Oʻzbekiston Respublikasi Prezidentining “Tadbirkorlik faoliyatining jadal rivojlanishini taʼminlashga, xususiy mulkni har tomonlama himoya qilishga va ishbilarmonlik muhitini sifat jihatidan yaxshilashga doir qoʻshimcha chora-tadbirlar toʻgʻrisida” 2016-yil 5-oktabrdagi PF–4848-son Farmoniga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

1. Vazirlar Mahkamasining “Bojxona yigʻimlari stavkalari toʻgʻrisida” 1999-yil 30-apreldagi 204-son qaroriga ilova 26¹-bandining “Yigʻim stavkasi” ustunidagi “10” raqami “5” raqami bilan almashtirilsin.

2. Vazirlar Mahkamasining 2003-yil 30-sentabrdagi 416-son qarori (Oʻzbekiston Respublikasi QT, 2003-y.. 9-son, 92-modda) bilan tasdiqlangan Tashqi savdo operatsiyalari ustidan monitoring olib borish tartibi toʻgʻrisidagi Nizomning 9-bandi quyidagi tahrirda bayon qilinsin:

“9. Oʻzbekiston Respublikasi Prezidentining “Tovarlar (ishlar, xizmatlar) eksportini ragʻbatlantirishga doir qoʻshimcha chora-tadbirlar toʻgʻrisida” 1997-yil 10-oktabrdagi PF-1871-son Farmoniga 1, 2 va 4-ilovalarda nazarda tutilgan tovarlarni eksport qilishga doir kontraktlarni hisobga qoʻyish (qonun hujjatlariga muvofiq eksport kontraktlariga tenglashtirilgan kontraktlar bundan mustasno) Oʻzbekiston Respublikasi Davlat bojxona qoʻmitasining hududiy boshqarmalari tomonidan amalga oshiriladi”.

3. Vazirlar Mahkamasining “Eksport kontraktlarini “bir darcha” tamoyili boʻyicha amalga oshirish mexanizmini bosqichma-bosqich joriy etish chora-tadbirlari toʻgʻrisida” 2011-yil 17-noyabrdagi 305-son qarorida:

a) 3-banddagi “davlat bojxona xizmatlari organlarida kontraktlarni hisobga qoʻyish” soʻzlari chiqarib tashlansin;

b) 1-ilovada:

1-bandning birinchi xatboshidagi “davlat bojxona xizmatlari organlarida kontraktlarni hisobga qoʻyish” soʻzlari chiqarib tashlansin;

2-bandning ikkinchi xatboshidagi “davlat bojxona xizmatlari organlarida kontraktlarni hisobga qoʻyish” soʻzlari chiqarib tashlansin;

11-band quyidagi tahrirda bayon qilinsin:

“11. Ikkinchi bosqichda arizachi eksport uchun moʻljallangan tovarlarni bojxonada rasmiylashtirish uchun davlat bojxona xizmati organlari xodimiga quyidagi hujjatlarni taqdim etadi:

kontrakt (shartnoma, bitim), tegishli vakolatli organlarda roʻyxatdan oʻtkazilgan birja kontaktlari bundan mustasno;

yukning bojxona deklaratsiyasi, qonun hujjatlarida belgilangan tartibda yoʻlovchi bojxona deklaratsiyasini toʻldirish yoʻli bilan tovarlarni deklaratsiyalash hollari bundan mustasno;

tovarlarga ilova qilinadigan hujjatlar”;

13-band quyidagi tahrirda bayon qilinsin:

“13. Oʻzbekiston Respublikasi Prezidentining “Tovarlar (ishlar, xizmatlar) eksportini ragʻbatlantirishga doir qoʻshimcha chora-tadbirlar toʻgʻrisida” 1997-yil 10-oktabrdagi PF-1871-son Farmoniga 1, 2 va 4-ilovalarda nazarda tutilgan tovarlarni eksport qilishga doir kontraktlarni hisobga qoʻyish Oʻzbekiston Respublikasi Davlat bojxona qoʻmitasining hududiy boshqarmalari tomonidan amalga oshiriladi”;

v) Vaqtinchalik nizomga 1-ilovada:

2-bosqichning “Tadbirlar” ustunidagi “Eksport kontraktini hisobga qoʻyishni amalga oshiradi” soʻzlari chiqarib tashlansin;

2-bosqichning “Bajarish muddatlari” ustunidagi “Kun mobaynida” soʻzlari chiqarib tashlansin.