Oʻzbekiston Respublikasining “Yoʻl harakati xavfsizligi toʻgʻrisida”gi Qonuni va Oʻzbekiston Respublikasi Vazirlar Mahkamasining 2015-yil 24-dekabrdagi 370-son “Yoʻl harakati qoidalarini tasdiqlash toʻgʻrisida”gi qaroriga muvofiq Oʻzbekiston avtomobil va daryo transporti agentligi, Oʻzbekiston Respublikasi Sogʻliqni saqlash vazirligi va Ichki ishlar vazirligi qaror qiladi:

1. Oʻzbekiston avtomobil va daryo transporti agentligi, Oʻzbekiston Respublikasi Sogʻliqni saqlash vazirligi va Ichki ishlar vazirligining 2014-yil 17-yanvardagi 22, 1 va 1-son qarori (roʻyxat raqami 2560, 2014-yil 19-fevral) (Oʻzbekiston Respublikasi qonun hujjatlari toʻplami, 2014-y., 8-son, 84-modda) bilan tasdiqlangan Yoʻnalishga chiqish oldidan avtotransport vositalarini texnik koʻrikdan oʻtkazish hamda yoʻlovchilar, bagaj va yuklar tashuvlarini amalga oshiradigan haydovchilarni tibbiy koʻrikdan oʻtkazishni tashkil qilish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Muqaddimadan “(Oʻzbekiston Respublikasi qonun hujjatlari toʻplami, 2013-y., 15-son, 197-modda)” va “(Oʻzbekiston Respublikasi qonun hujjatlari toʻplami, 2013-y., 46-son, 604-modda)” degan soʻzlar chiqarib tashlansin.

2. 11-bandda:

“2000-yil 11-dekabrdagi 472” degan soʻzlar “2015-yil 24-dekabrdagi 370” degan soʻzlar bilan almashtirilsin;

“(Oʻzbekiston Respublikasining Hukumati qarorlarining toʻplami, 2000-y., 12-son, 75-modda)” va “(Oʻzbekiston Respublikasi qonun hujjatlari toʻplami, 2012-y., 26-27-son, 298-modda)” degan soʻzlar chiqarib tashlansin.

3. Mazkur oʻzgartirishlar Oʻzbekiston Respublikasi Mehnat vazirligi va Oʻzbekiston Savdo-sanoat palatasi bilan kelishilgan.