Oʻzbekiston Respublikasi Hisob palatasining 2015-yildagi faoliyati toʻgʻrisidagi hisobotni koʻrib chiqib, Oʻzbekiston Respublikasi Konstitutsiyasining 78-moddasiga hamda “Oʻzbekiston Respublikasi Oliy Majlisi Senati toʻgʻrisida”gi Oʻzbekiston Respublikasi Konstitutsiyaviy Qonunining 8-moddasiga muvofiq Oʻzbekiston Respublikasi Oliy Majlisining Senati qaror qiladi:

1. Oʻzbekiston Respublikasi Oliy Majlisi Qonunchilik palatasining 2016-yil 24-fevraldagi “Oʻzbekiston Respublikasi Hisob palatasining 2015-yilgi hisoboti toʻgʻrisida”gi 386-III-sonli Qarori maʼlumot uchun qabul qilinsin.

2. Oʻzbekiston Respublikasi Hisob palatasining 2015-yildagi faoliyati toʻgʻrisidagi hisobot tasdiqlansin.

3. Ushbu qaror Oʻzbekiston Respublikasi Oliy Majlisining Qonunchilik palatasiga yuborilsin.

4. Ushbu qaror qabul qilingan kundan eʼtiboran kuchga kiradi.