2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq, shuningdek Oʻzbekiston Respublikasi Vazirlar Mahkamasining Oliy Majlis palatalari bilan hamkorligining tashkiliy-huquqiy mexanizmlarini yanada takomillashtirish, qonun ijodkorligi jarayonida va ijro hokimiyati organlari faoliyati ustidan parlament nazoratini amalga oshirishda Vazirlar Mahkamasi ishtirokining samaradorligini oshirish, mamlakatni ijtimoiy-iqtisodiy rivojlantirish vazifalarini bajarishda Hukumat masʼuliyatini kuchaytirish maqsadida:

1. Oʻzbekiston Respublikasi Vazirlar Mahkamasining Ijro etuvchi tuzilmasida Oʻzbekiston Respublikasi Vazirlar Mahkamasining Oʻzbekiston Respublikasi Oliy Majlisidagi vakolatli vakili (keyingi oʻrinlarda Vakolatli vakil deb ataladi) lavozimi joriy etilsin.

2. Quyidagilar Vakolatli vakilning asosiy vazifalari etib belgilansin:

birinchi — Oʻzbekiston Respublikasi Vazirlar Mahkamasi Ijro etuvchi apparatining tarkibiy boʻlinmalari, davlat va xoʻjalik boshqaruvi organlari, mahalliy ijro hokimiyati organlarining Oʻzbekiston Respublikasi Oliy Majlisi palatalarida koʻrib chiqiladigan qonunlar va boshqa hujjatlar loyihalarini tayyorlashda oʻzaro yaqin hamkorligini taʼminlash, ularni Vazirlar Mahkamasi Ijro etuvchi apparatida koʻrib chiqish, kelishish va axborot berish jarayonlarida ishtirok etish;

ikkinchi — Oʻzbekiston Respublikasi Vazirlar Mahkamasi Rayosati majlislarida qonunlar loyihalari, boshqa masalalarni muhokama etish va Oʻzbekiston Respublikasi Oliy Majlisi palatalarida qonun loyihalarini (qonunlarni) koʻrib chiqishda ishtirok etadigan Hukumat vakillari tarkibini shakllantirishda ishtirok etish;

uchinchi — Oʻzbekiston Respublikasi Vazirlar Mahkamasining Oʻzbekiston Respublikasi Oliy Majlisi palatalari bilan qonun ijodkorligi faoliyatida, avvalambor, mamlakat parlamentida qonunlarni koʻrib chiqish, muhokama etish va qabul qilish jarayonlarida yaqin hamkorligini tashkil etish;

toʻrtinchi — Oʻzbekiston Respublikasi Oliy Majlisi palatalarida koʻrib chiqiladigan qonun loyihalari, qonunlar, davlat dasturlari va boshqa masalalar yuzasidan Oʻzbekiston Respublikasi Vazirlar Mahkamasining kelishilgan nuqtai nazarini ifoda etish;

beshinchi — qonun ijodkorligi jarayoni, qonunchilik tashabbuslarining qabul qilinishi, parlament nazorati natijalari va Oʻzbekiston Respublikasi Vazirlar Mahkamasi faoliyatiga taalluqli boshqa masalalarning Oʻzbekiston Respublikasi Oliy Majlisi palatalarida koʻrib chiqilishi haqida Vazirlar Mahkamasiga tizimli asosda axborot berish;

oltinchi — yangi qabul qilingan qonunlarni oʻz vaqtida va sifatli amalga oshirish boʻyicha Oʻzbekiston Respublikasi Vazirlar Mahkamasining topshiriqlari, rejalari hamda qarorlari tayyorlanishini tashkil etish, davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar tomonidan amaldagi qonunlar bajarilishini oʻrganish hamda tahlil qilish;

yettinchi — qonunlar, davlat dasturlarining bajarilishi va boshqa yoʻnalishlar boʻyicha parlament nazoratini amalga oshirishda Oʻzbekiston Respublikasi Vazirlar Mahkamasining ishtirokini taʼminlash.

3. Belgilab qoʻyilsinki, Vakolatli vakil:

Oʻzbekiston Respublikasi Prezidenti bilan kelishilgan holda Oʻzbekiston Respublikasining Bosh vaziri tomonidan lavozimga tayinlanadi va lavozimdan ozod etiladi:

oʻz faoliyatini Oʻzbekiston Respublikasining Bosh vaziri rahbarligida amalga oshiradi, bir vaqtning oʻzida uning faoliyati Oʻzbekiston Respublikasi Vazirlar Mahkamasi apparatining boshqaruvchisi tomonidan muvofiqlashtiriladi.

4. Vakolatli vakilga:

qonun loyihalarini ishlab chiqish va Oʻzbekiston Respublikasi Oliy Majlisi Qonunchilik palatasiga kiritish dasturlarining oʻz vaqtida va sifatli tayyorlanishi hamda amalga oshirilishi;

Oʻzbekiston Respublikasi Oliy Majlisi palatalari, ularning kengashlari, qoʻmitalari, komissiyalari (ishchi guruhlari), shuningdek Oʻzbekiston Respublikasi Oliy Majlisi Qonunchilik palatasidagi deputatlar birlashmalari majlislarida qonunlar loyihalari va qonunlarni koʻrib chiqishda ularni har tomonlama asoslash, iqtisodiy, moliyaviy, huquqiy va boshqa turdagi ekspertizadan toʻliq oʻtkazilishini taʼminlash boʻyicha shaxsiy masʼuliyat yuklansin.

5. Quyidagilar:

Oʻzbekiston Respublikasi Vazirlar Mahkamasining Oʻzbekiston Respublikasi Oliy Majlisidagi vakolatli vakili apparatining tuzilmasi 1-ilovaga muvofiq;

Oʻzbekiston Respublikasi Vazirlar Mahkamasining Oʻzbekiston Respublikasi Oliy Majlisidagi vakolatli vakili toʻgʻrisidagi Nizom 2-ilovaga muvofiq tasdiqlansin.

6. Yangi joriy etilgan Vakolatli vakil lavozimi uchun Yagona tarif setkasi boʻyicha mehnatga haq toʻlashning 19-razryadi belgilansin.

7. Oʻzbekiston Respublikasi Prezidenti devonining Ishlar boshqarmasi Oʻzbekiston Respublikasi Oliy Majlisi Qonunchilik palatasi binosida Vakolatli vakil uchun xona ajratilishini, shuningdek uni zarur uskunalar, kompyuter texnikasi, mebel, aloqa vositalari, jumladan, hukumat aloqasi bilan taʼminlasin.

8. Oʻzbekiston Respublikasi Vazirlar Mahkamasi:

Vakolatli vakil va uning apparatini Hukumat binosida joylashtirish, uning ishlarini samarali tashkil etish uchun tashkiliy va moddiy-texnik, shu jumladan transport taʼminoti masalalarini hal etsin;

Oʻzbekiston Respublikasi Vazirlar Mahkamasi Ijro etuvchi apparatining shtat jadvaliga tegishli oʻzgartirishlar kiritsin;

qonun hujjatlariga mazkur qarordan kelib chiqadigan oʻzgartirishlar va qoʻshimchalar haqida bir oy muddatda takliflar kiritsin.

9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

1. Mazkur Nizom Oʻzbekiston Respublikasi Vazirlar Mahkamasining Oʻzbekiston Respublikasi Oliy Majlisidagi vakolatli vakilining (keyingi oʻrinlarda Vakolatli vakil deb ataladi) asosiy vazifalari, funksiyalari, huquqlari va masʼuliyatini, shuningdek uning faoliyatini tashkil etish tartibini belgilaydi.

2. Vakolatli vakil oʻz faoliyatida Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlari, shuningdek mazkur Nizomga amal qiladi.

3. Vakolatli vakil oʻz faoliyatini Oʻzbekiston Respublikasining Bosh vaziri rahbarligida amalga oshiradi, bir vaqtning oʻzida uning faoliyati Oʻzbekiston Respublikasi Vazirlar Mahkamasining Apparati boshqaruvchisi (keyingi oʻrinlarda Apparat boshqaruvchisi deb ataladi) tomonidan muvofiqlashtiriladi.

4. Vakolatli vakil Oʻzbekiston Respublikasi Vazirlar Mahkamasining (keyingi oʻrinlarda Vazirlar Mahkamasi deb ataladi) Oliy Majlis palatalari bilan oʻzaro hamkorligi masalasida oʻz faoliyatini Oʻzbekiston Respublikasi Oliy Majlisi palatalari (keyingi oʻrinlarda Oliy Majlis palatalari deb ataladi), ularning kengashlari, qoʻmitalari, komissiyalari (ishchi guruhlari), shuningdek Oʻzbekiston Respublikasi Oliy Majlisi Qonunchilik palatasidagi deputatlar birlashmalari (keyingi oʻrinlarda deputatlar birlashmalari deb ataladi), Oʻzbekiston Respublikasi Vazirlar Mahkamasi Ijro etuvchi apparatining (keyingi oʻrinlarda Ijro etuvchi apparat deb ataladi) tarkibiy boʻlinmalari, davlat va xoʻjalik boshqaruvi organlari, mahalliy ijro etuvchi hokimiyat organlari, shuningdek boshqa tashkilotlar bilan hamkorlikda amalga oshiradi.

5. Quyidagilar Vakolatli vakilning asosiy vazifalari hisoblanadi:

Ijro etuvchi apparatning tarkibiy boʻlinmalari, davlat va xoʻjalik boshqaruvi organlari, mahalliy ijro etuvchi hokimiyat organlarining Oliy Majlis palatalarida koʻrib chiqiladigan qonunlar va boshqa hujjatlar loyihalarini tayyorlashda oʻzaro yaqin hamkorligini taʼminlash, ularni Ijro etuvchi apparatda koʻrib chiqish, kelishish va axborot berish jarayonlarida ishtirok etish;

Vazirlar Mahkamasi Rayosati majlislarida qonunlar loyihalari, boshqa masalalarni muhokama qilish va Oʻzbekiston Respublikasi Oliy Majlisi palatalarida qonun loyihalarini (qonunlarni) koʻrib chiqishda ishtirok etadigan Hukumat vakillari tarkibini shakllantirishda ishtirok etish;

Vazirlar Mahkamasining Oliy Majlis palatalari bilan qonun ijodkorligi faoliyatida, ayniqsa, mamlakat parlamentida qonunlarni koʻrib chiqish, muhokama etish va qabul qilish jarayonlarida yaqin hamkorligini tashkil etish;

Oliy Majlis palatalarida koʻrib chiqiladigan qonun loyihalari, qonunlar, davlat dasturlari va boshqa masalalar yuzasidan Oʻzbekiston Respublikasi Vazirlar Mahkamasining kelishilgan nuqtai nazarini ifoda etish;

qonun ijodkorligi jarayoni, qonunchilik tashabbuslarining qabul qilinishi, parlament nazorati natijalari va oʻz faoliyatiga taalluqli boshqa masalalarning Oliy Majlisi palatalarida koʻrib chiqilishi haqida Vazirlar Mahkamasini tizimli asosda xabardor qilish;

yangi qabul qilingan qonunlarni oʻz vaqtida va sifatli amalga oshirish boʻyicha Vazirlar Mahkamasining topshiriqlari, rejalari hamda qarorlari tayyorlanishini tashkil etish, davlat va xoʻjalik boshqaruvi organlari, mahalliy davlat hokimiyati organlari, boshqa tashkilotlar tomonidan amaldagi qonunlar ijrosini oʻrganish hamda tahlil qilish;

qonunlar, davlat dasturlari va boshqa yoʻnalishlar ijrosi boʻyicha parlament nazoratini amalga oshirishda Vazirlar Mahkamasining ishtirokini taʼminlash.

6. Vakolatli vakil zimmasiga yuklatilgan vazifalarga muvofiq quyidagi funksiyalarni amalga oshiradi:

a) Ijro etuvchi apparatning tarkibiy boʻlinmalari, davlat va xoʻjalik boshqaruvi organlari, mahalliy ijro etuvchi hokimiyat organlarining Oliy Majlis palatalarida koʻrib chiqiladigan qonunlar va boshqa hujjatlar loyihalarini tayyorlashda oʻzaro yaqin hamkorligini taʼminlash, ularni Ijro etuvchi apparatda koʻrib chiqish, kelishish va axborot berish jarayonlarida ishtirok etish sohasida:

Ijro etuvchi apparatning Huquqiy ekspertiza, xalqaro shartnomalar va tashqi aloqalarni rivojlantirish boshqarmasi, axborot-tahlil departamentlari bilan birgalikda qonun loyihalarini ishlab chiqish hamda Oʻzbekiston Respublikasi Oliy Majlisi Qonunchilik palatasiga kiritish boʻyicha dasturlar tayyorlanishi va amalga oshirilishini taʼminlaydi;

qonunlar loyihalarini tayyorlash va Oʻzbekiston Respublikasi Oliy Majlisi Qonunchilik palatasiga kiritish boʻyicha dasturlar ijrosini monitoring qilib boradi, shuningdek ularni oʻz vaqtida va sifatli bajarish boʻyicha davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa tashkilotlar ishini muvofiqlashtirishda ishtirok etadi;

Vazirlar Mahkamasiga kiritiladigan qonunlar loyihalarini har tomonlama ekspertizadan oʻtkazish, shuningdek ularga ilova qilinadigan materiallarni puxta va sifatli tayyorlash maqsadida Ijro etuvchi apparat tarkibiy boʻlinmalari bilan hamkorlik qiladi, qonunlar loyihalarini tayyorlashda uslubiy yordam koʻrsatadi;

Ijro etuvchi apparatda qonunlar loyihalarini tayyorlash va iqtisodiy, moliyaviy, huquqiy hamda boshqa turdagi ekspertizadan oʻtkazishda ishtirok etadi;

Ijro etuvchi apparatning tarkibiy boʻlinmalari tomonidan tayyorlangan qonunlar loyihalarini axborot berish uchun koʻrib chiqadi va rasmiylashtiradi, zarur hollarda ular yuzasidan oʻz takliflari va fikr-mulohazalarini bildiradi;

Oʻzbekiston Respublikasining Bosh vaziri, uning oʻrinbosarlari va Apparat boshqaruvchisining topshirigʻiga muvofiq qonunlar loyihalarini tayyorlaydi.

b) Vazirlar Mahkamasi Rayosati majlislarida qonunlar loyihalari, boshqa masalalarni muhokama etish va Hukumat vakillari tarkibini shakllantirishda ishtirok etish sohasida:

Vazirlar Mahkamasi Rayosati koʻrib chiqishi uchun Ijro etuvchi apparat tarkibiy boʻlinmalari bilan birgalikda qonunlar loyihalari va boshqa masalalar tayyorlanishini taʼminlaydi;

Oʻzbekiston Respublikasi Oliy Majlisi Qonunchilik palatasiga taqdim etiladigan qonunlar loyihalari, boshqa masalalarning Vazirlar Mahkamasi Rayosati majlislarida muhokama qilishda ishtirok etadi;

zarur hollarda, muhokama etiladigan qonunlar loyihalari, boshqa masalalar yuzasidan oʻz takliflari va eʼtirozlarini Vazirlar Mahkamasi Rayosati koʻrib chiqishi uchun taqdim etadi;

Vazirlar Mahkamasi vakillarining roʻyxatni kelishadi, Oliy Majlis palatalarida qonunlar loyihalarini (qonunlarni) koʻrib chiqishda ishtirok etadigan nomzodlarni Vazirlar Mahkamasi vakillari tarkibiga kiritish uchun tavsiya qiladi.

v) qonun ijodkorligi faoliyatida Vazirlar Mahkamasining Oliy Majlis palatalari bilan yaqin hamkorligini yoʻlga qoʻyish sohasida:

Oliy Majlis palatalarida qonunlar loyihalarini koʻrib chiqish va muhokama qilish masalalari boʻyicha oʻtkaziladigan Oliy Majlis palatalari, ularning kengashlari, qoʻmitalari va komissiyalari (ishchi guruhlari), deputatlar birlashmalari majlislarida, shuningdek Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari oʻtkazadigan yigʻilishlar, hukumat va idoralararo komissiyalar hamda kengashlar majlislarda, Apparat boshqaruvchisi oʻtkazadigan majlislarda ishtirok etadi;

qonunlar loyihalarini (qonunlarni) koʻrib chiqish, muhokama qilish va qabul qilish, ushbu sohada tizimli muammolar hamda kamchiliklarga yoʻl qoʻymaslik masalalarida Vazirlar Mahkamasining Oliy Majlis palatalari bilan oʻzaro hamkorligi samaradorligini oshirish boʻyicha chora-tadbirlarni ishlab chiqadi;

Oliy Majlis palatalariga qabul qilinadigan qarorlar sifatini yaxshilash, huquqiy tartibga solishning tizimliligi va yaxlitligini, shuningdek ularning toʻgʻridan-toʻgʻri taʼsirini taʼminlashga doir tegishli choralar koʻrishda amaliy yordam koʻrsatadi;

qonunlar loyihalarida ulardagi normalarni amalga oshirishning aniq mexanizmlari mavjud boʻlishini tahlil qiladi;

qonunlar loyihalari, qonunlar va Vazirlar Mahkamasi faoliyatiga taalluqli boshqa masalalarning Oliy Majlis palatalarida koʻrib chiqilishini monitoring qilib boradi va ularning tizimlashtirilgan maʼlumotlar bazasini yuritadi, uning muntazam yangilab turilishini taʼminlaydi;

g) Oliy Majlisi palatalarida koʻrib chiqiladigan qonun loyihalari, qonunlar, davlat dasturlari va boshqa masalalar yuzasidan Vazirlar Mahkamasining kelishilgan nuqtai nazarini ifoda etish sohasida:

Oliy Majlis palatalari, ularning kengashlari, qoʻmitalari va komissiyalari (ishchi guruhlari), deputatlar birlashmalari qonunlar loyihalari, qonunlar va Vazirlar Mahkamasi faoliyatiga taalluqli boshqa masalalarni koʻrib chiqishda Vazirlar Mahkamasi nuqtai nazarini himoya qilishda ishtirok etadi;

Oliy Majlis palatalari, ularning kengashlari, qoʻmitalari va komissiyalari (ishchi guruhlari), deputatlar birlashmalarida qonunlar loyihalari va qonunlar, shuningdek Vazirlar Mahkamasi faoliyatiga taalluqli boshqa masalalarni koʻrib chiqishning barcha bosqichlarida Vazirlar Mahkamasining belgilangan tartibda kelishilgan manfaatlarini ifoda etadi;

Oliy Majlis palatalari, ularning kengashlari, qoʻmitalari, komissiyalari (ishchi guruhlari), deputatlar birlashmalarining qonunlar loyihalari, qonunlar va boshqa masalalar boʻyicha ishlarida Ijro etuvchi apparat, davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa tashkilotlarning tegishli rahbarlari va mutaxassislarining ishtirok etishini taʼminlaydi;

Oliy Majlis palatalari majlislarida qonunlar loyihalari, qonunlar va boshqa masalalarni koʻrib chiqishda Vazirlar Mahkamasi vakillarining ishtirok etish imkoniyati boʻlmagan taqdirda, Ijro etuvchi apparatning tegishli rahbarlari bilan kelishgan holda ularni almashtirish toʻgʻrisida qaror qabul qiladi;

Oliy Majlis palatalari ishlarida ishtirok etadigan davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlarning Vazirlar Mahkamasi tomonidan kiritilgan qonunlar loyihalari va boshqa masalalar boʻyicha nuqtai nazari Vazirlar Mahkamasi nuqtai nazariga mos kelmaslik holatlarini aniqlaydi va ularni bartaraf etish uchun zarur choralar koʻradi;

Ijro etuvchi apparatning masʼul axborot-tahlil departamentlari, Huquqiy ekspertiza, xalqaro shartnomalar va tashqi aloqalarni rivojlantirish boshqarmasi, boshqa tashkilotlar bilan birgalikda qonunlar loyihalari hamda Vazirlar Mahkamasi faoliyatiga taalluqli boshqa hujjatlarni Oliy Majlis palatalarida koʻrib chiqishda keyinchalik axborot berish uchun ularga kiritiladigan konseptual oʻzgartirishlar hamda qoʻshimchalar belgilangan tartibda ishlab chiqilishini taʼminlaydi.

d) qonun ijodkorligi jarayoni, qonunchilik tashabbuslarining qabul qilinishi, parlament nazorati natijalari va Vazirlar Mahkamasi faoliyatiga taalluqli boshqa masalalarning Oliy Majlisi palatalarida koʻrib chiqilishi haqida Vazirlar Mahkamasiga tizimli asosda axborot berish sohasida:

Oliy Majlis palatalarida qonun ijodkorligi jarayoni, qonunchilik tashabbuslarining qabul qilinishi, parlament nazorati natijalari va Vazirlar Mahkamasi faoliyatiga taalluqli boshqa masalalarning koʻrib chiqilishi borishi haqida Oʻzbekiston Respublikasi Vazirlar Mahkamasini, Oʻzbekiston Respublikasining Bosh vazirini, uning oʻrinbosarlari, Apparat boshqaruvchisini tizimli asosda xabardor qilib boradi;

Oliy Majlis palatalari yalpi majlislarining kun tartiblari, shu jumladan ularga kiritiladigan qonunlar loyihalari va qonunlar haqida Oʻzbekiston Respublikasining Bosh vaziriga, uning oʻrinbosarlari va Apparat boshqaruvchisiga axborot taqdim qiladi, Ijro etuvchi apparat tarkibiy boʻlinmalari vakillarining ushbu yalpi majlislarda ishtirok etishini taʼminlaydi;

Oliy Majlis palatalari, ularning kengashlari, qoʻmitalari, komissiyalari (ishchi guruhlari), deputatlar birlashmalari koʻrib chiqadigan qonunlar loyihalari, qonunlar va Vazirlar Mahkamasi faoliyatiga taalluqli boshqa masalalar boʻyicha tahliliy hamda boshqa materiallar tayyorlaydi;

Oʻzbekiston Respublikasi Prezidenti, Oʻzbekiston Respublikasi Bosh vaziri ishtirokida oʻtkaziladigan kengashlar, Hukumat majlislariga tayyorgarlik koʻrish bilan bogʻliq materiallarni ishlab chiqish hamda qarorlarni rasmiylashtirishda, shuningdek uning faoliyati sohasiga kiradigan masalalar yuzasidan Vazirlar Mahkamasining protokol va boshqa qarorlari ijrosi nazorat qilinishini taʼminlashda ishtirok etadi.

e) yangi qabul qilingan qonunlarni oʻz vaqtida va sifatli amalga oshirish boʻyicha Vazirlar Mahkamasining topshiriqlari, rejalari hamda qarorlari tayyorlanishini tashkil etish, davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar tomonidan amaldagi qonunlar bajarilishini oʻrganish hamda tahlil qilish sohasida:

yangi qabul qilingan qonunlarning amalga oshirilishini tashkil etish boʻyicha Vazirlar Mahkamasining topshiriqlari, rejalari va qarorlarini tayyorlaydi, shuningdek Ijro etuvchi apparatning tarkibiy boʻlinmalari tomonidan tayyorlangan hujjatlarni kelishadi;

davlat va xoʻjalik boshqaruvi organlari, mahalliy davlat hokimiyati organlari, boshqa tashkilotlarning qabul qilingan qonunlarning ijro etilishi holatini tizimli asosda oʻrganadi;

Ijro etuvchi apparatning tarkibiy boʻlinmalari bilan birgalikda yangi qabul qilingan qonunlar qoidalarini amalga oshirishning aniq mexanizmlarini belgilaydigan qonunosti hujjatlarning oʻz vaqtida qabul qilinishi boʻyicha choralar koʻradi;

qonunlarni nazorat qilish va bajarish sohasidagi qonun hujjatlari hamda huquqni qoʻllash amaliyotini yanada takomillashtirishga oid takliflar tayyorlaydi;

yangi qabul qilingan qonunlarni amalga oshirish boʻyicha tizimlashtirilgan maʼlumotlar bazasini shakllantiradi va yuritadi;

j) qonunlar, davlat dasturlarining bajarilishi va boshqa yoʻnalishlar boʻyicha parlament nazoratini amalga oshirishda Vazirlar Mahkamasining ishtirokini taʼminlash sohasida:

Oliy Majlis palatalari tomonidan qonunlar, davlat dasturlari ijro etilishi holatini va boshqa yoʻnalishlarni oʻrganish boʻyicha parlament nazoratini amalga oshirishda ishtirok etadi;

navbatdagi yil uchun Oʻzbekiston Respublikasi Davlat budjeti loyihasi, davlat maqsadli jamgʻarmalar budjetlari, soliq va budjet siyosati asosiy yoʻnalishlarining Oliy Majlis palatalariga koʻrib chiqish uchun belgilangan tartibda taqdim etilishini taʼminlaydi;

Oʻzbekiston Respublikasi Davlat budjeti, davlat maqsadli jamgʻarmalari budjetlari hamda soliq va budjet siyosati asosiy yoʻnalishlarining ijrosi toʻgʻrisidagi hisobotlarning Oliy Majlis Qonunchilik palatasiga belgilangan tartibda taqdim etilishini taʼminlaydi;

Ish oʻrinlari yaratish va aholi bandligini taʼminlash dasturining Oliy Majlis palatalariga koʻrib chiqish uchun belgilangan tartibda taqdim etilishini taʼminlaydi;

Vazirlar Mahkamasining oʻtgan yilda ijtimoiy-iqtisodiy rivojlanish yakunlari va navbatdagi yilda nazarda tutilgan asosiy ustuvor yoʻnalishlar toʻgʻrisida har yillik maʼruzasini, shuningdek Vazirlar Mahkamasi aʼzolarining oʻz faoliyatiga doir masalalar boʻyicha axborotining Oliy Majlis palatalariga belgilangan tartibda taqdim etilishini taʼminlaydi;

zarur hollarda, Oliy Majlis palatalarining Oʻzbekiston Respublikasi Bosh vazirining mamlakatni ijtimoiy-iqtisodiy rivojlantirishning ayrim dolzarb masalalari boʻyicha hisobotini eshitishini tashkil etish choralarini koʻradi;

hukumat aʼzolarining oʻz faoliyatiga doir masalalar boʻyicha axborotining eshitilishini tashkil etish boʻyicha choralarni koʻradi;

parlament soʻroviga, shuningdek Oʻzbekiston Respublikasi Oliy Majlisi Qonunchilik palatasi deputati yoki Senati aʼzosining Vazirlar Mahkamasi aʼzolari, davlat boshqaruvi organlari, mahalliy ijro etuvchi hokimiyat organlarining mansabdor shaxslariga yoʻllangan soʻroviga oʻz vaqtida javob yuborilishini taʼminlashga koʻmaklashadi;

Oliy Majlis palatalari qoʻmitalarining qonunlar, Oliy Majlis palatalari qarorlari ijrosini, huquqni qoʻllash amaliyoti holatini oʻrganishda zarur sharoitlar yaratish choralarini koʻradi, shuningdek davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlarning ushbu yoʻnalishdagi ishlarini muvofiqlashtiradi;

davlat boshqaruvi organlari, mahalliy ijro etuvchi hokimiyat organlari, boshqa tashkilotlar rahbarlarining qonunlarga rioya etishi, Oliy Majlis palatalari, ularning kengashlari va qoʻmitalari qarorlarini bajarishi toʻgʻrisida axborotini eshitishda ishtirok etadi;

Vakolatli vakil qonunchilikka muvofiq boshqa vazifalarni ham amalga oshirishi mumkin.

7. Vakolatli vakil zimmasiga yuklatilgan asosiy vazifalar va funksiyalarni amalga oshirish uchun quyidagi huquqlarga ega:

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlardan maʼlumotlar, tahliliy va boshqa materiallarni belgilangan tartibda soʻrash va olish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar rahbarlari hamda vakillari ishtirokida yigʻilishlar oʻtkazish;

davlat va xoʻjalik boshqaruvi organlari, mahalliy ijro etuvchi hokimiyat organlarining yigʻilishlari, shuningdek Oʻzbekiston Respublikasining Bosh vaziri topshirigʻiga binoan boshqa davlat organlari, nodavlat notijorat tashkilotlari va boshqa tashkilotlarning uning faoliyati sohasiga kiradigan masalalar boʻyicha oʻtkaziladigan majlislarida ishtirok etish;

Ijro etuvchi apparat, davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlarning uning faoliyati sohasiga kiradigan masalalar boʻyicha tegishli rahbarlari hamda mutaxassislarini jalb etish, shuningdek muvaqqat ishchi guruhlarini tashkil etish;

Vakolatli vakil qonunchilikka muvofiq boshqa huquqlarga ham ega boʻlishi mumkin.

Vakolatli vakilning zarur maʼlumotlar, tahliliy va boshqa materiallarni taqdim etish, shuningdek uning faoliyati sohasiga kiradigan boshqa masalalar boʻyicha talablari va topshiriqlari u belgilangan muddatlarda albatta bajarilishi shart.

8. Vakolatli vakil:

zimmasiga yuklatilgan vazifalarning lozim darajada va samarali bajarilishi;

qonun loyihalarini ishlab chiqish va ularni Oʻzbekiston Respublikasi Oliy Majlisi Qonunchilik palatasiga kiritish dasturlarining oʻz vaqtida va sifatli tayyorlanishi hamda amalga oshirilishini taʼminlash;

Oliy Majlis palatalari, ularning kengashlari, qoʻmitalari, komissiyalari (ishchi guruhlari), shuningdek deputatlar birlashmalari majlislarida qonunlar loyihalari, qonunlar va Vazirlar Mahkamasi faoliyatiga taalluqli boshqa masalalarni koʻrib chiqishda ularni har tomonlama asoslash, iqtisodiy, moliyaviy, huquqiy va boshqa turdagi ekspertizadan toʻliq oʻtkazilishini taʼminlash;

davlat va xoʻjalik boshqaruvi organlari, mahalliy davlat hokimiyati organlari, boshqa tashkilotlar tomonidan qonunlar, Oliy Majlis palatalari, ularning kengashlari va qoʻmitalari qarorlari, shuningdek uning faoliyati sohasiga kiradigan masalalar boʻyicha boshqa hujjatlarning oʻz vaqtida hamda sifatli ijro etilishini nazorat qilishni taʼminlash;

Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomini mustahkamlash uchun shaxsan javob beradi.

9. Vakolatli vakilning faoliyatini tashkil etish uning apparati tomonidan taʼminlanadi. Vakolatli vakil apparatining tuzilmasi:

Vakolatli vakil;

Qonun ijodkorligi faoliyatida Oʻzbekiston Respublikasi Oliy Majlisi palatalari bilan hamkorlik masalalari boʻyicha bosh mutaxassis;

Parlament nazoratini amalga oshirishda Oʻzbekiston Respublikasi Oliy Majlisi palatalari bilan hamkorlik masalalari boʻyicha yetakchi mutaxassis;

inspektorni oʻz ichiga oladi.

Vakolatli vakil va Vakolatli vakilning apparati mutaxassislari uchun Ijro etuvchi apparatda amalda boʻlgan lavozim maoshlari va boshqa toʻlovlar miqdori hisobga olingan holda, koʻp yillik xizmatlari uchun qoʻshimcha haq va ustamalar, harbiy va avvalgi ish joyida berilgan maxsus unvonlar (toifa darajalari, malaka darajalari, diplomatik daraja va boshqalar) saqlanib qoladi. Vakolatli vakil apparatidagi ish vaqti navbatdagi harbiy va maxsus unvon berish uchun ish stajiga kiritiladi hamda ular boʻyicha, shuningdek koʻp yillik xizmatlar uchun ustamalar qoʻshib yoziladi hamda toʻlanadi.

Vakolatli vakil apparatining tuzilmasi Oʻzbekiston Respublikasi Prezidenti tomonidan tasdiqlanadi.

10. Vakolatli vakil Oʻzbekiston Respublikasi Prezidenti bilan kelishilgan holda Oʻzbekiston Respublikasining Bosh vaziri tomonidan lavozimga tayinlanadi va lavozimdan ozod etiladi.

Vakolatli vakil apparatining mutaxassislari va inspektori belgilangan tartibda lavozimga tayinlanadi va lavozimdan ozod etiladi.

11. Vakolatli vakil apparatining ishi Vazirlar Mahkamasi va Vakolatli vakil ish rejalariga muvofiq tashkil etiladi.

12. Vakolatli vakil:

Vakolatli vakil apparatiga bevosita rahbarlikni amalga oshiradi, mutaxassislar ishini tashkil etadi;

Vakolatli vakil apparati xodimlari oʻrtasidagi majburiyatlarini, yarim yillik ish rejasini ishlab chiqadi hamda Apparat boshqaruvchisi bilan kelishgan holda tasdiqlaydi, shuningdek mutaxassislarning individual ish rejalarini tasdiqlaydi;

Oliy Majlis palatalari, ularning kengashlari, qoʻmitalari (ishchi guruhlari) va komissiyalari, shuningdek deputatlar birlashmalari majlislarida ishtirok etadi;

Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari oʻtkazadigan yigʻilishlarda, hukumat va idoralararo komissiyalar hamda kengashlar, Apparat boshqaruvchisi oʻtkazadigan majlislarda ishtirok etadi;

Oliy Majlis palatalarida qonunlar loyihalari, qonunlar va Vazirlar Mahkamasi faoliyatiga taalluqli boshqa masalalar koʻrib chiqilishining tizimli monitoringi tashkil etilishini va ularni koʻrib chiqish holati hamda samaradorligi toʻgʻrisida maʼlumotlar bankini shakllantirishni taʼminlaydi;

davlat va xoʻjalik boshqaruvining tegishli organlari, mahalliy ijro etuvchi hokimiyat organlari va boshqa tashkilotlarga uning faoliyati sohasiga kiradigan masalalar boʻyicha hujjatlarni koʻrib chiqish uchun yuboradi;

tasdiqlangan tuzilma va shtatlar jadvaliga muvofiq lavozimga tavsiya etilgan nomzodlar, mutaxassislarning kasb darajasi va malakasini oshirish, ularni ragʻbatlantirish hamda jazolash choralari boʻyicha takliflarni ishlab chiqadi va Apparat boshqaruvchisi bilan kelishgan holda Oʻzbekiston Respublikasining Bosh vaziriga koʻrib chiqish uchun kiritadi;

kadrlar zaxirasini shakllantirish va yangilashni, kadrlar zaxirasiga kiritilgan shaxslar bilan muntazam ishlashni taʼminlaydi;

Ijro etuvchi apparatda amalda boʻlgan Yoʻriqnomaga muvofiq ish yuritilishini taʼminlaydi, shuningdek chiquvchi hujjatlarni imzolaydi.

13. Vakolatli vakil zimmasiga yuklangan vazifalar va funksiyalardan kelib chiqib, Oʻzbekiston Respublikasi Vazirlar Mahkamasi Apparati boshqaruvchisining huquqiy ekspertiza boʻyicha oʻrinbosari va Ijro etuvchi apparatning Huquqiy ekspertiza, xalqaro shartnomalar va tashqi aloqalarni rivojlantirish boshqarmasi bilan qonunlar loyihalarini huquqiy ekspertizadan oʻtkazish hamda boshqa huquqiy masalalar boʻyicha, shuningdek qonunlar loyihalarini ishlab chiqish va ularni Oʻzbekiston Respublikasi Oliy Majlisi Qonunchilik palatasiga kiritish dasturlarini tayyorlash va amalga oshirish, shu jumladan ularning ijrosini monitoring qilib borish, qonunlar loyihalari va boshqa hujjatlarga kiritiladigan konseptual oʻzgartirishlarni Oliy Majlis palatalari, ularning kengashlari, qoʻmitalari va komissiyalari (ishchi guruhlari), shuningdek deputatlar birlashmalari tomonidan koʻrib chiqilishida yaqin hamkorlikni amalga oshiradi.

14. Vakolatli vakil vaqtinchalik boʻlmagan taqdirda uning vakolatlarini Qonun ijodkorligi faoliyatida Oʻzbekiston Respublikasi Oliy Majlisi palatalari bilan hamkorlik masalalari boʻyicha bosh mutaxassis belgilangan tartibda amalga oshiradi.

15. Qonun ijodkorligi faoliyatida Oʻzbekiston Respublikasi Oliy Majlisi palatalari bilan hamkorlik masalalari boʻyicha bosh mutaxassis:

materiallar va hujjatlar loyihalarini tayyorlaydi, Vakolatli vakil topshiriqlarini bajaradi, materiallar va hujjatlar loyihalarining oʻz vaqtida tayyorlanishi, sifatli ishlab chiqilishi uchun shaxsan javob beradi, Vakolatli vakilning boshqa topshiriqlari ijrosining nazoratini taʼminlaydi;

Ijro etuvchi apparatning Huquqiy ekspertiza, xalqaro shartnomalar va tashqi aloqalarni rivojlantirish boshqarmasi, axborot-tahlil departamentlari bilan birgalikda qonunlar loyihalarini ishlab chiqish va ularni Oʻzbekiston Respublikasi Oliy Majlisi palatalariga kiritish dasturlarini tayyorlaydi hamda amalga oshiradi, shuningdek ularning ijrosini monitoring qilib boradi;

qonun loyihalarini tayyorlash va iqtisodiy, moliyaviy, huquqiy hamda boshqa turdagi ekspertizadan oʻtkazishda ishtirok etadi, qonunlar loyihalarida ulardagi normalarni amalga oshirish boʻyicha aniq mexanizmlar mavjudligini, huquqiy tartibga solishning tizimliligi va yaxlitligini tahlil qiladi, shuningdek qonunlar loyihalari, qonunlar va Vazirlar Mahkamasi faoliyatiga taalluqli boshqa masalalarni Oliy Majlis palatalarida koʻrib chiqishning barcha bosqichlarida ishtirok etadi;

qonunlar loyihalarini sifatli tayyorlashda Ijro etuvchi apparat tarkibiy boʻlinmalari ishining holati va samaradorligini oʻrganadi;

Oliy Majlis palatalari yalpi majlislarining kun tartiblari, shu jumladan ularga kiritilgan qonunlar loyihalari va qonunlar haqida axborot tayyorlaydi, Ijro etuvchi apparat tarkibiy boʻlinmalari vakillarining ushbu yalpi majlislarda ishtirok etadigan vakillari roʻyxatini shakllantiradi;

Oliy Majlis palatalari, ularning kengashlari, qoʻmitalari va komissiyalari (ishchi guruhlari), deputatlar birlashmalari majlislarida, Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda, hukumat va idoralararo komissiyalar, kengashlar majlislarida, Apparat boshqaruvchisi oʻtkazadigan majlislarda belgilangan tartibda ishtirok etadi;

Oliy Majlis palatalarida koʻrib chiqiladigan qonunlar loyihalari, qonunlar va Vazirlar Mahkamasiga faoliyatiga taalluqli boshqa masalalar boʻyicha tizimlashtirilgan maʼlumotlar bazasini yuritadi, ularni muntazam yangilab turishni taʼminlaydi;

Oʻzbekiston Respublikasining Bosh vaziriga Oliy Majlis palatalarida qonunchilik jarayoni va qonunchilik tashabbuslarining qabul qilinishi hamda Vazirlar Mahkamasi faoliyatiga taalluqli boshqa masalalar toʻgʻrisida axborot tayyorlaydi:

Apparat boshqaruvchisiga Oliy Majlis palatalari, ularning kengashlari, qoʻmitalari va komissiyalari (ishchi guruhlari), shuningdek deputatlar birlashmalarida koʻrib chiqiladigan qonunlar loyihalari, qonunlar va Vazirlar Mahkamasi faoliyatiga taalluqli boshqa masalalar boʻyicha hisobot tayyorlaydi;

Oliy Majlis palatalari, ularning kengashlari, qoʻmitalari va komissiyalari (ishchi guruhlari), shuningdek deputatlar birlashmalari tomonidan qonunlar loyihalari, qonunlar va boshqa masalalarni koʻrib chiqishda Vazirlar Mahkamasi vakillarining ishtirok etishini taʼminlaydi;

Oliy Majlis palatalari, ularning kengashlari, qoʻmitalari va komissiyalari (ishchi guruhlari), shuningdek deputatlar birlashmalari qonunlar loyihalari, qonunlar va Vazirlar Mahkamasi faoliyatiga taalluqli boshqa masalalarni koʻrib chiqishda Vazirlar Mahkamasining nuqtai nazarini himoya qilishda ishtirok etadi;

Oliy Majlis palatalari, ularning kengashlari, qoʻmitalari va komissiyalari (ishchi guruhlari), shuningdek deputatlar birlashmalarida qonunlar loyihalari, qonunlar va Vazirlar Mahkamasi faoliyatiga taalluqli boshqa masalalarni koʻrib chiqishning barcha bosqichlarida Vazirlar Mahkamasining belgilangan tartibda kelishilgan manfaatlarini ifoda etishda ishtirok etadi;

Oliy Majlis palatalari, ularning kengashlari, qoʻmitalari va komissiyalari (ishchi guruhlari), shuningdek deputatlar birlashmalari qonunlar loyihalari, qonunlar va Vazirlar Mahkamasi faoliyatiga taalluqli boshqa masalalarni koʻrib chiqishda Vazirlar Mahkamasining nuqtai nazarini himoya qilishda ishtirok etadigan Vazirlar Mahkamasi vakillarining roʻyxatini kelishishni taʼminlaydi;

Oliy Majlis palatalari majlislarida qonunlar loyihalari, qonunlar va boshqa masalalarni koʻrib chiqishda Vazirlar Mahkamasi vakillarining ishtirok etish imkoniyati boʻlmaganda, Ijro etuvchi apparatning tegishli rahbarlari bilan kelishgan holda ularni almashtirish toʻgʻrisida takliflar tayyorlaydi;

Oliy Majlis palatalari, ularning kengashlari, qoʻmitalari va komissiyalari (ishchi guruhlari), shuningdek deputatlar birlashmalarining qonunlar loyihalari, qonunlar va boshqa masalalar boʻyicha ishlarida Ijro etuvchi apparat, davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa tashkilotlarning tegishli rahbarlari va mutaxassislarining ishtirokini taʼminlaydi;

Oliy Majlis palatalari ishlarida ishtirok etadigan davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlarning Vazirlar Mahkamasi tomonidan kiritilgan qonunlar loyihalari va boshqa masalalar boʻyicha nuqtai nazari Vazirlar Mahkamasi nuqtai nazariga mos kelmaslik holatlarini aniqlaydi va ularni bartaraf etish uchun zarur choralar koʻradi;

Ijro etuvchi apparatning masʼul axborot-tahlil departamentlari, Huquqiy ekspertiza, xalqaro shartnomalar va tashqi aloqalarni rivojlantirish boshqarmasi, boshqa tashkilotlar bilan birgalikda qonunlar loyihalari hamda Vazirlar Mahkamasi faoliyatiga taalluqli boshqa hujjatlarni Oliy Majlis palatalari, ularning kengashlari, qoʻmitalari va komissiyalari (ishchi guruhlari) shuningdek deputatlar birlashmalari tomonidan koʻrib chiqishda keyinchalik axborot berish uchun ularga kiritiladigan konseptual oʻzgartirishlarni ishlab chiqishda ishtirok etadi;

Oliy Majlis palatalarida Vazirlar Mahkamasi nuqtai nazarini ifoda etish va oʻz faoliyati sohasiga kiradigan boshqa yoʻnalishlarda Ijro etuvchi apparat, davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlarning tegishli rahbarlari va mutaxassislarining ishini muvofiqlashtiradi;

Oliy Majlis palatalari, ularning kengashlari, qoʻmitalari va komissiyalari (ishchi guruhlari), shuningdek deputatlar birlashmalari tomonidan koʻrib chiqiladigan qonunlar loyihalari, qonunlar va Vazirlar Mahkamasi faoliyatiga taalluqli boshqa masalalar yuzasidan tahliliy hamda boshqa materiallar tayyorlaydi;

uning faoliyati sohasiga kiradigan masalalar boʻyicha oʻtkaziladigan Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlar, hukumat va idoralararo komissiyalar va kengashlar majlislarida, Apparat boshqaruvchisi oʻtkazadigan majlislarda koʻrib chiqishga materiallar tayyorlash uchun davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar vakillari bilan yigʻilishlar oʻtkazadi;

qonun ijodkorligi jarayonida qonunchilik va huquqni qoʻllash amaliyotini yanada takomillashtirish boʻyicha takliflar tayyorlaydi;

yuridik va jismoniy shaxslarning uning faoliyati sohasiga kiradigan masalalar boʻyicha murojaatlarini koʻrib chiqadi, ularda koʻtarilgan masalalarni hal etishga doir takliflar tayyorlaydi, ularni tegishli davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlarga koʻrib chiqish hamda choralar koʻrish uchun yuboradi, ularning oʻz vaqtida koʻrib chiqilishini nazorat qiladi, jismoniy shaxslarni va yuridik shaxslar vakillarini qabul qiladi;

Qonun ijodkorligi faoliyatida Oʻzbekiston Respublikasi Oliy Majlisi palatalari bilan hamkorlik masalalari boʻyicha bosh mutaxassis qonunchilikka muvofiq boshqa vazifalarni ham amalga oshirishi mumkin.

Qonun ijodkorligi faoliyatida Oʻzbekiston Respublikasi Oliy Majlisi palatalari bilan hamkorlik masalalari boʻyicha bosh mutaxassis vaqtinchalik boʻlmaganda holatlarda uning vakolatlarini Parlament nazoratini amalga oshirishda Oʻzbekiston Respublikasi Oliy Majlisi palatalari bilan hamkorlik masalalari boʻyicha yetakchi mutaxassis belgilangan tartibda amalga oshiradi.

16. Parlament nazoratini amalga oshirishda Oʻzbekiston Respublikasi Oliy Majlisi palatalari bilan hamkorlik masalalari boʻyicha yetakchi mutaxassis:

materiallar va hujjatlar loyihalarini tayyorlaydi, Vakolatli vakil, Qonun ijodkorligi faoliyatida Oʻzbekiston Respublikasi Oliy Majlisi palatalari bilan hamkorlik masalalari boʻyicha bosh mutaxassis topshiriqlarini bajaradi, materiallar va hujjatlar loyihalarining oʻz vaqtida tayyorlanishi, sifatli ishlab chiqilishi uchun shaxsan javob beradi, Vakolatli vakilning boshqa topshiriqlari ijrosining nazoratini taʼminlaydi;

qonunlar, davlat dasturlarini bajarish holati va boshqa yoʻnalishlarni oʻrganish boʻyicha Oliy Majlis palatalari tomonidan parlament nazorati amalga oshirilishida ishtirok etadi;

budjet boʻyicha murojaat loyihasi, Oʻzbekiston Respublikasi Davlat budjeti, davlat maqsadli jamgʻarmalar budjetlari hamda soliq va budjet siyosatining asosiy yoʻnalishlari, Ish oʻrinlari yaratish va aholi bandligini taʼminlash dasturining ijrosi toʻgʻrisidagi hisobotlarning Oliy Majlis palatalariga koʻrib chiqish uchun belgilangan tartibda taqdim etilishini taʼminlashda ishtirok etadi;

Oliy Majlis palatalariga Vazirlar Mahkamasining oʻtgan yilda ijtimoiy-iqtisodiy rivojlanish yakunlari va navbatdagi yilda nazarda tutilgan asosiy ustuvor yoʻnalishlar toʻgʻrisida har yillik maʼruzasini, shuningdek Vazirlar Mahkamasi aʼzolarining oʻz faoliyatiga doir masalalar boʻyicha axborotini belgilangan tartibda taqdim etilishini taʼminlashda ishtirok etadi;

zarur hollarda, Oliy Majlis palatalari tomonidan Oʻzbekiston Respublikasi Bosh vazirining mamlakatni ijtimoiy-iqtisodiy rivojlantirishning ayrim dolzarb masalalari boʻyicha hisobotini eshitilishini tashkil etishda ishtirok etadi;

Hukumat aʼzolarining oʻz faoliyatiga doir masalalar boʻyicha axborotining eshitilishini tashkil etishda ishtirok etadi;

parlament soʻroviga, shuningdek Oʻzbekiston Respublikasi Oliy Majlisi Qonunchilik palatasi deputati yoki Senati aʼzosining Vazirlar Mahkamasi aʼzolari, davlat boshqaruvi organlari, mahalliy ijro etuvchi hokimiyat organlarining mansabdor shaxslariga yoʻllangan soʻroviga oʻz vaqtida javob yuborilishini taʼminlashda ishtirok etadi;

Oliy Majlis palatalarining qoʻmitalari va komissiyalarining (ishchi guruhlari) qonunlarga rioya etish, Oliy Majlis palatalari, ularning kengashlari va qoʻmitalari qarorlarini bajarish holatlarini oʻrganishi uchun zarur sharoitlar yaratish choralarini koʻradi;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar rahbarlarining qonunlarga rioya etishi, Oliy Majlis palatalari, ularning kengashlari va qoʻmitalari qarorlarini bajarishi toʻgʻrisida axborotini eshitishda ishtirok etadi;

Oliy Majlis palatalariga qabul qilinadigan qonunlar sifatini yaxshilash, huquqiy tartibga solishning tizimliligi va yaxlitligini, shuningdek ularning toʻgʻridan-toʻgʻri taʼsirini taʼminlashga doir tegishli choralar koʻrishda amaliy yordam koʻrsatadi;

Ijro etuvchi apparatning tarkibiy boʻlinmalari bilan birgalikda yangi qabul qilingan qonunlar qoidalarini amalga oshirishning aniq mexanizmlarini belgilaydigan qonunosti hujjatlarning oʻz vaqtida qabul qilinishi boʻyicha choralar koʻradi;

Oʻzbekiston Respublikasining Bosh vaziriga, uning oʻrinbosarlari va Apparat boshqaruvchisiga parlament nazorati natijalarini koʻrib chiqishning borishi toʻgʻrisida, shuningdek Vazirlar Mahkamasi faoliyatiga taalluqli boshqa masalalar boʻyicha axborot tayyorlaydi;

Oliy Majlis palatalari, ularning kengashlari, qoʻmitalari va komissiyalari (ishchi guruhlari), deputatlar birlashmalari, Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda, hukumat va idoralararo komissiyalar, kengashlar majlislarida, Apparat boshqaruvchisi oʻtkazadigan majlislarda belgilangan tartibda ishtirok etadi;

Oʻzbekiston Respublikasining Bosh vaziri va Apparat boshqaruvchisining topshirigʻiga binoan normativ-huquqiy hujjatlar, maʼlumotnoma, tahliliy materiallar va boshqa hujjatlarning tegishli loyihalarini tayyorlaydi;

uning faoliyati sohasiga kiradigan masalalar boʻyicha oʻtkaziladigan Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari oʻtkazadigan yigʻilishlarda, hukumat va idoralararo komissiyalar, kengashlar majlislarida, Apparat boshqaruvchisi oʻtkazadigan majlislarda koʻrib chiqishga materiallar tayyorlash uchun davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar vakillari bilan yigʻilishlar oʻtkazadi;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlarning qabul qilingan qonunlarni bajarish holatini oʻrganadi;

yangi qabul qilingan qonunlar amalga oshirilishini tashkil etish boʻyicha Vazirlar Mahkamasining topshiriqlari, rejalari va qarorlarini tayyorlashda ishtirok etadi;

yangi qabul qilingan qonunlarni amalga oshirish boʻyicha tizimlashtirilgan maʼlumotlar bazasini shakllantiradi va yuritadi;

qonunlarni nazorat qilish va ijrosini taʼminlash sohasida qonunchilik va huquqni qoʻllash amaliyotini yanada takomillashtirishga doir takliflar tayyorlaydi;

yuridik va jismoniy shaxslarning uning faoliyati sohasiga kiradigan masalalar boʻyicha murojaatlarini koʻrib chiqadi, ularda koʻtarilgan masalalarni hal etishga doir takliflar tayyorlaydi, ularni tegishli davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlarga koʻrib chiqish hamda choralar koʻrish uchun yuboradi, ularning oʻz vaqtida koʻrib chiqilishini nazorat qiladi, jismoniy shaxslarni va yuridik shaxslar vakillarini qabul qiladi;

Parlament nazoratini amalga oshirishda Oʻzbekiston Respublikasi Oliy Majlisi palatalari bilan hamkorlik masalalari boʻyicha yetakchi mutaxassis qonunchilikka muvofiq boshqa vazifalarni ham amalga oshirishi mumkin.

Parlament nazoratini amalga oshirishda Oʻzbekiston Respublikasi Oliy Majlisi palatalari bilan hamkorlik masalalari boʻyicha yetakchi mutaxassis vaqtinchalik boʻlmaganda holatlarda, uning vakolatlarini Qonun ijodkorligi faoliyatida Oʻzbekiston Respublikasi Oliy Majlisi palatalari bilan hamkorlik masalalari boʻyicha bosh mutaxassis belgilangan tartibda amalga oshiradi.

17. Inspektor:

ish yuritilishini taʼminlaydi va hujjatlar qabul qilinishini nazorat qiladi;

ishlarni tayyorlash va arxivda saqlash uchun oʻz vaqtida topshirishni taʼminlaydi.

Inspektor qonunchilikka muvofiq boshqa vazifalarni ham amalga oshirishi mumkin.

18. Mazkur Nizom talablarini buzishda aybdor shaxslar qonunchilikka muvofiq javob beradilar.