Oʻzbekiston Respublikasi Prezidentining “2017 — 2019-yillar davrida dehqon bozorlarini rekonstruksiya qilish va ularning hududida zamonaviy savdo majmualari qurish dasturini tasdiqlash toʻgʻrisida” 2017-yil 27-martdagi PQ-2853-son qarorining 20-bandiga muvofiq Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining ilovaga muvofiq ayrim qarorlariga oʻzgartirishlar va qoʻshimcha kiritilsin.

2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qaror talablariga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — qishloq va suv xoʻjaligi vaziri Z.T. Mirzayev zimmasiga yuklansin.

1. Vazirlar Mahkamasining 2012-yil 28-avgustdagi 253-son qarorida (Oʻzbekiston Respublikasi QT, 2012-y., 8-son, 61-modda):

a) Oʻzbekiston Respublikasi bozorlarida savdo faoliyatini tashkil etish qoidalarida:

28-bandning ikkinchi xatboshiga “Bozor hududida yer uchastkalari ajratishga” soʻzlaridan keyin (dehqon (oziq-ovqat) bozorlari hududida qonun hujjatlariga muvofiq zamonaviy savdo majmualari qurish uchun yer uchastkalari ajratish bundan mustasno)” soʻzlari qoʻshilsin;

38-bandda:

quyidagi mazmundagi beshinchi xatboshi qoʻshilsin:

“avtotransport vositalarining vaqtincha saqlash xizmatlari koʻrsatishdan tushgan daromadlar”;

beshinchi va oltinchi xatboshilar tegishli ravishda oltinchi va yettinchi xatboshilar deb hisoblansin;

42-bandning ikkinchi xatboshiga “100 ta va undan koʻp turgʻun” soʻzlaridan keyin “(dehqon (oziq-ovqat) bozorlari uchun 50 ta va undan ortiq savdo oʻrinlari)” soʻzlari qoʻshilsin;

46-bandning birinchi xatboshidagi “biroq har yili Oʻzbekiston Respublikasi Moliya vazirligi va Davlat soliq qoʻmitasi tomonidan belgilanadigan eng kam miqdorlardan past boʻlmagan miqdorda” soʻzlari chiqarib tashlansin;

b) Oʻzbekiston Respublikasida savdo komplekslari faoliyatini tashkil etish qoidalarining 37-bandidagi “biroq har yili Oʻzbekiston Respublikasi Moliya vazirligi va Davlat soliq qoʻmitasi tomonidan belgilanadigan eng kam miqdorlardan past boʻlmagan miqdorda” soʻzlari chiqarib tashlansin.

2. Vazirlar Mahkamasining 2013-yil 31-iyuldagi 213-son qarori (Oʻzbekiston Respublikasi QT, 2013-y., 7-son, 48-modda) bilan tasdiqlangan Avtomototransport vositalarini doimiy va vaqtincha saqlash joylarini tashkil etish va ulardan foydalanish tartibi toʻgʻrisidagi Nizomning 23-bandiga “vaqtincha saqlash” soʻzlaridan keyin “(avtotransport vositalarining dehqon (oziq-ovqat) bozorlarining avtomobillar toʻxtash joyida vaqtincha toʻxtab turishi bundan mustasno)” soʻzlari qoʻshilsin.