Oʻzbekiston Respublikasi Vazirlar Mahkamasining 2012-yil 28-dekabrdagi 365-son “Oliy oʻquv yurtidan keyingi taʼlim hamda oliy malakali ilmiy va ilmiy-pedagog kadrlarni attestatsiyadan oʻtkazish tizimini takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosati qaror qiladi:

1. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2016-yil 28-apreldagi 224/8-son qarori (roʻyxat raqami 2793, 2016-yil 3-iyul) (Oʻzbekiston Respublikasi qonun hujjatlari toʻplami, 2016-y., 22-son, 260-modda) bilan tasdiqlangan Ilmiy unvonlar berish tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 12-bandda:

“g” kichik banddan “asosiy” degan soʻz chiqarib tashlansin;

“d” kichik band “(tibbiyot sohasidagi talabgorlar uchun ilmiy daraja olgan 3 nafar oliy malakali mutaxassisni tayyorlagan va 5 nafar magistratura talabasi yoxud davlat (nomli) stipendiyalar tanlovlari yoki xalqaro, respublika olimpiadalari yoki tanlovlari gʻoliblarini tayyorlagan)” degan soʻzlar bilan toʻldirilsin;

“e” kichik band “(tibbiyot sohasidagi talabgorlar uchun dissertatsiya himoyasidan keyin ilmiy ishlar, jumladan ilmiy jurnallarda 10 ta maqola, shundan nufuzli xorijiy ilmiy jurnallarda 2 ta maqola chop ettirgan)” degan soʻzlar bilan toʻldirilsin;

“j” kichik band “, shuningdek tibbiyot sohasidagi talabgorlar uchun qoʻshimcha ravishda 1 ta monografiya chop ettirgan” degan soʻzlar bilan toʻldirilsin.

2. 13-bandning “d”kichik bandi “(tibbiyot sohasidagi talabgorlar uchun ilmiy daraja olgan 3 nafar oliy malakali mutaxassisni tayyorlagan va 5 nafar magistratura talabasi yoxud davlat (nomli) stipendiyalar tanlovlari yoki xalqaro, respublika olimpiadalari yoki tanlovlari gʻoliblarini tayyorlagan)” degan soʻzlar bilan toʻldirilsin.

3. 16-bandda:

“g” kichik banddagi “bir yil davomida ITMning asosiy shtatida” degan soʻzlar “bir yil “(tibbiyot sohasidagi talabgorlar uchun 3 yil) davomida ITMning shtatida” degan soʻzlar bilan almashtirilsin;

“d” kichik band “(tibbiyot sohasidagi talabgorlar uchun kamida 3 nafar ilmiy daraja olgan oliy malakali mutaxassis tayyorlagan va 5 nafar magistratura talabasi yoxud klinik ordinatura bitiruvchisiga ilmiy rahbarlik qilgan yoki davlat (nomli) stipendiyalar tanlovlari yoxud xalqaro yoki respublika olimpiadalari yoxud tanlovlari gʻoliblarini tayyorlagan)” degan soʻzlar bilan toʻldirilsin.

4. 17-bandning “d” kichik bandi “(tibbiyot sohasidagi talabgorlar uchun kamida 3 nafar ilmiy daraja olgan oliy malakali mutaxassis tayyorlagan va 5 nafar magistratura talabasi yoxud klinik ordinatura bitiruvchisiga ilmiy rahbarlik qilgan yoki davlat (nomli) stipendiyalar tanlovlari yoxud xalqaro yoki respublika olimpiadalari yoxud tanlovlari gʻoliblarini tayyorlagan)” degan soʻzlar bilan toʻldirilsin.

5. 18-bandning birinchi xatboshisi “(mazkur band tibbiyot sohasidagi talabgorlarga nisbatan tatbiq etilmaydi)” degan soʻzlar bilan toʻldirilsin.

6. 19-banda:

“v” kichik banddan “asosiy” degan soʻz chiqarib tashlansin;

“g” kichik band “(tibbiyot sohasidagi talabgorlar uchun dissertatsiya himoyasidan keyin ilmiy ishlar, jumladan ilmiy jurnallarda 5 ta ilmiy maqola, shundan nufuzli xorijiy ilmiy jurnallarda 1 ta maqola chop ettirgan)” degan soʻzlar bilan toʻldirilsin;

“d” kichik band “, shuningdek tibbiyot sohasidagi talabgorlar uchun qoʻshimcha ravishda 1 ta monografiya nashr ettirgan” degan soʻzlar bilan toʻldirilsin;

“j” kichik band “talabasiga” degan soʻzdan keyin “(tibbiyot sohasidagi talabgorlar uchun 5 nafar magistratura talabasiga)” degan soʻzlar bilan toʻldirilsin.

7. 20-bandda:

“g” kichik band “(tibbiyot sohasidagi talabgorlar uchun mazkur roʻyxatdagi ilmiy jurnallarda kamida 5 ta ilmiy maqola, shundan nufuzli xorijiy ilmiy jurnallarda 1 ta maqola chop ettirgan)” degan soʻzlar bilan toʻldirilsin;

“d” kichik band “, shuningdek tibbiyot sohasidagi talabgorlar uchun qoʻshimcha ravishda 1 ta monografiya chop ettirgan” degan soʻzlar bilan toʻldirilsin.

8. 21-bandda:

“b” kichik band “3 yillik” degan soʻzlardan keyin “(tibbiyot sohasidagi talabgorlar uchun 5 yillik)” degan soʻzlar bilan toʻldirilsin;

“v” kichik banddagi “bir yil davomida ITMning asosiy shtatida” degan soʻzlar “bir yil “(tibbiyot sohasidagi talabgorlar uchun 3 yil) davomida ITMning shtatida” degan soʻzlar bilan almashtirilsin;

“g” kichik band “(tibbiyot sohasidagi talabgorlar uchun 1 ta monografiya va kamida 5 ta ilmiy maqola, shundan nufuzli xorijiy ilmiy jurnallarda 1 ta ilmiy maqola chop ettirgan)” degan soʻzlar bilan toʻldirilsin.

9. Mazkur oʻzgartirish va qoʻshimchalar Oʻzbekiston Respublikasi Madaniyat va sport ishlari vazirligi, Oliy va oʻrta maxsus taʼlim vazirligi, Sogʻliqni saqlash vazirligi, Xalq taʼlimi vazirligi, Qishloq va suv xoʻjaligi vazirligi, Tashqi ishlar vazirligi, Fanlar akademiyasi, Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi bilan kelishilgan.