Oʻzbekiston Respublikasi Prezidentining “Sogʻlom ona va bola yili” Davlat dasturi toʻgʻrisida” 2016-yil 9-fevraldagi PQ-2487-son hamda “Aholining hojatmand qatlamlariga tibbiy-ijtimoiy yordam koʻrsatish tizimini takomillashtirish boʻyicha tashkiliy chora-tadbirlar toʻgʻrisida” 2016-yil 24-fevraldagi PQ-2499-son qarorlarini bajarish yuzasidan, shuningdek nogiron bolalarning oilalarda va oila sharoitlarida toʻliq rivojlanishi, ularga kompleks tibbiy-ijtimoiy yordam koʻrsatish uchun qulay shart-sharoitlar yaratish maqsadida Vazirlar Mahkamasi qaror qiladi:

1. “Muruvvat” nogiron bolalar uchun internat uylar huzurida tasdiqlangan koyka fondi doirasidagi boʻsh oʻrinlar hisobiga ruhiy buzilishi namoyon yoki sezilarli namoyon boʻlgan nogiron bolalar uchun kunduzgi parvarishlash guruhlari tashkil etilsin.

2. Oilalarda yashaydigan, ruhiy buzilishi namoyon yoki sezilarli namoyon boʻlgan nogiron bolalarga kompleks tibbiy-ijtimoiy yordam koʻrsatish va ular uchun oʻquv-tarbiya jarayonini tashkil etish “Muruvvat” nogiron bolalar uchun internat uylar huzuridagi nogiron bolalar uchun kunduzgi parvarishlash guruhlarining asosiy vazifalari etib belgilansin.

3. Vazirlar Mahkamasining “Oʻzbekiston Respublikasi Mehnat va aholini ijtimoiy muhofaza qilish vazirligining tibbiy-ijtimoiy muassasalari toʻgʻrisidagi nizomlarni tasdiqlash haqida” 2011-yil 23-avgustdagi 240-son qaroriga (Oʻzbekiston Respublikasi QT, 2011-y., 8-son, 71-modda) ilovaga muvofiq oʻzgartirish va qoʻshimchalar kiritilsin.

4. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

1. Qarorning nomidagi, 2-bandning birinchi xatboshidagi va 3-bandning birinchi xatboshidagi “Mehnat va aholini ijtimoiy muhofaza qilish” soʻzlari “Sogʻliqni saqlash” soʻzlari bilan almashtirilsin.

2. 4-band quyidagi tahrirda bayon qilinsin:

“4. Oʻzbekiston Respublikasi Sogʻliqni saqlash vazirligi:

“Saxovat” va “Muruvvat” internat uylarida, keksalar va nogironlar, urush va mehnat faxriylari uchun sanatoriylarda, Urush va mehnat faxriylari uchun Respublika pansionatida yashovchi shaxslarga doimiy asosda profilaktik, diagnostik, davolash-maslahat yordamini doimiy ravishda koʻrsatishni taʼminlasin;

Oʻzbekiston Respublikasi Sogʻliqni saqlash vazirligining tibbiyot xodimlarini tayyorlash, qayta tayyorlash va ularning malakasini oshirish tadbirlarini qonun hujjatlarida belgilangan tartibda amalga oshirsin”.

3. 1-ilovada:

a) 1, 3, 4, 6-bandlardagi, 28-bandning toʻrtinchi xatboshidagi, 49-banddagi “Mehnat va aholini ijtimoiy muhofaza qilish” soʻzlari “Sogʻliqni saqlash” soʻzlari bilan almashtirilsin;

b) 7-band quyidagi tahrirda bayon qilinsin:

“7. “Saxovat” internat uylari faoliyatini muvofiqlashtirish Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi tomonidan amalga oshiriladi”;

v) 8-band quyidagi tahrirda bayon qilinsin:

“8. “Saxovat” internat uylaridagi oʻrinlar soni Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan kelishib, sanitariya qoidalari, normalari va gigiyena normativlariga majburiy rioya qilgan holda Oʻzbekiston Respublikasi Sogʻliqni saqlash vazirligi tomonidan belgilanadi”;

g) 11-bandga quyidagi mazmundagi xatboshi qoʻshilsin:

“Qabul qilish boʻsh oʻrinlar mavjud boʻlgan taqdirda amalga oshiriladi”;

d) 12-bandning uchinchi xatboshi quyidagi tahrirda bayon qilinsin:

“bemorning oʻzi va atrofidagilar uchun xavfli boʻlgan moyillikning qoʻpol buzilishlari va axloqiy dagʻallik bilan birga kechadigan ruhiy kasalliklar”;

e) 13-bandning oltinchi xatboshidagi “OIV yuqqanlar” soʻzlari chiqarib tashlansin;

j) 14-band quyidagi tahrirda bayon qilinsin:

“14. “Saxovat” internat uylariga yuborish, shuningdek bittasidan ikkinchisiga oʻtkazish Oʻzbekiston Respublikasi Sogʻliqni saqlash vazirligining Maxsus komissiyasi qaroriga muvofiq, belgilangan tartibda qabul qilingan Qoraqalpogʻiston Respublikasi Sogʻliqni saqlash vaziri, viloyatlar sogʻliqni saqlash boshqarmalari boshliqlari va Toshkent shahri Sogʻliqni saqlash bosh boshqarmasi boshligʻining buyrugʻi asosida amalga oshiriladi.

“Saxovat” internat uylariga rasmiylashtirish uchun taqdim etilgan hujjatlarning haqqoniyligi yuzasidan masʼuliyat Qoraqalpogʻiston Respublikasi Sogʻliqni saqlash vazirligiga, viloyatlar sogʻliqni saqlash boshqarmalariga va Toshkent shahri Sogʻliqni saqlash bosh boshqarmasiga yuklanadi”;

z) 15-bandda:

ikkinchi xatboshi quyidagi tahrirda bayon qilinsin:

“Saxovat” internat uyiga rasmiylashtirilayotgan yolgʻiz keksaning hamda I va II guruh nogironining doimiy yashash joyidagi tuman (shahar) tibbiyot birlashmasi boshligʻi nomiga berilgan arizasi”;

toʻrtinchi xatboshidagi “bilan kelishilgan holda Mehnat va aholini ijtimoiy muhofaza qilish vazirligi” soʻzlari chiqarib tashlansin;

i) 20-banddagi, 23-bandning ikkinchi xatboshidagi “mehnat va aholini ijtimoiy muhofaza qilish” soʻzlari “sogʻliqni saqlash” soʻzlari bilan almashtirilsin;

k) 25 va 26-bandlar quyidagi tahrirda bayon qilinsin:

“25. Vasiylikka olinganlarni oziq-ovqat, kiyim-bosh, poyabzal, ashyoviy taʼminotning boshqa buyumlari va yumshoq anjomlar bilan taʼminlash normalari Oʻzbekiston Respublikasi Moliya vazirligi bilan kelishgan holda Oʻzbekiston Respublikasi Sogʻliqni saqlash vazirligi tomonidan belgilanadi.

26. Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi har chorakda “Saxovat” internat uylarining vasiylikka olinganlari toʻgʻrisidagi maʼlumotlarni Oʻzbekiston Respublikasi Sogʻliqni saqlash vazirligi tomonidan belgilanadigan hisobotlar shakllariga muvofiq Oʻzbekiston Respublikasi Sogʻliqni saqlash vazirligiga taqdim etadilar”;

l) 27-bandning ikkinchi xatboshi quyidagi tahrirda bayon qilinsin:

“Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi ruxsati bilan”;

m) 33-banddagi “sanitariya-gigiyena normalariga” soʻzlari “sanitariya qoidalari, normalari va gigiyena normativlariga” soʻzlari bilan almashtirilsin;

n) 34-banddagi “bilan kelishgan holda Mehnat va aholini ijtimoiy muhofaza qilish vazirligi” soʻzlari chiqarib tashlansin;

o) 42-band quyidagi tahrirda bayon qilinsin:

“42. “Saxovat” internat uyiga bevosita rahbarlikni oliy maʼlumotga ega boʻlgan direktor amalga oshiradi. Direktor lavozimiga tayinlash Oʻzbekiston Respublikasi Sogʻliqni saqlash vazirligi bilan kelishgan holda Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi tomonidan amalga oshiriladi”;

p) 45-banddagi “sanitariya-gigiyena normalariga” soʻzlari “sanitariya qoidalari, normalari va gigiyena normativlariga” soʻzlari bilan almashtirilsin;

r) 48-bandga quyidagi mazmundagi xatboshi qoʻshilsin:

“Bunda “Saxovat” internat uylariga har oyda Budjet tashkilotini rivojlantirish jamgʻarmasiga xayriya ehsonlari tarzida tushgan mablagʻlarning eng kam oylik ish haqining oʻn baravarini tovarlar xarid qilish va xizmatlarga doir kechiktirib boʻlmaydigan xarajatlarni korporativ bank kartochkalaridan foydalangan holda toʻlash uchun (Gʻaznachilik organlarida ularning yuridik va moliyaviy majburiyatlarini hisobga olmasdan) ular uchun tijorat banklarida ochiladigan kartochka hisob raqamlariga oʻtkazishga ruxsat beriladi”.

4. 2-ilovada:

a) 1, 3, 4, 8-bandlardagi, 32-bandning beshinchi xatboshidagi va 54-banddagi “Mehnat va aholini ijtimoiy muhofaza qilish” soʻzlari “Sogʻliqni saqlash” soʻzlari bilan almashtirilsin;

b) 9-band quyidagi tahrirda bayon qilinsin:

“9. “Muruvvat” internat uylari faoliyatini muvofiqlashtirish Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi tomonidan amalga oshiriladi”;

v) 10-band quyidagi tahrirda bayon qilinsin:

“10. “Muruvvat” internat uylaridagi oʻrinlar soni Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan kelishgan holda, sanitariya qoidalari, normalari va gigiyena normativlariga majburiy rioya etgan holda Oʻzbekiston Respublikasi Sogʻliqni saqlash vazirligi tomonidan belgilanadi”;

g) 13-band quyidagi tahrirda bayon qilinsin:

“13. “Muruvvat” internat uylariga quyidagi tashxislar bilan vasiylikka olinganlar qabul qilinadi:

ogʻir darajadagi aqliy zaiflik;

chuqur darajadagi aqliy zaiflik;

gemiparez, paraparez va tetraparez asoratlari boʻlgan moʻtadil darajadagi aqliy zaif bolalar serebral falaji;

intellektning ogʻir buzilishiga olib kelgan shizofreniya;

moʻtadil darajadagi aqliy zaiflikka olib kelgan (har oyda koʻpi bilan besh marta xuruj qiladigan) epilepsiya;

bosh miya shikastlanishi oqibatidagi moʻtadil darajadagi aqliy zaiflik;

bosh miyaning organik shikastlanishi oqibatidagi moʻtadil darajadagi aqliy zaiflik (bosh miya ensefaliti, meningiti, meningoensefaliti, sifilisi va bosh miyaning shikastlanishi), shuningdek bosh miyaning xromosoma kasalligi yoki anomaliyasi;

bosh miyaning organik shikastlanishi oqibatidagi zoʻrayib boruvchi demensiya (bosh miya ensefaliti, meningiti, meningoensefaliti, jarohati va shikastlanishi), shuningdek bosh miya xoromosoma kasalligi yoki anomaliyasi.

Qabul qilish boʻsh oʻrinlar mavjud boʻlgan taqdirda amalga oshiriladi”;

d) 14-banddagi oltinchi xatboshi chiqarib tashlansin;

e) 15-bandning oltinchi xatboshidagi “OIV yuqqanlar” soʻzlari chiqarib tashlansin;

j) 16-band quyidagi tahrirda bayon qilinsin:

“16. “Muruvvat” internat uylariga yuborish, shuningdek bittasidan ikkinchisiga oʻtkazish Oʻzbekiston Respublikasi Sogʻliqni saqlash vazirligi Maxsus komissiyasi qaroriga muvofiq, belgilangan tartibda qabul qilingan Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi boshligʻining buyrugʻi asosida amalga oshiriladi.

“Muruvvat” internat uylariga rasmiylashtirish uchun taqdim etilgan hujjatlarning haqqoniyligi yuzasidan masʼuliyat Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasiga yuklanadi”;

z) 17-bandda:

ikkinchi xatboshidagi “tuman (shahar) bandlikka koʻmaklashish va aholini ijtimoiy muhofaza qilish markazi direktori” soʻzlari “tuman (shahar) tibbiyot birlashmasi boshligʻi” soʻzlari bilan almashtirilsin;

beshinchi xatboshidagi Mehnat va aholini ijtimoiy muhofaza qilish vazirligi” soʻzlari chiqarib tashlansin;

i) 22-banddagi va 25-bandning ikkinchi xatboshidagi “mehnat va aholini ijtimoiy muhofaza qilish” soʻzlari “sogʻliqni saqlash” soʻzlari bilan almashtirilsin;

k) 27-band quyidagi tahrirda bayon qilinsin:

“27. Vasiylikka olinganlarni oziq-ovqat, kiyim-bosh, poyabzal, ashyoviy taʼminotning boshqa buyumlari va yumshoq anjomlar bilan taʼminlash normalari Oʻzbekiston Respublikasi Moliya vazirligi bilan kelishgan holda Oʻzbekiston Respublikasi Sogʻliqni saqlash vazirligi tomonidan belgilanadi;

l) 30-band quyidagi tahrirda bayon qilinsin:

“30. Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi har chorakda “Muruvvat” internat uylarining vasiylikka olinganlari toʻgʻrisidagi maʼlumotlarni Oʻzbekiston Respublikasi Sogʻliqni saqlash vazirligi tomonidan belgilanadigan hisobotlar shakllariga muvofiq Oʻzbekiston Respublikasi Sogʻliqni saqlash vazirligiga taqdim etadilar”;

m) 31-bandning ikkinchi xatboshi quyidagi tahrirda bayon qilinsin:

“Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi ruxsati bilan”;

n) 39-banddagi “sanitariya-gigiyena normalariga” soʻzlari “sanitariya qoidalari, normalari va gigiyena normativlariga” soʻzlari bilan almashtirilsin;

o) 40-banddagi “bilan kelishgan holda Mehnat va aholini ijtimoiy muhofaza qilish vazirligi” soʻzlari chiqarib tashlansin;

p) ) 47-band quyidagi tahrirda bayon qilinsin:

“47. “Muruvvat” internat uyiga bevosita rahbarlikni oliy maʼlumotga ega boʻlgan direktor amalga oshiradi. Direktor lavozimiga tayinlash Oʻzbekiston Respublikasi Sogʻliqni saqlash vazirligi bilan kelishgan holda Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi tomonidan amalga oshiriladi”;

r) 50-banddagi “sanitariya-gigiyena normalariga” soʻzlari “sanitariya qoidalari, normalari va gigiyena normativlariga” soʻzlari bilan almashtirilsin;

s) 53-band quyidagi tahrirda bayon qilinsin:

“Bunda “Muruvvat” internat uylariga har oyda Budjet tashkilotini rivojlantirish jamgʻarmasiga xayriya ehsonlari tarzida tushgan mablagʻlarning eng kam oylik ish haqining oʻn baravarini tovarlar xarid qilish va xizmatlarga doir kechiktirib boʻlmaydigan xarajatlarni korporativ bank kartochkalaridan foydalangan holda toʻlash uchun (Gʻaznachilik organlarida ularning yuridik va moliyaviy majburiyatlarini hisobga olmasdan) ular uchun tijorat banklarida ochiladigan kartochka hisob raqamlariga oʻtkazishga ruxsat beriladi”.

5. 3-ilovada:

a) 1, 3, 5-bandlardagi, 29-bandning birinchi xatboshidagi, 30-bandning yettinchi xatboshidagi, 56-banddagi “Mehnat va aholini ijtimoiy muhofaza qilish” soʻzlari tegishli ravishda “Sogʻliqni saqlash” soʻzlari bilan almashtirilsin;

b) 4-band quyidagi tahrirda bayon qilinsin:

“4. “Muruvvat” bolalar internat uylari Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan kelishgan holda Oʻzbekiston Respublikasi Sogʻliqni saqlash vazirligi tomonidan, belgilangan tartibda tashkil etilishi, qayta tashkil etilishi yoki tugatilishi mumkin. “Muruvvat” bolalar internat uylarini tugatishda vasiylikka olinganlarni Oʻzbekiston Respublikasi Sogʻliqni saqlash vazirligi tomonidan belgilanadigan tartibda boshqa “Muruvvat” bolalar internat uylariga oʻtkazish taʼminlanadi.

“Muruvvat” bolalar internat uylari huzurida tasdiqlangan koyka fondi doirasidagi boʻsh oʻrinlar hisobiga nogiron bolalar uchun kunduzgi parvarishlash guruhlari tashkil etilishi mumkin.

“Muruvvat” bolalar internat uylarida boʻsh oʻrinlar mavjudligi toʻgʻrisidagi axborot “Muruvvat” bolalar internat uylarining rasmiy veb-saytlarida, shuningdek ularning maʼmuriy binosida koʻrinarli joylardagi stendlarda yoki boshqa texnik vositalarda eʼlon joylashtirish yoʻli bilan manfaatdor shaxslar, shu jumladan ota-onalar, farzandlikka oluvchi, homiy yoki vasiy eʼtiboriga yetkaziladi”;

v) 6-band quyidagi tahrirda bayon qilinsin:

“6. “Muruvvat” bolalar internat uylari faoliyatini muvofiqlashtirish Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar Sogʻliqni saqlash bosh boshqarmasi tomonidan amalga oshiriladi”;

g) 7-band quyidagi tahrirda bayon qilinsin:

“7. “Muruvvat” bolalar internat uylaridagi oʻrinlar soni Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan kelishib, sanitariya qoidalari, normalari va gigiyena normativlariga, majburiy rioya etgan holda, Oʻzbekiston Respublikasi Sogʻliqni saqlash vazirligi tomonidan belgilanadi”;

d) 9-bandda:

quyidagi mazmundagi oltinchi xatboshi qoʻshilsin:

“oilalarda yashaydigan, ruhiy buzilishi namoyon yoki sezilarli namoyon boʻlgan nogiron bolalarga kunduzgi parvarish qilish guruhlarida kompleks tibbiy-ijtimoiy yordam koʻrsatish va ular uchun oʻquv-tarbiya jarayonini tashkil etish”;

oltinchi xatboshi yettinchi xatboshi deb hisoblansin;

e) 10-band quyidagi tahrirda bayon qilinsin:

“10. “Muruvvat” bolalar internat uylariga tashxislari quyidagicha boʻlgan vasiylikka olinadiganlar qabul qilinadi:

ogʻir darajadagi aqliy zaiflik;

chuqur darajadagi aqliy zaiflik;

bolalarni ixtisoslashtirilgan maktab-internatlarga qabul qilishga toʻsqinlik qiluvchi gemiparez, paraparez va tetraparez asoratlari boʻlgan moʻtadil darajadagi aqliy zaif bolalar serebral falajligi;

intellektning qoʻpol buzilishiga olib kelgan bolalar shizofreniyasi;

moʻtadil darajadagi aqliy zaiflikka olib kelgan epilepsiya (har oyda koʻpi bilan besh marta xuruj);

bosh miya shikastlanishi sababli moʻtadil darajadagi aqliy zaiflik;

ensefalit, meningit, meningoensefalit, bosh miya sifilisi hisobiga, shuningdek bosh miyaning organik kasalliklari hisobiga aqliy zaiflik;

bosh miyaning organik shikastlanishi oqibatidagi moʻtadil darajadagi aqliy zaiflik (bosh miya ensefaliti, meningiti, meningoensefaliti sifilisi va shikastlanishi), shuningdek bosh miya xromosoma kasalligi yoki anomaliyasi;

bosh miyaning organik shikastlanishi oqibatidagi bola yoshidagi zoʻrayib boruvchi demensiya (bosh ensefaliti, meningiti, meningoensefaliti, jarohatlanishi va shikastlanishi), shuningdek bosh miya xromosoma kasalligi yoki anomaliyasi.

Qabul qilish boʻsh oʻrinlar mavjud boʻlgan taqdirda amalga oshiriladi”;

j) 12-bandning oltinchi xatboshidagi “OIV yuqqanlar” soʻzlari chiqarib tashlansin;

z) 13 va 14-bandlar quyidagi tahrirda bayon qilinsin:

“13. “Muruvvat” bolalar internat uylariga yuborish, shuningdek bittasidan ikkinchisiga oʻtkazish Oʻzbekiston Respublikasi Sogʻliqni saqlash vazirligining Maxsus komissiyasi qaroriga muvofiq, belgilangan tartibda qabul qilingan Qoraqalpogʻiston Respublikasi Sogʻliqni saqlash vaziri, viloyatlar sogʻliqni saqlash boshqarmalari boshliqlari va Toshkent shahri Sogʻliqni saqlash bosh boshqarmasi boshligʻi buyrugʻi asosida amalga oshiriladi.

“Muruvvat” bolalar internat uylariga rasmiylashtirish uchun taqdim etilgan hujjatlarning haqqoniyligi yuzasidan masʼuliyat Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar Sogʻliqni saqlash bosh boshqarmasiga yuklanadi;

Kunduzgi parvarishlash guruhiga nogiron bolalarni qabul qilish ota-ona, farzandlikka oluvchi, vasiy yoki homiy arizasi boʻyicha “Muruvvat” bolalar internat uyi direktorining buyrugʻi asosida amalga oshiriladi.

14. “Muruvvat” bolalar internat uylariga rasmiylashtirish uchun quyidagi hujjatlar taqdim etiladi:

ota-onaning, farzandlikka oluvchining, vasiylik va homiylik boʻyicha vakolatli davlat organi tomonidan tayinlangan vasiy yoki homiyning vasiylikka olinayotganni “Muruvvat” bolalar internat uyiga rasmiylashtirish uchun doimiy yashash joyidagi tuman (shahar) tibbiyot birlashmasi boshligʻi nomiga berilgan arizasi, kunduzgi parvarishlash guruhiga ega — “Muruvvat” bolalar internat uyi direktori nomiga arizasi;

“Muruvvat” bolalar internat uyiga rasmiylashtirilayotganning tugʻilganlik toʻgʻrisidagi guvohnomasi nusxasi (16 yoshdan katta shaxslar uchun — pasportining nusxasi);

vasiylikka olinayotganni “Muruvvat” bolalar internat uyiga rasmiylashtirish toʻgʻrisida ariza berayotgan ota-ona, farzandlikka oluvchi, vasiy yoki homiy pasportining nusxasi;

roʻyxati Oʻzbekiston Respublikasi Sogʻliqni saqlash vazirligi tomonidan tasdiqlanadigan sogʻliqning holati toʻgʻrisidagi tibbiy hujjatlar”.

i) quyidagi mazmundagi 14¹-band qoʻshilsin:

“14¹. Nogiron bolalarni nogiron bolalar uchun kunduzgi parvarishlash guruhiga qabul qilishda ota-onalar (vasiylar yoki homiylar, farzandlikka oluvchilar) va “Muruvvat” bolalar internat uyi direktori oʻrtasida begʻaraz shartnoma tuziladi, unda tomonlarning huquq va majburiyatlari koʻrsatiladi.

Shartnomada quyidagilar belgilanadi:

koʻrsatiladigan tibbiy-ijtimoiy xizmatlar roʻyxati;

“Muruvvat” bolalar internat uylari mutaxassislari tomonidan kunduzgi parvarishlash guruhi negizida oʻtkaziladigan tadbirlar;

ota-onalar, farzandlikka oluvchilar, vasiylar yoki homiylar tomonidan uy sharoitlarida oʻtkaziladigan tadbirlar”;

k) 16-bandning oltinchi xatboshidagi “15 nafardan” soʻzlari “5-6 nafardan” soʻzlari bilan almashtirilsin;

l) 19-bandga quyidagi mazmundagi xatboshi qoʻshilsin:

“Kunduzgi parvarishlash guruhiga qabul qilingan nogiron bolalar toʻliq davlat taʼminotida boʻlmaydi, shu sababli ularga tayinlangan pensiya va nafaqalar toʻliq hajmda toʻlanadi”;

m) quyidagi mazmundagi 20¹-band qoʻshilsin:

“20¹. Nogiron bolalarni kunduzi parvarishlash haftasiga besh marta (dushanba-juma kunlari) soat 9 dan 17 gacha amalga oshiriladi.

Vasiylikka olinganlarning kunduzgi parvarishlash guruhida boʻlishi ichki tartib-qoidalar bilan tartibga solinadi va “Muruvvat” bolalar internat uyi direktori tomonidan tasdiqlanadi”;

n) 21-banddagi va 24-bandning ikkinchi xatboshidagi “mehnat va aholini ijtimoiy muhofaza qilish” soʻzlari “sogʻliqni saqlash” soʻzlari bilan almashtirilsin;

o) 26-band quyidagi tahrirda bayon qilinsin:

“26. Vasiylikka olinganlarni oziq-ovqat, kiyim-bosh, poyabzal va ashyoviy taʼminotning boshqa buyumlari hamda yumshoq anjomlar bilan taʼminlash normalari Oʻzbekiston Respublikasi Moliya vazirligi bilan kelishgan holda Oʻzbekiston Respublikasi Sogʻliqni saqlash vazirligi tomonidan belgilanadi.

Kunduzgi parvarishlash guruhidagi nogiron bolalar “Muruvvat” bolalar internat uylari uchun ovqatlanish normalariga muvofiq uch marta ovqatlantirish bilan taʼminlanadilar”;

p) 28-band quyidagi tahrirda bayon qilinsin:

“28. Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar Sogʻliqni saqlash bosh boshqarmasi har chorakda “Muruvvat” bolalar internat uylarining vasiylikka olinganlari va kunduzgi parvarishlash guruhidagi nogiron bolalari toʻgʻrisidagi maʼlumotlarni Oʻzbekiston Respublikasi Sogʻliqni saqlash vazirligi tomonidan belgilanadigan hisobotlar shakllariga muvofiq, Oʻzbekiston Respublikasi Sogʻliqni saqlash vazirligiga taqdim etadilar”;

r) 41-banddagi “sanitariya-gigiyena normalariga” soʻzlari “sanitariya qoidalari, normalari va gigiyena normativlariga” soʻzlari bilan almashtirilsin”;

s) 42-banddagi “bilan kelishgan holda Mehnat va aholini ijtimoiy muhofaza qilish vazirligi” soʻzlari chiqarib tashlansin;

t) 49-band quyidagi tahrirda bayon qilinsin:

“49. “Muruvvat” bolalar internat uyiga bevosita rahbarlikni oliy maʼlumotga ega boʻlgan direktor amalga oshiradi. Direktor lavozimiga tayinlash Oʻzbekiston Respublikasi Sogʻliqni saqlash vazirligi bilan kelishgan holda Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi tomonidan amalga oshiriladi”;

u) 52-banddagi “sanitariya-gigiyena normalariga” soʻzlari “sanitariya qoidalari, normalari va gigiyena normativlariga” soʻzlari bilan almashtirilsin”;

f) 55-bandga quyidagi mazmundagi xatboshi qoʻshilsin:

“Bunda “Muruvvat” bolalar internat uylariga har oyda Budjet tashkilotini rivojlantirish jamgʻarmasiga xayriya ehsonlari tarzida tushgan mablagʻlarning eng kam oylik ish haqining oʻn baravarini tovarlar xarid qilish va xizmatlarga doir kechiktirib boʻlmaydigan xarajatlarni korporativ bank kartochkalaridan foydalangan holda toʻlash uchun (Gʻaznachilik organlarida ularning yuridik va moliyaviy majburiyatlarini hisobga olmasdan) ular uchun tijorat banklarida ochiladigan kartochka hisob raqamlariga oʻtkazishga ruxsat beriladi”.

6. 4-ilovada:

a) 1, 3, 4, 6-bandlardagi, 9-bandning oʻn toʻqqizinchi xatboshidagi, 29-banddagi “Mehnat va aholini ijtimoiy muhofaza qilish” soʻzlari “Sogʻliqni saqlash” soʻzlari bilan almashtirilsin;

b) 5-band quyidagi tahrirda bayon qilinsin:

“5. Sanatoriylar faoliyatini muvofiqlashtirish va nazorat qilish Oʻzbekiston Respublikasi Sogʻliqni saqlash vazirligi, Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar Sogʻliqni saqlash bosh boshqarmasi tomonidan amalga oshiriladi”;

v) 13-band quyidagi tahrirda bayon qilinsin:

“13. Dam oluvchilarni oziq-ovqat va yumshoq anjomlar bilan taʼminlash normalari Oʻzbekiston Respublikasi Moliya vazirligi bilan kelishgan holda Oʻzbekiston Respublikasi Sogʻliqni saqlash vazirligi tomonidan belgilanadi”;

g) 14-band quyidagi tahrirda bayon qilinsin:

“14. Sanatoriylar quyidagi huquqlarga ega:

davolash-profilaktika muassasalari, sogʻliqni saqlash organlaridan sanatoriylarning ishlari uchun zarur boʻlgan, shu jumladan dam oluvchilarning kasalliklari xususiyati va kechishi toʻgʻrisidagi maʼlumotlarni olish;

davolash-profilaktika muassasalariga va boshqa manfaatdor tashkilotlarga dam oluvchilarning kasalliklari profilaktikasi va ularni sogʻlomlashtirish masalalari boʻyicha tavsiyalar berish;

Oʻzbekiston Respublikasi Sogʻliqni saqlash vazirligi, Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi, mahalliy davlat hokimiyati organlariga sanatoriylarning ishlarini yaxshilash, dam oluvchilarning kasalliklari profilaktikasi va ularni sogʻlomlashtirish yuzasidan takliflar kiritish;

sanatoriylar xodimlarining qonuniy manfaatlarini belgilangan tartibda himoya qilish”;

d) 18-banddagi “sanitariya-gigiyena normalariga” soʻzlari “sanitariya qoidalari, normalari va gigiyena normativlariga” soʻzlari bilan almashtirilsin”;

e) 22-band quyidagi tahrirda bayon qilinsin:

“22. Bosh vrach sanatoriyga bevosita rahbarlik qiladi. Bosh vrach lavozimiga tayinlash Oʻzbekiston Respublikasi Sogʻliqni saqlash vazirligi, Oʻzbekiston Respublikasi Sogʻliqni saqlash vazirligi bilan kelishgan holda Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi tomonidan amalga oshiriladi”.

7. 5-ilovada:

a) 1, 3 — 6, 26-bandlardagi, 28-bandning beshinchi xatboshidagi, 41 va 48-bandlardagi “Mehnat va aholini ijtimoiy muhofaza qilish” soʻzlari “Sogʻliqni saqlash” soʻzlari bilan almashtirilsin;

b) 7-band quyidagi tahrirda bayon qilinsin:

“7. Pansionatdagi oʻrinlar soni sanitariya qoidalari, normalari va gigiyena normativlariga majburiy rioya qilingan holda, Toshkent shahri hokimligi bilan kelishib, Oʻzbekiston Respublikasi Sogʻliqni saqlash vazirligi tomonidan belgilanadi”;

v) 11-bandga quyidagi mazmundagi xatboshi qoʻshilsin:

“Qabul qilish boʻsh oʻrinlar mavjud boʻlgan taqdirda amalga oshiriladi”;

g) 12-bandning uchinchi xatboshi quyidagi tahrirda bayon qilinsin:

“bemorning oʻzi va atrofidagilar uchun xavfli boʻlgan moyillikning qoʻpol buzilishlari va axloqiy dagʻallik bilan birga kechadigan ruhiy kasalliklar”;

d) 13-bandning oltinchi xatboshidagi “OIV yuqqanlar” soʻzlari chiqarib tashlansin;

e) 14-band quyidagi tahrirda bayon qilinsin:

“14. Pansionatga qabul qilish, shuningdek undan koʻchirish Oʻzbekiston Respublikasi Sogʻliqni saqlash vazirligi tegishli komissiyasining qaroriga muvofiq pansionatning direktori buyrugʻi asosida amalga oshiriladi.

Pansionatga rasmiylashtirish uchun taqdim etilgan hujjatlarning haqqoniyligi yuzasidan masʼuliyat Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar sogʻliqni saqlash bosh boshqarmasiga yuklanadi”;

j) 15-bandda:

ikkinchi xatboshidagi “tuman (shahar) bandlikka koʻmaklashish va aholini ijtimoiy muhofaza qilish markazi direktori” soʻzlari “tuman (shahar) tibbiyot birlashmasi boshligʻi” soʻzlari bilan almashtirilsin;

toʻrtinchi xatboshidagi “bilan kelishgan holda Mehnat va aholini ijtimoiy muhofaza qilish vazirligi” soʻzlari chiqarib tashlansin;

z) 20-banddagi va 23-bandning ikkinchi xatboshidagi “mehnat va aholini ijtimoiy muhofaza qilish” soʻzlari “sogʻliqni saqlash” soʻzlari bilan almashtirilsin;

i) 25-band quyidagi tahrirda bayon qilinsin:

“25. Vasiylikka olinganlarni ovqat, kiyim-bosh, poyabzal, ashyoviy taʼminotning boshqa buyumlari va yumshoq anjomlar bilan taʼminlash normalari Oʻzbekiston Respublikasi Moliya vazirligi bilan kelishgan holda Oʻzbekiston Respublikasi Sogʻliqni saqlash vazirligi tomonidan belgilanadi”;

k) 27-bandning ikkinchi xatboshi quyidagi tahrirda bayon qilinsin:

“Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasining ruxsati bilan”;

l) 33-banddagi “sanitariya-gigiyena normalariga” soʻzlari “sanitariya qoidalari, normalari va gigiyena normativlariga” soʻzlari bilan almashtirilsin”;

m) 34-banddagi “bilan kelishgan holda Mehnat va aholini ijtimoiy muhofaza qilish vazirligi” soʻzlari chiqarib tashlansin;

n) 44-banddagi “sanitariya-gigiyena normalariga” soʻzlari “sanitariya qoidalari, normalari va gigiyena normativlariga” soʻzlari bilan almashtirilsin”;

o) 47-bandga quyidagi mazmundagi xatboshi qoʻshilsin:

“Bunda pansionatga har oyda Budjet tashkilotini rivojlantirish jamgʻarmasiga xayriya ehsonlari tarzida tushgan mablagʻlarning eng kam oylik ish haqining oʻn baravarini tovarlar xarid qilish va xizmatlarga doir kechiktirib boʻlmaydigan xarajatlarni korporativ bank kartochkalaridan foydalangan holda toʻlash uchun (Gʻaznachilik organlarida ularning yuridik va moliyaviy majburiyatlarini hisobga olmasdan) ular uchun tijorat banklarida ochiladigan kartochka hisob raqamlariga oʻtkazishga ruxsat beriladi”.