LexUZ sharhi
Mazkur qaror O‘zbekiston Respublikasi Vazirlar Mahkamasining 2001-yil 22-sentabrdagi 383-sonli “O‘zbekiston Respublikasi sudlari faoliyatini yanada takomillashtirish chora-tadbirlari to‘g‘risida”gi qaroriga muvofiq o‘z kuchini yo‘qotgan.
“Sudlar to‘g‘risida”gi O‘zbekiston Respublikasining Qonuniga muvofiq hamda sudyalarning mustaqilligini yanada mustahkamlash, sudlar faoliyatini tashkiliy, moddiy-texnika jihatidan va moliyaviy ta’minlashni takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Adliya vazirligi huzurida maxsus vakolatli organ – Sudlar faoliyatini tashkiliy, moddiy-texnika jihatidan va moliyaviy ta’minlash departamenti (keyingi o‘rinlarda Departament deb ataladi) va uning joylardagi bo‘linmalari (bo‘limlari) tashkil etilsin.
Departament yuridik shaxs hisoblanadi va o‘z faoliyati to‘g‘risida O‘zbekiston Respublikasi Adliya vaziriga hisob beradi.
Departamentga O‘zbekiston Respublikasi Vazirlar Mahkamasi tomonidan lavozimga tayinlanadigan Departament direktori – Adliya vazirining o‘rinbosari rahbarlik qiladi.
sudlarni tashkil etish masalalari yuzasidan takliflar ishlab chiqish va ularni O‘zbekiston Respublikasi Prezidentining muhokamasiga kiritish;
tegishli Sudyalar malaka hay’atlari tavsiyanomalari asosida kadrlarni tanlash va sudya lavozimlariga tavsiya etish masalalarini hal etish uchun zarur materiallarni tayyorlash hamda O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasiga taqdim etish, Komissiya topshirig‘iga binoan sudlarni tashkiliy-texnika jihatidan ta’minlash bo‘yicha boshqa vazifalarni amalga oshirish;
qabul qilingan sud qarorlari, shuningdek boshqa organlar qarorlari so‘zsiz bajarilishini ta’minlash, sud ijrochisi, sud majlisi kotibi kadrlarini tanlash va joy-joyiga qo‘yish, ularning samarali faoliyatini tashkil etish yuzasidan tizimli ishlarni amalga oshirish;
sudlarni moddiy-texnika jihatidan va moliyaviy ta’minlash hamda ularning faoliyati uchun zarur sharoitlar yaratish ishlarini tashkil etish;
xalq maslahatchilari saylovlarini tayyorlash va o‘tkazish hamda ularni o‘qitish ishlarini tashkil etish va ularning samaradorligini oshirish;
3. Departament to‘g‘risidagi Nizom, Departamentning shtatdagi xodimlari soni 31 nafardan iborat bo‘lgan markaziy apparati tuzilmasi, xodimlari soni 109 nafardan iborat bo‘lgan joylardagi bo‘limlari tuzilmasi 1—4-ilovalarga muvofiq tasdiqlansin.
Departamentning hududiy bo‘limlari bevosita Departamentga bo‘ysunishi, Departament tomonidan shakllantirilishi va mablag‘ bilan ta’minlanishi belgilab qo‘yilsin.
Belgilansinki, Departament va uning joylardagi bo‘limlari O‘zbekiston Respublikasi Adliya vazirligining, Qoraqalpog‘iston Respublikasi Adliya vazirligining, viloyatlar va Toshkent shahar adliya boshqarmalarining mavjud shtatdagi xodimlari soni hisobiga tashkil etiladi.
Departament tashkil etilishi munosabati bilan O‘zbekiston Respublikasi Adliya vazirligining Sudlar faoliyatini tashkiliy ta’minlash boshqarmasi, Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalarining tegishli bo‘limlari tugatilsin.
sudlarning joriy faoliyatini moliyalashtirish va moddiy-texnika jihatidan ta’minlash, ularning binolarini qurish, xarajatlarini ta’minlash va qo‘riqlash Departament tomonidan respublika budjeti, shuningdek O‘zbekiston Respublikasi Adliya muassasalari va sudlarni rivojlantirish jamg‘armasi mablag‘lari hisobiga amalga oshiriladi;
Departament direktori sudlarni navbatdagi moliya yilida moliyalashtirish to‘g‘risidagi takliflarni bevosita O‘zbekiston Respublikasi Hukumatiga taqdim etadi;
Departament budjet moliyaviy mablag‘lari taqsimlanishini hamda ularning O‘zbekiston Respublikasi Moliya vazirligi va Markaziy banki tomonidan belgilanadigan tartibda tegishli bank tuzilmalari orqali sudlarga yetkazilishini ta’minlaydi.
O‘zbekiston Respublikasi Moliya vazirligi har yilgi budjetlarni shakllantirishda respublika budjetida Departament va sudlar faoliyatini moliyalashtirish uchun alohida satrda zarur budjet mablag‘lari ajratishni nazarda tutsin.
bir oy muddatda O‘zbekiston Respublikasi Adliya vazirligi markaziy apparatining, Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalarining yangi tashkiliy-shtat tuzilmasini, shuningdek O‘zbekiston Respublikasi Adliya vazirligi to‘g‘risidagi Nizomni tayyorlasin va ko‘rib chiqish uchun Vazirlar Mahkamasiga kiritsin;
ikki hafta muddatda O‘zbekiston Respublikasi Moliya vazirligi bilan birgalikda 2001-yil uchun tasdiqlangan xarajatlar smetalariga tegishli o‘zgartirishlar kiritsin;
bir oy muddatda O‘zbekiston Respublikasi Ichki ishlar vazirligi bilan birgalikda sudyalarning hamda sud protsesslari qatnashchilarining xavfsizligini ta’minlash tartibini ishlab chiqsin;
ikki oy muddatda Toshkent shahar hokimligi bilan birgalikda Departamentning tegishli binoga joylashtirilishini ta’minlasin, beriladigan bino joylashgan yer uchastkasidan foydalanish huquqini belgilangan tartibda rasmiylashtirsin;
Departamentning qulay o‘rnashishini, kompyuter texnikasi va boshqa zarur moddiy-texnika vositalari bilan jihozlanishini ta’minlasin.
6. Sudlar faoliyatini tashkiliy, moddiy-texnika jihatidan va moliyaviy ta’minlash departamenti sudlar faoliyatini o‘rganish asosida bir oy muddatda sudyalar va sudlar apparati xodimlariga ilmiy asoslangan ish yuklamalari normativlarini, sud ijrochilari va sud majlisi kotiblari faoliyatini takomillashtirish, ish yuklamalarini va ular tomonidan bajarilayotgan ishlar hajmini hisobga olgan holda sudlarni toifalashtirish yuzasidan takliflarni ishlab chiqsin va ko‘rib chiqish uchun kiritsin.
7. O‘zbekiston Respublikasi Moliya vazirligi Departamentga ikkita yengil avtomobil ta’minoti uchun limit ajratsin.
8. Mazkur qarorning bajarilishini nazorat qilish O‘zbekiston Respublikasi Prezidentining Davlat maslahatchisi T. Xudoybergenov zimmasiga yuklansin.
1. Mazkur Nizom maxsus vakolatli organ — O‘zbekiston Respublikasi Adliya vazirligi huzuridagi Sudlar faoliyatini tashkiliy, moddiy-texnika jihatidan va moliyaviy ta’minlash departamentining (keyingi o‘rinlarda Departament deb ataladi) asosiy vazifalari va vakolatlarini belgilaydi.
2. Departament o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisining qarorlariga, O‘zbekiston Respublikasi Prezidentining farmonlari, qarorlari, farmoyishlariga, O‘zbekiston Respublikasi Vazirlar Mahkamasining qarorlariga, shuningdek mazkur Nizomga amal qiladi.
3. Departament yuridik shaxs hisoblanadi va o‘z faoliyati to‘g‘risida O‘zbekiston Respublikasi Adliya vaziriga hisob beradi.
4. Departament Qoraqalpog‘iston Respublikasi fuqarolik ishlari bo‘yicha Oliy sudi, viloyatlar va Toshkent shahar, tumanlararo, tuman (shahar) fuqarolik ishlari bo‘yicha sudlari, Qoraqalpog‘iston Respublikasi jinoyat ishlari bo‘yicha Oliy sudi, viloyatlar, Toshkent shahar, tuman (shahar) jinoyat ishlari bo‘yicha sudlari (keyingi o‘rinlarda Sudlar deb ataladi) faoliyatini, sudyalarning mustaqilligi va ularning faqat qonunga bo‘ysunishi prinsiplariga qat’iy rioya qilingan holda, moddiy-texnika jihatidan va moliyaviy ta’minlashni amalga oshiradi.
5. Sudlarni moliyalashtirish va moddiy-texnika jihatidan ta’minlash, ularning binolarini qo‘riqlash va xarajatlarini ta’minlash Departament tomonidan respublika budjeti hamda O‘zbekiston Respublikasi Adliya muassasalari va sudlarni rivojlantirish jamg‘armasi mablag‘lari hisobiga amalga oshiriladi. Departamentga davlat budjetidan ajratiladigan mablag‘lar budjetda alohida satrda ko‘rsatiladi.
sudlarni tashkil etish masalalari yuzasidan takliflar ishlab chiqadi va ularni O‘zbekiston Respublikasi Prezidenti muhokamasiga kiritadi;
tegishli sudyalar malaka hay’ati tavsiyanomalari asosida O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasiga sudya lavozimiga kadrlarni tanlash va tavsiya etish masalalarini hal etish uchun zarur materiallarni (ariza, fikrnoma, xulosa, ma’lumotnoma va boshqa hujjatlarni) taqdim etadi;
O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasining topshirig‘iga binoan sudlarni tashkiliy-texnika jihatidan ta’minlash, shuningdek sudlarning kadrlari malakasini oshirish, bu sohadagi xalqaro tajribani o‘rganish va uni amaliy faoliyatga joriy etish masalalari bilan bog‘liq boshqa topshiriqlarni bajaradi;
qabul qilingan sud qarorlari, shuningdek boshqa organlar qarorlari so‘zsiz bajarilishini ta’minlash bo‘yicha tizimli ishlarni amalga oshiradi. Sud ijrochilari, sud majlisi kotiblari kadrlarini tanlash va joy-joyiga qo‘yishni amalga oshiradi va ularning malakasi oshirilishi uchun hamda ular tomonidan lavozim vazifalari bajarilishi uchun javob beradi;
sudyalar va sudlar apparati xodimlarining ilmiy asoslangan ish yuklamalari normativlarini ishlab chiqadi, sudlarning kadrlarga bo‘lgan ehtiyojini o‘rganadi;
xalq maslahatchilarini tanlash va ularni saylash ishlarini tashkil etadi, shuningdek ularni o‘qitadi;
sudyalar va sudlar apparati xodimlarining mehnat, moddiy va ijtimoiy ta’minot sharoitlarini yaxshilash yuzasidan takliflar ishlab chiqadi va ularni tegishli organlarga kiritadi;
sudlarni moliyalashtirish to‘g‘risida takliflar ishlab chiqadi va ularni O‘zbekiston Respublikasi Vazirlar Mahkamasiga kiritadi;
sudlarga ajratilgan mablag‘larni taqsimlaydi va ularning shtat jadvallarini tasdiqlaydi, ajratilayotgan mablag‘larning maqsadli foydalanilishini nazorat qiladi;
sudlarni moddiy-texnika jihatidan ta’minlaydi va uni takomillashtirish yuzasidan takliflar tayyorlaydi, sudlarni texnika, jihozlar, avtotransport, mebel va boshqa zarur vositalar bilan ta’minlash choralarini ko‘radi;
sudlar binolarini qurish va ta’mirlash uchun ajratilgan kapital mablag‘lar o‘zlashtirilishini ta’minlaydi, shuningdek ularning loyihalashtirilishi va qurilishini nazorat qiladi;
ichki ishlar organlari bilan birgalikda sudyalar va sud protsesslarining xavfsizligini ta’minlash uchun zarur bo‘lgan shart-sharoitlarni yaratish yuzasidan tadbirlar ishlab chiqadi va ularni amalga oshiradi;
sudlar faoliyatini zarur darajada ta’minlash masalalari yuzasidan huquqni muhofaza qilish organlari va boshqa organlar bilan o‘zaro hamkorlik qiladi;
Departament o‘z vakolatlari doirasida davlat organlari va boshqa organlardan, korxonalar, mussasalar, tashkilotlardan, mansabdor shaxslardan zarur hujjatlarni va axborotni so‘rashga haqli.
7. Sudyalar lavozimiga tavsiya etish uchun nomzodlar zaxirasini shakllantirish va ularni tanlash bo‘yicha takliflar tayyorlash ishlari sudyalarning malaka hay’atlari, Departament va uning joylardagi bo‘limlari, O‘zbekiston Respublikasi Prezidenti huzuridagi Sudyalar lavozimiga tanlash va tavsiya etish oliy malaka komissiyasi tomonidan amalga oshiriladi.
8. Sudya kadrlar zaxirasini shakllantirish, shaxslarni sudyalar lavozimiga tavsiya etish bilan bog‘liq barcha materiallarni dastlabki (birinchi daraja) ko‘rib chiqish sudyalar malaka hay’ati tomonidan amalga oshiriladi. Sudyalar malaka hay’atlari Departamentning joylardagi bo‘limlari bilan o‘zaro hamkorlikda sudlarning, huquqni muhofaza qilish organlari, muassasalar va tashkilotlarning, eng yaxshi tayyorgarlik ko‘rgan, yuqori malakali huquqshunos xodimlaridan, sudyalar jamoat birlashmalari a’zolaridan nomzodlar tanlaydilar, ularning malakasini, ma’naviy va ishchanlik fazilatlarini o‘rganishni tashkil etadilar, malaka imtihonlari o‘tkazadilar.
Zaxiraga kiritish yoki sudyalarning aniq bo‘sh lavozimlariga tavsiya qilinayotgan nomzodlar bo‘yicha takliflar sudyalarning tegishli malaka hay’atlari tomonidan Departamentning joylardagi bo‘limlariga yuboriladi. Sudyalarning har bir mavjud bo‘sh lavozimiga kamida 2-3 nomzod taklif etiladi.
9. Departament va uning joylardagi bo‘limlarining sudyalar malaka hay’atlari takliflarini umumlashtirishga doir faoliyati sudya xodimlar zaxirasini shakllantirish va bo‘sh sudya lavozimlariga tayinlash uchun takliflar tayyorlash ishining ikkinchi bosqichini tashkil etadi.
Departamentning joylardagi bo‘limlari sudyalar malaka hay’atlaridan tushgan takliflar va materiallarni umumlashtiradilar, o‘rganadilar hamda sudyalar kadrlari zaxirasiga kiritish yoxud aniq lavozimga tavsiya etilgan har bir nomzod bo‘yicha o‘z xulosalari bilan birga ko‘rsatib o‘tilgan materiallarni Departamentga yuboradilar.
Departament sudyalar malaka hay’atlarining takliflari va tavsiyalarini o‘zida to‘playdi, ularni bundan keyingi o‘rganishni tashkil etadi, sudyalar lavozimiga nomzodlarning statistika va shaxsiy hisobini yuritadi. Sudya lavozimiga kadrlar tanlash va tavsiya etish masalasini hal etish uchun zarur materiallarni tayyorlaydi hamda O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasiga taqdim etadi. Bo‘sh lavozimlarni egallashga nomzodlar muqobil asosda ko‘rsatiladi – bo‘sh lavozimga kamida 2-3 nomzod taklif etiladi.
Sudyalar malaka hay’atlarining materiallari, takliflari, tavsiyanomalari, Departamentning tavsiyanomalari sudyalarni xolis va samarali tanlash, ularni o‘rganish hamda keyinchalik O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasida ko‘rib chiqish uchun zarur bo‘lgan kadrlar to‘g‘risidagi axborotlar majmuini tashkil etadi.
10. O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasi qonunga muvofiq kadrlarni sudyalar lavozimiga tayinlash uchun tavsiyanomalar tayyorlaydigan oxirgi instansiya hisoblanadi.
Departament nomzodlarga materiallar bilan birgalikda O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasiga sudya lavozimlariga bo‘sh joylar borligi va vakolatlari muddati tugayotgan sudyalar to‘g‘risidagi ma’lumotlarni, zaxiraga kiritish uchun yoki bo‘sh lavozimlarga taklif qilingan, biroq komissiyaning ko‘rib chiqishi uchun kiritilmagan nomzodlar to‘g‘risidagi ma’lumotlarni tegishli sabablari ko‘rsatilgan va tushuntirishlar berilgan holda taqdim etadi.
11. Vakolatlari muddatlari tugayotgan tumanlararo, tuman (shahar) sudlariga, shuningdek fuqarolik va jinoyat ishlari bo‘yicha Qoraqalpog‘iston Respublikasi oliy sudlari sudyalariga, fuqarolik va jinoyat ishlari bo‘yicha viloyat va Toshkent shahar sudlariga, harbiy sudlarga nisbatan ularni yangi muddatga ko‘rsatish to‘g‘risidagi masala sudyalarning tegishli malaka hay’atlari tomonidan ko‘rib chiqiladi. Sudyalar malaka hay’atlarining ushbu shaxslarning lavozimga muvofiqligi yoki muvofiq emasligi hamda ularni yangi muddatga tayinlash mumkinligi to‘g‘risidagi xulosalari Departamentga yuboriladi. Departament taqdim etilgan materiallarni o‘rganib chiqqandan keyin ularni o‘z xulosalari bilan birga O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasiga yuboradi.
12. Departament bo‘sh sudyalar lavozimlari o‘z vaqtida to‘ldirilishi, O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasiga taqdim etiladigan sudyalar kadrlari bo‘yicha materiallarning to‘liqligi va sifati uchun javob beradi.
Zaxirani shakllantirishga doir takliflar tayyorlash va sudyalar lavozimiga tavsiya etish uchun nomzodlarni tanlash ishlarini tashkil etish tartibi Departament Ish tartibi bilan belgilanadi.
13. Departamentga O‘zbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan Departament direktori – Adliya vazirining o‘rinbosari rahbarlik qiladi.
14. Departament direktori O‘zbekiston Respublikasi Adliya vaziri tomonidan lavozimga tayinlanadigan va lavozimdan ozod qilinadigan o‘rinbosarlarga ega bo‘ladi.
Departament tarkibiga bo‘lim boshliqlari, bosh, yetakchi, katta inspektorlar va mutaxassislar kiradi.
15. Departament joylarda (Qoraqalpog‘iston Respublikasi, viloyatlar va Toshkent shahrida) hududiy bo‘limlarga ega, ular sud qarorlarini va boshqa organlar qarorlarini bajarish ishlarini tashkil etadilar, sudlar faoliyatini moddiy-texnika jihatidan va moliyaviy ta’minlash, shuningdek sud amaliyoti va sud statistikasini tizimli tahlil qilish ishlarini amalga oshiradilar.
Departamentning hududiy bo‘limlari yuridik shaxs hisoblanadi, bevosita Departament tomonidan shakllantiriladi va moliyalashtiriladi hamda o‘z faoliyati to‘g‘risida Departament direktoriga hisob beradi.
16. Departament tarkibiy bo‘linmalarining, shuningdek hududiy bo‘limlar boshliqlari Adliya vaziri bilan kelishilgan holda Departament direktori tomonidan lavozimga tayinlanadi va lavozimdan ozod qilinadi.
Departament apparati xodimlarini, shu jumladan joylardagi bo‘limlar xodimlarini belgilangan tartibda lavozimga tayinlaydi va lavozimdan ozod qiladi;
18. Departament direktori joyida bo‘lmagan taqdirda uning vakolatlarini o‘rinbosarlardan biri amalga oshiradi.
19. Departament direktorining o‘rinbosarlari, bo‘lim boshliqlari, bosh, yetakchi, katta inspektorlar va mutaxassislar o‘z faoliyatini Departament direktori tomonidan tasdiqlanadigan funksional vazifalarga muvofiq amalga oshiradilar.
21. Departamentni qayta tashkil etish va tugatish O‘zbekiston Respublikasi Vazirlar Mahkamasining qarori bilan amalga oshiriladi.
Departament direktori — Adliya vazirining o‘rinbosari | 1 | |
Departament direktorining o‘rinbosari | 2 | |
Departament kotibiyati | 2 | |
I. | Tashkiliy-huquqiy va kadrlar ishlari bo‘limi | 9 |
Bo‘lim boshlig‘i | 1 | |
Bosh inspektor | 3 | |
Etakchi inspektor | 4 | |
Inspektor | 1 | |
II. | Sud amaliyotini va sud statistikasini tizimli tahlil qilish bo‘limi | 4 |
Bo‘lim boshlig‘i | 1 | |
Bosh inspektor | 2 | |
Etakchi inspektor | 1 | |
III. | Sud qarorlari va boshqa organlar qarorlarini ijro etish bo‘limi | 4 |
Bo‘lim boshlig‘i | 1 | |
Bosh inspektor | 1 | |
Etakchi inspektor | 2 | |
IV. | Sudlarni moddiy-texnika jihatidan va moliyaviy ta’minlash bo‘limi | 4 |
Bo‘lim boshlig‘i | 1 | |
Mutaxassis | 3 | |
V. | Kapital qurilish va asosiy fondlardan foydalanish bo‘limi | 2 |
Bo‘lim boshlig‘i | 1 | |
Mutaxassis | 1 | |
VI. | Buxgalteriya | 3 |
Bosh buxgalter | 1 | |
Buxgalter | 1 | |
Kassir | 1 | |
Markaziy apparat bo‘yicha hammasi | 31 | |
Departament hududiy bo‘limlari | ||
Bo‘lim boshlig‘i | 14 | |
Bosh inspektor | 14 | |
Etakchi inspektor | 14 | |
Katta inspektor | 11 | |
Katta buxgalter | 14 | |
Kassir | 14 | |
Katta mutaxassis | 14 | |
Ish yurituvchi | 14 | |
Departamentning hududiy bo‘limlari bo‘yicha hammasi | 109 | |
Departament bo‘yicha jami | 140 |