LexUZ sharhi
Mazkur qaror O‘zbekiston Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
Akademik litseylar, kasb-hunar kollejlari va umumta’lim maktablari o‘quvchilarini fanlar bo‘yicha turli xalqaro va respublika olimpiadalarida, sport tanlovlari va musobaqalarida faol ishtirok etish yo‘li bilan o‘zlarining bilimlari va ko‘nikmalari darajasini muntazam oshirishga bo‘lgan intilishlarini rag‘batlantirish, respublikada sportning olimpiya turlarini yanada rivojlantirish maqsadida Vazirlar Mahkamasi qaror qiladi:
1. Vazirlar Mahkamasining 2008-yil 13-oktabrdagi 226-son qarori (O‘zbekiston Respublikasi QT, 2008-y., 10-son, 55-modda) bilan tasdiqlangan Xalqaro va respublika olimpiadalari, tanlovlari, musobaqalari g‘oliblari bo‘lgan akademik litseylar, kasb-hunar kollejlari va umumta’lim maktablari o‘quvchilarini taqdirlash tartibi to‘g‘risidagi nizomning 1-bandiga “sport musobaqalari” so‘zlaridan keyin “(sportning olimpiya turlari, shaxmat, shashka bo‘yicha)” so‘zlari qo‘shilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.I. Ikramov zimmasiga yuklansin.