1-modda. Oʻzbekiston Respublikasining 1993-yil 3-sentabrda qabul qilingan “Fuqarolarning davlat pensiya taʼminoti toʻgʻrisida”gi 938-XII-sonli Qonuniga (Oʻzbekiston Respublikasi Oliy Kengashining Axborotnomasi, 1993-yil, № 9, 338-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 4-5, 126-modda; 1998-yil, № 9, 181-modda; 1999-yil, № 5, 112-modda; 2001-yil, № 5, 89-modda; 2002-yil, № 4-5, 74-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 5, 152-modda; 2007-yil, № 12, 590, 608-moddalar; 2008-yil, № 12, 640-modda; 2010-yil, № 5, 178-modda, № 9, 334-modda, № 12, 472-modda; 2012-yil, № 1, 4-modda; 2013-yil, № 10, 263-modda; 2014-yil, № 12, 341-modda; 2016-yil, № 4, 125-modda) quyidagi oʻzgartishlar kiritilsin:

1) 47-modda birinchi qismining “a” va “b” bandlaridagi “uch oy” degan soʻzlar “oltmish kun” degan soʻzlar bilan almashtirilsin;

2) 63-moddaning beshinchi qismidagi “6 oy” degan soʻzlar “oltmish kun” degan soʻzlar bilan almashtirilsin.

2-modda. Oʻzbekiston Respublikasining 1999-yil 14-aprelda qabul qilingan “Lizing toʻgʻrisida”gi 756-I-sonli Qonuni (Oʻzbekiston Respublikasi Oliy Majlisining Axborotnomasi, 1999-yil, № 5, 108-modda; 2003-yil, № 1, 8-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 12, 608-modda) 11-moddasi birinchi qismining beshinchi xatboshisi quyidagi tahrirda bayon etilsin:

“lizing oluvchi tomonidan oʻz majburiyatlarining jiddiy ravishda buzilishiga yoʻl qoʻyilgan taqdirda, agar lizing shartnomasida boshqacha tartib nazarda tutilgan boʻlmasa, kelgusi lizing toʻlovlarini toʻlashni tezlashtirishni yoki lizing obyektini qaytib olgan va zararni undirgan holda shartnomani bekor qilishni talab etish”.

3-modda. Oʻzbekiston Respublikasining 2000-yil 25-mayda qabul qilingan “Tadbirkorlik faoliyati erkinligining kafolatlari toʻgʻrisida”gi 69-II-sonli Qonuniga (Oʻzbekiston Respublikasining 2012-yil 2-mayda qabul qilingan OʻRQ-328-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2012-yil, № 5, 133-modda; 2013-yil, № 4, 98-modda, № 10, 263-modda; 2014-yil, № 12, 341, 343-moddalar; 2015-yil, № 8, 312-modda, № 12, 452-modda) quyidagi oʻzgartishlar kiritilsin:

1) 5-moddaning ikkinchi qismidagi “(shuʼba)” degan soʻz chiqarib tashlansin;

2) 40-moddadagi “shuningdek faoliyat bilan litsenziyasiz shugʻullanish” degan soʻzlar chiqarib tashlansin.

4-modda. Oʻzbekiston Respublikasining 2007-yil 25-dekabrda qabul qilingan OʻRQ-136-sonli Qonuni bilan tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2007-yil, 12-songa 1-ilova; 2008-yil, № 12, 639-modda; 2009-yil, № 9, 330, 331-moddalar, № 12, 470, 472, 473-moddalar; 2010-yil, № 5, 178-modda, № 9, 334, 335, 336, 337-moddalar, № 10, 380-modda, № 12, 474-modda; 2011-yil, № 1, 1-modda, № 9, 248-modda, № 12/2, 364, 365-moddalar; 2012-yil, № 4, 106-modda, № 9/1, 238-modda, № 12, 334, 336-moddalar; 2013-yil, № 10, 263-modda, № 12, 349-modda; 2014-yil, № 1, 2-modda, № 9, 244-modda, № 12, 341, 343-moddalar; 2015-yil, № 8, 312-modda, № 12, 452, 454-moddalar; 2016-yil, № 4, 125-modda, № 9, 276-modda) quyidagi oʻzgartish va qoʻshimchalar kiritilsin:

1) 22-moddaning yettinchi xatboshisidagi “aksiyalar nominal qiymatining oshishi” degan soʻzlar chiqarib tashlansin;

2) 30-moddaning toʻrtinchi qismi quyidagi mazmundagi jumlalar bilan toʻldirilsin:

“Soliqlar va boshqa majburiy toʻlovlar boʻyicha berilgan imtiyozlar munosabati bilan boʻshagan hamda ushbu imtiyozlarning amal qilish muddati ichida foydalanilmagan mablagʻlarning summasi imtiyozlar berilayotgan chogʻda belgilangan maqsadlarga mazkur imtiyozlarning amal qilish muddati tugaganidan keyin bir yil mobaynida yoʻnaltirilishi mumkin. Bunda koʻrsatilgan muddatda foydalanilmagan mablagʻlar Oʻzbekiston Respublikasining respublika budjetiga oʻtkaziladi”;

3) 59-modda ikkinchi qismining uchinchi xatboshisi quyidagi mazmundagi jumla bilan toʻldirilsin:

“Bunda soliq qarzining summasi undiruvni mol-mulkka qaratish uchun qonun hujjatlarida belgilangan eng kam miqdordan oz boʻlgan, biroq toʻlash muddati tugaganidan keyin bir yil ichida toʻlanmagan taqdirda ham soliqlar va boshqa majburiy toʻlovlarni toʻlash majburiyatlarining bajarilishini taʼminlash choralari qoʻllaniladi”;

4) 61-modda quyidagi mazmundagi uchinchi qism bilan toʻldirilsin:

“Soliq qarzining summasi undiruvni mol-mulkka qaratish uchun qonun hujjatlarida belgilangan eng kam miqdordan oz boʻlgan, biroq toʻlash muddati tugaganidan keyin bir yil ichida toʻlanmagan hollarda ham ushbu moddaning ikkinchi qismida belgilangan undiruvni soliq toʻlovchining mol-mulkiga qaratish choralari qoʻllaniladi”;

5) 63-moddaning ikkinchi qismidagi “yakka tartibdagi tadbirkorlarga esa, oʻttiz kundan kechiktirmay” degan soʻzlar chiqarib tashlansin;

6) 104-moddaning ikkinchi qismidagi “shuningdek litsenziyasiz faoliyat bilan shugʻullanish” degan soʻzlar chiqarib tashlansin;

7) 126-modda ikkinchi qismining ikkinchi xatboshisi quyidagi tahrirda bayon etilsin:

“notijorat tashkilotlar. Tadbirkorlik faoliyatini amalga oshirishdan daromadlar, shuningdek ushbu Kodeks 132-moddasi birinchi qismining 2, 3 va 15-bandlarida koʻrsatilgan daromadlar olinganda notijorat tashkilotlar mazkur daromadlarga taalluqli qism boʻyicha yuridik shaxslardan olinadigan foyda soligʻini toʻlovchilar boʻladi. Bunda ushbu Kodeksning 132-moddasida koʻrsatilgan boshqa daromadlarni olganlik tadbirkorlik faoliyati sifatida qaralmaydi. Dividendlar va foizlarga ushbu Kodeksda nazarda tutilgan tartibda toʻlov manbaida soliq solinadi”;

8) 132-moddaning uchinchi qismi chiqarib tashlansin;

9) 135-modda:

ikkinchi qismi quyidagi tahrirda bayon etilsin:

“Mol-mulk, mulkiy huquqlar, ishlar va xizmatlar tekin asosda olinayotganda, agar ushbu moddaning toʻrtinchi qismida boshqacha qoida nazarda tutilmagan boʻlsa, oluvchi shaxsning daromadlari bozor qiymati boʻyicha belgilanadi”;

uchinchi qismining birinchi xatboshisi “mulkiy huquqlarning” degan soʻzlardan keyin “ishlarning va xizmatlarning” degan soʻzlar bilan toʻldirilsin;

quyidagi mazmundagi toʻrtinchi va beshinchi qismlar bilan toʻldirilsin:

“Qarz beruvchiga foizli daromad toʻlash majburiyatisiz zayom (qaytarib berish sharti bilan moliyaviy yordam) olinayotganda qarz oluvchining daromadi zayomni (qaytarib berish sharti bilan moliyaviy yordamni) olish sanasidagi Oʻzbekiston Respublikasi Markaziy banki tomonidan belgilangan qayta moliyalashtirish stavkasidan kelib chiqqan holda aniqlanadi. Daromadni aniqlashning xuddi shunday tartibi zayomni (qaytarib berish sharti bilan moliyaviy yordamni) olish sanasidagi Oʻzbekiston Respublikasi Markaziy banki tomonidan belgilangan qayta moliyalashtirish stavkasidan past boʻlgan stavkada foizlar toʻlash sharti bilan berilgan zayomlarga (qaytarib berish sharti bilan moliyaviy yordamga) nisbatan qoʻllaniladi.

Ushbu modda toʻrtinchi qismining qoidalari kredit tashkilotlari tomonidan berilgan kreditlarga, Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining qarorlariga binoan, shuningdek Oʻzbekiston Respublikasining norezidentlari tomonidan berilgan zayomlarga (ssudalarga) nisbatan tatbiq etilmaydi”;

10) 155-moddaning:

oʻn birinchi, oʻn ikkinchi va oʻn uchinchi qismlari quyidagi tahrirda bayon etilsin:

“Oʻzbekiston Respublikasining norezidentiga toʻlov manbaida yuridik shaxslardan olinadigan foyda soligʻi ushlab qolinmagan holda daromadni toʻlash ushbu Kodeksning 20-moddasiga muvofiq doimiy muassasani tashkil etishga olib keladigan faoliyatdan olinadigan daromadlar boʻyicha — Oʻzbekiston Respublikasining norezidenti faoliyatni Oʻzbekiston Respublikasi norezidentining doimiy muassasasi sifatida amalga oshirishi va davlat soliq xizmati organida hisobda turganligi toʻgʻrisida Oʻzbekiston Respublikasi davlat soliq xizmati organlari tomonidan tasdiqlangan maʼlumotnoma mavjud boʻlgan taqdirda amalga oshiriladi.

Oʻzbekiston Respublikasining norezidentiga daromadlarni toʻlash toʻlov manbaida Oʻzbekiston Respublikasining norezidenti tomonidan taqdim etilgan, chet davlatning vakolatli organi tomonidan berilgan, Oʻzbekiston Respublikasi qaysi davlat bilan soliq solish masalalarini tartibga soluvchi xalqaro shartnomaga ega boʻlsa, oʻsha davlatda mazkur shaxsning rezidentligi borligi faktini tasdiqlovchi hujjat mavjud boʻlgan taqdirda ham Oʻzbekiston Respublikasining xalqaro shartnomasi qoidalariga muvofiq toʻlov manbaida yuridik shaxslardan olinadigan foyda soligʻi ushlab qolinmagan yoki yuridik shaxslardan olinadigan foyda soligʻining pasaytirilgan stavkasi qoʻllanilgan holda amalga oshiriladi.

Daromadlar xorijiy banklarga va xalqaro banklararo telekommunikatsiya tizimlariga toʻlangan taqdirda, qaysi davlat bilan soliq solish masalalarini tartibga soluvchi xalqaro shartnoma mavjud boʻlsa, oʻsha davlatda xorijiy bankning yoki xalqaro banklararo telekommunikatsiya tizimining doimiy joylashgan yeri mavjudligi faktini tasdiqlash, agar ushbu doimiy joylashilgan yer hamma foydalanishi mumkin boʻlgan axborot manbalaridagi maʼlumotlar bilan tasdiqlangan boʻlsa, talab qilinmaydi”;

oʻn toʻrtinchi, oʻn beshinchi va oʻn oltinchi qismlari chiqarib tashlansin;

oʻn yettinchi — yigirmanchi qismlari tegishincha oʻn toʻrtinchi — oʻn yettinchi qismlar deb hisoblansin;

oʻn beshinchi qismidagi “oʻn birinchi, oʻn toʻrtinchi, oʻn beshinchi va oʻn yettinchi qismlarida” degan soʻzlar “oʻn birinchi va oʻn toʻrtinchi qismlarida” degan soʻzlar bilan almashtirilsin;

11) 178-moddaning 13-bandidagi “beriladigan pul mukofoti” degan soʻzlar “beriladigan pul mukofoti va sovgʻalar” degan soʻzlar bilan almashtirilsin;

12) 179-moddaning:

7-bandidagi “beriladigan pul mukofoti” degan soʻzlar “beriladigan pul mukofoti va sovgʻalar” degan soʻzlar bilan almashtirilsin;

11-bandi quyidagi tahrirda bayon etilsin:

“11) jismoniy shaxslarga xususiy mulk huquqi asosida tegishli boʻlgan mol-mulkni sotishdan olinadigan daromadlar, bundan:

qimmatli qogʻozlarni (bundan fond birjasida realizatsiya qilinadigan emissiyaviy qimmatli qogʻozlar mustasno), yuridik shaxslarning ustav fondidagi (ustav kapitalidagi) ulushlarini (paylarini);

yashash uchun moʻljallanmagan joylarni;

ketma-ket keladigan oʻn ikki oylik davr ichida bir martadan ortiq bitim tuzilgan taqdirda, turar joylarni sotishdan olinadigan daromadlar mustasno”;

13) 181-modda:

birinchi qismining oltinchi xatboshisidagi “realizatsiya qilishdan” degan soʻzlar “sotishdan” degan soʻz bilan almashtirilsin;

ikkinchi qismi chiqarib tashlansin;

14) 192-moddaning toʻqqizinchi qismi quyidagi tahrirda bayon etilsin:

“Agar soliq toʻlovchi daromadlar toʻgʻrisidagi deklaratsiyani taqdim etmagan boʻlsa, shuningdek oldin taqdim etilgan deklaratsiyada notoʻgʻri maʼlumotlar aniqlangan taqdirda, davlat soliq xizmati organi jismoniy shaxslardan olinadigan daromad soligʻi summasini oʻzidagi mavjud axborot asosida eng yuqori stavka boʻyicha hisoblashga va toʻlanishi lozim boʻlgan, hisoblangan jismoniy shaxslardan olinadigan daromad soligʻi summasi toʻgʻrisida soliq toʻlovchiga oʻn kunlik muddat ichida toʻlov xabarnomasini topshirishga haqli. Soliq toʻlovchi tomonidan jami yillik daromadi toʻgʻrisida deklaratsiya yoki toʻgʻrilangan deklaratsiya taqdim etilgan taqdirda, jismoniy shaxslardan olinadigan daromad soligʻining yakuniy summasi ushbu deklaratsiya hisobga olingan holda aniqlanadi”;

15) 197-modda ikkinchi qismining ikkinchi xatboshisi quyidagi tahrirda bayon etilsin:

“notijorat tashkilotlar. Ushbu modda birinchi qismining 2 va 3-bandlarida nazarda tutilgan hollarda, shuningdek tadbirkorlik faoliyati doirasida tovarlarni (ishlarni, xizmatlarni) realizatsiya qilish oborotini hamda ushbu Kodeks 199-moddasi birinchi qismining 5 va 6-bandlarida koʻrsatilgan oborotlarni amalga oshirganda notijorat tashkilotlar ushbu oborotlar boʻyicha qoʻshilgan qiymat soligʻini toʻlovchilar boʻladi. Bunda ushbu Kodeksning 132-moddasida koʻrsatilgan boshqa daromadlarni olish tadbirkorlik faoliyati sifatida qaralmaydi”;

16) 254-modda:

toʻrtinchi qismining uchinchi xatboshisi quyidagi tahrirda bayon etilsin:

“boshqa yer qaʼridan foydalanuvchilar uchun — qonun hujjatlarida belgilangan tartibda xalqaro birjada belgilangan birja narxi boʻyicha, jahon bozorida narx mavjud boʻlmagan taqdirda esa, foydali qazilmalar zaxiralarining qazib olinadigan hajmining qiymati — belgilangan tartibda kelishilgan tegishli konni sanoat yoʻsinida oʻzlashtirish boʻyicha texnik-iqtisodiy asoslarda nazarda tutilgan kavlab olishning ishlab chiqarish tannarxidan kelib chiqib, uni 20 foiz oshirgan holda”;

beshinchi — sakkizinchi qismlari quyidagi mazmundagi beshinchi, oltinchi va yettinchi qismlar bilan almashtirilsin:

“Foydali qazilmalar zaxiralarining qazib olinadigan hajmining qiymatini aniqlash va tijoratbop topilma bonusini toʻlash tartibi qonun hujjatlari bilan belgilanadi.

Tijoratbop topilma bonusining hisob-kitobi soliq boʻyicha hisobga olish joyidagi davlat soliq xizmati organlariga foydali qazilmalarni kavlab olish uchun yer qaʼri uchastkalaridan foydalanish huquqini beradigan litsenziya olingan kundan eʼtiboran yigirma besh kundan kechiktirmay soliq toʻlovchi tomonidan taqdim etiladi.

Tijoratbop topilma bonusini toʻlash foydali qazilmalarni kavlab olish uchun yer qaʼri uchastkalaridan foydalanish huquqini beradigan litsenziya olingan kundan eʼtiboran toʻqson kundan kechiktirmay amalga oshiriladi”;

17) 257-modda uchinchi qismining ikkinchi xatboshisi quyidagi tahrirda bayon etilsin:

“notijorat tashkilotlar. Notijorat tashkilotlar tadbirkorlik faoliyatini amalga oshirgan taqdirda, ushbu boʻlimda nazarda tutilgan tartibda tadbirkorlik faoliyatida foydalaniladigan suv hajmlari boʻyicha suv resurslaridan foydalanganlik uchun soliqni toʻlovchilar boʻladi. Bunda ushbu Kodeksning 132-moddasida koʻrsatilgan boshqa daromadlarni olish tadbirkorlik faoliyati sifatida qaralmaydi”;

18) 263-modda quyidagi mazmundagi beshinchi qism bilan toʻldirilsin:

“Yil mobaynida yagona soliq toʻlovini toʻlashga oʻtayotgan umumbelgilangan soliqlarni toʻlovchilar — mikrofirmalar va kichik korxonalar umumbelgilangan soliqlar ular tomonidan toʻlangan davr uchun suv resurslaridan foydalanganlik uchun soliqning hisob-kitobini yagona soliq toʻlovini toʻlashga oʻtilayotgan oyning 10-sanasidan kechiktirmay taqdim etadi”;

19) 265-modda ikkinchi qismining ikkinchi xatboshisi quyidagi tahrirda bayon etilsin:

“notijorat tashkilotlar. Notijorat tashkilotlar tadbirkorlik faoliyatini amalga oshirgan taqdirda, ushbu boʻlimda nazarda tutilgan tartibda tadbirkorlik faoliyatida foydalaniladigan mol-mulk boʻyicha yuridik shaxslarning mol-mulkiga solinadigan soliqni toʻlovchilar boʻladi. Bunda ushbu Kodeksning 132-moddasida koʻrsatilgan boshqa daromadlarni olish tadbirkorlik faoliyati sifatida qaralmaydi”;

20) 271-modda:

quyidagi mazmundagi beshinchi qism bilan toʻldirilsin:

“Yil mobaynida yagona soliq toʻlovini toʻlashga oʻtayotgan umumbelgilangan soliqlarni toʻlovchilar — mikrofirmalar va kichik korxonalar umumbelgilangan soliqlar ular tomonidan toʻlangan davr uchun yuridik shaxslarning mol-mulkiga solinadigan soliqning hisob-kitobini yagona soliq toʻlovini toʻlashga oʻtilayotgan oyning 10-sanasidan kechiktirmay taqdim etadi”;

beshinchi — oʻninchi qismlari tegishincha oltinchi — oʻn birinchi qismlar deb hisoblansin;

21) 279-modda toʻrtinchi qismining ikkinchi xatboshisi quyidagi tahrirda bayon etilsin:

“notijorat tashkilotlar. Notijorat tashkilotlar tadbirkorlik faoliyatini amalga oshirgan taqdirda, ushbu boʻlimda nazarda tutilgan tartibda tadbirkorlik faoliyatida foydalaniladigan yer uchastkalari boʻyicha yer soligʻi toʻlovchilar boʻladi. Bunda ushbu Kodeksning 132-moddasida koʻrsatilgan boshqa daromadlarni olish tadbirkorlik faoliyati sifatida qaralmaydi”;

22) 285-modda quyidagi mazmundagi beshinchi qism bilan toʻldirilsin:

“Yil mobaynida yagona soliq toʻlovini toʻlashga oʻtayotgan umumbelgilangan soliqlarni toʻlovchilar — mikrofirmalar va kichik korxonalar umumbelgilangan soliqlar ular tomonidan toʻlangan davr uchun yer soligʻining aniqlashtirilgan hisob-kitobini yagona soliq toʻlovini toʻlashga oʻtilayotgan oyning 10-sanasidan kechiktirmay taqdim etadi”;

23) 290-moddaning uchinchi qismi chiqarib tashlansin;

24) 295-modda ikkinchi qismining ikkinchi xatboshisi quyidagi tahrirda bayon etilsin:

“notijorat tashkilotlar. Tadbirkorlik faoliyatini amalga oshirishdan daromadlar, shuningdek ushbu Kodeksning 132-moddasi birinchi qismining 2, 3 va 15-bandlarida koʻrsatilgan daromadlar olinganda notijorat tashkilotlar mazkur daromadlarga taalluqli qism boʻyicha obodonlashtirish va ijtimoiy infratuzilmani rivojlantirish soligʻini toʻlovchilar boʻladi. Bunda ushbu Kodeksning 132-moddasida koʻrsatilgan boshqa daromadlarni olish tadbirkorlik faoliyati sifatida qaralmaydi”;

25) 296-modda quyidagi mazmundagi sakkizinchi xatboshi bilan toʻldirilsin:

“Xalq banki tomonidan fuqarolarning shaxsiy jamgʻarib boriladigan pensiya hisobvaraqlaridagi mablagʻlardan foydalanishdan olingan foyda summasiga”;

26) 300-modda:

quyidagi mazmundagi oltinchi qism bilan toʻldirilsin:

“Taxmin qilinayotgan sof foyda summasidan kelib chiqqan holda hisoblab chiqarilgan obodonlashtirish va ijtimoiy infratuzilmani rivojlantirish soligʻining summasi hisobot davri uchun budjetga toʻlanishi lozim boʻlgan obodonlashtirish va ijtimoiy infratuzilmani rivojlantirish soligʻi summasiga nisbatan 10 foizdan koʻproq kamaytirilgan taqdirda, davlat soliq xizmati organi joriy toʻlovlarni obodonlashtirish va ijtimoiy infratuzilmani rivojlantirish soligʻining haqiqiy summasidan kelib chiqib, penya hisoblagan holda qayta hisoblashga haqli”;

oltinchi va yettinchi qismlari tegishincha yettinchi va sakkizinchi qismlar deb hisoblansin;

27) 313-moddaning uchinchi qismi quyidagi mazmundagi toʻrtinchi xatboshi bilan toʻldirilsin:

“Xalq banki tomonidan fuqarolarning shaxsiy jamgʻarib boriladigan pensiya hisobvaraqlaridagi mablagʻlardan foydalanishdan olingan daromad”;

28) 317-moddaning uchinchi qismi quyidagi mazmundagi toʻrtinchi xatboshi bilan toʻldirilsin:

“Xalq banki tomonidan fuqarolarning shaxsiy jamgʻarib boriladigan pensiya hisobvaraqlaridagi mablagʻlardan foydalanishdan olingan daromad”;

29) 325²-moddaning uchinchi qismi quyidagi mazmundagi toʻrtinchi xatboshi bilan toʻldirilsin:

“Xalq banki tomonidan fuqarolarning shaxsiy jamgʻarib boriladigan pensiya hisobvaraqlaridagi mablagʻlardan foydalanishdan olingan daromad”;

30) 329-moddaning 23-bandi quyidagi tahrirda bayon etilsin:

“23) Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining hududiy tuzilmalari — pensionerlardan (nafaqa oluvchilardan) ortiqcha (noqonuniy) toʻlangan pensiyalarning va nafaqalarning summalarini undirish bilan bogʻliq daʼvolar yuzasidan”;

31) 330-moddaning 12-bandi quyidagi tahrirda bayon etilsin:

“12) Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining hududiy tuzilmalari — “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga muvofiq pensiyalarni toʻlashga ketgan mablagʻlarni tashkilotlardan undirib olish boʻyicha daʼvolar, shu jumladan regress daʼvolar yuzasidan”;

32) 347-moddaning beshinchi qismi chiqarib tashlansin;

33) 349-modda:

quyidagi mazmundagi toʻrtinchi xatboshi bilan toʻldirilsin:

“qurilishi moliyalashtirishning markazlashtirilgan manbalarini jalb etgan holda tanlov savdolari asosida amalga oshirilayotgan obyektlar boʻyicha qoʻshilgan qiymat soligʻi”;

toʻrtinchi — oʻn ikkinchi xatboshilari tegishincha beshinchi — oʻn uchinchi xatboshilar deb hisoblansin;

34) 350-modda uchinchi qismining uchinchi xatboshisidagi “(shoʻba)” degan soʻz chiqarib tashlansin;

35) 351-moddaning ikkinchi qismi quyidagi tahrirda bayon etilsin:

“Yagona soliq toʻlovini toʻlashga oʻtish uchun soliq toʻlovchilar soliq boʻyicha hisobga olish joyidagi davlat soliq xizmati organini yagona soliq toʻlovini toʻlashga oʻtishi toʻgʻrisida Oʻzbekiston Respublikasi Davlat soliq qoʻmitasi tomonidan belgilangan shaklda quyidagi muddatlarda xabardor etadi:

yangi tashkil etilayotgan mikrofirmalar va kichik korxonalar — davlat roʻyxatidan oʻtkazilgan kundan eʼtiboran oʻn besh kundan kechiktirmay;

oʻtgan yil yakunlari boʻyicha yagona soliq toʻlovini toʻlash uchun belgilangan mezonlarga mos keladigan umumbelgilangan soliqlarni toʻlovchi yuridik shaxslar — yagona soliq toʻlovini toʻlashga oʻtayotgan joriy hisobot davri birinchi oyining 10-sanasidan kechiktirmay”;

36) 352-moddaning oltinchi qismi chiqarib tashlansin;

37) 355-modda ikkinchi qismi 1-bandining toʻqqizinchi xatboshisi quyidagi tahrirda bayon etilsin:

“tovarlarni (ishlarni, xizmatlarni) tannarxidan yoki olish bahosidan past baholarda (tovarni olish bilan bogʻliq xarajatlarni hisobga olgan holda) realizatsiya qiluvchi, shuningdek tovarlarni (ishlarni, xizmatlarni) tekin beruvchi yuridik shaxslar uchun — tovarlarning (ishlarning, xizmatlarning) tannarxi yoki ularni olish bahosi (tovarni olish bilan bogʻliq xarajatlarni hisobga olgan holda). Bunda baholari (tariflari) davlat tomonidan tartibga solinishi nazarda tutilgan tovarlar (ishlar, xizmatlar) uchun realizatsiya qilishdan olinadigan tushum belgilangan baholardan (tariflardan) kelib chiqqan holda aniqlanadi. Ushbu norma ekologiya, sogʻlomlashtirish hamda xayriya jamgʻarmalariga, madaniyat, sogʻliqni saqlash, mehnat, aholini ijtimoiy muhofaza qilish, jismoniy tarbiya va sport, taʼlim muassasalariga tekin beriladigan tovarlarga (ishlarga, xizmatlarga) nisbatan tatbiq etilmaydi”;

38) 375-modda oltinchi qismining ikkinchi jumlasi quyidagi tahrirda bayon etilsin:

“Yakka tartibdagi tadbirkor sifatida davlat roʻyxatidan oʻtilgan paytdan boshlab oʻn ikki oy ichida faoliyat tugatilgan yoki faoliyat uch va undan koʻp oyga toʻxtatilgan taqdirda, qatʼiy belgilangan soliq faoliyat amalga oshirilgan butun davr uchun toʻlanadi”.

5-modda. Ushbu Qonun 2017-yil 1-yanvardan eʼtiboran kuchga kiradi.

Ushbu Qonunning 4-moddasi 13-bandining uchinchi xatboshisi, 23 va 33-bandlari 2017-yil 1-apreldan eʼtiboran amalga kiritiladi.