Oʻzbekiston Respublikasining “Tadbirkorlik faoliyati erkinligining kafolatlari toʻgʻrisida”, “Tashqi iqtisodiy faoliyat toʻgʻrisida” (yangi tahriri) va “Auditorlik faoliyati toʻgʻrisida”gi (yangi tahriri) qonunlariga muvofiq Vazirlar Mahkamasi qaror qiladi:

1. Oʻzbekiston Respublikasi hukumatining ilovaga muvofiq ayrim qarorlariga oʻzgartirishlar va qoʻshimchalar kiritilsin.

2. Oʻzbekiston Respublikasi Tashqi iqtisodiy aloqalar vazirligi Adliya vazirligi va boshqa manfaatdor vazirliklar va idoralar bilan birgalikda bir oy muddatda Oʻzbekiston Respublikasi Tashqi iqtisodiy aloqalar vazirligi toʻgʻrisidagi Nizomning yangi tahririni ishlab chiqsin va tasdiqlash uchun Vazirlar Mahkamasiga taqdim etsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari Oʻ.Q. Ismoilov va R.S. Azimov zimmasiga yuklansin.

2. Vazirlar Mahkamasining “Respublikada tadbirkorlik faoliyatini yanada rivojlantirish chora-tadbirlari toʻgʻrisida” 1992-yil 26-fevraldagi 85-son qarorida (Oʻzbekiston Respublikasi QT, 1992-y., 2-son, 3-modda; 1996-y., 4-son, 12-modda; 1997-y., 2-son, 5-modda; 1998-y., 7-son, 28-modda):

a) 3-band chiqarib tashlansin;

b) 2-ilova oʻz kuchini yoʻqotgan deb hisoblansin.

3. Oʻzbekiston Respublikasi Vazirlar Mahkamasining 1994-yil 22-martdagi 153-son qarori bilan tasdiqlangan “Yuridik shaxslar birlashmalarini, aksiyadorlik jamiyatlarini davlat roʻyxatidan oʻtkazish toʻgʻrisida”gi Nizomda (Oʻzbekiston Respublikasi QT, 1994-y., 3-son, 18-modda; 1999-y., 9-son, 53-modda):

a) 4-bandda:

“b” kichik bandning ikkinchi xatboshidagi “tovar belgisi” soʻzlari chiqarib tashlansin;

“g” kichik bandi chiqarib tashlansin;

b) 9-bandning birinchi xatboshidan “ustavda nazarda tutilmagan faoliyat turlari bilan shugʻullanish” soʻzlari chiqarib tashlansin.

v) 10-banddagi “ularning tuzilmasidagi oʻzgarishlar, shuningdek” soʻzlari chiqarib tashlansin, “asosiy” soʻzi bilan toʻldirilsin.

4. Vazirlar Mahkamasining “Muomaladagi naqd pullarni kamaytirishga oid chora-tadbirlar toʻgʻrisida” 1994-yil 11-iyuldagi 356-son qarori 2-bandining uchinchi xatboshi chiqarib tashlansin.

5. Vazirlar Mahkamasining 1994-yil 17-noyabrdagi 555-son qarori bilan tasdiqlangan Mulkchilik va xoʻjalik yuritishning barcha shakllaridagi korxonalar va tashkilotlarning Yagona davlat registri toʻgʻrisidagi Nizomga (Oʻzbekiston Respublikasi QT, 1994-y., 11-son, 51-modda) 1-ilovaning 7-bandi “Faoliyatning boshqa turlari” soʻzlaridan keyin “(tadbirkorlik subyektlari boʻlmagan tashkilotlar uchun)” soʻzlari bilan toʻldirilsin.

6. Oʻzbekiston Respublikasi Vazirlar Mahkamasining 1995-yil 14-fevraldagi 55-son qarori (Oʻzbekiston Respublikasi QT, 1995-y., 2-son, 3-modda) bilan tasdiqlangan Oʻzbekiston Respublikasida xususiy tadbirkorlik toʻgʻrisidagi Nizomda:

a) 3-bandning birinchi xatboshi quyidagi tahrirda bayon qilinsin:

“Tadbirkorning xususiy mulkiga asoslangan korxona Oʻzbekiston Respublikasi Fuqarolik kodeksi, “Tadbirkorlik faoliyati erkinligining kafolatlari toʻgʻrisida”gi Oʻzbekiston Respublikasining Qonuniga, Oʻzbekiston Respublikasining boshqa qonun hujjatlariga va mazkur Nizomga muvofiq faoliyat yurituvchi xususiy korxona hisoblanadi. Oʻzining tashkiliy-huquqiy shakliga koʻra xususiy korxona unitar korxona hisoblanadi”;

b) 9-band quyidagi mazmundagi gap bilan toʻldirilsin:

“Roʻyxatdan oʻtkazuvchi organning qarori, shuningdek uning mansabdor shaxslarining harakatlari (harakatsizligi) noqonuniy deb topilgan hollarda ular tadbirkorga roʻyxatdan oʻtkazish rad etilganligi yoki roʻyxatdan oʻtkazish muddatlariga rioya etilmaganligi oqibatida yetkazilgan zararni toʻlaydilar va maʼnaviy ziyon oʻrnini qoplaydilar”;

v) 21-bandda:

birinchi xatboshi quyidagi tahrirda bayon etilsin:

“Xususiy korxona faoliyatini tekshirish nazorat organlari tomonidan ularning belgilangan vakolatlari doirasida, shuningdek auditorlik tashkilotlari tomonidan amalga oshiriladi”;

quyidagi mazmundagi ikkinchi xatboshi bilan toʻldirilsin:

“Xususiy korxonalar faoliyatini tekshirish jarayonida nazorat va huquqni muhofaza qilish organlarining mansabdor shaxslari qonun hujjatlarida belgilangan tartibda tekshirishlarni roʻyxatga olish daftariga qayd yozuvini kiritadilar”;

ikkinchi xatboshi uchinchi xatboshi deb hisoblansin va undan “moliya-xoʻjalik” soʻzlari chiqarib tashlansin;

g) 33-band quyidagi tahrirda bayon qilinsin:

“Yakka tadbirkorni davlat roʻyxatidan oʻtkazish “Tadbirkorlik faoliyati erkinligining kafolatlari toʻgʻrisida”gi Oʻzbekiston Respublikasining qonuniga muvofiq amalga oshiriladi”;

d) 34-band quyidagi tahrirda bayon qilinsin:

“Oʻzbekiston Respublikasida qonun hujjatlari bilan taqiqlanmagan tadbirkorlik faoliyati bilan shugʻullanish istagini bildirgan jismoniy shaxsni davlat roʻyxatidan oʻtkazish mazkur shaxs doimiy istiqomat qiluvchi tuman, shahar, shahardagi tuman hokimligi tomonidan ariza hamda tegishli hujjatlar taqdim etilgan vaqtdan boshlab uch kun mobaynida amalga oshiriladi. Davlat roʻyxatidan oʻtkazish rad etilgan hollarda roʻyxatdan oʻtkazuvchi organ uch kun ichida bu toʻgʻrida jismoniy shaxsga yozma ravishda xabar berishi shart. Agar belgilangan muddatda roʻyxatdan oʻtkazish amalga oshirilmagan yoki tadbirkor asossiz deb hisoblagan sabablarga koʻra rad etilgan boʻlsa, tadbirkor sudga murojaat qilishi mumkin. Roʻyxatdan oʻtkazuvchi organning qarori, shuningdek uning mansabdor shaxslarining harakatlari (harakatsizligi) noqonuniy deb topilgan hollarda ular tadbirkorga roʻyxatdan oʻtkazish rad etilganligi yoki roʻyxatdan oʻtkazish muddatlariga rioya etilmaganligi oqibatida yetkazilgan zarar va maʼnaviy ziyon oʻrnini qoplaydilar”;

e) 35-bandda:

birinchi xatboshida “uch dona fotosurat” soʻzlari “bir dona fotosurat” soʻzlari bilan almashtirilsin;

ikkinchi xatboshi quyidagi tahrirda bayon qilinsin:

“Agar jismoniy shaxs arizada tadbirkorlik faoliyati amalga oshiriladigan joy sifatida mahalliy davlat hokimiyati organlari ushbu maqsadlar uchun nazarda tutmagan manzilni koʻrsatgan boʻlsa, qoʻshimcha ravishda unda bunday joyning mavjudligini tasdiqlovchi hujjat (ijara shartnomasi, ijaraga beruvchining kafolat xati, mulkiy huquqqa doir dalolatnoma, turar joyning noturar-joy toifasiga oʻtkazilganligi toʻgʻrisidagi dalolatnoma va boshqalar) taqdim etiladi”;

j) 36-bandning ikkinchi xatboshi quyidagi tahrirda bayon qilinsin:

“Jismoniy shaxs yakka tadbirkor sifatida davlat roʻyxatidan oʻtkazilganidan soʻng qonun hujjatlarida belgilangan tartibda soliq organlarida hisobga turadi. Hisobga qoʻyish uchun davlat roʻyxatidan oʻtkazilganlik toʻgʻrisidagi guvohnomaning nusxasi asos hisoblanadi”;

z) 39-band quyidagi tahrirda bayon qilinsin:

“Xususiy tadbirkorlik subyektiga yetkazilgan zarar, zararni yetkazgan shaxs tomonidan toʻliq miqdorda, boy berilgan foydani ham qoʻshib hisoblagan holda qoplanadi. Qonun zarar oʻrnini qoplash majburiyatini zararni yetkazuvchi hisoblanmaydigan shaxs zimmasiga yuklashi mumkin.

Xususiy tadbirkorlik subyektiga davlat organlari, fuqarolarning oʻzini oʻzi boshqarish organlarining noqonuniy qarorlari natijasida yetkazilgan zarar, sud qaroriga asosan, mazkur organlar mansabdor shaxslarining aybidan qatʼi nazar, qoplanadi.

Xususiy tadbirkorlik subyektiga davlat organlari, fuqarolarning oʻzini oʻzi boshqarish organlari mansabdor shaxslarining harakatlari (harakatsizligi) oqibatida yetkazilgan zarar sud qaroriga asosan qoplanadi”.

7. Vazirlar Mahkamasining “Oʻzbekiston Respublikasida xorijiy investitsiyalar ishtirokidagi korxonalarni tashkil etish, davlat roʻyxatidan oʻtkazish va tugatish tartibi toʻgʻrisida” 1997-yil 2-iyuldagi 336-son qarorida:

a) 1-bandda:

uchinchi xatboshi chiqarib tashlansin;

toʻrtinchi xatboshi quyidagi tahrirda bayon qilinsin:

“Oʻzbekiston Respublikasi Adliya vaziri zimmasiga Adliya vazirligining xodimlari tomonidan xorijiy investitsiyalar ishtirokidagi korxonalarni tashkil etish va roʻyxatdan oʻtkazish tartibi va muddatlariga qatʼiy rioya etilishi uchun shaxsan javobgarlik yuklansin”;

quyidagi mazmundagi xatboshi bilan toʻldirilsin:

“Xorijiy investitsiyalar ishtirokidagi korxonalarning davlat roʻyxatidan oʻtkazilishi valyuta hisob raqamlarini ochish va ularning tashqi iqtisodiy faoliyat ishtirokchilari sifatida qayta roʻyxatdan oʻtkazilmasdan tashqi iqtisodiy faoliyatni amalga oshirishlari uchun asos hisoblanadi”;

b) 1-ilova 10-bandining “e” kichik bandi chiqarib tashlansin;

v) 2-ilova oʻz kuchini yoʻqotgan deb hisoblansin.

8. Vazirlar Mahkamasining 1997-yil 26-sentabrdagi 454-son qarori bilan tasdiqlangan Davlat ehtiyojlari uchun oziq-ovqat tovarlarini import qilish yuzasidan kontraktlarni Oʻzbekiston Respublikasi Tashqi iqtisodiy aloqalar vazirligi tomonidan roʻyxatdan oʻtkazish tartibi I boʻlimining yettinchi xatboshi chiqarib tashlansin.

9. Vazirlar Mahkamasining “Soliq solishning soddalashtirilgan tizimiga oʻtgan kichik korxonalarga soliq solish tartibi toʻgʻrisida” 1998-yil 15-apreldagi 159-son qarorida (Oʻzbekiston Respublikasi QT, 1998-y., 4-son, 15-modda; 1999-y., 11-son, 64-modda; 2000-y., 8-son, 45-modda):

a) qarorning nomiga “soddalashtirilgan tizimiga oʻtgan” soʻzlaridan keyin “mikrofirmalar va” soʻzlari qoʻshilsin;

b) 1-bandning boshlanishiga va 2-bandning ikkinchi xatboshi boshlanishiga “Mikrofirmalar va” soʻzlari qoʻshilsin;

v) ilovada:

ilova “Mikrofirmalar va kichik korxonalar uchun soliq solishning soddalashtirilgan tizimini qoʻllash tartibi” deb nomlansin;

1-band, 2-bandning birinchi xatboshi boshlanishiga “Mikrofirmalar va” soʻzlari qoʻshilsin;

2-bandning ikkinchi xatboshida “ixtiyoriylik asosida” soʻzlaridan keyin “mikrofirmalar va” soʻzlari qoʻshilsin;

5-bandda “kichik korxonalar uchun” soʻzlari “mikrofirmalar va kichik korxonalar uchun” soʻzlari bilan almashtirilsin;

1-bandda “mezonlarga muvofiq” soʻzlaridan keyin “mikrofirmalar va” soʻzlari qoʻshilsin;

3-bandda “Kichik korxonalar” soʻzlari “Mikrofirmalar va kichik korxonalar” soʻzlari bilan almashtirilsin;

6-bandda “Kichik korxonalar” soʻzlari “Mikrofirmalar va kichik korxonalar” soʻzlari bilan almashtirilsin;

III boʻlimning 2-bandi toʻrtinchi xatboshida “kichik korxonalarga” soʻzlari “mikrofirmalar va kichik korxonalarga” soʻzlari bilan almashtirilsin.

10. Vazirlar Mahkamasining “Oʻzbekiston Tovar ishlab chiqaruvchilar va tadbirkorlar palatasi faoliyatini takomillashtirish toʻgʻrisida” 1998-yil 21-apreldagi 166-son qarorining 6-bandi quyidagi tahrirda bayon qilinsin:

“Belgilansinki, Tovar ishlab chiqaruvchilar va tadbirkorlar palatasi aʼzolari boʻlgan korxonalar faoliyatini tekshirish xoʻjalik yurituvchi subyektlar faoliyatining davlat nazorati toʻgʻrisidagi qonun hujjatlari talablariga muvofiq Palata va uning hududiy tuzilmalari vakillari ishtirokida amalga oshirilishi mumkin”.

11. Vazirlar Mahkamasining “Kichik va oʻrta tadbirkorlikni rivojlantirishni ragʻbatlantirish mexanizmini takomillashtirish toʻgʻrisida” 1998-yil 27-maydagi 232-son qaroriga 1-ilovada (Oʻzbekiston Respublikasi QT, 1998-y., 5-son, 20-modda):

a) 1-band oʻz kuchini yoʻqotgan deb hisoblansin;

b) 2-band quyidagi tahrirda bayon qilinsin:

v) 4-bandda kafolatlar va imtiyozlar mazmuni quyidagi tahrirda bayon qilinsin:

— “Tovar ishlab chiqaruvchilar va tadbirkorlar palatasi aʼzolari boʻlgan korxonalar faoliyatini tekshirish xoʻjalik yurituvchi subyektlar faoliyatining davlat nazorati toʻgʻrisidagi qonun hujjatlari talablariga muvofiq Palata va uning hududiy tuzilmalari vakillari ishtirokida amalga oshirilishi mumkin”;

g) 11-band quyidagi tahrirda bayon qilinsin:

12. Vazirlar Mahkamasining 1998-yil 15-iyuldagi 300-son qarori bilan tasdiqlangan Fermer xoʻjaligi yuritish uchun yer uchastkalarini fuqarolarga uzoq muddatli ijaraga berish tartibida (3-ilova):

a) IV boʻlimning nomlanishi quyidagi tahrirda bayon qilinsin:

“Yer uchastkasi ijara shartnomasini oʻzgartirish va uni bekor qilish”;

b) 27-band:

quyidagi mazmundagi birinchi xatboshi bilan toʻldirilsin:

“Yer uchastkasi ijara shartnomasi tomonlarning kelishuviga koʻra, tomonlar kelisholmagan taqdirda esa sud tomonidan oʻzgartirilishi yoki bekor qilinishi mumkin”;

birinchi—oʻn ikkinchi xatboshilar tegishli ravishda ikkinchi—oʻn uchinchi xatboshilar deb hisoblansin;

v) 30-band oʻz kuchini yoʻqotgan deb hisoblansin;

g) Tartibga ilovada:

9-bandning ikkinchi xatboshi quyidagi tahrirda bayon qilinsin:

“mazkur Shartnoma shartlari Ijarachi tomonidan buzilgan taqdirda belgilangan tartibda Shartnomani oʻzgartirish yoki bekor qilishni talab qilish”;

V boʻlimning nomi quyidagi tahrirda bayon qilinsin:

“Yer uchastkasi ijara shartnomasini oʻzgartirish va bekor qilish”;

13-band:

quyidagi mazmundagi birinchi xatboshi bilan toʻldirilsin:

“Mazkur Shartnoma tomonlarning kelishuviga koʻra, tomonlar kelisholmagan taqdirda esa sud tomonidan oʻzgartirilishi yoki bekor qilinishi mumkin”;

birinchi—oʻn ikkinchi xatboshilar tegishli ravishda ikkinchi—oʻn uchinchi xatboshilar deb hisoblansin;

18-band oʻz kuchini yoʻqotgan deb hisoblansin.

13. Vazirlar Mahkamasining 1998-yil 6-avgustdagi 338-son qarori bilan tasdiqlangan hoʻl meva-sabzavot mahsulotlarini Oʻzbekiston Respublikasi tashqarisiga olib chiqish tartibining 3-bandi “a” kichik bandi chiqarib tashlansin.

14. Vazirlar Mahkamasining “Xoʻjalik yurituvchi subyektlarni tekshirishni tashkil qilishni tartibga solish chora-tadbirlari toʻgʻrisida” 1998-yil 27-noyabrdagi 496-son qarorining (Oʻzbekiston Respublikasi QT, 1998-y., 11-son, 42-modda) 1-bandi va qarorga ilova oʻz kuchini yoʻqotgan deb hisoblansin.

15. Vazirlar Mahkamasining “Fermerlarni, xususiy tadbirkorlarni hamda kichik va oʻrta biznes boshqa subyektlarini qoʻllab-quvvatlash chora-tadbirlari toʻgʻrisida” 2000-yil 4-martdagi 75-son qarorining (Oʻzbekiston Respublikasi QT, 2000-y., 3-son, 11-modda) 4-bandida:

ikkinchi xatboshi quyidagi tahrirda bayon qilinsin:

“tadbirkorlik faoliyati subyektlarining davlat roʻyxatidan oʻtkazilishi ular tomonidan tashqi iqtisodiy faoliyat amalga oshirilishi va koʻrsatib oʻtilgan subyektlarni Oʻzbekiston Respublikasi Tashqi iqtisodiy aloqalar vazirligida tashqi iqtisodiy aloqalar qatnashchisi sifatida qoʻshimcha ravishda roʻyxatdan oʻtkazmasdan vakolatli banklarda valyuta hisob raqamlari ochish uchun asos hisoblanadi”;

uchinchi xatboshi chiqarib tashlansin;

toʻrtinchi xatboshi quyidagi tahrirda bayon qilinsin:

“valyuta hisob raqamlari ochilgan tadbirkorlik subyektlari toʻgʻrisidagi axborot, oyning 5-kunidan kechikmay, har oyda vakolatli banklar tomonidan Oʻzbekiston Respublikasi Tashqi iqtisodiy aloqalar vazirligiga taqdim etiladi”.

16. Vazirlar Mahkamasining “Oʻzbekiston Respublikasining 2001-yilgi asosiy makroiqtisodiy koʻrsatkichlari prognozi va Davlat budjetining parametrlari toʻgʻrisida” 2000-yil 26-dekabrdagi 500-son qarorida:

4-bandning toʻrtinchi xatboshida “kichik korxonalar” soʻzlari “mikrofirmalar va kichik korxonalar” soʻzlari bilan almashtirilsin;

12-bandning toʻrtinchi xatboshida “kichik korxonalar” soʻzlari “mikrofirmalar va kichik korxonalar” soʻzlari bilan almashtirilsin;

6-ilovaning nomlanishida “kichik korxonalar” soʻzlari “mikrofirmalar va kichik korxonalar” soʻzlari bilan almashtirilsin.