Oʻzbekiston Respublikasi Oliy Majlisining Senati qaror qiladi:

1. Oʻzbekiston Respublikasi Oliy Majlisi Senati Kengashining quyidagi qarorlari tasdiqlansin:

2015-yil 30-dekabrda qabul qilingan “Oʻzbekiston Respublikasining Qozogʻiston Respublikasidagi Favqulodda va Muxtor Elchisi lavozimiga tayinlash toʻgʻrisida”gi;

2016-yil 26-yanvarda qabul qilingan “Oʻzbekiston Respublikasi Oliy Majlisi Senatining 2015-yildagi faoliyati toʻgʻrisidagi hisobot haqida”gi;

2016-yil 29-yanvarda qabul qilingan “Agrar, suv xoʻjaligi masalalari va ekologiya qoʻmitasi aʼzosi B. Yusupov toʻgʻrisida”gi;

2016-yil 4-fevralda qabul qilingan “Qonunchilik va sud-huquq masalalari qoʻmitasi aʼzosi A. Usmanov toʻgʻrisida”gi;

2016-yil 10-fevralda qabul qilingan “Oʻzbekiston Respublikasining Rossiya Federatsiyasidagi Favqulodda va Muxtor Elchisi lavozimiga tayinlash toʻgʻrisida”gi;

2016-yil 15-fevralda qabul qilingan “Vazirlar Mahkamasining “2015-yilda respublikani ijtimoiy-iqtisodiy rivojlantirish yakunlari va iqtisodiyotni yanada isloh qilishni chuqurlashtirish, tarkibiy oʻzgartirishlar va modernizatsiyalash boʻyicha 2016-yilgi iqtisodiy dasturning eng muhim ustuvor vazifalari toʻgʻrisida”gi har yilgi maʼruzasi haqida”gi;

2016-yil 9-martda qabul qilingan “Andijon viloyati Jalolquduq tumanining va Andijon viloyati Jalolquduq tumani Oxunboboyev shahrining nomini oʻzgartirish toʻgʻrisida”gi;

2016-yil 22-martda qabul qilingan “Oʻzbekiston Respublikasining Turkmanistondagi Favqulodda va Muxtor Elchisini lavozimidan ozod qilish toʻgʻrisida”gi;

2016-yil 30-martda qabul qilingan “Qonunchilik va sud-huquq masalalari qoʻmitasi tarkibiga oʻzgartirish kiritish toʻgʻrisida”gi;

2016-yil 30-martda qabul qilingan “Budjet va iqtisodiy islohotlar masalalari qoʻmitasi raisi F. Umarov toʻgʻrisida”gi.

2. Ushbu qaror qabul qilingan kundan eʼtiboran kuchga kiradi.