Oʻzbekiston Respublikasi Prezidentining “Yoʻl xoʻjaligini boshqarish tizimini yanada takomillashtirish chora-tadbirlari toʻgʻrisida” 2017-yil 14-fevraldagi PF-4954-son Farmoniga va Oʻzbekiston Respublikasi Prezidentining “2017-2018-yillarda mintaqaviy avtomobil yoʻllarini rivojlantirish dasturi toʻgʻrisida” 2017-yil 14-fevraldagi PQ-2775-son va “Oʻzbekiston Respublikasi Avtomobil yoʻllari davlat qoʻmitasi va Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi faoliyatlarini tashkil etish toʻgʻrisida” 2017-yil 14-fevraldagi PQ-2776-son qarorlariga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov zimmasiga yuklansin.

1. Vazirlar Mahkamasining “Avtomobilda xorijiy yuk tashuvchilarning Oʻzbekiston Respublikasi hududiga kirishlari, boʻlishlari, yuk olib oʻtishlari va undan chiqib ketishlari tartibi toʻgʻrisida” 1995-yil 11-yanvardagi 11-son qarorining 5-bandida:

a) ikkinchi xatboshidagi “Moliya vazirligi” soʻzlari “Vazirlar Mahkamasi” soʻzlari bilan almashtirilsin;

b) toʻrtinchi xatboshi quyidagi tahrirda bayon qilinsin:

“Belgilansinki, Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasining valyuta mablagʻlarini sarflash Oʻzbekiston Respublikasi Avtomobil yoʻllari davlat qoʻmitasi va uning tarkibiy boʻlinmalarining tranzit magistral yoʻllarni taʼmirlash va saqlash uchun xorijda ishlab chiqarilgan yoʻl texnikasi, asbob-uskunalar, texnologiyalar va materiallarni sotib olishga, shuningdek Oʻzbekiston Respublikasi Avtomobil yoʻllari davlat qoʻmitasi va uning tarkibiy boʻlinmalari hamda Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasining malakali kadrlarini chet elda tayyorlashga yoki xorijiy mutaxassislarni respublikaga taklif etish bilan bogʻliq xarajatlarini moliyalashtirish uchun qonun hujjatlarida belgilangan tartibda amalga oshiriladi”.

2. Vazirlar Mahkamasining 2003-yil 4-noyabrdagi 482-son qarori (Oʻzbekiston Respublikasi QT, 2003-y., 11-son, 108-modda) bilan tasdiqlangan Oʻzbekiston Respublikasida avtobuslarda yoʻlovchilar tashish xavfsizligini taʼminlashga doir talablarda:

a) 61-bandning birinchi xatboshidagi “Oʻzavtoyoʻl” kompaniyasi”” soʻzlari “Oʻzbekiston Respublikasi Avtomobil yoʻllari davlat qoʻmitasi” soʻzlari bilan almashtirilsin;

b) 65-banddagi “Oʻzavtoyoʻl” kompaniyasi” soʻzlari “Oʻzbekiston Respublikasi Avtomobil yoʻllari davlat qoʻmitasi” soʻzlari bilan almashtirilsin.

3. Vazirlar Mahkamasining 2004-yil 20-iyuldagi 341-son qarori (Oʻzbekiston Respublikasi QT, 2004-y., 7-son, 69-modda) bilan tasdiqlangan Oʻzbekiston Respublikasi Oliy va oʻrta maxsus taʼlim vazirligi tizimining tashkiliy tuzilmasidagi “6. Toshkent avtomobil-yoʻllari instituti” soʻzlari chiqarib tashlansin.

4. Vazirlar Mahkamasining 2005-yil 30-iyundagi 152-son qarori (Oʻzbekiston Respublikasi QT, 2005-y., 6-7-son, 33-modda) bilan tasdiqlangan Avtomobil yoʻllari davlat kadastrini yuritish tartibi toʻgʻrisidagi nizomda:

a) 5 va 6-bandlardagi “Oʻzavtoyoʻl” davlat-aksiyadorlik kompaniyasi” va “Oʻzavtoyoʻl” davlat-aksiyadorlik kompaniyasini” soʻzlari tegishli ravishda “Oʻzbekiston Respublikasi Avtomobil yoʻllari davlat qoʻmitasi” va “Oʻzbekiston Respublikasi Avtomobil yoʻllari davlat qoʻmitasini” soʻzlari bilan almashtirilsin;

b) 15-bandda:

birinchi va ikkinchi xatboshilardagi “Oʻzavtoyoʻl” davlat-aksiyadorlik kompaniyasining” soʻzlari “Oʻzbekiston Respublikasi Avtomobil yoʻllari davlat qoʻmitasining” soʻzlari bilan almashtirilsin;

toʻrtinchi va beshinchi xatboshilardagi “Oʻzavtoyoʻl” davlat-aksiyadorlik kompaniyasi” soʻzlari “Oʻzbekiston Respublikasi Avtomobil yoʻllari davlat qoʻmitasi” soʻzlari bilan almashtirilsin;

uchinchi xatboshidagi “hududiy shuʼba yoʻl-qurilish tashkilotlarining” soʻzlari “Qoraqalpogʻiston Respublikasi va viloyatlar avtomobil yoʻllari hududiy bosh boshqarmalarining” soʻzlari bilan almashtirilsin;

v) 17-bandda:

birinchi xatboshidagi “Oʻzavtoyoʻl” davlat-aksiyadorlik kompaniyasining” soʻzlari “Oʻzbekiston Respublikasi Avtomobil yoʻllari davlat qoʻmitasining” soʻzlari bilan almashtirilsin;

toʻrtinchi va beshinchi xatboshilardagi “hududiy shuʼba yoʻl-qurilish tashkilotlarining” soʻzlari “hududiy avtomobil yoʻllari bosh boshqarmalarining” soʻzlari bilan almashtirilsin;

sakkizinchi xatboshidagi “Oʻzavtoyoʻl” davlat-aksiyadorlik kompaniyasining” soʻzlari “Oʻzbekiston Respublikasi Avtomobil yoʻllari davlat qoʻmitasining” soʻzlari bilan almashtirilsin;

g) 18-bandda:

birinchi xatboshidagi “Oʻzavtoyoʻl” davlat-aksiyadorlik kompaniyasining hududiy shuʼba yoʻl-qurilish tashkilotlari” soʻzlari “Oʻzbekiston Respublikasi Avtomobil yoʻllari davlat qoʻmitasining avtomobil yoʻllari hududiy bosh boshqarmalarining” soʻzlari bilan almashtirilsin;

uchinchi xatboshidagi “Oʻzavtoyoʻl” davlat-aksiyadorlik kompaniyasi” soʻzlari “Oʻzbekiston Respublikasi Avtomobil yoʻllari davlat qoʻmitasi” soʻzlari bilan almashtirilsin;

d) 19, 26-bandlardagi “Oʻzavtoyoʻl” davlat-aksiyadorlik kompaniyasi” soʻzlari “Oʻzbekiston Respublikasi Avtomobil yoʻllari davlat qoʻmitasi” soʻzlari bilan almashtirilsin;

e) 22-banddagi, 24-bandning ikkinchi xatboshidagi “Oʻzavtoyoʻl” davlat-aksiyadorlik kompaniyasi” soʻzlari “Oʻzbekiston Respublikasi Avtomobil yoʻllari davlat qoʻmitasi” soʻzlari bilan almashtirilsin;

j) ilovadagi “Oʻzavtoyoʻl” davlat-aksiyadorlik kompaniyasi” va “hududiy shuʼba yoʻl-qurilish tashkilotlari” soʻzlari tegishli ravishda “Oʻzbekiston Respublikasi Avtomobil yoʻllari davlat qoʻmitasi” va “Avtomobil yoʻllari hududiy bosh boshqarmalari” soʻzlari bilan almashtirilsin.

5. Vazirlar Mahkamasining “Umumiy foydalaniladigan avtomobil yoʻllarini qurish va ulardan foydalanishni tashkil etishni hamda sifatini nazorat qilishni takomillashtirish toʻgʻrisida” 2006-yil 1-noyabrdagi 226-son qarorida:

a) qarorning nomidan “umumiy foydalaniladigan” soʻzlari chiqarib tashlansin;

b) qarorning muqaddimasi quyidagi tahrirda bayon qilinsin:

“Avtomobil yoʻllarini qurish va ulardan foydalanishni samarali tashkil etish va sifatini nazorat qilish maqsadida Vazirlar Mahkamasi qaror qiladi”;

v) 1-bandda:

ikkinchi xatboshidagi “umumiy foydalaniladigan” soʻzlari chiqarib tashlansin;

uchinchi xatboshi quyidagi tahrirda bayon qilinsin:

“Avtomobil yoʻllarini qurish, rekonstruksiya qilish va mukammal taʼmirlash boʻyicha bajarilgan ishlarning sifati ustidan nazorat qilish va ularni qabul qilib olish tartibi toʻgʻrisidagi nizom 2-ilovaga muvofiq.”;

g) 2-band quyidagi tahrirda bayon qilinsin:

“2. Oʻzbekiston Respublikasi Avtomobil yoʻllari davlat qoʻmitasi Oʻzbekiston Respublikasi Vazirlar Mahkamasi huzuridagi Yoʻl-qurilish ishlari sifatini nazorat qilish Davlat inspeksiyasi, Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi bilan birgalikda tasdiqlangan normativ hujjatlar talablari qatʼiy ijro etilishini taʼminlasin”;

d) quyidagi mazmundagi 2¹-band qoʻshilsin:

“2¹. Belgilansinki, Oʻzbekiston Respublikasi Avtomobil yoʻllari davlat qoʻmitasi joriy yilning 1-martidan kechikmay Vazirlar Mahkamasi huzuridagi Respublika yoʻl jamgʻarmasini boshqarish Kengashi bilan kelishgan holda:

umumiy foydalanishdagi avtomobil yoʻllarini mukammal taʼmirlash boʻyicha har yilgi dasturlarni shakllantiradi va tasdiqlaydi;

umumiy foydalanishdagi avtomobil yoʻllari boʻyicha umumiy foydalanishdagi avtomobil yoʻllarini joriy taʼmirlash parametrlarini tasdiqlaydi;

xoʻjaliklararo qishloq avtomobil yoʻllarini, shaharlar, shahar posyolkalari, qishloqlar va ovullar koʻchalarini taʼmirlash boʻyicha har yilgi dasturlarni tasdiqlaydi”;

e) 1-ilovada:

ilovaning nomidagi “umumiy foydalaniladigan” soʻzlari chiqarib tashlansin;

1-banddagi “umumiy foydalaniladigan avtomobil yoʻllarini” soʻzlari “umumiy foydalanishdagi avtomobil yoʻllarini, umumiy foydalanishdagi xoʻjaliklararo qishloq avtomobil yoʻllarini, shaharlar, shahar posyolkalari, qishloqlar va ovullar koʻchalarini” soʻzlari bilan almashtirilsin;

11-bandda:

“v” kichik bandga quyidagi mazmundagi uchinchi xatboshi qoʻshilsin:

“uzunligi 55 pogon metrgacha boʻlgan koʻpriklar qurish”;

uchinchi — sakkizinchi xatboshilar tegishli ravishda toʻrtinchi — toʻqqizinchi xatboshilar deb hisoblansin;

“g” kichik bandning ikkinchi xatboshidan “40%” raqami chiqarib tashlansin;

21-bandning “b” kichik bandiga quyidagi mazmundagi uchinchi xatboshi qoʻshilsin:

“xoʻjaliklararo qishloq avtomobil yoʻllari, shaharlar, shahar posyolkalari, qishloqlar va ovullar koʻchalarida asos sifatida mavjud yoʻl toʻshamalaridan foydalangan holda qoplamalarning takomillashgan turlarini yotqizish”;

uchinchi — oʻn birinchi xatboshilar tegishli ravishda toʻrtinchi — oʻn ikkinchi xatboshilar deb hisoblansin;

31-bandda:

sakkizinchi xatboshi chiqarib tashlansin;

quyidagi mazmundagi xatboshi qoʻshilsin:

“umumiy foydalanishdagi avtomobil yoʻllarini joriy taʼmirlash va saqlash boʻyicha ishlarga, shuningdek toshqin, sel, qor koʻchishi, oʻpirilish hodisalari, zilzilalarning oldini olish va bartaraf etish ishlarini bajarishda jalb etilgan xodimlarni oziq-ovqat, maxsus kiyim-bosh bilan taʼminlash;

yoʻl taʼmirlash punktlari uchun mebel, inventar va tashkiliy texnika (shu jumladan koʻchma vagon-uylar) sotib olish;

j) 2-ilovada:

ilovaning nomi quyidagi tahrirda bayon qilinsin:

1-band quyidagi tahrirda bayon qilinsin:

“1. Ushbu Nizom umumiy foydalanishdagi avtomobil yoʻllarini, xoʻjaliklararo qishloq avtomobil yoʻllarini, shaharlar, shahar posyolkalari, qishloqlar va ovullar koʻchalarini, shuningdek yoʻl inshootlarini (keyingi oʻrinlarda obyektlar deb ataladi) qurish, rekonstruksiya qilish va mukammal taʼmirlash boʻyicha bajarilgan ishlarning sifati ustidan nazorat qilish va ularni qabul qilib olish tartibini belgilaydi”;

2-banddan “va oʻrtacha” soʻzlari chiqarib tashlansin;

3-band quyidagi tahrirda bayon qilinsin:

“3. Qurish, rekonstruksiya qilish, mukammal taʼmirlash boʻyicha obyektlar Oʻzbekiston Respublikasi Davlat arxitektura va qurilish qoʻmitasining davlat arxitektura-qurilish nazorati hududiy inspeksiyalari tomonidan belgilangan tartibda roʻyxatdan oʻtkaziladi.

Buyurtmachi tashkilotlarga qurish, rekonstruksiya qilish, mukammal taʼmirlash ishlarini bajarishga ruxsatnomalar belgilangan tartibda Oʻzbekiston Respublikasi Vazirlar Mahkamasi huzuridagi Yoʻl-qurilish ishlari sifatini nazorat qilish Davlat inspeksiyasi tomonidan beriladi.”;

4-bandda:

birinchi xatboshidan “va oʻrtacha” soʻzlari chiqarib tashlansin;

beshinchi xatboshi quyidagi tahrirda bayon qilinsin:

“Obyektlarni qurish, rekonstruksiya qilish, mukammal taʼmirlash boʻyicha loyiha, qurilish-montaj va taʼmirlash ishlari sifati ustidan davlat nazorati belgilangan tartibda Vazirlar Mahkamasi huzuridagi Yoʻl-qurilish ishlari sifatini nazorat qilish Davlat inspeksiyasi tomonidan amalga oshiriladi”;

oltinchi xatboshidan “va oʻrtacha” soʻzlari chiqarib tashlansin;

III boʻlimning nomidan “va oʻrtacha” soʻzlari chiqarib tashlansin;

6-bandning birinchi xatboshidan, V boʻlimning nomidan, 18 — 23-bandlardan “va oʻrtacha” soʻzlari chiqarib tashlansin;

11-band quyidagi tahrirda bayon qilinsin:

“11. Ishchi komissiyalar buyurtmachining qarorlari (buyruqlari) bilan tayinlanadi. Ishchi komissiyalar tarkibiga qabul qilinayotgan obyektdan foydalanish yuklangan buyurtmachi, Vazirlar Mahkamasi huzuridagi Yoʻl-qurilish ishlari sifatini nazorat qilish Davlat inspeksiyasi, Qoraqalpogʻiston Respublikasi Vazirlar Kengashi va viloyatlar hokimliklari, pudrat tashkilotlari (subpudrat tashkilotlari), yoʻl tashkiloti, loyiha tashkiloti va boshqa manfaatdor tashkilotlarning vakillari kiradi”;

12-bandning yettinchi xatboshidagi “Oʻzbekiston Respublikasi “Davarxitektqurilish” qoʻmitasi davlat arxitektura-qurilish nazorati hududiy inspeksiyalari” soʻzlari “Oʻzbekiston Respublikasi Vazirlar Mahkamasi huzuridagi Yoʻl-qurilish ishlari sifatini nazorat qilish Davlat inspeksiyasi” soʻzlari bilan almashtirilsin;

14-band quyidagi tahrirda bayon qilinsin:

“14. Qurish va rekonstruksiya qilish tugallangan obyektlarni qabul qilib olish boʻyicha davlat komissiyasi obyektni qurish va rekonstruksiya qilishni loyihalashtirishga topshiriqni tasdiqlagan organ tomonidan tashkil etiladi. Qurish va rekonstruksiya qilish tugallangan obyektlarni (yoki ularning uchastkalarini — ishga tushirish komplekslarini) qabul qilib olish boʻyicha davlat komissiyasi tarkibiga qabul qilinayotgan obyektlardan foydalanish yuklangan buyurtmachi, Oʻzbekiston Respublikasi Vazirlar Mahkamasi huzuridagi Yoʻl-qurilish ishlari sifatini nazorat qilish Davlat inspeksiyasi, mahalliy davlat hokimiyati organlari, pudrat tashkilotlari (subpudrat tashkilotlar), yoʻl tashkiloti, loyiha tashkilotlari, Ichki ishlar vazirligining yoʻl harakati xavfsizligi davlat xizmati organlari, davlat sanitariya va yongʻin nazorati organlari (liniyadagi binolar va qoʻshimcha inshootlar boʻyicha), tabiatni muhofaza qilish organlarining vakillari, Bosh davlat mehnat texnika inspektori va boshqa manfaatdor tashkilotlarning vakillari kiradi”;

19 va 20-bandlar quyidagi tahrirda bayon qilinsin:

“19. Mukammal taʼmirlash tugallangan obyektlar buyurtmachi (rais), Oʻzbekiston Respublikasi Vazirlar Mahkamasi huzuridagi Yoʻl-qurilish ishlari sifatini nazorat qilish Davlat inspeksiyasi, Qoraqalpogʻiston Respublikasi Vazirlar Kengashi va viloyatlar hokimliklari, pudrat tashkilotlari, yoʻlga xizmat koʻrsatuvchi yoʻl tashkiloti, Ichki ishlar vazirligining yoʻl harakati xavfsizligi davlat xizmati organlari, loyiha tashkiloti (mualliflik nazorati) va boshqa manfaatdor tashkilotlar vakillaridan iborat tarkibda ishchi komissiyalar tomonidan foydalanishga qabul qilinadi.

20. Mukammal taʼmirlash tugallangan obyektlarni qabul qilib olishda pudrat tashkiloti ishchi komissiyaga loyiha-smeta hujjatlarini, yopilib ketadigan ishlar dalolatnomalarini, qurilish materiallari sinovlari jurnallari va dalolatnomalarini va nazorat namunalarini, muvofiqlik sertifikatlarini, ishlarni bajarish va mualliflik nazorati jurnallarini, Vazirlar Mahkamasi huzuridagi Yoʻl-qurilish ishlari sifatini nazorat qilish Davlat inspeksiyasining mulohazalarini bartaraf etish dalolatnomalarini taqdim etishga majburdir.

Komissiya tomonidan bajarilgan ishlar hajmlari va turlarining tasdiqlangan loyihaga, shaharsozlik normalariga, ishlarni bajarish qoidalari va standartlariga muvofiqligi; Vazirlar Mahkamasi huzuridagi Yoʻl-qurilish ishlari sifatini nazorat qilish Davlat inspeksiyasining mulohazalari bartaraf etilishi; zarur nazorat oʻlchovlari va laboratoriya sinovlari oʻtkazilgan holda ishlarning sifati; bajarilgan ishlar hajmlari va turlarining tasdiqlangan loyihaga, standartlarga, qurilish normalariga va ishlarni bajarish qoidalariga muvofiqligi tekshiriladi.

Bajarilgan ishlar natijalari ushbu Nizomga 5-ilovaga muvofiq shakl boʻyicha mukammal taʼmirlash tugallangan obyektni foydalanishga qabul qilib olish toʻgʻrisida ishchi komissiyaning dalolatnomasida aks ettiriladi. Dalolatnomaga oʻlchov vedomostlari, laboratoriya sinovlari natijalari va ijro hujjatlari ilova qilinadi”;

21-bandning birinchi xatboshidan “(oʻrtacha)” soʻzi chiqarib tashlansin;

5-ilovada:

“(oʻrtacha)” soʻzi chiqarib tashlansin;

“Davarxitektqurilish” qoʻmitasining hududiy inspeksiyasi vakili” soʻzlari “Oʻzbekiston Respublikasi Vazirlar Mahkamasi huzuridagi Yoʻl-qurilish ishlari sifatini nazorat qilish Davlat inspeksiyasining davlat inspektorlari” soʻzlari bilan almashtirilsin.

6. Vazirlar Mahkamasining “Oʻzbekiston Respublikasi favqulodda vaziyatlarda ularning oldini olish va harakat qilish davlat tizimini yanada takomillashtirish toʻgʻrisida” 2011-yil 24-avgustdagi 242-son qaroriga 3-ilovadagi “Oʻzavtoyoʻl” avtomobil yoʻllarini qurish va ulardan foydalanish davlat-aksiyadorlik kompaniyasi” soʻzlari “Oʻzbekiston Respublikasi Avtomobil yoʻllari davlat qoʻmitasi” soʻzlari bilan almashtirilsin.

7. Vazirlar Mahkamasining “Obyektlarni markazlashtirilgan manbalar hisobiga qurishda yagona buyurtmachi xizmatlari xodimlarining mehnatiga haq toʻlash tizimini takomillashtirish toʻgʻrisida” 2014-yil 16-maydagi 124-son qaroriga (Oʻzbekiston Respublikasi QT, 2014-y., 5-son, 48-modda) ilovaning izohi quyidagi tahrirda bayon qilinsin:

“* Yagona buyurtmachi xizmatlari uchun Oʻzbekiston Respublikasi Prezidenti Devonining Ishlar boshqarmasi, Milliy xavfsizlik xizmatining Davlat chegaralarini himoya qiluvchi qoʻmitasi, Oʻzbekiston Respublikasi Ichki ishlar vazirligi va Mudofaa vazirligi tomonidan investitsiya loyihalarini moliyalashtirish hajmlaridan qatʼi nazar, 2,0 miqdorida oshirilgan koeffitsiyent qoʻllaniladi.

Ushbu oshirilgan koeffitsiyentlar Oʻzbekiston Respublikasi Avtomobil yoʻllari davlat qoʻmitasi huzuridagi “Umumiy foydalanishdagi avtomobil yoʻllarini qurish va rekonstruksiya qilish boʻyicha Direksiya” davlat unitar korxonasi va Qoraqalpogʻiston Respublikasi va viloyatlar avtomobil yoʻllari boʻyicha hududiy bosh boshqarmalari huzuridagi “Mintaqaviy avtomobil yoʻllari boʻyicha buyurtmachi xizmati” DUKning rahbar xodimlari va mutaxassislari uchun ham qoʻllaniladi;

** Oshirilgan koeffitsiyent miqdori moliyalashtirishning barcha manbalari boʻyicha investitsiya loyihalari hajmlariga oʻzgartirishlar kiritilgandan keyin navbatdagi oydan boshlab qayta koʻrib chiqiladi”.

8. Vazirlar Mahkamasining 2014-yil 14-avgustdagi 231-son qarori (Oʻzbekiston Respublikasi QT, 2014-y., 8-son, 87-modda) bilan tasdiqlangan Hududlarning davlat kadastrini yuritish tartibi toʻgʻrisidagi nizomda:

a) 15-bandning 19-kichik bandidagi “Oʻzavtoyoʻl” davlat-aksiyadorlik kompaniyasi” soʻzlari “Oʻzbekiston Respublikasi Avtomobil yoʻllari davlat qoʻmitasi” soʻzlari bilan almashtirilsin;

b) 1-ilovadagi “Oʻzavtoyoʻl” davlat-aksiyadorlik kompaniyasi” soʻzlari “Oʻzbekiston Respublikasi Avtomobil yoʻllari davlat qoʻmitasi” soʻzlari bilan almashtirilsin.

9. Vazirlar Mahkamasining “Oʻzbekiston Respublikasi Vazirlar Mahkamasining markazlashtirilgan investitsiyalar hisobiga moliyalashtiriladigan investitsiya loyihalarini loyihalashtirish ishlarini va ekspertizadan oʻtkazishni takomillashtirishga doir qoʻshimcha chora-tadbirlar toʻgʻrisida” 2016-yil 22-yanvardagi 15-son qarorining 7-bandi ikkinchi xatboshi (Oʻzbekiston Respublikasi QT, 2016-y., 1-son, 6-modda) quyidagi tahrirda bayon qilinsin:

“Oʻzpoʻlatqurilmaloyiha” MCHJni belgilangan tartibda “Oʻzogʻirsanoatloyiha” AKga birlashtirish toʻgʻrisida”.

10. Vazirlar Mahkamasining 2016-yil 7-oktabrdagi 336-son qarori (Oʻzbekiston Respublikasi QT, 2016-y., 10-son, 89-modda) bilan tasdiqlangan Rahbarlari xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat va xoʻjalik boshqaruvi organlari, respublika ahamiyatiga molik boshqa davlat tashkilotlari roʻyxatining 55-bandi quyidagi tahrirda bayon qilinsin:

“55. Oʻzbekiston Respublikasi Avtomobil yoʻllari davlat qoʻmitasi”.

11. Vazirlar Mahkamasining 2012-yil 13-martdagi 171-f-son farmoyishining 2-bandiga “Oʻzbekiston Respublikasi Moliya vazirligining axborot tizimi” soʻzlaridan keyin “, shuningdek Oʻzbekiston Respublikasi Moliya vazirligi egallab turgan binolarda joylashtiriladigan va Vazirlikning tashkiliy tuzilmasiga kirmaydigan tashkilotlar” soʻzlari qoʻshilsin.

12. Vazirlar Mahkamasining 2016-yil 30-noyabrdagi 893-f-son farmoyishiga 2-ilovaning 1.1.5.1-bandidagi “shu jumladan Moliya vazirligi huzuridagi Respublika yoʻl jamgʻarmasi obyektlari ehtiyojlari uchun” soʻzlari “shu jumladan Oʻzbekiston Respublikasi Avtomobil yoʻllari davlat qoʻmitasi obyektlari ehtiyojlari uchun” soʻzlari bilan almashtirilsin.

13. Vazirlar Mahkamasining 2017-yil 15-apreldagi 221-son qarori bilan tasdiqlangan Oʻzbekiston Respublikasi Avtomobil yoʻllari davlat qoʻmitasi toʻgʻrisidagi nizomning 18-bandi quyidagi tahrirda bayon qilinsin:

“18. Raisning Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan toʻrt nafar oʻrinbosari, shu jumladan bir nafar birinchi oʻrinbosari boʻladi”.

14. Vazirlar Mahkamasining 2017-yil 17-apreldagi 222-son qarori bilan tasdiqlangan Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi toʻgʻrisidagi nizomning 48-bandi quyidagi tahrirda bayon qilinsin:

“48. Ijro etuvchi direksiyaga Oʻzbekiston Respublikasi Prezidenti bilan kelishilgan holda Oʻzbekiston Respublikasi Vazirlar Mahkamasining qarori bilan lavozimga tayinlanadigan va lavozimdan ozod etiladigan ijro etuvchi direktor boshchilik qiladi va maqomi boʻyicha vazir oʻrinbosariga tenglashtiriladi”.

1. Vazirlar Mahkamasining “Oʻzavtoyoʻl” davlat-aksiyadorlik kompaniyasi va Oʻzbekiston Respublikasi Moliya vazirligi huzuridagi Respublika yoʻl jamgʻarmasi faoliyatini tashkil etish masalalari toʻgʻrisida” 2003-yil 21-avgustdagi 361-son qarori (Oʻzbekiston Respublikasi QT, 2003-y., 8-son, 74-modda).

2. Vazirlar Mahkamasining “Qizilqumnodirmetalloltin” davlat konsernini tugatish va Navoiy kon-metallurgiya kombinati faoliyatini tashkil etish masalalari toʻgʻrisida” 2004-yil 19-maydagi 237-son qaroriga 4-ilovaning 10-bandi.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2005-yil 15-fevraldagi 64-son qaroriga ilovaning 2-bandi (Oʻzbekiston Respublikasi QT, 2005-y., 2-son, 10-modda).

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2006-yil 24-martdagi 51-son qaroriga ilovaning 13-bandi (Oʻzbekiston Respublikasi QT, 2006-y., 3-son, 23-modda).

5. Vazirlar Mahkamasining “Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida” 2010-yil 5-iyundagi 108-son qaroriga ilovaning 26-bandi (Oʻzbekiston Respublikasi QT, 2010-y., 6-son, 27-modda).

6. Vazirlar Mahkamasining “Oʻzavtoyoʻl” DAKni moliyaviy-iqtisodiy sogʻlomlashtirish chora-tadbirlar toʻgʻrisida” 2013-yil 13-martdagi 76-son qarori.

7. Vazirlar Mahkamasining “Transyoʻlqurilish kompaniyasi” davlat unitar korxonasining ishlab chiqarish quvvatlarini yanada rivojlantirish chora-tadbirlari toʻgʻrisida” 2016-yil 25-fevraldagi 52-son qarori.

8. Vazirlar Mahkamasining “Oʻzavtoyoʻl” DAK iqtisodiy nochor korxonalarini moliyaviy sogʻlomlashtirish boʻyicha dasturlar — “yoʻl xaritalari”ni tasdiqlash toʻgʻrisida” 2014-yil 9-iyundagi 149-son qarori.

9. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzi qarorlarini oʻz kuchini yoʻqotgan deb hisoblash toʻgʻrisida” 2016-yil 22-dekabrdagi 412-son qaroriga 1-ilovaning 1-bandi.