Oʻzbekiston Respublikasi Vazirlar Mahkamasining 2016-yil 31-avgustdagi 287-sonli “Oʻzbekiston Respublikasining fuqaro va davlat aviatsiyasida uchuvchisiz uchish qurilmalaridan foydalanish tartibi toʻgʻrisidagi nizomni tasdiqlash haqida”gi hamda 2016-yil 18-oktabrdagi 349-sonli “Oʻzbekiston Respublikasi samoviy hududida aviatsiyaning parvoz qilish asosiy qoidalarini tasdiqlash haqida”gi qarorlariga muvofiq buyuraman:

1. Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining 2007-yil 12-sentabrdagi 141-sonli buyrugʻi (roʻyxat raqami 1723, 2007-yil 29-sentabr) (Oʻzbekiston Respublikasi qonun hujjatlari toʻplami, 2007-y., 41-42-son, 420-modda) bilan tasdiqlangan Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalariga (OʻzR AQ-91) ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. I bobda:

a) 1-paragrafda:

yigirma beshinchi, bir yuz elliginchi — bir yuz ellik ikkinchi xatboshilardagi “(13,5 d.mili)” degan soʻzlar “(14 d.mili)” degan soʻzlar bilan almashtirilsin;

oltmish beshinchi xatboshidagi “har qanday apparat” degan soʻzlar “har qanday uchish apparati” degan soʻzlar bilan almashtirilsin;

bir yuz ellik oltinchi — bir yuz ellik sakkizinchi xatboshilardagi “(bulutlar quyi chegarasining balandligi)da” degan soʻzlar “(bulutlar quyi chegarasining balandligida, zarurat boʻlganda)” degan soʻzlar bilan almashtirilsin;

bir yuz oltmish birinchi xatboshidagi “(bulutlar quyi chegarasining balandligida)” degan soʻzlar “(bulutlar quyi chegarasining balandligida, zarurat boʻlganda)” degan soʻzlar bilan almashtirilsin;

quyidagi mazmundagi xatboshilar bilan toʻldirilsin:

“Uchuvchisiz uchish qurilmasi — uchuvchisiz parvoz qiladigan, boshqa joydan masofadan turib boshqariladigan yoki dasturlashtirilgan va parvozda batamom mustaqil boʻla oladigan havo kemasi (havo kemalarining modellari bundan mustasno);

Fuqaro aviatsiyasi uchuvchisiz uchish qurilmasi operatori — uchuvchisiz uchish qurilmasini bevosita boshqaruvchi shaxs.”;

b) 2-paragraf quyidagi mazmundagi qisqartmalar bilan toʻldirilsin:

“DME — uzun oʻlchamli uskuna;

UUQ — uchuvchisiz uchish qurilmasi.

2. 115, 118, 120 va 123-bandlardagi “(bulutlar pastki chegarasining balandligi)” degan soʻzlar “(bulutlar pastki chegarasining balandligi, zarurat boʻlganda)” degan soʻzlar bilan almashtirilsin.

3. 138-band quyidagi tahrirda bayon etilsin:

“138. Havo trassasining kengligi qoidaga koʻra 10 km (5 d.mili) qilib belgilanadi.”.

4. 140-bandda:

“a” kichik banddagi “(5,4 d.mili)” degan soʻzlar “(5 d.mili)” degan soʻzlar bilan almashtirilsin;

“b” kichik banddagi “(2,2 d.mili)” degan soʻzlar “(2 d.mili)” degan soʻzlar bilan almashtirilsin.

5. 141-bandning “a” kichik bandidagi “(2,7 d.mili dan)” degan soʻzlar “(3 d.mili dan)” degan soʻzlar bilan almashtirilsin.

6. 337-bandning “a” kichik bandidagi “(2,7 d.mili)” degan soʻzlar “(3 d.mili)” degan soʻzlar bilan almashtirilsin.

7. 358-banddagi “(5,4 d.mili dan)”, “(2,7 d.mili dan)” va “(13,5 d.mili dan)” degan soʻzlar tegishlicha “(5 d.mili dan)”, “(3 d.mili dan)” va “(14 d.mili dan)” degan soʻzlar bilan almashtirilsin.

8. 390-banddagi “(5,4 d.mili)” degan soʻzlar “(5 d.mili)” degan soʻzlar bilan almashtirilsin.

9. 400-band quyidagi tahrirda bayon etilsin:

“400. UPQ boʻyicha eng yaqin masofadan qoʻnishga kirishga (qoʻnishga kirish sxemasi boʻyicha parvoz qisman bajarilmagan hollarda) burchak-masofa oʻlchagich va/yoki yoʻldosh sistemasini qoʻllab radiolokatsiya nazorati amalga oshirilgan hollarda ruxsat beriladi.”.

10. 407-bandning “j” kichik bandidagi “(2,7 d.mili ga)” degan soʻzlar “(3 d.mili ga)” degan soʻzlar bilan almashtirilsin.

11. 408-bandning “j” kichik bandidagi “(2,2 d.mili ni)” degan soʻzlar “(2 d.mili ni)” degan soʻzlar bilan almashtirilsin.

12. 414-banddagi “(13,5 d.mili)” degan soʻzlar “(14 d.mili)” degan soʻzlar bilan almashtirilsin.

13. 517-bandning “v” kichik bandidagi, 518-bandning “b” kichik bandidagi, 520-bandning “a” kichik bandidagi va 524-bandning “g” kichik bandidagi “(vertikal koʻrinish)” degan soʻzlar “(vertikal koʻrinish, zarurat boʻlganda)” degan soʻzlar bilan almashtirilsin.

14. 519-bandning “a” kichik bandidagi “NGO balandligi (vertikal koʻrinish)” degan soʻzlar “bulutlar pastki chegarasining balandligi (vertikal koʻrinish, zarurat boʻlganda)” degan soʻzlar bilan almashtirilsin.

15. Quyidagi mazmundagi XVII¹ bob bilan toʻldirilsin:

789¹. UUQ parvozini bajarish vaqtida fuqaro aviatsiyasi uchuvchisiz uchish qurilmasi operatorida ushbu qurilmani uchishga tayyorlash va boshqarishga oid qoʻllanma boʻlishi shart.

789². UUQ parvozi sutkaning yorugʻ vaqtida, oddiy meteosharoitlarda, toʻgʻri koʻrinish doirasida va UUQ bilan doimiy vizual kontaktda boʻlganda bajariladi.

789³. Fuqaro aviatsiyasi uchuvchisiz uchish qurilmasi operatori bir vaqtning oʻzida faqat bitta UUQni boshqarishi mumkin.

789⁴. UUQni uchirish va qoʻndirish ochiq va yaqqol koʻrinadigan hududlarda, odamlar hamda bino va inshootlardan xavfsiz masofada amalga oshiriladi.

789⁵. UUQ parvozi:

a) odamlar, bino va inshootlar hamda transport vositalarigacha 30 m dan kam boʻlmagan masofada;

b) dam olish maskanlari, oʻyin maydonlari, sport va ommaviy tadbirlar oʻtkaziladigan joylargacha 150 m dan kam boʻlmagan masofada;

v) aerodromlar, vertolyot maydonlari, davlat idoralari, temir yoʻl va avtomobil vokzallarigacha (stansiyalarigacha) 5 km dan kam boʻlmagan masofada bajariladi.”.

16. 912-band quyidagi mazmundagi “g” kichik band bilan toʻldirilsin:

“g) past va eng past balandliklardagi parvozlar.”.

17. 914-banddagi “(10,8 d.mili)” degan soʻzlar “(10 d.mili)” degan soʻzlar bilan almashtirilsin.

18. 951-banddagi “(2.7 d.mili)” degan soʻzlar “(3 d.mili)” degan soʻzlar bilan almashtirilsin.

19. XXII bob quyidagi mazmundagi 12-paragraf bilan toʻldirilsin:

957¹. Past va eng past balandliklarda parvozni amalga oshirishda havo kemasi komandiri hudud relefini va undagi sunʼiy toʻsiqlarni, balandlikni pasaytirish va koʻpaytirish maydonlarida parvozni bajarish tartibini bilishi, aloqa vositalarining va RTU cheklanish masofasini, yoqilgʻining ortiqcha harajatlanishini inobatga olishi kerak.

957². Past va eng past balandliklardagi parvozda VPQ boʻyicha parvozni xavfsiz davom ettirib boʻlmaydigan meteosharoitlar bilan toʻqnashganda, UPQ boʻyicha parvozga oʻtilishi, xavfsiz balandlik yoki pastki xavfsiz eshelon egallanishi kerak hamda bu haqda HHB organi xabardor qilinishi kerak.

957³. Past va eng past balandliklardagi parvozdan berilgan eshelonni (balandlikni) egallash vaqtida barometrik balandlik oʻlchagichning bosim shkalasini standart atmosfera bosimiga oʻtkazish eshelonni (balandlikni) egallash harakati boshlangandan keyin amalga oshiriladi.”.

20. XXIII bobning 8-paragrafi quyidagi mazmundagi 994¹-band bilan toʻldirilsin:

“994¹. Moʻljalni yoʻqotganda xavfsiz balandlikdan (eshelondan) pasayish taqiqlanadi.”.

21. 15-ilovada:

jadvaldagi “Haqiqiy ob-havo (BQChB, UQY koʻrish imkoniyati, shamol)‎” degan soʻzlar Haqiqiy ob-havo “(BQChB, zarurat boʻlganda UQY koʻrish imkoniyati, shamol)‎” degan soʻzlar bilan almashtirilsin.

jadvalning izohidagi “bulutlar pastki chegarasining balandligini” degan soʻzlar “bulutlar pastki chegarasining balandligini (zarurat boʻlganda)” degan soʻzlar bilan almashtirilsin.

22. Mazkur oʻzgartirish va qoʻshimchalar Oʻzbekiston Respublikasi Mudofaa vazirligi, Vazirlar Mahkamasi huzuridagi Gidrometeorologiya xizmati markazi hamda “Oʻzbekiston havo yoʻllari” milliy aviakompaniyasi bilan kelishilgan.