“Ijtimoiy himoya yili” Davlat dasturida belgilangan vazifalarni bajarish yuzasidan senatorlar tomonidan amalga oshirilgan ishlar xususida qoʻmita raislarining hisobotlarini tinglab va muhokama etib, Oʻzbekiston Respublikasi Oliy Majlisi Senatining Kengashi qaror qiladi:

1. “Ijtimoiy himoya yili” Davlat dasturida belgilangan vazifalarni bajarish yuzasidan senatorlar tomonidan amalga oshirilgan ishlar xususida qoʻmita raislarining hisobotlari maʼlumot uchun qabul qilinsin.

2. Qoʻmitalarning raislari “Ijtimoiy himoya yili” Davlat dasturida belgilangan vazifalarni bajarish yuzasidan senatorlar tomonidan amalga oshirilgan ishlarga tanqidiy baho bersinlar, mazkur Dasturda belgilangan vazifalar mukammal va oʻz vaqtida bajarilishini taʼminlasinlar hamda bu xususda 2007-yil dekabrda Oʻzbekiston Respublikasi Oliy Majlisi Senatining Kengashiga axborot taqdim etsinlar.