O‘zbekiston Respublikasi Vazirlar Mahkamasining 2016-yil 2-iyundagi 183-sonli “O‘zbekiston Respublikasi fuqaro aviatsiyasida aviatsiya xavfsizligiga tekshirish o‘tkazish tartibi to‘g‘risidagi nizomni tasdiqlash haqida”gi qaroriga muvofiq O‘zbekiston Respublikasi Parvozlar xavfsizligini nazorat qilish davlat inspeksiyasi hamda Milliy xavfsizlik xizmati qaror qiladi:

1. O‘zbekiston Respublikasi Parvozlar xavfsizligini nazorat qilish davlat inspeksiyasi va O‘zbekiston Respublikasi Milliy xavfsizlik xizmatining 2014-yil 27-avgustdagi 33 va 87-sonli qarori (ro‘yxat raqami 2617, 2014-yil 24-sentabr) (O‘zbekiston Respublikasi qonun hujjatlari to‘plami, 2014-y., 39-son, 495-modda) bilan tasdiqlangan O‘zbekiston Respublikasining fuqaro aviatsiyasida radio, teleapparatura, audio va video texnika, kompyuter, planshet va mobil telefonlarni aviatsiya xavfsizligi bo‘yicha tekshirish qoidalarining muqaddimasidagi “Vazirlar Mahkamasining 1997-yil 29-apreldagi 219-sonli “O‘zbekiston Respublikasi MXX-MXXB aviatsiya xavfsizligi bo‘linmalari tomonidan qo‘lda olib yuriladigan yukni, bagajni ko‘zdan kechirish va yo‘lovchilarni, fuqaro kemalari ekipaji a’zolarini, aeroportlar xodimlari va boshqa mansabdor shaxslarni shaxsan tekshirib chiqishni amalga oshirish tartibi to‘g‘risidagi yo‘riqnomani tasdiqlash haqida”gi” degan so‘zlar “Vazirlar Mahkamasining 2016-yil 2-iyundagi 183-sonli “O‘zbekiston Respublikasi fuqaro aviatsiyasida aviatsiya xavfsizligiga tekshirish o‘tkazish tartibi to‘g‘risidagi nizomni tasdiqlash haqida”gi” degan so‘zlar bilan almashtirilsin.

2. Mazkur qaror “O‘zbekiston havo yo‘llari” milliy aviakompaniyasi bilan kelishilgan.

3. Mazkur qaror rasmiy e’lon qilingan kundan e’tiboran kuchga kiradi.