Mamlakat xavfsizligini taʼminlash, ammiakli selitrani ishlab chiqarish, taqsimlash, tashish va sotishni nazorat qilish samaradorligini oshirish, uning yoʻqolishi, oʻgʻirlanishi hollariga, portlovchi moddalarni yashirin tayyorlash uchun undan komponent sifatida foydalanish imkoniyatiga yoʻl qoʻymaslik maqsadida Vazirlar Mahkamasi qaror qiladi:

1. Belgilab qoʻyilsinki, ammiakli selitrani qishloq xoʻjaligi va texnologiya ehtiyojlari uchun:

eksportga yetkazib berish — mineral oʻgʻitlar ishlab chiqaruvchi korxonalar tomonidan tuzilgan kontraktlarga muvofiq;

qishloq xoʻjaligi korxonalariga yetkazib berish — “Oʻzagrokimyohimoya” aksiyadorlik jamiyatining “Agrokimyohimoya” hududiy aksiyadorlik jamiyatlari orqali tuzilgan shartnomalar asosida;

ammiakli selitradan texnologiya ehtiyojlari uchun foydalanadigan korxonalarga yetkazib berish — mineral oʻgʻitlar ishlab chiqaruvchi korxonalar bilan toʻgʻridan toʻgʻri shartnomalar boʻyicha amalga oshiriladi.

Ammiakli selitra birja savdolarida va chakana savdoda sotiladigan mahsulotlar va tovarlar roʻyxatidan chiqarilsin.

Ammiakli selitrani mineral oʻgʻitlar sotishning oraliq shoxobchalari orqali sotish taqiqlansin.

2. Belgilab qoʻyilsinki, Vazirlar Mahkamasining “2004-yilda respublika qishloq xoʻjaligini mineral oʻgʻitlar bilan taʼminlash chora-tadbirlari toʻgʻrisida” 2004-yil 23-yanvardagi 34-son qaroriga 2-ilovaning 1.1-bandidagi “qishloq xoʻjaligi tovar ishlab chiqaruvchilariga boshqa mahsulotlar yetkazib berish” kichik bandida koʻrsatilgan ammiakli selitra hajmlari qishloq xoʻjaligi mahsulotlari yetkazib berish yuzasidan davlat bilan shartnomaviy majburiyatlarga ega boʻlmagan qishloq xoʻjaligi tovar ishlab chiqaruvchilariga “Qishloqxoʻjalikkimyo” hududiy aksiyadorlik jamiyatlari orqali, shartnomalar asosida, 100 foiz haqini oldindan toʻlash sharti bilan va yetkazib berishning har oylik jadvallariga binoan sotiladi.

5. “Oʻzkimyosanoat” davlat-aksiyadorlik kompaniyasi (Gʻ.I. Ibrohimov) 2004-yil 1-sentabrgacha boʻlgan muddatda tayyorlovchi korxonalarda ammiakli selitrani (uning suyuq eritmalaridan tashqari) qadoqlashni va tegishli ravishda markalashni tashkil etish chora-tadbirlarini ishlab chiqsin va amalga oshirsin.

6. Qishloq va suv xoʻjaligi vazirligi (S.B. Begaliyev), “Oʻzagromashservis” uyushmasi (Sh.N. Nishonov) “Oʻzkimyosanoat” davlat-aksiyadorlik kompaniyasi (Gʻ.I. Ibrohimov) Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda bir oy muddatda qishloq xoʻjaligi mahsulotlari yetishtiruvchilarga mineral oʻgʻitlar solish va oʻsimliklarni himoya qilish vositalarini qoʻllanish boʻyicha servis xizmatlari koʻrsatuvchi ixtisoslashtirilgan qishloq xoʻjaligi korxonalarini bosqichma-bosqich tashkil etish toʻgʻrisida takliflarni ishlab chiqsinlar va Oʻzbekiston Respublikasi Vazirlar Mahkamasiga kiritsinlar.

7. Qishloq va suv xoʻjaligi vazirligi (S.B. Begaliyev) qishloq xoʻjaligi ekinlari turlari boʻyicha ammiakli selitrani sarflash normalarini belgilash tartibini ishlab chiqsin va tasdiqlasin, ular asosida tegishli tavsiyanomalarni tayyorlasin hamda qishloq xoʻjaligi tovar ishlab chiqaruvchilariga yetkazsin.

8. Vazirlar Mahkamasining “Mahsulotlar, xomashyo va materiallarning yuqori likvidli turlarini sotishning bozor mexanizmlarini joriy etishni davom ettirish toʻgʻrisida” 2004-yil 5-fevraldagi 57-son qarori (Oʻzbekiston Respublikasi QT, 2004-y., 2-son, 10-modda) 3-ilovasiga 3-ilovaga muvofiq oʻzgartirishlar kiritilsin.

9. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev va Oʻzbekiston Respublikasi Prezidenti huzuridagi Milliy xavfsizlik kengashi Kotibi R.E. Mirzayev zimmasiga yuklansin.

1. 46-band quyidagi mazmundagi xatboshi bilan toʻldirilsin:

“Mineral oʻgʻitlarni sotishning mazkur tartibi davlat ehtiyojlari uchun mahsulot yetkazib berish boʻyicha shartnoma majburiyatlari bilan qamrab olinmagan qishloq xoʻjaligi mahsulotlari yetishtiruvchilariga ammiakli selitra sotishga tatbiq etilmaydi”.

2. 47-band quyidagi mazmundagi xatboshi bilan toʻldirilsin:

“Davlat ehtiyojlari uchun mahsulot yetkazib berish boʻyicha shartnoma majburiyatlari bilan qamrab olingan qishloq xoʻjaligi mahsulotlari yetishtiruvchilariga ammiakli selitra sotish “Qishloqxoʻjalikkimyo” hududiy aksiyadorlik jamiyatlari tomonidan, yarmarka savdolari oʻtkazilmasdan amalga oshiriladi”.