Oʻzbekiston Respublikasi Vazirlar Mahkamasining “Estrada qoʻshiqchilik sanʼatini yanada rivojlantirish toʻgʻrisida” 2001-yil 26-iyundagi 272-son qaroriga muvofiq hamda gastrol-konsert faoliyatiga soliq solishni, shuningdek gramplastinkalar, audio va videokassetalar, lazer disklari, boshqa audio-video kassetalarni ishlab chiqarish, koʻpaytirish va sotish bilan bogʻliq faoliyatni tartibga solish maqsadida Vazirlar Mahkamasi qaror qiladi:

1. Belgilansinki, 2001-yil 1-iyuldan boshlab:

gastrol-konsert faoliyati bilan shugʻullanish huquqi uchun litsenziya oluvchi yuridik va jismoniy shaxslar “Oʻzbeknavo” estrada birlashmasi tomonidan belgilanadigan reyting guruhiga koʻra tabaqalashtirilgan miqdorlarda davlat boji toʻlaydilar hamda budjetga davlat soliqlari va mahalliy soliqlar toʻlashdan ozod etiladilar;

faoliyatini boshlayotgan ijodiy jamoalar va ijrochilar tomonidan gastrol-konsert faoliyati bilan shugʻullanish huquqi uchun litsenziya olishda ular tomonidan boj davlat roʻyxatidan oʻtkazilgan paytdan boshlab birinchi yilda boshlangʻich stavka boʻyicha toʻlanadi;

gastrol-konsert faoliyati bilan shugʻullanish huquqi uchun litsenziya berish toʻgʻrisidagi arizalar koʻrib chiqilganligi uchun yigʻimlar summasi, shuningdek litsenziya berilganligi uchun davlat boji toʻliq miqdorda “Oʻzbeknavo” estrada birlashmasi ustavida nazarda tutilgan tadbirlarni amalga oshirish uchun Milliy estrada sanʼatini rivojlantirish va muvofiqlashtirish Kengashi huzuridagi Estrada sanʼatini rivojlantirish jamgʻarmasiga oʻtkaziladi;

jismoniy va yuridik shaxslar belgilangan tartibda berilgan litsenziyasiz gastrol-konsert faoliyatini amalga oshirishga haqli emas.

2. Quyidagilar:

Oʻzbekiston Respublikasi hududida gastrol-konsert faoliyatini litsenziyalash tartibi toʻgʻrisidagi nizom 1-ilovaga muvofiq;

gastrol-konsert faoliyati bilan shugʻullanish huquqi uchun bojning tabaqalashtirilgan miqdorlari 2-ilovaga muvofiq tasdiqlansin.

“Oʻzbeknavo” estrada birlashmasiga belgilangan tartibda, Milliy estrada sanʼatini rivojlantirish va muvofiqlashtirish Kengashi bilan kelishgan holda oʻn kun muddatda estrada ijrochilarini tegishli reyting guruhlariga kiritish boʻyicha mezonlar va malaka talablarini ishlab chiqish va tasdiqlash topshirilsin.

3. Belgilab qoʻyilsinki, 2001-yil 1-iyuldan boshlab:

gramplastinkalar, audio va videokassetalar, lazer disklarini ishlab chiqish, ishlab chiqarish, koʻpaytirish va sotish boʻyicha faoliyat faqat yuridik shaxslar tomonidan amalga oshiriladi va Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan litsenziyalanishi kerak;

4. Oʻzbekiston Respublikasi hududida gramplastinkalar, audio va videokassetalar, lazer disklarini ishlab chiqish, ishlab chiqarish, koʻpaytirish va sotish tartibi toʻgʻrisidagi nizom 4-ilovaga muvofiq tasdiqlansin.

5. Oʻzbekiston Respublikasi Madaniyat ishlari vazirligi Moliya vazirligi va Davlat soliq qoʻmitasi bilan birgalikda Milliy estrada sanʼatini rivojlantirish va muvofiqlashtirish Kengashining takliflarini hisobga olgan holda oʻn kun muddatda litsenziyalarning va ularni berish toʻgʻrisidagi arizalarning namunaviy shakllarini, shuningdek:

gramplastinkalar, audio va videokassetalar, lazer disklarini ishlab chiqish, ishlab chiqarish, koʻpaytirish va sotish faoliyatini;

Oʻzbekiston Respublikasida va uning tashqarisida gastrol-konsert faoliyatini amalga oshirishga litsenziya bitimlarining namunaviy shakllarini belgilangan tartibda tasdiqlasin.

6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2001-yil 1-oktabrgacha;

gastrol-konsert faoliyatini amalga oshiruvchi yuridik shaxslarning taʼsis hujjatlari mazkur qarorga muvofiqlashtirilishini;

ilgari gramplastinkalar, audio va videokassetalar, lazer disklarini ishlab chiqish, ishlab chiqarish, koʻpaytirish va sotish boʻyicha faoliyat bilan shugʻullanish huquqi uchun litsenziya olgan yuridik shaxslarga belgilangan tartibda litsenziya berilishini taʼminlasinlar.

7. “Oʻzbeknavo” estrada birlashmasi, Oʻzbekiston Respublikasi Davlat soliq qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, “Oʻzbekkino” davlat-aksiyadorlik kompaniyasi, “Oʻzteleradio” kompaniyasi xoʻjalik subyektlari tomonidan gastrol-konsert faoliyati bilan shugʻullanishning, shuningdek gramplastinkalar, audio va videokassetalar, lazer disklarini ishlab chiqish, ishlab chiqarish, koʻpaytirish va sotish boʻyicha faoliyatning belgilangan tartibiga rioya etilishining qatʼiy va hamma joyda nazorat qilinishini taʼminlasinlar, faoliyatning koʻrsatib oʻtilgan turlari bilan tegishli litsenziya olmasdan shugʻullanuvchi shaxslarni amaldagi qonun hujjatlariga muvofiq javobgarlikka tortsinlar.

8. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda:

Vazirlar Mahkamasiga amaldagi qonun hujjatlariga mazkur qarordan kelib chiquvchi oʻzgartirish va qoʻshimchalar kiritish toʻgʻrisida takliflar kiritsin;

idoraviy normativ hujjatlar mazkur qarorga muvofiqlashtirilishini taʼminlasin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.S.Azimov va H.S.Karomatov zimmasiga yuklansin.

1. Mazkur Nizom “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonuniga muvofiq ishlab chiqilgan va Oʻzbekiston Respublikasi hududida, shuningdek Oʻzbekiston Respublikasi rezidentlari tomonidan chet elda amalga oshiriladigan gastrol-konsert faoliyatini litsenziyalash bilan bogʻliq munosabatlarni tartibga soladi.

2. “Oʻzbeknavo” estrada birlashmasi litsenziyalovchi organ hisoblanadi.

3. Oʻzbekiston Respublikasi rezidentlari boʻlgan yuridik hamda jismoniy shaxslar litsenziya talabgorlari boʻlishi mumkin.

4. Litsenziyaning amal qilish muddati bir yildan ortiq boʻlmaydi.

Litsenziyaning amal qilish muddati tamom boʻlgach litsenziya litsenziatning arizasiga koʻra uzaytirilishi mumkin. Litsenziyaning amal qilish muddatini uzaytirish toʻgʻrisidagi ariza litsenziyaning amal qilish muddati tamom boʻlishidan kamida ikki oy oldin litsenziyalovchi organga berilishi kerak. Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi.

5. Litsenziyalanadigan konsert-tomosha faoliyatining asosiy turlariga quyidagilar kiradi:

a) Oʻzbekiston Respublikasi hududida, shuningdek Oʻzbekiston Respublikasi rezidentlari tomonidan chet elda gastrol-konsert faoliyatini amalga oshirish:

yakka konsert (bir ijrochining yakka konsert dasturi);

bir janrdagi ikki yoki undan ortiq ijrochi ishtirokidagi konsert dasturi;

turli janr yoʻnalishlaridagi bir necha ijrochilar ishtirokidagi konsert dasturi;

b) restoranlar, xususiy uylar, kafe va barlarda oʻtkaziladigan toʻylar, yubiley tantanalari va boshqa tantanalarga badiiy xizmat koʻrsatish (konsert qoʻyish);

v) koʻngilochar muassasalar: klublar, diskotekalar, restoranlar, barlar va kafelarda badiiy xizmat koʻrsatish (konsert-tomosha faoliyati).

6. Oʻzbekiston Respublikasi hududida, shuningdek Oʻzbekiston Respublikasi rezidentlari tomonidan chet elda gastrol-konsert faoliyatini amalga oshirish uchun litsenziya shuningdek:

restoranlar, xususiy uylar, kafe va barlarda oʻtkaziladigan toʻylar, yubiley tantanalari va boshqa tantanalarga badiiy xizmat koʻrsatish (konsert qoʻyish);

koʻngilochar muassasalar: klublar, diskotekalar, restoranlar, barlar va kafelarda badiiy xizmat koʻrsatish (konsert-tomosha faoliyati) huquqini ham beradi.

7. Restoranlar, xususiy uylar, kafe va barlarda oʻtkaziladigan toʻylar, yubiley tantanalari va boshqa tantanalarga badiiy xizmat koʻrsatish (konsert qoʻyish) uchun litsenziya shuningdek koʻngilochar muassasalar: klublar, diskotekalar, restoranlar, barlar va kafelarda badiiy xizmat koʻrsatish (konsert-tomosha faoliyati) huquqini ham beradi.

8. Mazkur Nizomning II boʻlimida koʻrsatilgan faoliyat turlariga litsenziya olish uchun:

a) litsenziya talabgori — yuridik shaxs litsenziyalovchi organga quyidagi hujjatlarni taqdim etadi:

litsenziya berish toʻgʻrisidagi ariza;

davlat roʻyxatidan oʻtkazganlik toʻgʻrisidagi guvohnoma va taʼsis hujjatlarining notarial tasdiqlangan (yoki roʻyxatdan oʻtkazuvchi organ tomonidan tasdiqlangan) nusxalari;

ariza koʻrib chiqilganligi uchun yigʻim toʻlanganligini tasdiqlovchi bank toʻlov hujjati;

soliq toʻlovchining identifikatsiya tartib raqami berilganligi toʻgʻrisida soliq organining maʼlumotnomasi;

ijrochilarning musiqa maʼlumotiga ega ekanligini, davlat mukofotlari, mukofotlar, sovrinlar va hokazolar olganligini tasdiqlovchi hujjatlar (guvohnomalar, attestatlar, diplomlar)ning notarial tasdiqlangan nusxalari. Istisno hollarda (alohida qobiliyat va isteʼdod yaqqol mavjud boʻlganda) Milliy estrada sanʼatini rivojlantirish va muvofiqlashtirish Kengashi huzuridagi Ijodiy koʻmaklashuvchi vakillar guruhining qarori boʻyicha musiqa maʼlumoti mavjudligi toʻgʻrisidagi hujjatlarning nusxalari taqdim etilmasdan litsenziya berishga hujjatlar qabul qilinishi mumkin;

litsenziya talabgori tomonidan tuzilgan ijrochilar repertuari toʻgʻrisida maʼlumotnoma;

litsenziyalovchi organ, Milliy estrada sanʼatini rivojlantirish va muvofiqlashtirish Kengashi huzuridagi Ijodiy koʻmaklashuvchi vakillar guruhi asosli ravishda talab qilishi mumkin boʻlgan yoki litsenziya talabgori litsenziya talabgorining malakasi toʻgʻrisida yorqinroq tasavvur tugʻdirish maqsadida mustaqil ravishda oʻzi qoʻshimcha ravishda taqdim etish istagini bildirgan boshqa hujjatlar;

b) litsenziya talabgori — jismoniy shaxs litsenziyalovchi organga quyidagi hujjatlarni taqdim etadi:

litsenziya berish toʻgʻrisida ariza;

litsenziya berish toʻgʻrisidagi ariza koʻrib chiqilganligi uchun yigʻim toʻlanganligini tasdiqlovchi hujjat (kvitansiya nusxasi);

4x6 sm. oʻlchamli 2 ta fotosurat;

ijrochilarning musiqa maʼlumotiga ega ekanligini, davlat mukofotlari, mukofotlar, sovrinlar va hokazolar olganligini tadsiqlovchi hujjatlar (guvohnomalar, attestatlar, diplomlar)ning notarial tasdiqlangan nusxalari. Istisno hollarda (alohida qobiliyat va isteʼdod yaqqol mavjud boʻlganda) Milliy estrada sanʼatini rivojlantirish va muvofiqlashtirish Kengashi huzuridagi Ijodiy koʻmaklashuvchi vakillar guruhining qarori boʻyicha musiqa maʼlumoti mavjudligi toʻgʻrisidagi hujjatlarning nusxalari taqdim etilmasdan litsenziya berishga hujjatlar qabul qilinishi mumkin;

litsenziya talabgori tomonidan tuzilgan ijrochilar repertuari toʻgʻrisida maʼlumotnoma;

litsenziyalovchi organ, Milliy estrada sanʼatini rivojlantirish va muvofiqlashtirish Kengashi huzuridagi Ijodiy koʻmaklashuvchi vakillar guruhi asosli ravishda talab qilishi mumkin boʻlgan yoki litsenziya talabgori litsenziya talabgorining malakasi toʻgʻrisida yorqinroq tasavvur tugʻdirish maqsadida mustaqil ravishda oʻzi qoʻshimcha ravishda taqdim etish istagini bildirgan boshqa hujjatlar.

9. Hujjatlar litsenziya talabgori tomonidan litsenziyalovchi organga bevosita taqdim etiladi yoxud olinganligi tasdiqlangan holda pochta aloqasi orqali topshiriladi. Litsenziya talabgoridan mazkur Nizomda nazarda tutilmagan hujjatlar taqdim etilishi talab qilinishiga yoʻl qoʻyilmaydi.

10. Litsenziya talabgori ishonchsiz yoki notoʻgʻri maʼlumotlar taqdim etilganligi uchun qonun hujjatlariga muvofiq javob beradi.

11. Barcha zarur hujjatlar ilova qilingan litsenziya olishga berilgan ariza litsenziyalovchi organ tomonidan koʻrib chiqiladi.

Litsenziyalovchi organ barcha hujjatlar bilan birgalikda talabgordan ariza olingan kundan boshlab oʻn besh kundan ortiq boʻlmagan muddatda litsenziya berish yoki berishni rad etish toʻgʻrisida qaror qabul qiladi.

12. Milliy estrada sanʼatini rivojlantirish va muvofiqlashtirish Kengashi huzuridagi Ijodiy koʻmaklashuvchi vakillar guruhi litsenziya talabgori tomonidan taqdim etilgan hujjatlarni koʻrib chiqish jarayonida talabgorlarning malaka (professional) sifatlarini baholaydi va ularni “Oʻzbeknavo” estrada birlashmasi tomonidan tasdiqlangan mezonlar va malaka talablariga muvofiq reytingning aniq guruhlariga (birinchidan toʻrtinchigacha) kiritadi.

Reytingning toʻrtinchi guruhini berishda ijrochi oʻz faoliyatining birinchi yilida boshlangʻich stavka boʻyicha davlat boji toʻlaydi.

Navbatdagi yilga litsenziya olishga ariza takroran berilgan taqdirda ilgari reytingning toʻrtinchi guruhini olgan talabgorga Milliy estrada sanʼatini rivojlantirish va muvofiqlashtirish Kengashi huzuridagi Ijodiy koʻmaklashuvchi vakillar guruhi tomonidan reytingning uchinchi guruhi belgilangan tartibda berilishi yoxud tegishli davlat boji toʻlangan holda reytingning toʻrtinchi guruhi tasdiqlanishi, yoxud, u malaka talablariga javob bermagan taqdirda gastrol-konsert faoliyati bilan bundan keyin shugʻullanish huquqini berish rad etilishi mumkin.

13. Milliy estrada sanʼatini rivojlantirish va muvofiqlashtirish Kengashi huzuridagi Ijodiy koʻmaklashuvchi vakillar guruhi tomonidan vokalist-solistga va uning ansambli aʼzolariga ularning har birining malaka darajasi va kasb mahoratiga koʻra reytingning har xil guruhlari berilishi mumkin.

Akademik va xalq badiiy jamoalari tomonidan gastrol-konsert faoliyati amalga oshirilishida Milliy estrada sanʼatini rivojlantirish va muvofiqlashtirish Kengashi huzuridagi Ijodiy koʻmaklashuvchi vakillar guruhi tomonidan umuman jamoa va solist uchun, reyting guruhi berilishi, shuningdek litsenziya berilganligi uchun davlat boji stavkasi alohida koʻrib chiqilishi mumkin.

14. Litsenziya belgilangan namunadagi maxsus blankaga rasmiylashtiriladi.

15. Litsenziyalovchi organ litsenziya talabgorini litsenziya berish yoki uni berish rad etilganligi toʻgʻrisida qaror qabul qilinganligi haqida bunday qaror qabul qilingandan keyin uch kun mobaynida yozma ravishda xabardor qilishga majburdir.

Litsenziya berilganligi toʻgʻrisidagi bildirishnoma litsenziya bitimi loyihasi ilova qilingan holda bank hisob raqami rekvizitlari va davlat bojini toʻlash muddatlari, shuningdek litsenziya bitimi imzolangan va litsenziya olingan sanalar koʻrsatilgan holda yozma shaklda talabgorga yuboriladi (topshiriladi).

16. Litsenziya talabgor tomonidan belgilangan miqdorlarda davlat boji toʻlanganligini tasdiqlovchi bank hujjati taqdim etilgan va litsenziya bitimi imzolangandan keyin beriladi.

17. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) paytdan boshlab uch oy mobaynida litsenziyalovchi organga litsenziya berilganligi uchun davlat boji toʻlanganligini tasdiqlovchi hujjatni taqdim etmasa, yoxud litsenziya bitimini imzolamasa, litsenziyalovchi organ koʻrsatib oʻtilgan litsenziyani bekor qilishga haqlidir.

18. Litsenziyaning asl nusxasi litsenziya talabgoriga beriladi, nusxasi belgilangan tartibda litsenziyalovchi organda saqlanadi.

19. Litsenziyalovchi organ quyidagi sabablarga koʻra litsenziya talabgoriga litsenziya berishni rad etishga haqlidir:

litsenziya talabgori yoki litsenziat tomonidan zarur darajada rasmiylashtirilmagan hujjatlar taqdim etilishi;

litsenziya talabgori yoki litsenziat tomonidan taqdim etilgan hujjatlarda ishonchsiz yoki buzilgan maʼlumotlar mavjud boʻlishi;

Milliy estrada sanʼatini rivojlantirish va muvofiqlashtirish Kengashi huzuridagi Ijodiy koʻmaklashuvchi vakillar guruhining talabgorning reyting guruhlaridan hech biriga muvofiq emasligi toʻgʻrisidagi qarori.

20. Boshqa asoslar boʻyicha, shu jumladan litsenziya berish maqsadga muvofiq emasligiga koʻra litsenziya berish rad etilishiga yoʻl qoʻyilmaydi.

21. Litsenziya berish rad etilganligi toʻgʻrisidagi bildirishnoma litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqish uchun taqdim etishi mumkin boʻlgan muddatlar va rad etishning asosli sabablari koʻrsatilgan holda litsenziya talabgoriga yozma shaklda yuboriladi (topshiriladi).

22. Litsenziya talabgori tomonidan litsenziya berish rad etilishiga asos boʻlib xizmat qilgan sabablar bartaraf etilgan taqdirda hujjatlarni takroran koʻrib chiqish litsenziyalovchi organ tomonidan zarur darajada rasmiylashtirilgan hujjatlar olingan kundan boshlab oʻn kundan ortiq boʻlmagan muddatda koʻrib chiqiladi. Litsenziya talabgorlarining arizalari takroran koʻrib chiqilganligi uchun yigʻim undirilmaydi.

23. Litsenziya berish rad etilganligi toʻgʻrisidagi bildirishnomada koʻrsatilgan muddat tamom boʻlgandan keyin litsenziya berish haqidagi ariza yangidan berilgan ariza hisoblanadi.

24. Litsenziya talabgori yoki litsenziat qonun hujjatlarida belgilangan tartibda litsenziyalovchi organning litsenziya berish rad etilishi toʻgʻrisidagi qarori, shuningdek litsenziyalovchi organning mansabdor shaxsi xatti-harakati (harakatsizligi) ustidan shikoyat qilish huquqiga egadir.

25. Litsenziyalovchi organ tomonidan talabgorning arizasi koʻrib chiqilganligi uchun quyidagi miqdorlarda yigʻim undiriladi:

litsenziya olish va uning amal qilish muddatini uzaytirish uchun — eng kam oylik ish haqining ikki baravari miqdorida;

litsenziya qayta rasmiylashtirilganligi va uning dublikati berilganligi uchun — eng kam oylik ish haqining bir baravari miqdorida.

26. Litsenziya talabgorlari va litsenziatlarning arizalari koʻrib chiqilganligi uchun yigʻim summasi Milliy estrada sanʼatini rivojlantirish va muvofiqlashtirish Kengashi huzuridagi Estrada sanʼatini rivojlantirish jamgʻarmasining depozit hisob raqamiga oʻtkaziladi.

27. Talabgorlar va litsenziatlarning arizalari koʻrib chiqilishi uchun tushgan mablagʻlar litsenziyalovchi organ tomonidan litsenziyalashni amalga oshirish bilan bogʻliq xarajatlarni qoplashda foydalaniladi. Litsenziya talabgori berilgan arizani qaytarib olgan yoxud litsenziyalovchi organ litsenziya berishni rad etgan taqdirda toʻlangan yigʻim summasi qaytarilmaydi.

28. Litsenziya berilganligi va uning amal qilish muddati uzaytirilganligi uchun mazkur Nizomga muvofiq davlat boji undiriladi.

Litsenziya berilganligi va uning amal qilish muddati uzaytirilganligi uchun davlat boji miqdori litsenziyaning har bir talabgori uchun u amalga oshirayotgan faoliyat turiga va unga berilgan reyting guruhiga koʻra belgilanadi.

29. Davlat boji litsenziya talabgori tomonidan Estrada sanʼatini rivojlantirish jamgʻarmasining depozit hisob raqamiga toʻlanadi.

Davlat boji litsenziya berilgan yil davomida bir yoʻla hamda choraklar boʻyicha boʻlib-boʻlib toʻlanishi mumkin.

30. Estrada sanʼatini rivojlantirish jamgʻarmasi mablagʻlaridan quyidagi maqsadlarda foydalaniladi:

estrada sanʼatini rivojlantirish;

yosh ijrochilarni ragʻbatlantirish va qoʻllab-quvvatlash;

musiqa tanlovlari, festivallar oʻtkazish va ularning gʻoliblariga mukofotlar berish;

umumdavlat tadbirlari va boshqa bayram tadbirlari oʻtkazish;

“Oʻzbeknavo” estrada birlashmasining moddiy-texnika bazasini mustahkamlash.

31. Litsenziat litsenziya olingan paytdan boshlab yil choragida bir marta litsenziyalovchi organga oʻtkazilgan konsert-tomosha tadbirlari soni toʻgʻrisida “Oʻzbeknavo” estrada birlashmasi tomonidan ishlab chiqilgan shaklga muvofiq hisobot taqdim etadi.

32. Litsenziya talablari va shartlariga rioya etilishi ustidan nazoratni litsenziyalovchi organ litsenziatning majburiy davriy hisobotini oʻrganib chiqish, qonun hujjatlarida belgilangan tartibda litsenziat faoliyatini rejali va rejadan tashqari tekshirish yoʻli bilan amalga oshiradi.

33. Litsenziyalovchi organ nazorat funksiyalarini amalga oshirishda quyidagilarga haqlidir:

litsenziatga aniqlangan qoida buzishlarni bartaraf etish majburiyatini yuklovchi qaror chiqarish, bunday qoida buzishlarni bartaraf etish muddatlarini belgilash;

litsenziyaning amal qilishini toʻxtatib turish, toʻxtatish yoxud bekor qilish.

34. Nazorat qiluvchi va huquqni muhofaza qilish organlari oʻz vakolatlari doirasida litsenziat tomonidan litsenziya talablari va shartlari buzilganligini aniqlagan taqdirda aniqlangan qoida buzishlar toʻgʻrisida litsenziyalovchi organga maʼlum qiladilar.

35. Litsenziat tomonidan litsenziya talablari va shartlari buzilgan taqdirda litsenziyalovchi organ amaldagi qonun hujjatlarida nazarda tutilgan tartibda litsenziyaning amal qilishini toʻxtatib turishga, toʻxtatishga yoki bekor qilishga haqlidir.

36. Litsenziyalovchi organ litsenziatlar reyestrini yuritadi, reyestrda quyidagilar koʻrsatilishi kerak:

a) yuridik shaxslar uchun:

litsenziatning nomi va u joylashgan joy (pochta manzili);

telefon (faks) raqami;

hisob-kitob raqami;

soliq toʻlovchining identifikatsiya raqami;

muassislarning ustav sarmoyaga ulushlari toʻgʻrisidagi axborot;

tashkilot rahbari va bosh buxgalterining familiyasi, ismi, otasining ismi;

litsenziya berilgan sana va uning tartib raqami, amal qilish muddati;

litsenziyaning amal qilishini uzaytirish, toʻxtatib turish, toʻxtatish, amal qilishini tiklash va litsenziyani bekor qilishning asosi va sanasi;

litsenziyalarni qayta rasmiylashtirish va dublikatlar berishning asosi va sanasi;

b) jismoniy shaxslar uchun:

familiyasi, ismi, otasining ismi va uy manzili;

pasportga oid maʼlumotlar;

telefon (faks) raqami;

litsenziya berilgan sana va uning tartib raqami, amal qilish muddati;

litsenziyaning amal qilishini uzaytirish, toʻxtatib turish, toʻxtatish, amal qilishini tiklash va litsenziyani bekor qilishning asosi va sanasi;

litsenziyalarni qayta rasmiylashtirish va dublikatlar berishning asosi va sanasi.

37. Reyestrdagi mavjud axborot manfaatdor shaxslar u bilan tanishishi uchun ochiqdir hamda yozma soʻrovga koʻra reyestrdan koʻchirma sifatida beriladi.

38. Oʻzbekiston Respublikasi Davlat soliq qoʻmitasi va Moliya vazirligining Nazorat-taftish bosh boshqarmasi hujjatlar koʻrib chiqilganligi uchun yigʻimlar va davlat boji undirilishidan Estrada sanʼatini rivojlantirish jamgʻarmasiga tushgan mablagʻlardan maqsadli foydalanilishi ustidan belgilangan tartibda nazoratni amalga oshiradi.

39. Litsenziyalovchi organ yilning har choragida, hisobot oyidan keyingi oyning 15-kunidan kechikmay Oʻzbekiston Respublikasi Davlat soliq qoʻmitasi va Moliya vazirligiga litsenziatlar reyestrini va yigʻimlar va davlat boji undirilishidan tushgan mablagʻlar tushumi hamda ulardan maqsadli foydalanish toʻgʻrisidagi hisobotni taqdim etadi.

40. Gastrol-konsert faoliyati bilan shugʻullanish huquqi uchun litsenziyaga ega boʻlgan yuridik shaxslar tadbirkorlik faoliyatining boshqa turlarini amalga oshirgan taqdirda ularga nisbatan faoliyatning ruxsat berilmagan turlari bilan shugʻullanganlik uchun soliq haqidagi qonunlarga muvofiq moliyaviy jazolar qoʻllaniladi.

41. Litsenziyaning amal qilish muddati tamom boʻlgach u litsenziatning arizasiga koʻra uzaytirilishi mumkin. Litsenziya muddatini uzaytirish toʻgʻrisidagi ariza litsenziyalovchi organga faoliyatning litsenziyalanadigan turi boʻyicha litsenziyaning amal qilishi joriy muddatida amalga oshirilgan ishlar toʻgʻrisidagi axborot, shuningdek ariza koʻrib chiqilganligi uchun yigʻim toʻlanganligini tasdiqlovchi bank hujjati ilova qilingan holda litsenziyaning amal qilish muddati tamom boʻlishidan kamida ikki oy oldin berilishi kerak.

42. Litsenziyaning amal qilish muddati litsenziya olish uchun belgilangan miqdorda va tartibda tegishlicha davlat boji toʻlangan holda bir yilga uzaytirilishi mumkin.

43. Litsenziyaning amal qilish muddati ilgari berilgan litsenziya blankasiga maxsus belgi qoʻyish yoʻli bilan litsenziat tomonidan litsenziya bitimi talablari va shartlariga rioya qilingan taqdirda uzaytiriladi. Bunda litsenziya bitimining amal qilish muddati oʻz-oʻzidan ushbu muddatga uzaytirilgan hisoblanadi.

44. Litsenziat qayta tashkil etilgan, uning nomi yoki joylashgan joyi (pochta manzili) oʻzgargan taqdirda, litsenziat yoxud uning huquqiy vorisi qayta roʻyxatdan oʻtkazilgandan keyin bir hafta muddatda litsenziyalovchi organga litsenziyani qayta rasmiylashtirish toʻgʻrisida ariza berishga, qayta rasmiylashtirilishi kerak boʻlgan litsenziyani hamda tegishli oʻzgartirishlarni tasdiqlovchi hujjatlarni ilova qilishga majburdir.

Hujjat litsenziyalovchi organga bevosita topshiriladi yoxud olinganligi tasdiqlangan holda pochta aloqasi orqali topshiriladi.

45. Yoʻqotilgan yoki amal qilish muddati tamom boʻlmagan yaroqsiz holga kelib qolgan litsenziya oʻrniga litsenziatning arizasiga koʻra qonun hujjatlarida belgilangan tartibda dublikat berilishi mumkin.

Bunda litsenziat yoʻqotilgan yoki yaroqsiz holga kelib qolgan litsenziyaning haqiqiy emasligi toʻgʻrisida ommaviy axborot vositalarida eʼlon qilishga, shuningdek ushbu eʼlonni litsenziyalovchi organga taqdim qilishga majburdir.

46. Litsenziyaning amal qilishini toʻxtatib turish, toʻxtatish, tiklash va bekor qilish litsenziyalovchi organ tomonidan “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonuniga muvofiq amalga oshiriladi.

47. Litsenziyalovchi organning qarori ustidan litsenziat yoki litsenziya talabgori tomonidan belgilangan tartibda sudga shikoyat qilinishi mumkin.

Izoh. Reytingning IV guruhiga kiritilgan faoliyatini boshlayotgan ijodiy jamoalar va ijrochilar tomonidan gastrol-konsert faoliyati bilan shugʻullanish huquqi uchun litsenziya olishda ular tomonidan boj davlat roʻyxatidan oʻtkazilgan paytdan boshlab birinchi yilda boshlangʻich stavka boʻyicha toʻlanadi.

1. Mazkur Nizom “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonuniga muvofiq ishlab chiqilgan va Oʻzbekiston Respublikasi hududida gramplastinkalar, audio va video kassetalar, lazer disklari ishlab chiqish, ishlab chiqarish, yozish, koʻpaytirish va sotish boʻyicha faoliyatni litsenziyalash bilan bogʻliq munosabatlarni tartibga soladi.

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari litsenziyalovchi organ hisoblanadi.

3. Oʻzbekiston Respublikasi rezidentlari boʻlgan yuridik shaxslar litsenziya talabgorlari boʻlishi mumkin.

4. Litsenziyaning amal qilish muddati bir yildan ortiq boʻlmaydi.

Litsenziyaning amal qilish muddati tamom boʻlgach litsenziya litsenziatning arizasiga koʻra uzaytirilishi mumkin. Litsenziyaning amal qilish muddatini uzaytirish toʻgʻrisidagi ariza litsenziyaning amal qilish muddati tamom boʻlishidan kamida ikki oy oldin litsenziyalovchi organga berilishi kerak. Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi.

5. Mazkur Nizomning I boʻlimida koʻrsatilgan faoliyat turlariga litsenziya olish uchun litsenziya talabgori litsenziyalovchi organga quyidagi hujjatlarni taqdim etadi:

litsenziya berish toʻgʻrisidagi ariza;

davlat roʻyxatidan oʻtkazganlik toʻgʻrisidagi guvohnoma va taʼsis hujjatlarining notarial tasdiqlangan (yoki roʻyxatdan oʻtkazuvchi organ tomonidan tasdiqlangan) nusxalari;

ariza koʻrib chiqilganligi uchun yigʻim toʻlanganligini tasdiqlovchi bank toʻlov hujjati;

soliq toʻlovchining identifikatsiya tartib raqami berilganligi toʻgʻrisida soliq organining maʼlumotnomasi;

audio-video kassetalar, lazer disklarini naqd pulga chakana sotish niyatida boʻlgan litsenziya talabgorlari uchun — kassa apparati mavjudligini tasdiqlovchi hujjatlar.

6. Hujjatlar litsenziya talabgori tomonidan litsenziyalovchi organga bevosita taqdim etiladi yoxud olinganligi tasdiqlangan holda pochta aloqasi orqali topshiriladi. Litsenziya talabgoridan mazkur Nizomda nazarda tutilmagan hujjatlar taqdim etilishi talab qilinishiga yoʻl qoʻyilmaydi.

7. Litsenziya talabgori ishonchsiz yoki notoʻgʻri maʼlumotlar taqdim etilganligi uchun qonun hujjatlariga muvofiq javob beradi.

8. Litsenziya olish uchun berilgan ariza barcha zarur hujjatlar bilan birgalikda litsenziyalovchi organ tomonidan koʻrib chiqiladi.

Litsenziyalovchi organ talabgordan barcha hujjatlar ilova qilingan ariza olingan kundan boshlab oʻn besh kundan ortiq boʻlmagan muddatda litsenziya berish yoki berishni rad etish toʻgʻrisida qaror qabul qiladi.

9. Litsenziya belgilangan namunadagi maxsus blankaga rasmiylashtiriladi.

10. Litsenziyalovchi organ litsenziya talabgorini litsenziya berish yoki uni berish rad etilganligi toʻgʻrisida qaror qabul qilinganligi haqida bunday qaror qabul qilingandan keyin uch kun mobaynida yozma ravishda xabardor qilishga majburdir.

Litsenziya berilganligi toʻgʻrisidagi bildirishnoma litsenziya bitimi loyihasi ilova qilingan holda bank hisob raqami rekvizitlari va davlat bojini toʻlash muddatlari, shuningdek litsenziya bitimi imzolangan va litsenziya olingan sanalar koʻrsatilgan holda yozma shaklda talabgorga yuboriladi (topshiriladi).

11. Litsenziya talabgor tomonidan belgilangan miqdorlarda davlat boji toʻlanganligini tasdiqlovchi bank hujjati nusxasi taqdim etilgach va litsenziya bitimi imzolangach beriladi.

12. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) paytdan boshlab uch oy mobaynida litsenziyalovchi organga litsenziya berilganligi uchun davlat boji toʻlanganligini tasdiqlovchi hujjatni taqdim etmasa yoxud litsenziya bitimini imzolamasa, litsenziyalovchi organ koʻrsatib oʻtilgan litsenziyani bekor qilishga haqlidir.

13. Litsenziyaning asl nusxasi litsenziya talabgoriga beriladi, nusxasi belgilangan tartibda litsenziyalovchi organda saqlanadi.

14. Litsenziyalovchi organ quyidagi sabablarga koʻra litsenziya talabgoriga litsenziya berishni rad etishga haqlidir:

litsenziya talabgori tomonidan zarur darajada rasmiylashtirilmagan hujjatlar taqdim etilishi;

litsenziya talabgori tomonidan taqdim etilgan hujjatlarda ishonchsiz yoki buzilgan maʼlumotlar mavjud boʻlishi.

15. Boshqa asoslar boʻyicha, shu jumladan litsenziya berish maqsadga muvofiq emas degan sabab bilan litsenziya berish rad etilishiga yoʻl qoʻyilmaydi.

16. Litsenziya berish rad etilganligi toʻgʻrisidagi bildirishnoma rad etishning asosli sabablari va litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqish uchun taqdim etishi mumkin boʻlgan muddatlar koʻrsatilgan holda litsenziya talabgoriga yozma shaklda yuboriladi (topshiriladi).

17. Litsenziya talabgori tomonidan litsenziya berish rad etilishiga asos boʻlib xizmat qilgan sabablar bartaraf etilgan taqdirda hujjatlarni takroran koʻrib chiqish litsenziyalovchi organ tomonidan zarur darajada rasmiylashtirilgan hujjatlar olingan kundan boshlab oʻn kundan ortiq boʻlmagan muddatda koʻrib chiqiladi. Litsenziya talabgorlarining arizalari takroran koʻrib chiqilganligi uchun yigʻim undirilmaydi.

18. Litsenziya berish rad etilganligi toʻgʻrisidagi bildirishnomada koʻrsatilgan muddat tamom boʻlgandan keyin litsenziya berish haqidagi ariza yangidan berilgan ariza hisoblanadi.

19. Litsenziya talabgori qonun hujjatlarida belgilangan tartibda litsenziyalovchi organning litsenziya berish rad etilishi toʻgʻrisidagi qarori, shuningdek litsenziyalovchi organning mansabdor shaxsi xatti-harakati (harakatsizligi) ustidan shikoyat qilish huquqiga egadir.

20. Litsenziyalovchi organ tomonidan ariza koʻrib chiqilganligi uchun quyidagi miqdorlarda yigʻim undiriladi:

litsenziya olish va uning amal qilish muddatini uzaytirish uchun — eng kam oylik ish haqining ikki baravari miqdorida;

litsenziya qayta rasmiylashtirilganligi va uning dublikati berilganligi uchun — eng kam oylik ish haqining bir baravari miqdorida.

21. Arizalar koʻrib chiqilganligi uchun yigʻim summasi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining maxsus depozit hisob raqamiga oʻtkaziladi.

22. Talabgorlar va litsenziatlarning arizalari koʻrib chiqilishi uchun tushgan mablagʻlar litsenziyalovchi organ tomonidan litsenziyalashni amalga oshirish bilan bogʻliq xarajatlarni qoplashda foydalaniladi. Litsenziya talabgori berilgan arizani qaytarib olgan yoxud litsenziyalovchi organ litsenziya berishni rad etgan taqdirda toʻlangan yigʻim summasi qaytarilmaydi.

23. Litsenziya olish va uning amal qilish muddatini uzaytirish uchun mazkur Nizomga muvofiq eng kam oylik ish haqining oʻn baravari miqdorida davlat boji undiriladi.

24. Davlat boji litsenziya talabgorlari tomonidan respublika budjeti daromadiga toʻlanadi.

25. Oʻzbekiston Respublikasi hududida xoʻjalik yurituvchi subyektlar tomonidan audio-video kassetalar va lazer disklari majburiy tartibda nazorat-kassa mashinalari qoʻllanilgan holda turgʻun savdo shoxobchalari orqali sotiladi.

26. Import audio-video mahsulotlarni koʻpaytirish va sotishga belgilangan tartibda olingan uni import qilishga berilgan ruxsatnoma mavjud boʻlgan taqdirda yoʻl qoʻyiladi.

27. Litsenziya talablari va shartlariga rioya etilishi ustidan nazoratni litsenziyalovchi organ litsenziatning majburiy davriy hisobotini oʻrganib chiqish, qonun hujjatlarida belgilangan tartibda litsenziat faoliyatini rejali va rejadan tashqari tekshirish yoʻli bilan amalga oshiradi.

28. Litsenziyalovchi organ nazorat funksiyalarini amalga oshirishda quyidagilarga haqlidir:

litsenziatga aniqlangan qoida buzishlarni bartaraf etish majburiyatini yuklovchi qaror chiqarish, bunday qoida buzishlarni bartaraf etish muddatlarini belgilash;

litsenziyaning amal qilishini toʻxtatib turish, toʻxtatish yoxud bekor qilish.

29. Nazorat qiluvchi va huquqni muhofaza qilish organlari oʻz vakolatlari doirasida litsenziat tomonidan litsenziya talablari va shartlari buzilganligini aniqlagan taqdirda aniqlangan qoida buzishlar toʻgʻrisida litsenziyalovchi organga maʼlum qiladilar.

Litsenziat tomonidan litsenziya talablari va shartlari qoʻpol ravishda buzilgan taqdirda Maʼrifiy va mafkuraviy ishlarni muvofiqlashtirish kengashi aniqlangan qoida buzishlar toʻgʻrisida litsenziyalovchi organga maʼlum qilgan holda gramplastinkalar, audio va video kassetalar, lazer disklari ishlab chiqish, ishlab chiqarish, yozish, koʻpaytirish va sotish boʻyicha faoliyatni amalga oshirish uchun berilgan litsenziyaning amal qilishini toʻxtatib qoʻyish huquqiga egadir.

30. Litsenziat tomonidan litsenziya talablari va shartlari buzilgan taqdirda litsenziyalovchi organ amaldagi qonun hujjatlarida nazarda tutilgan tartibda litsenziyaning amal qilishini toʻxtatib turishga, toʻxtatishga yoki bekor qilishga haqlidir.

31. Litsenziyalovchi organ litsenziatlar reyestrini yuritadi, reyestrda quyidagilar koʻrsatilishi kerak:

litsenziatning nomi va u joylashgan joy (pochta manzili);

telefon (faks) raqami;

hisob-kitob raqami;

soliq toʻlovchining identifikatsiya raqami;

muassislarning ustav sarmoyaga ulushlari toʻgʻrisidagi axborot;

tashkilot rahbari va bosh buxgalterining familiyasi, ismi, otasining ismi;

litsenziya berilgan sana va uning tartib raqami, amal qilish muddati;

litsenziyaning amal qilishini uzaytirish, toʻxtatib turish, toʻxtatish, amal qilishini tiklash va litsenziyani bekor qilishning asosi va sanasi;

litsenziyalarni qayta rasmiylashtirish va dublikatlar berishning asosi va sanasi.

32. Reyestrdagi mavjud axborot manfaatdor shaxslarning u bilan tanishishi uchun ochiqdir hamda yozma soʻrovga koʻra reyestrdan koʻchirma sifatida beriladi.

33. Litsenziyalovchi organlar yilning har choragida, hisobot oyidan keyingi oyning 15-kunidan kechikmay Oʻzbekiston Respublikasi Davlat soliq qoʻmitasiga litsenziatlar reyestrini hamda yigʻimlar va davlat boji undirilishidan tushgan mablagʻlar tushumi va ulardan maqsadli foydalanish toʻgʻrisidagi hisobotni taqdim etadilar.

34. Oʻzbekiston Respublikasi Davlat soliq qoʻmitasi audio va video kassetalar, lazer disklari ishlab chiqarish, yozish, koʻpaytirish va sotish bilan shugʻullanayotgan xoʻjalik yurituvchi subyektlar faoliyatini belgilangan tartibda nazorat qiladi.

35. Litsenziyaning amal qilish muddati tamom boʻlgach u litsenziatning arizasiga koʻra uzaytirilishi mumkin. Litsenziya muddatini uzaytirish toʻgʻrisidagi ariza litsenziyalovchi organga ariza koʻrib chiqilganligi uchun yigʻim toʻlanganligini tasdiqlovchi bank hujjati ilova qilingan holda litsenziyaning amal qilish muddati tamom boʻlishidan kamida ikki oy oldin berilishi kerak.

36. Litsenziyaning amal qilish muddati litsenziya olish uchun belgilangan miqdorda va tartibda tegishlicha davlat boji toʻlangan holda bir yilga uzaytirilishi mumkin.

37. Litsenziyaning amal qilish muddati ilgari berilgan litsenziya blankasiga maxsus belgi qoʻyish yoʻli bilan litsenziat tomonidan litsenziya bitimi talablari va shartlariga rioya qilingan taqdirda uzaytiriladi. Litsenziya bitimining amal qilishi oʻsha muddatga oʻz-oʻzidan uzaytirilgan hisoblanadi.

38. Litsenziat qayta tashkil etilgan, uning nomi yoki joylashgan joyi (pochta manzili) oʻzgargan taqdirda, litsenziat yoxud uning huquqiy vorisi qayta roʻyxatdan oʻtkazilgandan keyin bir hafta muddatda litsenziyalovchi organga litsenziyani qayta rasmiylashtirish toʻgʻrisida ariza berishga, qayta rasmiylashtirilishi kerak boʻlgan litsenziyani hamda tegishli oʻzgartirishlarni tasdiqlovchi hujjatlarni ilova qilishga majburdir.

Hujjat litsenziyalovchi organga bevosita topshiriladi, yoxud olinganligi tasdiqlangan holda pochta aloqasi orqali topshiriladi.

39. Yoʻqotilgan yoki amal qilish muddati tamom boʻlmagan yaroqsiz holga kelib qolgan litsenziya oʻrniga litsenziatning arizasiga koʻra qonun hujjatlarida belgilangan tartibda dublikat berilishi mumkin.

Bunda litsenziat yoʻqotilgan yoki yaroqsiz holga kelib qolgan litsenziyaning haqiqiy emasligi toʻgʻrisida ommaviy axborot vositalarida eʼlon berishga, shuningdek, ushbu eʼlonni litsenziyalovchi organga taqdim qilishga majburdir.

40. Litsenziyaning amal qilishini toʻxtatib turish, toʻxtatish, tiklash va bekor qilish litsenziyalovchi organ tomonidan “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonuniga muvofiq amalga oshiriladi.

41. Litsenziyalovchi organning qarori ustidan litsenziat yoki litsenziya talabgori tomonidan belgilangan tartibda sudga shikoyat qilinishi mumkin.