Vazirlar Mahkamasining 2004-yil 26-fevraldagi 90-sonli qarori bilan tasdiqlangan Oʻzbekiston Respublikasi Parvozlar xavfsizligini nazorat qilish davlat inspeksiyasi toʻgʻrisidagi nizomga muvofiq buyuraman:

1. Oʻzbekiston Respublikasi parvozlar xavfsizligini nazorat qilish davlat inspeksiyasi boshligʻining 2007-yil 20-sentabrdagi 145-sonli buyrugʻi (roʻyxat raqami 1733, 2007-yil 26-oktabr) (Oʻzbekiston Respublikasi qonun hujjatlari toʻplami, 2007-y., 43-son, 439-modda) bilan tasdiqlangan Oʻzbekiston Respublikasi aviatsiya qoidalari “Oʻzbekiston Respublikasi fuqaro aviatsiyasi bort kuzatuvchilarining ishlarini tashkil etish qoidalari”ga (OʻzR AQ-95) ilovaga muvofiq oʻzgartirish va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 25-band quyidagi mazmundagi “k¹” kichik band bilan toʻldirilsin:

“k¹) malakasini oshirish va ushlab turish.”.

2. 56, 60 va 67-bandlardagi “ikki yilda bir marta” degan soʻzlar “bir yilda bir marta” degan soʻzlar bilan almashtirilsin.