masʼul mutaxassislar imzolaydi va laboratoriya rahbari tasdiqlaydi.

24. Ariza beruvchi sertifikatlashtirish organiga akkreditatsiya qilingan laboratoriyalardagi mahsulot sinovlari boʻyicha qoʻshimcha hujjatlarni taqdim etishi mumkin. Agar mahsulotni alohida parametrlari boʻyicha sinovlar turli sinov laboratoriyalarida oʻtkazilgan boʻlsa, u holda sinovlarning ijobiy natijalari bilan birga barcha zarur protokollarning mavjudligi mahsulotning belgilangan talablarga muvofiqligining ijobiy bahosi hisoblanadi.

Respublikada chetdan keltiriladigan, majburiy tartibda sertifikatlanishi kerak boʻlgan mahsulotga normativ hujjat mavjud boʻlmaganda, sifat va xavfsizlik boʻyicha sertifikatsiya sinovlari mahsulotning ana shunday turlari talablariga muvofiqligi yuzasidan amalga oshiriladi.

Chetdan olib kelinayotgan mahsulotning zarur normativ hujjati yoki texnik tasnifnomalar mavjud boʻlmasa, mazkur mahsulotni sertifikatlash mahsulotning ana shunday turlariga xos hujjatlar boʻyicha amalga oshiriladi.

25. Laboratoriya sinovlarining salbiy natijalari, shuningdek hujjatlarning toʻliq boʻlmagan komplektini taqdim etish muvofiqlik sertifikati berishni rad etish uchun asos hisoblanadi, bu toʻgʻrida sertifikatlashtirish organi ariza beruvchiga aniq qonunchilik normalarini koʻrsatgan holda yozma ravishda xabar qiladi.

Xulosa berishni rad etganlik yuzasidan ariza beruvchi belgilangan tartibda shikoyat qilishi mumkin.

26. Sertifikatlashtirish organi taqdim etilgan hujjatlar va sinovlarning ijobiy natijalari asosida ikki ish kuni mobaynida muvofiqlik sertifikatini rasmiylashtiradi.

Chetdan olib kelinayotgan mahsulotlarga muvofiqlik sertifikati ularning yaroqlilik muddatiga (mahsulot yaroqliligining kafolatli muddatiga), yaroqlilik muddatiga (mahsulot yaroqliligining kafolatli muddatiga) ega boʻlmagan mahsulotlarga esa amal qilish muddati koʻrsatilmasdan, koʻplab ishlab chiqariladigan mahsulotlar uchun — 3 yilga beriladi. Koʻplab ishlab chiqariladigan mahsulotlar uchun berilgan muvofiqlik sertifikatining amal qilish davrida ishlab chiqarilgan mahsulotlar sertifikatlangan deb hisoblanadi.

Aynan bir xil tovarlarga bir tashqi savdo shartnomasi (kontrakti) doirasida muvofiqlik sertifikati bir kalendar yilidan oshmagan muddatga bir marotaba taqdim etiladi.

27. Koʻplab ishlab chiqariladigan mahsulotga muvofiqlik sertifikati berish uchun sertifikatlashtirish organi ariza beruvchida mahsulotni koʻplab ishlab chiqarish uchun shart-sharoitlar mavjudligini aniqlash maqsadida mahsulot ishlab chiqariladigan obyektlarni belgilangan tartibda tekshiradi. Tekshirish natijalari boʻyicha dalolatnoma rasmiylashtiriladi, undan muvofiqlik sertifikati berish toʻgʻrisida qaror qabul qilishda foydalaniladi.

Oʻtkazilgan tekshirishlar natijalari toʻgʻrisidagi maʼlumotlar muvofiqlik sertifikatida keltiriladi.

Tekshirishni oʻtkazish muddati, ishlab chiqarishning shakli va toifalariga koʻra, sinovlar uchun namunalar tanlab olingan vaqtdan boshlab 30 ish kunidan oshmasligi kerak. Tekshirish oʻtkazilganligi uchun toʻlov amalda sarflangan vaqt boʻyicha va belgilangan tartibda tasdiqlangan xarajatlar kalkulyatsiyasiga binoan undiriladi.

Muvofiqlik sertifikatini rasmiylashtirish va berish muddati sertifikatlashtirish organidan ushbu Nizomda nazarda tutilgan barcha zarur hujjatlar olingan vaqtdan boshlab uch ish kunidan oshmasligi kerak.

28. Koʻplab ishlab chiqariladigan mahsulot uchun muvofiqlik sertifikati bergan sertifikatlashtirish organi har yili kamida bir marta, mahsulotning sertifikatlashtirishda belgilangan talablarga muvofiqligini tasdiqlash maqsadida, sertifikatlashtirilgan mahsulotni inspeksiya nazorati tekshiruvini oʻtkazadi.

Inspeksiya nazorati natijalari boʻyicha muvofiqlik sertifikatining amal qilishi tasdiqlanishi yoki toʻxtatib turilishi yoxud belgilangan tartibda bekor qilinishi mumkin.

29. Laboratoriya sinovlarini oʻtkazganlik, muvofiqlik sertifikatini rasmiylashtirganlik va berganlik uchun toʻlov tartibi, ariza beruvchiga muvofiqlik belgisini qoʻllash huquqi berilganligi uchun bir yoʻla toʻlanadigan bir martalik yigʻimlar miqdorlari Oʻzbekiston Respublikasi Moliya vazirligi bilan kelishgan holda “Oʻzstandart” agentligi tomonidan belgilanadi.

IV. Chet el muvofiqlik sertifikatlarini eʼtirof etish

30. Sertifikatlashtirish organi eʼtirof etish toʻgʻrisida bitim tuzilgan MDH mamlakatlaridan va uzoq xorijiy mamlakatlardan olib kelinadigan mahsulotga sertifikatlarni eʼtirof etish huquqiga ega.

Eʼtirof etish tartiboti sertifikatlashtirish organining mahsulotni sertifikatlashtirish tartibida, “Oʻzstandart” agentligining normativ hujjatlariga muvofiq belgilangan boʻlishi kerak.

Xalqaro tizimlar va bitimlar doirasida amalga oshiriladigan sertifikatlarni eʼtirof etish ushbu tizimlar va bitimlarda belgilangan, Oʻzbekiston Respublikasi qonunchiligiga zid boʻlmagan qoidalarga muvofiq oʻtkaziladi.

31. Sertifikat talablarga muvofiq boʻlgan, Oʻzbekiston Respublikasida belgilangan ana shunday talablardan qolishmaydigan mahsulot uchun eʼtirof etiladi.

Normativ hujjatlarda sertifikatlashtirish uchun shart boʻlgan yoki kontraktda belgilangan qoʻshimcha talablar mavjud boʻlgan taqdirda mahsulot ushbu talablarga muvofiqlik yuzasidan sinab koʻrilishi kerak.

32. Olingan hujjatlar va materiallarni tahlil qilish, shuningdek mahsulotni identifikatsiyalash asosida sertifikatlashtirish organi chet el muvofiqlik sertifikatini eʼtirof etish (etmaslik) toʻgʻrisida qaror qabul qiladi.

Eksport qiluvchi mamlakatning Milliy sertifikatlashtirish tizimiga berilgan muvofiqlik sertifikatini eʼtirof etish uni import qiluvchi mamlakatning muvofiqlik sertifikatiga qayta rasmiylashtirish va Yagona davlat reyestriga kiritish yoʻli bilan amalga oshiriladi.

V. Mahsulotni shtrixli kodlashtirish

33. Ariza beruvchi oʻz xohishiga koʻra tasniflash Yevropa tovar raqamlanishi uyushmasi (GS1) tomonidan kodlashtirish borasida korxonaning roʻyxatdan oʻtkazish raqamini hamda ishlab chiqariladigan tovarning bir kun mobaynida beriladigan raqamli kodini olish uchun “GS1 Uzbekistan”ga murojaat qiladi.

“Oʻzstandart” agentligi tomonidan, belgilangan tartibga muvofiq shtrixli kodning original-maketi tayyorlanadi va beriladi.

34. Kod berish boʻyicha xizmatlar qiymati, shuningdek aʼzolik badallari miqdori GS1 Uzbekistan qatnashchilari tomonidan belgilanadi. Shtrixli kodning original maketlarini tayyorlash va berish shartnoma asosida amalga oshiriladi.

VI. Yakuniy qoidalar

35. Ushbu Nizomning buzilishida aybdor boʻlgan shaxslar qonunchilikka muvofiq javob berishadi.

Mahsulotlarni sertifikatlashtirish tartibi toʻgʻrisidagi nizomga
ILOVA

Mahsulotlarni sertifikatlashtirish tartiboti sxemasi

Sertifikatlash tartibotining umumiy muddati ushbu turdagi mahsulotni texnik tartibga solish sohasidagi normativ hujjatlar bilan belgilanadigan usullarga muvofiq sinovlardan oʻtkazishning umumiy davom etish vaqtidan kelib chiqqan holda belgilanadi.

Izohlar:

1. Ariza beruvchi zarur hollarda sanitariya-epidemiologik xulosa olish uchun hududiy sanitariya-epidemiologiya xizmati organiga zarur hujjatlarni ilova qilgan holda ariza beradi.

Hududiy davlat sanitariya-epidemiologiya xizmati organi belgilangan tartibda joyiga borgan holda laboratoriya sinovlari oʻtkazish uchun mahsulotlardan namuna oladi va obyektni tekshiradi.

1a. Chorva mahsulotlari uchun hududiy sanitariya-epidemiologiya xizmati organi ariza beruvchidan hujjatlar olingan kundan keyingi kundan kechikmasdan tuman (shahar) veterinariya xizmati organiga buyurtmanoma joʻnatadi.

1b. Veterinariya xizmati organi uch kun muddatda hududiy sanitariya-epidemiologiya xizmati organiga veterinariya xulosasini yoki xulosa berishni rad etishga sabab boʻlgan aniq qonunchilik normalarini koʻrsatgan holda yozma javob yuboradi.

Veterinariya xizmati organi 20 kungacha izolyatsiyalash-cheklash (karantin) choralarini belgilash huquqiga ega. Bunda veterinariya xulosasini berish tartiboti karantin muddati tugagunga qadar toʻxtatib turiladi.

1v. Oʻsimlik mahsulotlari uchun hududiy sanitariya organi ariza beruvchidan hujjatlar olingan kundan keyingi kundan kechikmasdan tuman (shahar) oʻsimliklar karantini va himoyasi davlat xizmati organiga buyurtmanoma joʻnatadi.

1g. Oʻsimliklar karantini va himoyasi davlat xizmati organi ikki kun muddatda fitosanitariya xulosasi yoki salbiy xulosa beradi.

2. Laboratoriya sinovlari, shuningdek veterinariya hamda fitosanitariya xulosalaridan ijobiy natija olinganda, hududiy sanitariya-epidemiologiya xizmati organi ariza beruvchiga sanitariya-epidemiologik xulosa beradi.

3,4. Ariza beruvchi oʻz xohishiga koʻra, tashkilot va ishlab chiqaradigan mahsuloti shtrixli kodda foydalaniladigan tovar kodini olish uchun “GS1 Uzbekistan”ga murojaat qilishi mumkin.

5. Ariza beruvchi muvofiqlik sertifikati olish uchun sertifikatlash boʻyicha akkreditatsiya qilingan organga zarur hujjatlarni ilova qilgan holda ariza taqdim etadi. (Ariza sanitariya-epidemiologik xulosa olish uchun beriladigan ariza bilan bir vaqtda berilishi mumkin).

6. Sertifikatlash boʻyicha akkreditatsiya qilingan organ 3 ish kunidan ortiq boʻlmagan muddatda (bundan TIF TN kodi 84 va 85 guruhiga mansub mahsulotlar bir oydan ortiq boʻlmagan muddatda) muvofiqlik sertifikati yoki aniq qonunchilik normalarini koʻrsatgan holda yozma rad javobini beradi.

Vazirlar Mahkamasining 2004-yil 6-iyuldagi 318-son qaroriga
2-ILOVA

Mahsulotni standart talablariga muvofiq sertifikatlashtirish tartibi toʻgʻrisida

NIZOM

1-bob. Umumiy qoidalar

1. Mazkur Nizom ishlab chiqariladigan va chetdan keltiriladigan mahsulotlarni standart talablariga sertifikatlashtirish tartibini belgilaydi.

Mahsulotlarni sertifikatlashtirishni tashkil qilish va oʻtkazish ishlari belgilangan tartibda akkreditatsiyadan oʻtgan mahsulotlarni sertifikatlashtirish organlari (keyingi oʻrinlarda — MSO) tomonidan amalga oshiriladi.

Mahsulotlarning har bir turi boʻyicha sertifikatlashtirish tartibi MSO tomonidan ishlab chiqilgan va tasdiqlangan sifat boʻyicha qoʻllanma va sifat menejmenti tizimi hujjatlari bilan belgilanadi.

Ushbu Nizom mahsulotlar yoki mahsulot talablariga bogʻliq loyihalash jarayonlari (shu jumladan, tadqiqotlar), ishlab chiqarish, qurilish, montaj, sozlash, foydalanish, saqlash, tashish, sotish va utilizatsiya qilish (keyingi oʻrinlarda — mahsulot) uchun standartlarda belgilangan talablarga muvofiqligini setifikatlashtirish sxemalarini oʻz ichiga oladi.

Sertifikatlashtirish davomida ilgari tekshirilgan xavfsizlik boʻyicha tavsifga taʼsir etmaydigan mahsulotning dizayni yoki tashqi tavsiflari oʻzgarishi zamonaviylashtirilgan mahsulotni qoʻshimcha baholashga sabab boʻlmaydi. Mahsulot xavfsizligi boʻyicha majburiy tavsiflar standartlarda belgilanadi.

2. Mazkur Nizom mahsulotlarni standart talablariga muvofiq sertifikatlashtirishga tatbiq etiladi.

Mahsulotlarni sertifikatlashtirishda bir nechta MSO mavjud boʻlsa, ariza beruvchi oʻz tanloviga binoan ulardan biriga murojaat qilish huquqiga ega.

3. Mahsulotlarni sertifikatlashtirish ushbu Nizomga 1-ilovada keltirilgan sxemaga muvofiq amalga oshiriladi. Bunda ushbu Nizomning 16-bobida keltirilgan mahsulotlarni sertifikatlashtirish chizmalari hamda 2-ilovada keltirilgan muvofiqlik sertifikati orqali mahsulotlarning muvofiqligini tasdiqlash jadvali qoʻllanilishi hisobga olinadi.

Sertifikatlashning chizmalari tekshirishlar hajmiga qarab sertifikatlashtirish chizmasining murakkabligi, mahsulotning xavfsizlik darajasiga bogʻliq holda aniqlanadi.

Oʻzbekiston Respublikasida mahsulotlarni sertifikatlashning tavsiya etiladigan chizmalari ushbu Nizomning 16-bobida keltirilgan.

Har bir muayyan holatda MSO ariza beruvchining taklifini, yetkazib beriladigan mahsulot hajmi va muddatini, sinash usullarini, ishlab chiqarishning oʻziga xos xususiyatlarini va uning barqarorligining buzilish xavfi mavjudligini, shuningdek mazkur mahsulotning isteʼmolchilar uchun potensial xavfini hisobga olgan holda sertifikatlashtirish chizmasini tanlaydi.

Xalqaro tizimlar yoki bitimlar doirasida sertifikatlashtirish ushbu hujjatlarda nazarda tutilgan chizmalar boʻyicha bajariladi.

4. Sertifikatlashtirishda mahsulot muvofiqligini tasdiqlanishi lozim boʻlgan xususiyatlar (koʻrsatkichlar) roʻyxati, tekshirish va sinash usullari keltirilgan, sertifikatlashtiriladigan mahsulotga standartlarda belgilangan talablarga mos ekanligi tasdiqlanadi.

Standartlarda sertifikatlashtirish sinovlari toʻgʻrisida boʻlim keltirilmagan yoki davlatlararo standartlarni qoʻllanishi koʻrsatilmagan boʻlsa, u holda MSO standartlarda koʻrsatilgan tavsiflar majmuidan birinchi navbatda xavfsizlik boʻyicha talablarni belgilovchi koʻrsatkichlarni tanlaydi.

5. Sertifikatlashtirishda muayyan mahsulot uchun standartlardan tashqari mahsulotning majburiy talablarini belgilovchi normativ-huquqiy hujjatlarga va boshqa rasmiy nashr etilgan normativ hujjatlarga ham amal qilish lozim.

6. Mahsulot sinovlarini oʻtkazishda takrorlashga yoʻl qoʻymaslik maqsadida milliy akkreditatsiyadan oʻtgan sinov laboratoriyalari (keyingi oʻrinlarda — SL) milliy akkreditatsiyadan oʻtgan boshqa SLda oʻtkazilgan sinov natijalarini oʻzaro tan olishlari lozim.

SLda muayyan koʻrsatkichlar boʻyicha oʻtkazilgan sinovlarning natijalari mavjud boʻlsa, u holda MSO bu natijalardan qoʻshimcha sinovlarsiz mahsulotlarni sertifikatlashtirishda foydalanishi mumkin. Bunda sinovlarning oʻtkazilgan vaqti hisobga olinib, ushbu muddat mahsulot standartida belgilangan yaroqlilik muddatidan oshmasligi kerak.

7. Sertifikatlashtirish ishlariga haq toʻlash, ariza beruvchi tomonidan muvofiqlikni baholash ishlari natijalaridan qatʼi nazar, qonunchilikda belgilangan tartibda amalga oshiriladi. Bunda muvofiqlikni baholash ishlari toʻlov oldindan amalga oshirilgandan soʻng bajariladi.

8. Mahsulotning muvofiqlik sertifikatini rasmiylashtirish va berish muddati barcha zarur hujjatlar (sinov bayonnomalari va dalolatnomalar) berilgan vaqtdan boshlab uch ish kunidan oshmasligi lozim.

2-bob. Asosiy tushunchalar

9. Ushbu Nizomda quyidagi asosiy tushunchalar qoʻllaniladi:

ariza beruvchi — ishlab chiqaruvchi, ishlab chiqaruvchining vakolatli vakili, sotuvchi yoki import qiluvchi;

akkreditatsiyadan oʻtgan sinov laboratoriyasi (markazi) — akkreditatsiya organi tomonidan rasman tan olingan va muvofiqlikni baholash sohasida yagona davlat reyestriga kiritilgan, sinov va oʻlchashlarni amalga oshiradigan Oʻzbekiston Respublika qonunchiligiga muvofiq roʻyxatdan oʻtgan yuridik shaxs yoki uning nomidan harakat qiluvchi ushbu yuridik shaxsning tarkibiy boʻlinmasi;

ishlab chiqarishni baholash — sertifikatlashtirish organlari tomonidan ishlab chiqaruvchida respublika hududida muomalaga chiqarilayotgan mahsulotlarning standart talablariga sertifikatlashtirishda tasdiqlanadigan doimiy (barqaror) muvofiqligini taʼminlash uchun zarur shart-sharoitlarga ega ekanligini aniqlash maqsadida amalga oshiriladigan amallar toʻplamini oʻzida ifodalovchi mahsulotlarni sertifikatlashtirish sxemasining bir qismi;

importyor — mahsulot yetkazib beruvchi xorijiy ishlab chiqaruvchi (sotuvchi) bilan tashqi savdo bitimini tuzib, ushbu mahsulotni respublika hududida muomalaga chiqaradigan va uning standart talablariga muvofiqligi uchun javobgar boʻlgan, qonunchilikda belgilangan tartibda roʻyxatdan oʻtgan yuridik yoki jismoniy shaxs;

ishlab chiqaruvchining oʻz sinov laboratoriyasi — ishlab chiqaruvchining sinov va oʻlchashlarni qonunchilikda belgilangan tartibda amalga oshiruvchi tarkibiy boʻlinmasi;

ishlab chiqaruvchining filiali — ishlab chiqaruvchining yuridik shaxs boʻlmagan, hududidan tashqarida joylashgan va uning barcha funksiyalari yoki ularning bir qismini bajaradigan alohida boʻlinmasi;

mahsulot toʻpi — muvofiqlikni tasdiqlash uchun ariza beruvchi tomonidan taqdim etilgan yuk hujjatga muvofiq bir turdagi, bir nomli va belgili mahsulot birligi;

sertifikatlashtirilgan mahsulotlarni davriy baholash — sertifikatlangan mahsulotning sertifikatlashtirilayotganda belgilangan talablarga muvofiqligini tasdiqlash maqsadida amalga oshiriladigan davriy, takroriy baholash tartib-taomili;

sotuvchi — ishlab chiqaruvchi boʻlmagan holda mahsulotlarni shartnoma boʻyicha muomalaga chiqaruvchi, Respublika qonunchiligida belgilangan tartibda tadbirkor sifatida roʻyxatdan oʻtgan yuridik yoki jismoniy shaxs;

sertifikatlashtirish sxemasi — mahsulotning standart talablariga muvofiqligi dalili sifatida koʻrib chiqiladigan harakatlar majmui;

turkum ishlab chiqariladigan mahsulot — yagona texnik hujjatlarga muvofiq yagona texnologik jarayon boʻyicha ishlab chiqariladigan va respublika hududida davriy yoki ketma-ket muomalaga chiqariladigan mahsulot toʻpi;

yuk kuzatuv hujjatlari — mahsulot nomenklaturasi va miqdorini belgilovchi hujjatlar;

yagona buyum — donabay mahsulotning alohida yakka nusxasi;

ekspert — maʼlum sohada mahsulot muvofiqligini tasdiqlash uchun bilim va malakaga ega boʻlgan, sertifikatlashtirish organida mahsulot muvofiqligini tasdiqlash boʻyicha faoliyat yuritadigan jismoniy shaxs.

3-bob. Sertifikatlashtirish tartibi

10. Muvofiqlik sertifikati MSO tomonidan rasmiylashtiriladi.

MSOlardan biri ariza beruvchi tomonidan mustaqil tanlanadi.

Mahsulotlarni sertifikatlashtirish uchun ariza beruvchi mazkur Nizomga 3-ilovada keltirilgan shaklda elektron tizim orqali arizani tegishli MSOga yuboradi.

11. Mahsulotlarni sertifikatlashtirish chizmalari ketma-ket bajariladigan quyidagi tartiblarni oʻz ichiga oladi:

a) MSOga sertifikatlashtirish yuzasidan ariza berish va uni koʻrib chiqish;

b) taqdim etilgan mahsulot standarti va arizaga ilova qilingan boshqa hujjatlarni tahlil qilish;

v) ariza boʻyicha qaror qabul qilish;

g) intellektual mulk obyektlariga, (tovar belgilari, tovar kelib chiqqan joy nomlari va geografik koʻrsatkichlar) (keyingi oʻrinlarda — IMO) huquqlariga rioya etilganligini oʻrganish va tekshirish;

d) sinov dasturini tayyorlash va tasdiqlash (6-chizmadan tashqari);

e) namunalarni identifikatsiya qilish, tanlab olish va SLga yetkazish (6-chizmadan tashqari);

j) namunalarni SLda sinovdan oʻtkazish (6-chizmadan tashqari);

z) mahsulotni ishlab chiqarish sharoitlarini baholash (sertifikatlashtirishning 3, 4 va 5-chizmalari uchun);

i) sifat tizimini baholash (5 va 6-chizmalari uchun);

y) olingan natijalarni tahlil qilish, muvofiqlik sertifikatini berish yoki uni berishni rad etish;

k) muvofiqlik sertifikatini davlat reyestrida elektron roʻyxatga olish.

12. Ariza beruvchi istalgan vaqtda, MSO esa birinchi talabga koʻra quyidagi hujjatlarni taqdim etishi shart:

a) akkreditatsiya qilish sohasiga taalluqli boʻlgan mahsulotni sertifikatlashtirish qoidalari;

b) sertifikatlashtirish boʻyicha xizmatlar narxlari (tariflari) preyskuranti;

v) akkreditatsiya guvohnomasi.

4-bob. Ariza taqdim qilish

13. Ishlab chiqarilayotgan mahsulotga muvofiqlik sertifikatini rasmiylashtirish uchun ariza beruvchi MSOga elektron tizim orqali ariza bilan murojaat qiladi. Arizaga quyidagi hujjatlar ilova qilinadi:

mahsulotning standart nusxasi;

mahsulotni markirovka qilish namunasi (mahsulot toʻgʻrisida axborot);

IMO roʻyxatdan oʻtkazilganligi toʻgʻrisidagi muhofaza hujjati (guvohnoma yoki patent) yoki IMOdan foydalanish toʻgʻrisida litsenziya (mavjud boʻlsa);

mahsulot standart talablariga muvofiqligiga isbot sifatida ariza beruvchi tomonidan taqdim etilgan boshqa hujjatlar (mavjud boʻlsa);

Arizaga ilova qilingan va chet tilida yozilgan hujjatlar Oʻzbekiston Respublikasining davlat tilidagi tarjimasi bilan taqdim etilishi shart.

14. Taqdim etilgan mahsulot uchun standartda veterinariya, fitosanitariya yoki ekologik talablar mavjud boʻlganda, MSO veterinariya ekspertizalarini, fitosanitariya nazorati yoki ekologik ekspertizadan oʻtkazish zarurligini aniqlaydi.

Mazkur amallar sertifikatlashtirish sinovlari bilan bir vaqtning oʻzida oʻtkazilishi mumkin va ariza beruvchiga muvofiqlik sertifikatini berishdan avval, bu amallar tegishli hujjatlarni taqdim etilishi bilan tugallanishi lozim.

15. Arizada nazarda tutilgan taqdirda, MSO ishlab chiqarilayotgan mahsulotni sertifikatlashtirish ishlarini (veterinariya va fitosanitariya xulosalari) nusxalarini olish muddatini kechiktirgan holda boshlashi mumkin.

5-bob. Intellektual mulk obyektlariga boʻlgan huquqlarni oʻrganish va tekshirish

16. Mahsulotlarni sertifikatlashtirish jarayonida MSO tomonidan tegishli mahsulotda qoʻllanilgan nom, qadoqlar va boshqa rekvizitlarda IMOga boʻlgan huquqlarga rioya etilganligini aniqlash maqsadida oʻrganish va tekshirishlar amalga oshiriladi.

Ushbu oʻrganish va tekshirishlar sertifikatlashtirish sinovlarini oʻtkazish uchun tanlab olingan mahsulot namunalarida (yorliq va qadoqlarda) qoʻllanilgan belgi, nom va boshqa rekvizitlarni Adliya vazirligining “Intellektual mulk muhofazasi portali”da mavjud maʼlumotlar bilan solishtirish orqali oʻtkaziladi.

17. Tegishli mahsulotda qoʻllanilgan IMO roʻyxatdan oʻtkazilganligi toʻgʻrisidagi muhofaza hujjati (guvohnoma, patent yoki ularga ilova) nusxasi yoki IMOdan foydalanish toʻgʻrisidagi shartnoma nusxasi mavjud boʻlganda bunday oʻrganish va tekshirishlar amalga oshirilmaydi.

Oʻrganish va tekshirish natijasida tegishli mahsulotda IMOning qonunga xilof ravishda qoʻllanilganligi (kontrafaktligi) aniqlanganda, MSO sertifikatlashtirish ishlarini toʻxtatadi va ariza beruvchiga asoslangan rad javobi beradi.

Bunda mahsulotda IMOning qonunga xilof ravishda qoʻllanilganligini (kontrafaktligini) aniqlagan MSO tegishli maʼlumotlarni Vazirlar Mahkamasi huzuridagi Oʻzbekiston texnik jihatdan tartibga solish agentligi (keyingi oʻrinlarda — Agentlik) va Adliya vazirligiga bir kun muddatda kiritishi shart.

6-bob. Sertifikatlashtirishga taqdim etilgan ariza va hujjatlar toʻplamini koʻrib chiqish va tahlil qilish

18. MSO ariza beruvchi tomonidan taqdim etilgan ariza va unga ilova qilingan hujjatlarni quyidagi nuqtai-nazardan koʻrib chiqadi va tahlil qiladi:

a) arizaning toʻgʻri toʻldirilganligi;

b) arizaga taqdim etilgan hujjatlar toʻplamida materiallar toʻliqligi va yetarliligi.

Ariza berilgandan soʻng MSO uni koʻrib chiqib, taqdim etilgan hujjatlarni tahlil qiladi va arizani olgandan keyin ikki ish kunidan kechiktirmay, ariza beruvchiga mahsulotlarni sertifikatlashtirishning belgilangan tartibiga asoslanadigan sertifikatlashtirishning barcha asosiy shartlari, shu jumladan, sertifikatlashtirish chizmasi va sertifikatlashtirish uchun normativ hujjat, sinovlar oʻtkaziladigan SL koʻrsatilgan qarorni maʼlum qiladi. Qarorning tavsiya etilgan shakli mazkur Nizomga 4-ilovada keltirilgan.

Sertifikatlashtiriladigan mahsulotning standartlarida veterinariya, fitosanitariya yoki ekologik normalar va talablar mavjud boʻlsa, qarorda veterinariya, fitosanitariya, xulosalarni yoki ekologik ekspertizani olish zarurligi ham koʻrsatiladi.

Ariza va ariza beruvchi tomonidan taqdim etilgan ilova hujjatlarini koʻrib chiqish va tahlil qilishning salbiy natijalari boʻyicha MSO ariza berilgan kundan boshlab bir ish kuni mobaynida ariza beruvchiga, arizaning kamchiligi yoki hujjatlar toʻplamini toʻldirish sabablarini koʻrsatgan holda sertifikatlashtirish ishlarini oʻtkazishni rad etish toʻgʻrisida elektron tizim orqali xabar beradi.

MSOning sertifikatlashtirish ishlarini oʻtkazishni rad etish toʻgʻrisidagi qarori arizani qabul qilishni rad yetish uchun asos boʻlib xizmat qilgan kamchilikliklar bartaraf etilganda, ariza beruvchi tomonidan ariza va hujjatlar toʻplamini ushbu MSOga qayta yuborishiga toʻsqinlik qilmaydi.

7-bob. Mahsulotlarni identifikatsiyalash, namuna (nusxa) olish, sinov va oʻlchashlarini oʻtkazish

19. MSO qaror qabul qilingan kundan boshlab va ariza beruvchi tomonidan toʻlov amalga oshirilgandan soʻng ikki ish kun muddatda joyiga borib sertifikatsiya sinovlarini oʻtkazish uchun mahsulot namunalarini tanlab oladi va identifikatsiya qiladi.

Namunalar soni, tanlab olish tartibi, identifikatsiya qilish va saqlash qoidalari mahsulotlarning standartlarida, shu jumladan sinov usullarida belgilanadi.

20. Sertifikatlashtirishga taqdim etilgan mahsulot namunalarini tanlab olishda identifikatsiya qilish amali standartlar hamda MSO tomonidan ishlab chiqilgan va tasdiqlangan sertifikatlashtirishning tegishli qoidalariga asosan ushbu Nizomga 5-ilovaga muvofiq namunalarni identifikatsiya qilish va tanlab olish dalolatnomasini rasmiylashtirgan holda amalga oshiriladi. Mahsulot yorligʻi (markirovkasi) va tovar yoʻl hujjatlar identifikatorlar hisoblanadi.

Agar identifikatsiya natijalariga koʻra ariza beruvchi tomonidan taqdim etilgan namunalar standartlarda belgilangan talablarga nomuvofiq yoki sertifikatlashtiriladigan mahsulot turi belgilangan namunada emasligi yoki standartlar talablariga muvofiq sinovlarni oʻtkazishga yetarli emasligi maʼlum boʻlsa, namunalar tanlab olinmaydi va ariza beruvchiga asoslangan rad javobi beriladi.

21. Mahsulot namunalarini tanlab olish va identifikatsiya qilish dalolatnomasi ikki nusxada rasmiylashtiriladi hamda ularning bittasi ariza beruvchiga beriladi.

22. Ariza beruvchi oʻzining xohishiga koʻra sertifikatlanadigan mahsulotning texnik tavsiflarini taqdim etishi mumkin.

Shuningdek, ariza beruvchi MSOga Oʻzbekiston Respublikasining Milliy akkreditatsiya tizimida akkreditlangan yoki xorijiy akkreditatlangan SLlar tomonidan amalga oshirilgan sinovlar toʻgʻrisidagi hujjatlarni (sinov bayonnomalari) taqdim etishi mumkin.

Bunda MSO sinov bayonnomalarini eʼtirof etishda bayonnomada keltirilgan sinovlar talablari va natijalarining standartlarda belgilangan talablarga muvofiqligini tahlil qiladi.

Tahlil natijalari boʻyicha MSO bir ish kuni mobaynida sinov bayonnomalarini eʼtirof etadi yoki ariza beruvchiga asoslangan sabablarni koʻrsatgan holda rad javobini yuboradi.

23. Maʼlum turdagi mahsulotni sertifikatlashtirish maqsadida sinov bayonnomalarini rasmiylashtirish va berish muddati ushbu turdagi mahsulotning standartlari bilan belgilanadigan uslublarga muvofiq sinovlarning davomiyligidan kelib chiqqan holda belgilanadi.

Namunalarning saqlanishi, sifati va sinovlarining ishonchliligi uchun SL (markaz) javob beradi. Sinovlarning bayonnomalari masʼul mutaxassislar tomonidan imzolanadi va laboratoriya rahbari tomonidan imzo va muhr bilan tasdiqlanadi.

Sinov bayonnomalari ariza beruvchiga va MSOga taqdim etiladi. Agar mahsulotning sinovlari alohida parametrlar boʻyicha turli SLlarida oʻtkazilgan boʻlsa, u holda mahsulotning belgilangan talablarga muvofiqligi boʻyicha sinov natijalarining ijobiyligi, barcha ijobiy sinov bayonnomalarning mavjudligi hisoblanadi.

24. Sertifikatlashtirishda standartning barcha talablarini tekshirish zarurligini MSO har bir muayyan holda, oʻzidagi qoʻshimcha hujjatlarni (sifat tizimiga yoki ishlab chiqarishga sertifikat, vakolatli tashkilotlarda oʻtkazilgan sinov bayonnomalari, veterinariya, fitosanitariya xulosalari, ekologik ekspertiza, yetkazib beruvchining texnik hujjatlari va boshqalar)ni hisobga olib aniqlaydi.

Ariza beruvchi MSOga akkreditatsiyadan oʻtgan SLlardagi mahsulot sinovlari boʻyicha qoʻshimcha hujjatlarni taqdim etishi mumkin. Agar qoʻshimcha hujjatlarda SLda muayyan koʻrsatkichlar boʻyicha oʻtkazilgan sinovlarning natijalari mavjud boʻlsa, u holda MSO bu natijalardan qoʻshimcha sinovlarsiz muvofiqlikni baholashda foydalanishi mumkin. Bunda sinovlarning oʻtkazilgan vaqti hisobga olinib, ushbu muddat standartlarda belgilangan mahsulotning yaroqlilik muddatidan oshmasligi kerak.

25. Sertifikatlashtirish ishlariga toʻlovni oldindan amalga oshirmaslik, laboratoriya sinovlarining salbiy natijalari, shuningdek, hujjatlarning toʻliq boʻlmagan toʻplamini taqdim etish muvofiqlik sertifikati berishni rad etish uchun asos hisoblanadi va bu toʻgʻrisida MSO ariza beruvchiga aniq qonunchilik normalarini koʻrsatgan holda yozma ravishda xabar qiladi.

Bunda MSO sifat va xavfsizlik talablari tasdiqlanmagan mahsulot toʻgʻrisida ikki kunlik muddatda rasmiy ravishda murojaatchiga, Agentlikka, Soliq qoʻmitasiga, Iqtisodiyot va moliya vazirligi huzuridagi Bojxona qoʻmitasiga hamda ushbu tovarni nomuvofiq ekanligi toʻgʻrisida xulosani taqdim etadi.

MSO tomonidan berilgan xulosa yuzasidan ariza beruvchi belgilangan tartibda shikoyat qilishi mumkin.

26. Mahsulotning standartlarda belgilangan talablar boʻyicha muvofiqligini baholash yuzasidan oʻtkazilgan sinovlar davomida butunlay yoki qisman buzilgan, shuningdek sinov davrida buzilmagan mahsulotning hisobdan chiqarilganligi (qaytarib berilganligi) toʻgʻrisidagi dalolatnoma murojaatchi (yoki uning vakili) ishtirokida ushbu Nizomga 6-ilovaga muvofiq tuziladi.

8-bob. Ishlab chiqarishni baholash

27. Ishlab chiqarishni baholash MSO tomonidan turkum ishlab chiqarilgan mahsulotlarni sertifikatlashtirishda, ishlab chiqaruvchida, chiqarilayotgan mahsulotning standartda belgilangan talablarga doimiy (barqaror) muvofiqligini taʼminlash uchun zarur sharoitlar mavjud ekanligini aniqlash maqsadida oʻtkaziladi.

Sertifikatlashtirish chizmasiga qarab, ishlab chiqarishni baholash amali mahsulot muvofiqligini sertifikatlashtirishda sxemasida yoki sertifikatlangan mahsulotni davriy baholashdan oʻtkazishda amalga oshiriladi.

Ishlab chiqarishni mahsulotni identifikatsiyalash, namuna (nusxa) tanlash hamda sinov va oʻlchashlari bilan bir vaqtda baholashga yoʻl qoʻyiladi.

28. Ishlab chiqarish MSO buyrugʻi bilan tasdiqlangan komissiya tomonidan baholanadi.

Buyruqda ishlab chiqarishni baholash komissiya tarkibi (komissiya rahbari va mutaxassislar), ishlab chiqarishni baholashdan oʻtkazishning aniq muddatlari koʻrsatiladi. Bunda ishlab chiqarishni baholash muddati oʻn ish kunidan oshmasligi kerak.

29. Ishlab chiqarishni baholash komissiya tarkibi, ishlab chiqarish hajmi, texnologik jarayonlar, mahsulotlarning murakkabligi va boshqalardan kelib chiqib, bir nechta mutaxassislardan iborat boʻladi. Bunda komissiya tarkibi besh kishidan oshmasligi lozim.

Ishlab chiqarish va mahsulotning oʻziga xos xususiyatlari bilan bogʻliq malakali baholashni taʼminlash uchun mahsulot turi, unga, standartlarda belgilangan talablar va ishlab chiqarish texnologiyasi boʻyicha asosiy bilimlarga ega mutaxassislar ishlab chiqarishni baholash komissiyasi tarkibiga kiritilishi kerak.

30. Ishlab chiqarishni baholash MSO rahbari (rahbar oʻrinbosari) ishlab chiqqan va tasdiqlagan ishlab chiqarishni baholash dasturiga muvofiq mahsulot ishlab chiqarish (joyida) manzilida amalga oshiriladi.

Ishlab chiqarishni baholash quyidagilarni baholash orqali oʻtkaziladi:

mahsulotning texnik (loyihaviy va (yoki) konstruktorlik va (yoki) texnologik va (yoki) foydalanish) hujjatlari;

ishlab chiqarilayotgan mahsulotning standart talablariga muvofiqligiga taʼsir etuvchi ishlarni bajaruvchi xodimlarning malakaliligi hamda ularning xavfsizligi;

ishlab chiqarish infratuzilmasi (ishlab chiqaruvchi hududida joylashgan va ishlab chiqarishni tashkil etish uchun zarur boʻlgan obyektlar majmui (ishlab chiqarish obyektlari, yuk tashish mashinalari va boshqalar));

uskunalar (texnologik jihozlash vositalari), shuningdek, ularga texnik xizmat koʻrsatish va taʼmirlash;

nazorat, oʻlchash va sinov uskunalarini boshqarish, ularga texnik xizmat koʻrsatish va taʼmirlash;

mahsulotning standartlarda belgilangan talablarga muvofiqligini taʼminlash uchun zarur boʻlgan oʻlchash vositalari;

sertifikatlashtirilgan mahsulotlar (xomashyo, materiallar, butlovchi buyumlar)ning xavfsizlik koʻrsatkichlariga taʼsir etuvchi, sotib olingan mahsulotlarning kirish nazorati;

texnologik jarayonlar, shu jumladan, maxsus (agar standartda tegishli talablar mavjud boʻlsa);

tayyor mahsulotning standartlarda oʻrnatilgan xususiyatlarini nazorat qilish bilan bogʻliq qabul qilish nazorati va davriy sinovlari;

tayyor mahsulotlarni tamgʻalash (markirovkalash), saqlash, oʻrab joylash va konservatsiyalash shartlari;

isteʼmolchi bilan oʻzaro hamkorlik (jumladan, ushbu ishlab chiqaruvchining mahsulotlari haqida shikoyat va noroziliklarini koʻrib chiqish);

standartlarda belgilangan talablarga nomuvofiq mahsulotlar nazorati;

mahsulotni identifikatsiya qilish va kuzatiluvchanligi;

tuzatuvchi va profilaktika chora-tadbirlari.

31. Ishlab chiqarishni baholash natijalari yakuni bilan komissiya tomonidan MSOning menejment tizimining rahbariy hujjatlarida belgilangan shaklda uch ish kunida ikki nusxada tahlil natijalari, tasdiqlovchi hujjat va materiallarga havolalar hamda zarurat boʻlganda aniqlangan nomuvofiqliklarni bartaraf qilish muddatlari koʻrsatilgan dalolatnoma tuziladi, uning bir nusxasi ishlab chiqaruvchiga topshiriladi, ikkinchi nusxasi mahsulotlarni MSOga taqdim qilinadi.

Bunda ishlab chiqarishni baholash natijasida aniqlangan nomuvofiqliklar va ularning sabablarini bartaraf qilish muddati bir oydan oshmasligi lozim.

Ishlab chiqarish baholash natijalari toʻgʻrisidagi dalolatnomada ishlab chiqarishning standart talablariga javob beradigan, sertifikatlashtirishda muvofiqligi tasdiqlanadigan mahsulotni doimiy (barqaror) yoʻlga qoʻyish qobiliyati haqidagi xulosalar boʻlishi kerak.

Ishlab chiqarishni baholash hisoboti barcha komissiya aʼzolari va ishlab chiqaruvchi tomonidan imzolanadi, ishlab chiqaruvchi, ishlab chiqarishni baholash natijalaridan norozi boʻlgan taqdirda oʻz fikrini dalolatnomada bayon qilishi mumkin.

MSO mahsulotni sertifikatlashtirish ishlarini, ishlab chiqarishning baholash natijalari asosida toʻxtatishi yoki tugatishi mumkin.

Sertifikatlashtirish ishlarini toʻxtatib turish toʻgʻrisidagi qaror, agar ariza beruvchi aniqlangan nomuvofiqliklar va ularning sabablarini belgilangan muddatlarda bartaraf etishi mumkin boʻlsa, qabul qilinadi.

Agar aniqlangan nomuvofiqliklarni tuzatish tadbirlari bilan bartaraf etish mumkin boʻlmasa yoki tuzatish tadbirlarini belgilangan muddatda amalga oshirish imkoni boʻlmasa, sertifikatlashtirish ishlarini tugatish toʻgʻrisidagi qaror qabul qilinadi.

Sertifikatlashtirish ishlarini toʻxtatish toʻgʻrisida qaror qabul qilingan taqdirda, MSO bu haqda ariza beruvchiga maʼlum qiladi.

Sertifikatlashtirish ishlarini qayta tiklash maqsadida:

Ariza beruvchi aniqlangan nomuvofiqliklar va ularning sabablarini bartaraf etishga qaratilgan tuzatish chora-tadbirlarini ishlab chiqadi, ularning bajarilishini taʼminlaydi va bu haqda MSOga maʼlum qiladi;

MSO ariza beruvchi tomonidan amalga oshiriladigan tuzatish tadbirlarini tahlil qiladi va natijalari ijobiy boʻlsa, sertifikatlashtirish ishlarini qayta boshlashga qaror qiladi.

Agar ariza beruvchi belgilangan kamchiliklarni va ularning sabablarini belgilangan muddatda bartaraf eta olmasa, mahsulotni sertifikatlashtirish ishlarini bekor qilinadi.

Agar mahsulot ishlab chiqaruvchi filiallarida va (yoki) ishlab chiqarish maydonchalarida ishlab chiqarilgan boʻlsa, ishlab chiqarishni baholash, ishlab chiqaruvchining bir yoki bir nechta filiallarida va (yoki) eng keng assortiment (eng katta nomenklatura)da sertifikatlashtirilgan mahsulotlar ishlab chiqaradigan va (yoki) eng katta hajmdagi sertifikatlashtirilgan mahsulotlar orasida eng murakkab mahsulotni ishlab chiqaradigan ishlab chiqarish maydonchalarida ishlab chiqaruvchi barcha filial va (yoki) ishlab chiqarish maydonchalarida ishlab chiqarilgan mahsulotlarning xavfsizligi va ishlab chiqarishning barqarorligi uchun masʼuliyati taʼminlanishi sharti bilan baholanadi.

Ishlab chiqarishni baholashning ijobiy natijalarida MSO sertifikatlashtirilgan mahsulotlarni davriy baholash rejasi doirasida ishlab chiqaruvchining boshqa ishlab chiqarish obyektlarida ishlab chiqarishni baholashning keyingi jadvali (baholash sanalari koʻrsatilgan holda)ni tuzadi va ishlab chiqaruvchi bilan kelishadi.

32. Agar MSOga ilgari sertifikatlashtirilgan mahsulotdan konstruksiyasi (tarkibi, retsepturasi) yoki ishlab chiqarish texnologiyasida biroz farq boʻlgan yangi mahsulotni sertifikatlashtirish uchun ariza tushsa, MSOning qaroriga muvofiq quyidagi shartlar bajarilganda ishlab chiqarishni baholashning oldingi tahlili natijalari ushbu mahsulotlarga qisman yoki toʻliq joriy etilishi mumkin:

a) mahsulotni sertifikatlashtirish boʻyicha ishlar ishlab chiqarishni baholashdan oʻtkazgan va ishlab chiqarishni baholash natijalari boʻyicha dalolatnoma tuzgan komissiya tarkibini tasdiqlagan MSO tomonidan amalga oshirilsa;

b) ishlab chiqaruvchi tomonidan mahsulot konstruksiyasi (tarkibi, retsepturasi) yoki ishlab chiqarish texnologiyasiga kiritilgan oʻzgarishlar, mahsulotning standart talablariga muvofiqligiga taʼsir qilmasa;

v) ariza beruvchi yangi mahsulotlarni sertifikatlashtirish uchun arizani, ishlab chiqarishni baholashdan oʻtkazgan va ishlab chiqarishni baholash natijalari haqidagi dalolatnomani yoki ilgari sertifikatlashtirilgan mahsulotlarni davriy baholashdan oʻtkazish va roʻyxatga olish boʻyicha dalolatnomani rasmiylashtirilgan sanasidan boshlab bir yildan oshmagan muddatda taqdim etgan boʻlsa.

9-bob. Mahsulotga muvofiqlik sertifikatini rasmiylashtirish

33. MSO ariza beruvchi tomonidan taqdim etilgan hujjatlar toʻplami hamda mahsulotning standart talablariga muvofiqligini tasdiqlaydigan hujjat (sinov va oʻlchashlar bayonnomalari (sertifikatlashtirish chizmasida koʻzda tutilgan hollarda)), ishlab chiqarishni baholash dalolatnomasini (sertifikatlashtirish sxemasida koʻzda tutilgan hollarda) tahlildan oʻtkazadi.

Oʻtkazilgan tahlilning ijobiy natijalarida MSO mahsulotga muvofiqlik sertifikatini berish toʻgʻrisida mazkur Nizomga 7-ilovada keltirilgan qarorni ikki ish kuni mobaynida qabul qiladi.

34. Mahsulotni sertifikatlashtirishda baholashning salbiy natijalari mavjud boʻlsa, MSO asosli sabablari koʻrsatgan holda mahsulotga muvofiqlik sertifikatini berishni rad etishga qaror qiladi, bu haqda ariza beruvchiga, Agentlikka, Soliq qoʻmitasiga, Iqtisodiyot va moliya vazirligi huzuridagi Bojxona qoʻmitasiga hamda tegishli vazirlar va idoralarga qaror qabul qilingan kunda maʼlum qiladi (bevosita yoki elektron pochta orqali yoki tegishli elektron tizim orqali).

35. Mahsulotlarning muvofiqlik sertifikati Nizomga 8-ilovada keltirilgan yagona elektron shaklga muvofiq rasmiylashtiriladi.

Muvofiqlik sertifikati MSO rahbari tomonidan elektron imzo bilan tasdiqlanadi.

Muvofiqlik sertifikati ularning yaroqlilik muddatiga (mahsulot yaroqliligining kafolatli muddatiga), yaroqlilik muddatiga (mahsulot yaroqliligining kafolatli muddatiga) ega boʻlmagan mahsulotlarga esa — ikki yil muddatga, seriyali ishlab chiqariladigan mahsulotlar uchun — uch yilga beriladi.

Seriyali ishlab chiqariladigan mahsulotlar uchun rasmiylashtirilgan muvofiqlik sertifikatining amal qilish davrida ishlab chiqarilgan mahsulotlar sertifikatlangan deb hisoblanadi va qayta sertifikatlashtirilmaydi.

Mahsulot sertifikatlashtirilganligini tasdiqlovchi asos sifatida muvofiqlik belgisi va mahsulotga qoʻshib yuboriladigan va ekspluatatsiya hujjatlardagi ishlab chiqarish sanasi xizmat qiladi.

Bunda muvofiqlik sertifikati amalda boʻlgan davr mobaynida ariza beruvchi (muvofiqlik sertifikatining egasi) muvofiqlik sertifikatini qoʻllash va muvofiqlik belgisidan foydalanish huquqini boshqa yuridik yoki jismoniy shaxsga berishi man etiladi.

10-bob. Rasmiylashtirilgan muvofiqlik sertifikatlari toʻgʻrisidagi maʼlumotlarni yagona davlat reyestrga kiritish

36. Muvofiqlik sertifikatining amal qilish sanasi uning davlat reyestrda roʻyxatga olingan kundan hisoblanadi.

Muvofiqlik sertifikatlari davlat reyestrida unga roʻyxatga olish raqami rasmiylashtirilgan kundan boshlab roʻyxatga olingan hisoblanadi.

37. Muvofiqlik sertifikatlari davlat reyestri belgilangan tartibda yuritiladi.

38. Sertifikatlashtirish jarayonida rasmiylashtirilgan quyidagi hujjatlar, rasmiylashtirilgan kunning oʻzida MSO tomonidan tegishli elektron dasturga kiritiladi:

ariza boʻyicha qaror;

IMO toʻgʻrisidagi maʼlumotlar;

namuna tanlash va identifikatsiya qilish dalolatnomasi;

sinov bayonnomalari;

ishlab chiqarishni baholash dalolatnomasi;

muvofiq sertifikat berish yoki uni berishni rad etish qarori;

namunani hisobdan chiqarilganligi (qaytarib berilganligi) toʻgʻrisidagi dalolatnoma;

muvofiqlik sertifikati.

11-bob. Muvofiqlik sertifikatiga oʻzgartirish kiritish

39. Mahsulotning muvofiqlik sertifikati va (yoki) uning ilovalarini (qoʻllanilgan sertifikatlashtirish chizmaga bogʻliq holda) ushbu Nizom 11-bandining “a” — “k” kichik bandlarida nazarda tutilgan protseduralarni bajarmasdan quyidagi hollarda oʻzgartirish kiritishga ruxsat etiladi:

mahsulot muvofiqlik sertifikati va uning ilovalarida xatolik va imloviy xatolarga yoʻl qoʻyilganda;

ishlab chiqaruvchining tashkiliy-huquqiy shakli oʻzgarganda;

ishlab chiqaruvchining yuridik manzili oʻzgarganda;

TIF TN Oʻzbekiston Respublikasi kodi oʻzgarganda.

40. Ushbu Nizomning 39-bandida nazarda tutilgan hollarda ariza beruvchi MSOga mahsulotning muvofiqlik sertifikatiga oʻzgartirish kiritish toʻgʻrisida muvofiqlik sertifikati va (yoki) uning ilovalarini oʻzgartirish kiritish uchun asos boʻlgan hujjatlarni ilova qilib yozma ravishda murojaat qiladi.

Mahsulotga muvofiqlik sertifikati rasmiylashtirilgan MSO murojaat va ushbu bandning birinchi xatboshisida koʻrsatilgan hujjatlarni koʻrib chiqadi va mahsulot muvofiqlik sertifikatiga oʻzgartirish kiritish toʻgʻrisida qaror qabul qiladi va ariza beruvchiga (bevosita, elektron pochta orqali) yuboradi.

41. Ushbu Nizomning 39-bandida nazarda tutilgan hollarda mahsulot muvofiqlik sertifikati rasmiylashtirilgan MSO ariza olingan kundan boshlab 10 ish kuni mobaynida, mahsulot muvofiqlik sertifikatiga va davlat reyestriga tegishli axborot kiritadi.

Elektron dasturda MSO oʻzgartirish kiritilgan muvofiqlik sertifikatiga “Oʻzgartirilgan” belgisini qoʻyadi.

42. Ushbu Nizomning 39-bandida nazarda tutilmagan hollarda MSO, qoʻllanilgan sertifikatlashtirish chizmasiga qarab, ushbu Nizomning 7-bandida nazarda tutilgan tartibot amalga oshirish zarurligi toʻgʻrisida qaror qabul qiladi.

Agar ariza beruvchi ushbu Nizomning 11-bandida nazarda tutilgan tartibotlarni amalga oshirish shartlariga rozi boʻlsa, MSO qoʻllanilgan sertifikatlashtirish sxemasiga qarab Nizomning 39-bandini hisobga olgan holda ushbu tartibotlarni bajaradi.

12-bob. Muvofiqlik sertifikatining amal qilishini toʻxtatib turish yoki bekor qilish

43. Mahsulot muvofiqlik sertifikatining amal qilishi quyidagi hollarda MSO tomonidan:

a) inson hayoti va/yoki salomatligi, mol-mulki, atrof-muhit, hayvon va/yoki oʻsimlik dunyosi xavfsizligiga mahsulot sabab tahdid tugʻdirsa;

b) mahsulotning standart talablariga nomuvofiq boʻlganda;

v) sertifikatlashtirilgan mahsulotlarni davriy baholashning salbiy natijalari mavjud boʻlsa;

g) ariza beruvchi sertifikatlashtirilgan mahsulotlarni davriy baholashni oʻtkazishdan bosh tortsa;

d) mahsulotning sertifikatlashtirish vaqtida tasdiqlangan xavfsizlik koʻrsatkichlariga taʼsir qilishi mumkin boʻlgan konstruksiyasi (tarkibi) yoki uni ishlab chiqarish (tayyorlash) texnologiyasiga oʻzgartirishlar kiritilganda, agar ariza beruvchi bunday mahsulotlarni muomalaga chiqarishdan oldin mahsulotga muvofiqlik sertifikatini rasmiylashtirgan MSOga yozma ravishda bunday oʻzgarishlarni tasdiqlovchi hujjatlar (konstruktorlik hujjatlari, chizmalar, spetsifikatsiyalar)ni ilova qilgan holda xabar bermaganda;

e) ariza beruvchining yozma arizasi mavjud boʻlganda;

j) ariza beruvchida menejment tizimining amaldagi muvofiqlik sertifikati mavjud boʻlmaganda (sertifikatlashtirish chizmasida nazarda tutilgan hollarda);

z) Agentlikning Texnik jihatdan tartibga solish sohasida nazorat inspeksiyasi tomonidan muvofiqlik sertifikati rasmiylashtirgan MSOga ularning amal qilishini toʻxtatib turish toʻgʻrisida taqdimnoma kiritilganda toʻxtatiladi;

a) inson hayoti va/yoki salomatligi, mol-mulki, atrof-muhit, hayvon va/yoki oʻsimlik dunyosi xavfsizligiga mahsulot sabab tahdid tugʻdirilishi tasdiqlanganda;

b) mahsulotning standart talablariga nomuvofiqligi qayta baholashda tasdiqlanganda;

v) sertifikatlashtirilgan mahsulotlarni davriy baholashning salbiy natijalari qayta mavjudligi tasdiqlanganda;

g) mahsulotning sertifikatlashtirish vaqtida tasdiqlangan xavfsizlik koʻrsatkichlariga taʼsir qilishi mumkin boʻlgan konstruksiyasi (tarkibi) yoki uni ishlab chiqarish (tayyorlash) texnologiyasiga oʻzgartirishlar kiritilganda, agar ariza beruvchi bunday mahsulotlarni muvofiqlik sertifikatini rasmiylashtirgan MSOga yozma ravishda bunday oʻzgarishlarni tasdiqlovchi hujjatlar (konstruktorlik hujjatlari, chizmalar, spetsifikatsiyalar)ni ilova qilgan holda xabar bermasdan realizatsiya qilganligi maʼlum boʻlganda;

d) ariza beruvchining yozma arizasi mavjud boʻlganda;

e) ariza beruvchida mavjud menejment tizimining amaldagi muvofiqlik sertifikati yangilanmaganda (sertifikatlashtirish chizmasida nazarda tutilgan hollarda);

yo) ariza beruvchi va/yoki ishlab chiqaruvchi tashkilot tugatilishi yoki ariza beruvchi tashabbusi bilan mahsulot turkum ishlab chiqarishdan toʻxtatilganda;

j) mahsulotga taalluqli boʻlgan standart oʻzgarganda amal qilishi tugatilganda yoki bekor qilinganda;

z) Agentlikning Texnik jihatdan tartibga solish sohasida nazorat inspeksiyasi tomonidan muvofiqlik sertifikati rasmiylashtirgan MSOga uning amal qilishini bekor qilish toʻgʻrisida asoslantirilgan taqdimnoma kiritilganda tugatiladi.

44. Agentlik qonunchilik normalari buzilganligi uchun mahsulotlarning muvofiqlik sertifikatlari va muvofiqlik belgilarining amal qilishini toʻxtatish yoki bekor qilish vakolatiga ega.

45. Mahsulotga muvofiqlik sertifikatini rasmiylashtirgan MSO bilan kelishilgan kamchilikni tuzatish tadbirlarini ishlab chiqish va amalga oshirish davrida mahsulot muvofiqlik sertifikatining amal qilishini toʻxtatib turish toʻgʻrisidagi qaror ariza beruvchi tuzatish ishlarini oʻtkazib, aniqlangan kamchiliklarni bartaraf etishi va mahsulotning standart talablariga muvofiqligini tasdiqlash mumkin boʻlsa, qabul qilinadi. Agar buning imkoni boʻlmasa, mahsulotning muvofiqlik sertifikati tugatiladi.

46. Mahsulot muvofiqlik sertifikati toʻxtatilgan taqdirda, mahsulotga muvofiqlik sertifikati rasmiylashtirgan MSO:

a) mahsulot muvofiqlik sertifikati amal qilishini toʻxtatish toʻgʻrisida qaror qiladi va muvofiqlik belgisini qoʻllashni vaqtincha taqiqlaydi;

b) mahsulot muvofiqlik sertifikati amalini toʻxtatish toʻgʻrisida davlat reyestriga maʼlumot kiritadi;

v) ariza beruvchiga kamchiliklarni tuzatish choralarini koʻrish muddatini belgilaydi;

g) ariza beruvchi tuzatish chora-tadbirlarining bajarilishini nazorat qiladi.

47. Mahsulot muvofiqlik sertifikati amal qilishi toʻxtatilganda, ariza beruvchi:

a) standart talablarga javob bermaydigan mahsulot miqdorini identifikatsiya qiladi va aniqlaydi;

b) aniqlangan kamchiliklarni bartaraf etish boʻyicha tuzatish chora-tadbirlarini ishlab chiqadi va amalga oshirilishini taʼminlaydi;

v) qonunchilikda belgilangan tartibda isteʼmolchilarni mahsulotlardan foydalanish (qoʻllash) xavfi haqida xabardor qiladi;

g) MSOga tuzatish tadbirlari bajarilganligi toʻgʻrisida yozma ravishda maʼlum qiladi.

48. Ariza beruvchi tuzatish tadbirlarini yakunlagandan soʻng mahsulotga muvofiqlik sertifikati rasmiylashtirgan MSO:

a) mahsulot muvofiqlik sertifikatini qayta tiklash toʻgʻrisida qaror qabul qiladi va muvofiq belgisidan foydalanishga ruxsat beradi;

b) mahsulot muvofiqlik sertifikatini qayta tiklash haqida davlat reyestriga maʼlumot kiritadi.

49. Agar ariza beruvchi aniqlangan kamchiliklar va ularning sabablarini bartaraf eta olmasa hamda mahsulotdan foydalanish (qoʻllash) xavfi mavjud boʻlsa, mahsulotga muvofiqlik sertifikati rasmiylashtirgan MSO tomonidan muvofiqlik sertifikatini bekor qilish toʻgʻrisida qaror qabul qilinadi.

50. Agar ishlab chiqarilgan mahsulot muvofiqlik sertifikatini toʻxtatib turish (qayta tiklash) yoki bekor qilish ariza beruvchining tashabbusi bilan amalga oshirilsa, ariza beruvchi ushbu sertifikatni rasmiylashtirgan MSOga bu haqda ariza (sabablarini koʻrsatgan holda) beradi.

Ariza bilan birgalikda mahsulotning muvofiqlik sertifikati va mahsulot muvofiqlik sertifikatini toʻxtatib turish (qayta tiklash) yoki bekor qilish uchun asos boʻlgan hujjatlar taqdim etiladi.

51. MSO rasmiylashtirilgan muvofiqlik sertifikatini toʻxtatib turish (qayta tiklash) yoki bekor qilish toʻgʻrisida qaror qabul qiladi.

52. Agar ariza beruvchi mahsulotning amal qilishi toʻxtatilgan muvofiqlik sertifikatini qayta tiklashni talab qilsa, MSO sertifikatlashtirilgan mahsulotning davriy baholashdan oʻtkazgandan soʻng muvofiqlik sertifikatini qayta tiklash toʻgʻrisida qaror qabul qiladi.

53. MSO mahsulot muvofiqlik sertifikatini toʻxtatib turish (qayta tiklash) yoki bekor qilish toʻgʻrisida davlat reyestriga tegishli yozuv kiritadi.

54. Mahsulot muvofiqlik sertifikatining amal qilishi davlat reyestriga tegishli axborot kiritilgan kundan eʼtiboran toʻxtatiladi (qayta tiklanadi) yoki tugatiladi.

13-bob. Mahsulotlar konstruksiyasi (tarkibi)ga oʻzgartirishlar kiritish

55. Muvofiqlik sertifikati rasmiylashtirilgan mahsulotning konstruksiyasi (tarkibi)ga yoki uni ishlab chiqarish texnologiyasiga mahsulot standart talablariga muvofiqligiga taʼsir qilishi mumkin boʻlgan oʻzgartirishlar kiritilganda, ariza beruvchi ushbu mahsulot muomalaga chiqarilishidan 30 kun oldin muvofiqlik sertifikati rasmiylashtirgan MSOga mahsulot konstruksiyasi (tarkibi) yoki ishlab chiqarish texnologiyasiga kiritilgan oʻzgartishlarni tasdiqlovchi hujjatlarni ilova qilgan holda yozma ravishda maʼlum qiladi.

MSO ariza beruvchi tomonidan taqdim etilgan hujjatlarni tahlil qilish asosida belgilangan xabarnoma olingan kundan boshlab 10 ish kuni mobaynida mahsulot namuna (nusxa)lari sinov va oʻlchashlarini oʻtkazish va (yoki) ishlab chiqarishni baholash zarurligi toʻgʻrisida (bunday mahsulotlar uchun ishlab chiqarishni baholash sertifikatlashtirish sxemasida nazarda tutilgan boʻlsa) yoki bunday ehtiyoj yoʻqligi boʻyicha qaror qabul qiladi.

MSOning qarori ariza beruvchiga bevosita yoki elektron pochta orqali yuboriladi.

56. Agar MSO mahsulot namuna (nusxa)lari va (yoki) ishlab chiqarishni baholash uchun sinov va oʻlchashlarni oʻtkazishga hojat yoʻqligi toʻgʻrisida qaror qabul qilsa, ariza beruvchi bunday qarorni olgandan keyingina konstruksiyasi (tarkibi) yoki ishlab chiqarish texnologiyasiga oʻzgartirishlar kiritilgan mahsulotlarni muomalaga chiqarishga ruxsat etiladi.

57. Agar MSO mahsulot namuna (nusxa)larini sinov va oʻlchashlari va (yoki) ishlab chiqarish ni baholash (ishlab chiqarishni baholash bunday mahsulotlar uchun sertifikatlashtirish sxemasida nazarda tutilgan boʻlsa) zarurligi toʻgʻrisida qaror qabul qilinsa, bu ishlarni amalga oshirish uchun ariza beruvchi va MSO oʻrtasida shartnoma tuziladi (ilgari tuzilgan shartnoma boʻlmaganda).

Amalga oshirilgan ishlar natijalari boʻyicha MSO mahsulot standart talablariga muvofiqligi (nomuvofiqligi) toʻgʻrisida qaror qabul qiladi. Bu qaror ariza beruvchiga bevosita yoki elektron pochta orqali yuboriladi.

Mahsulotning standartlarda belgilangan talablarga muvofiqligi toʻgʻrisidagi qarorda MSO ushbu mahsulotni amaldagi muvofiqlik sertifikati asosida muomalaga chiqarish mumkinligi haqida xabardor qiladi.

Mahsulotning standart talablariga nomuvofiqligi toʻgʻrisidagi qarorda MSO mahsulotni amaldagi muvofiqlik sertifikati asosida muomalaga chiqarish mumkin emasligi toʻgʻrisida xabardor qiladi va ariza beruvchi MSO bilan kelishilgan muddatlarda tuzatish choralarini koʻrgunga qadar ushbu sertifikatning amal qilishini toʻxtatib turadi.

58. Agar ariza beruvchi tuzatish choralarini belgilangan muddatlarda oʻtkazmasa, MSO mahsulotning muvofiqlik sertifikatini bekor qilishga qaror qiladi. Qaror ariza beruvchiga bevosita yoki elektron pochta orqali yuboriladi.

59. MSO tomonidan ushbu Nizomning 56 — 58-bandlarida nazarda tutilgan faoliyat natijalari asosida berilgan hujjatlar daliliy ashyolar toʻplamiga kiritiladi va ariza beruvchi tomonidan davlat nazorati MSOga (talabiga binoan) hamda qonunchilikka muvofiq boshqa manfaatdor shaxslarga taqdim etiladi.

14-bob. Sertifikatlashtirilgan mahsulotlarni davriy baholash

60. Sertifikatlashtirilgan mahsulotlarni davriy baholash — uning muvofiqlik sertifikatining butun muddati davomida standartda oʻrnatilgan va sertifikatlashtirishda tasdiqlangan talablarga muvofiq boʻlib qolishini belgilash maqsadida oʻtkaziladigan tizimli baholashdan iboratdir.

61. Sertifikatlashtirilgan mahsulotlarni davriy baholash, agar bu sertifikatlashtirish sxemasida nazarda tutilgan boʻlsa, mahsulotga muvofiqlik sertifikati rasmiylashtirgan MSO tomonidan sertifikatning toʻliq amal qilish muddatida quyidagi usullarning bir yoki bir nechtasida amalga oshiriladi:

a) sertifikatlashtirilgan mahsulot namuna (nusxa)larini identifikatsiyalash, sinov va oʻlchashlarini oʻtkazish;

b) ishlab chiqarishni baholash.

Birinchi davriy baholash mahsulotlar sertifikatlashtirilgan sanasidan keyin oʻn ikki oydan kechikmay oʻtkaziladi. Keyingi davriy baholash har yili MSO rahbari tomonidan tasdiqlanadigan davriy baholash reja-jadvaliga muvofiq davriy, biroq avvalgi davriy baholash oʻtkazilgan vaqtdan boshlab oʻn ikki oydan kechikmay oʻtkaziladi.

62. Ishlab chiqaruvchida menejment tizimi mavjud boʻlishi nazarda tutiladigan sertifikatlashtirish sxemalari uchun sertifikatlashtirilgan davriy baholash MSO tomonidan sertifikatlashtirilgan mahsulot namuna (nusxa)larida sinov va oʻlchashlarni oʻtkazish orqali amalga oshiriladi.

63. Sertifikatlashtirilgan mahsulotlarni davriy baholash MSO tomonidan SL (markazi)ni jalb qilingan holda (zarur hollarda) amalga oshiriladi.

64. Sertifikatlashtirilgan mahsulotlarni davriy baholash MSO tomonidan ishlab chiqilgan va tasdiqlangan sertifikatlashtirilgan mahsulotlarni davriy baholash dasturiga muvofiq amalga oshiriladi.

65. Sertifikatlashtirilgan mahsulotlarni davriy baholash quyidagi bosqichlarni oʻz ichiga oladi:

a) sertifikatlashtirilgan mahsulotlarni davriy baholash boʻyicha ishlarni bajarish uchun shartnoma tuzish;

b) sertifikatlashtirilgan mahsulotlarni davriy baholash uchun ekspertlar guruhi (komissiya)ni shakllantirish;

v) sertifikatlashtirilgan mahsulotlarni davriy baholash dasturini ishlab chiqish va tasdiqlash;

g) sertifikatlashtirilgan mahsulotlar haqidagi maʼlumotlarni tahlil qilish;

d) sertifikatlashtirilgan mahsulotlarni standartlarda belgilangan talablar boʻyicha sinovlarni amalga oshirish uchun sinov dasturini ishlab chiqish;

e) mahsulotni identifikatsiya qilish;

j) mahsulot namuna(nusxa)larini olish va ularda sinov oʻtkazish;

z) ishlab chiqarishni baholash;

i) sertifikatlashtirilgan mahsulotlarni davriy baholash natijalari asosida dalolatnomani rasmiylashtirish;

k) sertifikatlashtirilgan mahsulotlarni davriy baholash natijalari asosida qaror qabul qilish.

66. Sertifikatlashtirilgan mahsulotlarni davriy baholash rejalashtirilgan yoki rejadan tashqari boʻlishi mumkin.

67. Sertifikatlashtirilgan mahsulotlarni rejali davriy baholash sertifikatlashtirish shakllariga muvofiq mahsulot namuna (nusxa)larini identifikatsiyalash, ularda sinov va oʻlchashlar ishlab chiqarishni baholash yoʻli bilan amalga oshiriladi.

68. Sertifikatlashtirilgan mahsulotlarni davriy baholash davomida mahsulotlarni identifikatsiya qilish va namuna (nusxa)larni olish ushbu Nizomning 7-bobiga muvofiq amalga oshiriladi.

69. Sertifikatlashtirilgan mahsulotlarni davriy baholash davrida ishlab chiqarishni baholash ushbu Nizomning 8-bobiga muvofiq amalga oshiriladi.

70. Sertifikatlashtirilgan mahsulotlarni ishlab chiqarish toʻxtatilgan va (yoki) sinov va oʻlchashlarni oʻtkazish uchun mahsulot namuna(nusxa)lari yoʻqligi hollarida, ariza beruvchi sertifikatlashtirish MSO tomonidan belgilangan va ariza beruvchi bilan kelishilgan sertifikatlashtirilgan mahsulotlarni davriy baholashni oʻtkazish muddatigacha MSOga yozma ravishda xabar qiladi.

MSO olingan xabarnoma asosida sertifikatlashtirilgan mahsulotlarni davriy baholash muddatini 6 oygacha kechiktirishi mumkin.

71. Sertifikatlashtirilgan mahsulotlarni davriy baholash natijalari tegishli dalolatnoma bilan rasmiylashtiriladi va bir nusxasi ariza beruvchiga beriladi.

72. Sertifikatlashtirilgan mahsulotlarni davriy baholash natijalari asosida MSO quyidagi qarorlardan birini qabul qiladi:

a) mahsulot muvofiqlik sertifikatini tasdiqlangan deb tan olish;

b) mahsulot muvofiqlik sertifikatining amal qilishini toʻxtatib turish;

v) mahsulot muvofiqlik sertifikatini bekor qilish.

73. Mahsulotlar muvofiqlik sertifikatining amal qilishini tasdiqlash toʻgʻrisidagi qaror, sertifikatlashtirilgan mahsulotlarni davriy baholashning ijobiy natijalarida qabul qilinadi va ariza beruvchiga yozma ravishda bevosita yoki elektron pochta orqali yuboriladi.

74. Agar ariza beruvchi tuzatish tadbirlarini oʻtkazish natijasida mahsulotlarning standart talablariga mos kelmasligi sabablarini bartaraf etib, uning muvofiqligini tasdiqlashi mumkin boʻlsa, ishlab chiqaruvchining yozma murojaati, ishlab chiqaruvchining rejali davriy baholash oʻtkazish boʻyicha ishlarga haq toʻlashdan bosh tortishi, davriy baholash oʻtkazishga ishlab chiqaruvchi tomonidan shart-sharoit yaratilmaganligi, davriy baholash oʻtkazish jarayonida aniqlangan kamchiliklar mahsulot muvofiqlik sertifikatining amal qilishini toʻxtatib turish toʻgʻrisidagi qaror qabul qilishga asos hisoblanadi.

MSO mahsulot muvofiqlik sertifikatining amal qilishini toʻxtatib turishga qaror qilsa, ariza beruvchi MSO bilan kelishgan holda, mahsulot standart talablariga nomuvofiqligi sabablarini bartaraf etish boʻyicha tuzatish tadbirlari rejasini ishlab chiqadi va uni amalga oshirish muddatlarini kelishadi.

75. Ariza beruvchining tuzatish tadbirlarini amalga oshirishi va ularni MSO tomonidan qoniqarli deb tan olinishi natijalari asosida mahsulotning muvofiqlik sertifikati qayta tasdiqlanadi.

76. Tuzatish tadbirlari rejasi ariza beruvchi tomonidan bajarilmagan, shu jumladan unda belgilangan muddatlarga rioya qilinmasligi va (yoki) tuzatish tadbirlari natijasi qoniqarsiz deb tan olinganda, ishlab chiqaruvchining yozma murojaati, sinov natijasiga koʻra sertifikatlangan mahsulot standartlarda belgilangan talablarga nomuvofiq deb topilganda, ishlab chiqarish joyi oʻzgarganda, muvofiqlik sertifikati rasmiylashtirilgan mahsulotning (tovarning) standarti oʻzgarganda, davriy baholash jarayonida toʻgʻirlab boʻlmas kamchiliklar aniqlangan hollarda, MSO mahsulot muvofiqlik sertifikatini bekor qilish toʻgʻrisida qaror qabul qiladi.

77. Mahsulotlarga muvofiqlik sertifikatini rasmiylashtirgan MSO tomonidan mahsulotlarning muvofiqlik sertifikatini toʻxtatib turish, qayta tiklash yoki tugatish toʻgʻrisidagi maʼlumotlar, ikki kun muddatda, ariza beruvchiga yetkaziladi va yagona davlat reyestrga maʼlumot kiritish uchun Agentlikka hamda maʼlumot tariqasida, soliq va bojxona organlariga, shuningdek, ommaviy axborot vositalari va tegishli vazirlik va idoralarga bevosita yoki elektron pochta orqali yoki tegishli elektron tizim orqali yuboradi.

78. Sertifikatlashtirilgan mahsulotlarni rejadan tashqari davriy baholash MSO tomonidan isteʼmolchilar va (yoki) davlat nazorati idoralaridan mahsulot xavfsizligiga eʼtiroz mavjudligi toʻgʻrisidagi maʼlumotlar olinganda amalga oshiriladi.

Mahsulot muvofiqlik sertifikatining amal qilish muddati tugayotgan va ariza beruvchi tomonidan sertifikatlashtirilgan mahsulotlarni davriy baholashni oʻtkazgan MSOga ariza berilganda, MSO ushbu mahsulotni sertifikatlashtirishda uni oxirgi davriy baholashning ijobiy natijalarini, agar uning amalga oshirilganiga 1 yildan oshmagan boʻlsa, hisobga oladi.

15-bob. Daliliy hujjatlarni shakllantirish va saqlash

79. MSO mahsulotga rasmiylashtirilgan muvofiqlik sertifikati haqidagi maʼlumotlarni davlat reyestriga kiritgandan soʻng, MSO va ariza beruvchi mahsulotning standart talablariga muvofiqligini tasdiqlovchi, qoʻllanilgan sertifikatlashtirish sxemasiga qarab quyidagi hujjat va maʼlumotlarni oʻz ichiga oladigan daliliy hujjatlar toʻplamini elektron dasturda shakllantiradi:

a) mahsulotlarga texnik hujjatlar (loyihaviy va (yoki) konstruktorlik, va (yoki) texnologik, va (yoki) foydalanish hujjatlari, va (yoki) texnik tavsiflar nusxalari;

b) standartlar toʻplamiga kiritilgan standartlar roʻyxati (ularning nomi va belgilanishi, agar standartni toʻliq emas balki alohida boʻlim, bob va bandlarini qoʻllash orqali taʼminlanadigan boʻlsa, ushbu boʻlim, bob va bandlar), (ariza beruvchi tomonidan qoʻllanilsa);

v) agar standartlar qoʻllanilmagan yoki mavjud boʻlmasa, muvofiqlikni tasdiqlovchi qabul qilingan texnik yechimlar va xavf baholash natijalari tavsifi;

g) mahsulot namuna(nusxa)larini identifikatsiyalash va (yoki) tanlash toʻgʻrisidagi dalolatnoma(lar) ;

d) mahsulotning standart talablariga muvofiqligini tasdiqlovchi sinov va oʻlchashlarning bayonlari (sertifikatlashtirish sxemasida nazarda tutilgan hollarda);

e) menejment tizimining muvofiqlik sertifikati nusxasi (sertifikatlashtirish sxemasida nazarda tutilgan hollarda);

j) mahsulotning muvofiqlik sertifikatlari, mahsulot ishlab chiqarishda qoʻllaniladigan muhim komponentlar, xomashyo, materiallar yoki butlovchi buyumlar sinov va oʻlchashlarining bayonlari (mavjud boʻlsa);

z) shartnoma (kelishuv) va yuk tashish hujjatlarining nusxalari (sertifikatlashtirish sxemasida nazarda tutilgan hollarda);

i) respublika hududiga yetkazib berilgan mahsulotning standart talablariga muvofiqligi taʼminlanishi va bunday mahsulotlarning belgilangan talablarga mos kelmasligi uchun javobgarlik koʻzda tutilgan (ishlab chiqaruvchi vakolatlagan shaxs uchun) ishlab chiqaruvchi (shu jumladan, xorijiy ishlab chiqaruvchi) bilan kelishuv nusxasi;

k) ishlab chiqarishni baholash natijalari toʻgʻrisida dalolatnoma (sertifikatlashtirish sxemasida nazarda tutilgan hollarda);

n) ariza beruvchi tomonidan mahsulotning standart talablariga muvofiqligining isboti sifatida taqdim etilgan boshqa hujjatlar;

o) mahsulotning muvofiqlik sertifikati;

p) ariza beruvchining qonunchilikka muvofiq davlat roʻyxatidan oʻtish paytida yuridik shaxs yoki yakka tartibdagi tadbirkor sifatida roʻyxatdan oʻtgan jismoniy shaxsga berilgan roʻyxatga olish yoki hisobga olish (jismoniy shaxs, identifikatsiya) raqami toʻgʻrisidagi maʼlumotlar.

80. Elektron dasturga kiritilmagan daliliy hujjatlar toʻplami OSda chop etilgan shaklda 82-bandida belgilangan muddatlarda saqlanishi taʼminlanadi.

81. Mahsulotning muvofiqligini tasdiqlovchi hujjatlarini daliliy hujjatlar toʻplami bilan birgalikda saqlash muddatlari standart bilan belgilanadi.

82. Agar mahsulotlarning muvofiqlik sertifikatlarini daliliy materiallar toʻplami bilan birgalikda saqlash muddatlari standartlarda belgilanmagan boʻlsa, muvofiqlik sertifikatining amal qilish muddati tugagan kundan boshlab kamida 1 yil davomida;

83. Muvofiqlik sertifikati daliliy hujjatlar toʻplami ariza beruvchi va (yoki) MSO tomonidan respublikada davlat nazoratini oʻtkazish va standart talablariga rioya qilinishi ustidan nazorat uchun masʼul boʻlgan davlat nazorati idoralariga (talabiga binoan) hamda boshqa manfaatdor shaxslarga taqdim etiladi.

16-bob. Sertifikatlashtirish chizmalarining qoʻllanilishi

84. 1-chizma mahsulot turini sertifikatlashtirishda qoʻllaniladi va mahsulotni majburiy koʻrsatkichlari birinchi navbatda xavfsizlik boʻyicha SLda sinashni nazarda tutadi. Mazkur chizma mahsulotga aniq standart mavjud boʻlmagan taqdirda ham qoʻllaniladi.

85. 2-chizma mahsulot turini sertifikatlashtirishda qoʻllaniladi va mahsulotni majburiy koʻrsatkichlari boʻyicha SLda sinashni nazarda tutadi. Mazkur chizma savdo nuqtalaridan (isteʼmolchidan) olingan namunalarni sinovlardan oʻtkazish yoʻli bilan mahsulotni inspeksiya nazoratidan oʻtkazishni nazarda tutadi.

86. 3-chizma ishlab chiqariladigan mahsulotni sertifikatlashtirishda qoʻllaniladi va majburiy koʻrsatkichlarni tekshirish uchun mahsulotni SLda sinashni va ishlab chiqarishni baholashni nazarda tutadi. Mazkur chizmada ishlab chiqaruvchidan olingan mahsulotlarni sinovlardan oʻtkazish yoʻli bilan korxonada inspeksiya nazoratini oʻtkazish nazarda tutilgan.

87. 4-chizma ishlab chiqariladigan mahsulotni sertifikatlashtirishda qoʻllaniladi va majburiy koʻrsatkichlarni tekshirish uchun mahsulotni SLda sinashni va ishlab chiqarish sharoitlarini baholashni nazarda tutadi.

Mazkur chizmada savdo nuqtasidan (isteʼmolchidan) va ishlab chiqarishdan olingan namunalarni sinovlardan oʻtkazish yoʻli bilan mahsulotni inspeksiya nazoratidan oʻtkazish nazarda tutilgan.

88. 5-chizma ishlab chiqariladigan mahsulotni sertifikatlashtirishda qoʻllaniladi va majburiy koʻrsatkichlarni tekshirish uchun mahsulotni SLda sinashni va ishlab chiqarish sharoitlarini baholashni yoki sifat tizimini baholashni nazarda tutadi. Mazkur chizmada mahsulotni sinovlardan oʻtkazish va ishlab chiqarishni tekshirish (yoki sifat tizimini baholash) yoʻli bilan inspeksiya nazoratini oʻtkazish nazarda tutilgan.

89. 6-chizma sifat tizimini sertifikatlishtirishda qoʻllaniladi va uni baholashni hamda keyinchalik inspeksiya nazoratini oʻtkazishni nazarda tutadi.

90. 7-chizma mahsulot toʻpining sertifikatlashtirishda qoʻllaniladi va mahsulotni SLda sinashni nazarda tutadi.

91. 8-chizma har bir mahsulotni (buyum) sertifikatlashtirishda qoʻllaniladi.

92. 3, 4, 5, 7 va 8 chizmalar boʻyicha sertifikatlashtirilgan mahsulotlarni muvofiqlik belgisi bilan tamgʻalanishi mumkin.

17-bob. Mahsulotni shtrixli kodlashtirish

93. Ariza beruvchi oʻz xohishiga koʻra tasniflash Yevropa tovar raqamlanishi uyushmasi (GS1) tomonidan kodlashtirish borasida korxonaning roʻyxatdan oʻtkazish raqamini hamda ishlab chiqariladigan tovarning bir kun mobaynida beriladigan raqamli kodini olish uchun “GS1 Uzbekistan”ga murojaat qiladi.

Agentlik tomonidan, belgilangan tartibga muvofiq shtrixli kodning noyob-maketi tayyorlanadi va beriladi.

94. Kod berish boʻyicha xizmatlar qiymati, shuningdek aʼzolik badallari miqdori “GS1 Uzbekistan” qatnashchilari tomonidan belgilanadi. Shtrixli kodning noyob maketlarini tayyorlash va berish shartnoma asosida amalga oshiriladi.

18-bob. Axborot taʼminoti

95. MSO rasmiylashtirilgan, tasdiqlangan, toʻxtatilgan yoki tugatilgan sertifikatlarni, shuningdek, sertifikat berish rad etilgan holatlar hisobini yuritadi va ular toʻgʻrisidagi axborotni har oyda Agentlikka taqdim etadi.

MSO manfaatdor tashkilotlarni oʻz faoliyati va rasmiylashtirilgan sertifikatlari toʻgʻrisida xabardor qiladi.

96. Agentlik:

muvofiqlik sertifikati berilgan mahsulotlar Davlat reyestri;

toʻxtatilgan va tugatilgan muvofiqlik sertifikatlari toʻgʻrisidagi maʼlumotlarni oʻz veb-saytida joylashtiradi.

19-bob. Appelyatsiyalarni koʻrib chiqish

97. Manfaatdor tomonlar muvofiqlikni baholash natijalaridan norozi boʻlgan taqdirda, Agentlikning Appelyatsiya kengashiga yoki bevosita sudga murojaat qilishga haqli.

98. Agentlikning Appelyatsiya kengashi MSO va SL (markazlar)ning qarorlariga nisbatan noroziliklarni koʻrib chiqadi. Apellyatsiya komissiyasi tarkibi va tartibi Agentlikning rahbari buyrugʻi bilan tasdiqlanadi.

Apellyatsiya komissiyasi berilgan apellyatsiyani koʻrib chiqadi va qabul qilingan qaror toʻgʻrisida ariza beruvchiga yozma ravishda maʼlum qiladi.

99. Manfaatdor tomonlar Agentlikning Appelyatsiya kengashi qarori boʻyicha qonunda belgilangan tartibda sudga shikoyat etishlari mumkin.

20-bob. Yakunlovchi qoidalar

100. Agentlik zarur hollarda MSOdan muvofiqlikni baholash materiallarini (hujjatlar) soʻrab olishi mumkin.

101. Muvofiqlik sertifikatida koʻrsatilgan maʼlumotlarning haqqoniyligi, sertifikatlashtirish muddatlari va qoidalarining buzilishi uchun javobgarlik MSOga yuklanadi.

102. Ushbu Nizomning buzilishida aybdor boʻlgan shaxslar qonunchilikda belgilangan tartibda javob beradi.

103. Sertifikatlashtirish tartibotlarining umumiy muddatlari ushbu turdagi mahsulotni standartlar bilan belgilanadigan uslublarga muvofiq sinovlardan oʻtkazishning umumiy davom etish vaqtidan kelib chiqqan xolda belgilanadi.

Mahsulotni standart talablariga muvofiq sertifikatlashtirish tartibi toʻgʻrisidagi nizomga
1-ILOVA

Mahsulotlarni sertifikatlashtirish tartiboti

SXEMASI

Bosqichlar	Subyektlar	Tadbirlar	Bajarish muddatlari
Bosqichlar	Subyektlar	Tadbirlar	Bajarish muddatlari

1-bosqich	Ariza beruvchi	Mahsulotni sertifikatlashtirishdan oʻtkazish uchun hujjatlar toʻplamini shakllantiradi. Mahsulotni sertifikatlashtirish organiga (keyingi oʻrinlarda — MSO) mahsulotni sertifikatlashtirish uchun ariza beradi.	Ariza beruvchining xohishiga koʻra
1-bosqich	Ariza beruvchi		Ariza beruvchining xohishiga koʻra

2-bosqich	MSO	1. Taqdim etilgan hujjatlar va maʼlumotlarning toʻliqligi yuzasidan arizani quyidagicha oʻrganadi:	2 ish kuni mobaynida
			2 ish kuni mobaynida
		a) ijobiy natija boʻlganda mahsulotlarni sertifikatlashtirish yuzasidan qaror qabul qiladi va shartnoma tuzadi;	1 ish kuni mobaynida
		b) hujjatlar toʻliq boʻlmagan taqdirda hujjatlarni qaytaradi.	1 ish kuni mobaynida
		2. Mahsulotlarni sertifikatlashtirish uchun shartnomaga asosan haq toʻlangandan keyin mahsulotlarni identifikatsiya qiladi va namuna oladi hamda IMOga boʻlgan huquqlarni oʻrganadi va tekshiradi (sertifikatlashtirish chizmasida belgilanganda).	1 ish kuni mobaynida
		3. Mahsulot loyihasi tadqiqotini oʻtkazadi (sertifikatlashtirish chizmasida belgilanganda).	3 ish kuni mobaynida
		4. Mahsulot turini oʻrganish boʻyicha tadqiqot oʻtkazadi (sertifikatlashtirish chizmasida belgilanganda).	10 ish kuni mobaynida
		5. Identifikatsiya qilish va namuna olish, IMO yoki mahsulot loyihasi tadqiqotini oʻtkazish yoki mahsulot turini oʻrganish jarayonlarida nomuvofiqlik aniqlangan taqdirda, bu haqda ariza beruvchini ularni bartaraf etish uchun xabardor qiladi.	10 ish kuni mobaynida
		6. Identifikatsiya qilish va namuna olish, IMO yoki mahsulot loyihasi tadqiqotini oʻtkazish yoki mahsulot turini oʻrganish jarayonlari boʻyicha aniqlangan nomuvofiqliklar bartaraf etilmagan taqdirda, roʻyxatga olish ishini toʻxtatib turadi.	1 oygacha (ariza beruvchi tayyorligi natijalari boʻyicha)
		7. Belgilangan muddatlarda nomuvofiqliklar bartaraf etilganligi haqida maʼlumot va tasdiqlovchi hujjatlar taqdim etilmaganda MSO ariza beruvchiga sertifikatlashtirish ishlarini tugatish toʻgʻrisida xabarnoma yuboradi.	3 ish kuni mobaynida

3-bosqich	MSO	Identifikatsiya qilish va namuna olish jarayonida kamchiliklar aniqlanmaganda, shuningdek, belgilangan muddatlarda kamchiliklar bartaraf etilganligi haqida maʼlumot va tasdiqlovchi hujjatlar taqdim etilganda, tanlab olingan namunalarni dalolatnoma bilan akkreditlangan sinov laboratoriyasiga yuboradi.	1 ish kuni mobaynida

	Sinov laboratoriyasi	Tanlab olingan namunalarni standartda belgilangan tartibda sinovdan oʻtkazadi.	Sinovlar davomiyligidan kelib chiqib
	Sinov laboratoriyasi	Olingan sinov natijalarini bayonnoma koʻrinishida rasmiylashtirib MSOga taqdim qiladi.	1 ish kuni mobaynida

	MSO	Ishlab chiqarish baholashdan oʻtkazadi va natijalar boʻyicha dalolatnoma rasmiylashtiradi (sertifikatlashtirish chizmasida belgilanganda).	10 ish kuni mobaynida
		Ishlab chiqarishni baholash jarayonida nomuvofiqlik aniqlansa, aniqlangan nomuvofiqliklarni bartaraf etish toʻgʻrisida ariza beruvchiga xabarnoma yuboradi.	2 ish kuni mobaynida
		Ishlab chiqarishni baholash jarayonida aniqlangan kamchiliklar bartaraf etilmagan taqdirda, sertifikatlashtirish ishini toʻxtatib turadi.	1 oy mobaynida (ariza beruvchi xohishiga koʻra)
		Belgilangan muddatlarda kamchiliklar bartaraf etilganligi haqida maʼlumot va tasdiqlovchi hujjatlar taqdim etilganda, MSO uni koʻrib chiqadi hamda ariza boʻyicha ishlarni, toʻxtatish yoki davom ettirish yuzasidan qaror qabul qiladi.	2 ish kuni mobaynida
		Belgilangan muddatlarda kamchiliklar bartaraf etilmaganda MSO ariza beruvchiga sertifikatlashtirish ishlari tugatilganligi toʻgʻrisida xabarnoma yuboradi.	2 ish kuni mobaynida

	Ariza beruvchi	Ishlab chiqarishni baholash jarayonida nomuvofiqliklar aniqlanganda, nomuvofiqlikni bartaraf etadi va tasdiqlovchi hujjatlar bilan MSOga maʼlumotlarni taqdim etadi.	1 oy mobaynida (ariza beruvchi xohishiga koʻra)

4-bosqich	MSO	MSO identifikatsiya qilish va namuna olish dalolatnomasi, mahsulot loyihasi tadqiqotini oʻtkazish boʻyicha xulosa, mahsulot turini oʻrganish boʻyicha xulosa, sinov bayonnomalari, ishlab chiqarishni baholash dalolatnomasi hamda taqdim qilingan hujjatlar majmui asosida muvofiqlik sertifikatini berish toʻgʻrisida qaror qiladi.	2 ish kuni mobaynida
			2 ish kuni mobaynida
		Mahsulotning sinov va oʻlchashlar davrida butunlay yoki qisman buzilgan, shuningdek, sinash davrida buzilmagan mahsulot boʻyicha hisobdan chiqarilganligi (qaytarib berilganligi) toʻgʻrisidagi dalolatnomani rasmiylashtiradi.	2 ish kuni mobaynida
		Ijobiy qaror qabul qilinsa mahsulotlarga muvofiqlik sertifikati rasmiylashtiriladi va reyestrga maʼlumotlar kiritadi.	3 ish kuni mobaynida

Mahsulotni standart talablariga muvofiq sertifikatlashtirish tartibi toʻgʻrisidagi nizomga
2-ILOVA

Muvofiqlik sertifikati orqali mahsulotlarning muvofiqligini tasdiqlash

JADVALI

Chizma raqami	Akkreditatlangan sinov laboratoriyalarining sinovi yoki muvofiqlikni baholashning boshqa dalili	Ishlab chiqarish sharoitlarini baholash yoki sifat tizimini baholash	Sertifikatlangan mahsulot ustidan inspeksiya nazorati (sifat tizimini)
1.	Mahsulot turining sinovi	-	-
2.	Mahsulot turini sinovdan oʻtkazish	-	Savdodan (isteʼmolchidan) olingan namunalarning sinovi
3.	Mahsulot turini sinovdan oʻtkazish	Ishlab chiqarishni baholash	Ishlab chiqaruvchidan olingan namunalarni sinash
4.	Mahsulot turini sinovdan oʻtkazish	Ishlab chiqarishni baholash	Savdo (isteʼmolchidan) va ishlab chiqarishdan olingan namunalarni sinovdan oʻtkazish
5.	Mahsulot turini sinovdan oʻtkazish	Ishlab chiqarishni baholash yoki sifat tizimini baholash	Namuna sinovi va sifat tizimini baholash (ishlab chiqarishni oʻrganish)
6.	-	Sifat tizimini baholash	Boshqaruv tizimining holatini baholash
7.	Mahsulot toʻpini sinovdan oʻtkazish	-	-
8.	Har bir namunani sinash	-	-

Mahsulotni standart talablariga muvofiq sertifikatlashtirish tartibi toʻgʻrisidagi nizomga
3-ILOVA

_________________________________
^{(sertifikatlashtirish organi nomi)}
		____________________________________
		^{(sertifikatlashtirish organi manzili)}

Oʻzbekiston Respublikasi sertifikatlashtirish milliy tizimida mahsulotni sertifikatlashtirish uchun
ARIZA

___________________________________________________________________________________________
^{(ariza beruvchining nomi (ishlab chiqaruvchi, yetkazib beruvchi yoki yakka tartibdagi tadbirkorning F.I.O.))}
___________________________________________________________________________________________
^{(ariza beruvchining manzili)}
nomidan____________________________________ shuni maʼlum qiladiki____________________________
____________________ ^{(rahbarning F.I.O.)}________________________________ ^{(mahsulotning nomi, turi, TIF TN kodi,}
___________________________________________________________________________________________
^{(turkum yoki partiyali ishlab chiqarilgan, har bir mahsulot (bitta ishlab chiqarish uchun)}
___________________________________________________________________ga asosan ishlab chiqariladi
^{(ishlab chiqaruvchi hujjatlarining nomi)}
___________________________________________________________________ talablariga javob beradi
^{(normativ hujjatning nomi va raqami)}
va ushbu mahsulotlarni koʻrsatilgan hujjatlar talablariga muvofiqligini sertifikatlashtirishni qoʻyidagi chizmaga asosan amalga oshirishni soʻraydi_______________________________________________
^{(sertifikatlashtirish chizmasi raqami)}
Qoʻshimcha maʼlumotlar
___________________________________________________________________________________________
^{(xulosalar va boshqa hujjatlarning mavjudligi koʻrsatiladi)}
___________________________________________________________________________________________

Ariza beruvchi	____________________	________________________
	^{(elektron imzo)}	^(F.I.O.)
Sana

Mahsulotni standart talablariga muvofiq sertifikatlashtirish tartibi toʻgʻrisidagi nizomga
4-ILOVA

___________________________		“TASDIQLAYMAN”
^{(MSO nomi)}		Mahsulotlarni
		sertifikatlashtirish
		organi rahbari
		_______________________________
		^{(imzo) ____________ (F.I.O.)__}
___________________________		20____ y. “___” ____________
^{(MSO manzili)}
		muhr

Sertifikatlashtirish boʻyicha ariza yuzasidan
QAROR
20 ___ y. “____ “ ___________ __ ____-son

Arizani koʻrib chiqib _________________________________________________________________________
^{(ishlab chiqaruvchining, yetkazib beruvchining nomi)}
sertifikatlashtirish uchun __________________________________________________________________
^{(mahsulot nomi, TIF TN kod)}
maʼlum qilamiz:
1. Sertifikatlashtirish quyidagi sxemaga muvofiq amalga oshiriladi ______________________
^{(sxemasi raqami)}
2. Sertifikatlashtirish uchun sinovlar ______________________________da oʻtkazilishi kerak
^{(SL nomi)}
____________________________________________________________________________________
^{(SL manzili)}
3. Sertifikatlashtirish ________________________________ talablariga muvofiq oʻtkaziladi
^{(NH nomlanishi va belgilanishi)}
4. Ishlab chiqarishni baholash ______________________________________________ da oʻtkaziladi
^{(korxonaning nomi)}

_____________________________	___________________________________________
^(manzil)	^{(ishlab chiqarishni baholash turi)}
5. Ish uchun toʻlov shakli ________________________________________________________________
^{(tadbirkorlik shartnomasi, tariflar va boshqa toʻlov turlari boʻyicha)}
6. Sertifikatlashtirish maqsadida __________________________________ ni topshirish kerak
^{(zarur hujjatlar koʻrsatilishi)}

Mahsulotni standart talablariga muvofiq sertifikatlashtirish tartibi toʻgʻrisidagi nizomga
5-ILOVA

Namunalarni identifikatsiya qilish va tanlab olish
DALOLATNOMASI

		20___ y. “____” _______

Ishlab chiqaruvchining nomi (ariza beruvchining)________________________________________________________
_________________________________________________________________________________________________
Namunalar olingan tashkilotning nomi va manzili____________________________________________________
_________________________________________________________________________________________________
Mahsulot turining nomi___________________________________________________________________________
Oʻlchov birligi ____________________________________________________________________________________
Partiya hajmi___________________________________________________________________________________
Partiyani tashqi tekshirish natijasi______________________________________________________________
^{(qadoqlash, yorliqlash holati)}
_________________________________________________________________________________________________
Ishlab chiqarilgan sana ____________________________________________________________________________
Olingan namunalar soni ___________________________________________________________________________
^{(birlikni qadoqlash holati)}

(Sinov uchun)______________________________________________________________________________________
(Nazorat namunalari uchun)
Namuna olish maqsadi: normativ hujjatlarda belgilangan talablarga muvofiq mahsulotlarni xavfsizlik koʻrsatkichlari boʻyicha sinovdan oʻtkazish.
Namuna olish joyi va sanasi _______________________________________________________________________
_________________________________________________________________________________________________

Imzolar:
Ishlab chiqaruvchidan
(ariza beruvchidan)	___________________	________________________
	^imzo	^F.I.O.
Mahsulotlarni
sertifikatlashtirish organidan	___________________	_________________________
	^imzo	^F.I.O.
Bojxona posti inspektori
_____________________	___________________	___________________
	^imzo	^F.I.O.

(orqa tarafi)

MAHSULOT IDENTIFIKATSIYASI:

Nomi (marka, model, tur, sinf mavjud boʻlsa)________________________________________________________
_________________________________________________________________________________________________
Ishlab chiqaruvchi (mamlakat va korxona)_____________________________________________________________
_________________________________________________________________________________________________
Qadoq va yorliq haqida maʼlumot ____________________________________________________________________
_________________________________________________________________________________________________
Maqsad / moʻljallangan ____________________________________________________________________________
_________________________________________________________________________________________________
Asosiy xususiyatlari ______________________________________________________________________________
_________________________________________________________________________________________________
Saqlash shartlari ________________________________________________________________________________
_________________________________________________________________________________________________
Ishlab chiqarilgan sana ____________________________________________________________________________
_________________________________________________________________________________________________
Saqlash muddati__________________________________________________________________________________
_________________________________________________________________________________________________
Qoʻshimcha maʼlumotlar (mavjud boʻlganda)____________________________________________________________
_________________________________________________________________________________________________


Imzolar:

Mahsulotlarni
sertifikatlashtirish organidan	______________	_______________________________
	^imzo	^F.I.O.
Ishlab chiqaruvchidan
(ariza beruvchidan)	______________	_______________________________
	^imzo	^F.I.O.

Mahsulotni standart talablariga muvofiq sertifikatlashtirish tartibi toʻgʻrisidagi nizomga
6-ILOVA

MAHSULOTLARNI HISOBDAN CHIQARISH (QAYTARISH) TOʻGʻRISIDA
DALOLATNOMA

20____ y. “_____” ______________dan

_________________________________________________________________________________________
^{(yuridik va jismoniy shaxsning nomi)}
__________________________________________________________________________________________
^{(arizaning sanasi va raqami)}
Bu dalolatnoma 20____ y. “____” ____________dagi __________-son namunalarni tanlab olish dalolatnomasiga muvofiq tanlab olingan mahsulot namunalari:
 sinov davrida butunlay buzilgan;
 sinov davrida yoʻq qilinmagan yoki qisman buzilgan, ariza beruvchiga qaytarilganligi toʻgʻrisida tuzilgan.

Ishlab chiqaruvchidan (ariza beruvchidan)	_________________	_________________________
	^imzo	^F.I.O.
Mahsulotlarni sertifikatlashtirish organidan	_________________	_________________________
	^imzo	^F.I.O.

Mahsulotni standart talablariga muvofiq sertifikatlashtirish tartibi toʻgʻrisidagi nizomga
7-ILOVA

___________________________	“TASDIQLAYMAN”
^{(MSO nomi)}	Mahsulotlarni sertifikatlashtirish
	organi rahbari
	_________________________
	^{(imzo) ____________ (F.I.O.)__}
___________________________	“___” ____________ 20____ y.
^{(MSO manzili)}
	muhr

Sertifikatlashtirish natijasi yuzasidan
QAROR

20 ___ y. “____” ___________ _ ____-son

1. Sertifikatlashtirilayotgan mahsulotlarning sinov bayonnomalarini tahlilli.
2. Ishlab chiqarishni baholash boʻyicha xulosalar (agar sertifikatlashtirish sxemasida nazarda tutilgan boʻlsa).
3. Hujjatlarning toʻliqligi asosida muvofiqlik sertifikatini berish / rad etish (tegishligi tagiga chizing)

___________________________________________________________________________________________
^{(mahsulot(lar) nomi)}
___________________________________________________________________________________________
^{(Jismoniy yoki yuridik shaxs nomi)}

Rad etish sababi _________________________________________________________________________
________________________________________________________________________________________
________________________________________________________________________________________
________________________________________________________________________________________
________________________________________________________________________________________

1. Ekspert ______________________________________________________________________________
________________________________^(imzo) _______________________________^(F.I.O.)

Mahsulotni standart talablariga muvofiq sertifikatlashtirish tartibi toʻgʻrisidagi nizomga
8-ILOVA

OʻZBEKISTON RESPUBLIKASI SERTIFIKATLASHTIRISH
MILLIY TIZIMI
(sertifikatlashtirish idorasi nomi, manzili, Davlat reyestrdagi raqami)

MUVOFIQLIK SERTIFIKATI

		yildan son bilan
(milliy muvofiqlik belgisi)	Davlat reyestrida roʻyxatga olingan

	Amal qilish muddati	yilgacha

	TIF TN kodi
	(maʼlumot uchun)
(tashkilot nomi, ishlab chiqaruvchi mamlakat)
Ushbu sertifikat tegishli ravishda identifikatsiyalangan mahsulot:

(nomi, turi, xili, rusumi)

(miqdori yoki seriyali ishlab chiqarilishi)

texnik jihatdan tartibga solish sohasidagi normativ hujjat talablariga muvofiqligini tasdiqlaydi.

Sertifikatlashtirish sxemasi:
Murojaatchi (ishlab chiqaruvchi, sotuvchi):
(keraklisi tagiga chizilsin)

(amaldagi va yuridik manzili)

Sertifikat quyidagilarga asosan berildi:
a) hujjatlar
b) namunalar sinovi
v) ishlab chiqarishni tekshirish dalolatnomasi
Inspeksion nazoratni davriylik bilan amalga oshiradi.

Alohida yozuvlar:

Muvofiqlik belgisi qoʻyiladi:

Mahsulotlarni sertifikatlashtirish organi rahbari	(elektron imzo)	(F.I.O.)

Ekspert		(F.I.O.)

Кўриниш

Кўриниш