“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2015-yil 29-dekabrdagi OʻRQ-396-son Oʻzbekiston Respublikasi Qonuniga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirishlar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.

1. Vazirlar Mahkamasining “Arxitektura va qurilish sohasidagi ishlarni tashkil etish va nazoratni takomillashtirish chora-tadbirlari toʻgʻrisida” 2000-yil 27-apreldagi 165-son qarorining 2-bandidagi “moliyaviy va jazo jarimalarini qoʻllagan holda” soʻzlari chiqarib tashlansin.

2. Vazirlar Mahkamasining 2003-yil 2-dekabrdagi 538-son qarori (Oʻzbekiston Respublikasi QT, 2003-y., 12-son, 128-modda) bilan tasdiqlangan Oʻzbekiston Respublikasi Davlat arxitektura va qurilish qoʻmitasi toʻgʻrisidagi nizomda:

a) 7-bandning oʻn yettinchi xatboshi quyidagi tahrirda bayon qilinsin:

“qonun hujjatlarida nazarda tutilgan hollarda va tartibda shaharsozlik faoliyati sohasidagi huquqbuzarliklar toʻgʻrisidagi ishlarni koʻrib chiqadi va maʼmuriy jazolarni qoʻllaydi, yoʻl qoʻyilgan qoida buzilishlarida aybdor boʻlgan shaxslarni javobgarlikka tortish uchun materiallarni huquqni muhofaza qilish organlari va sudga beradi”;

b) 8-bandning oʻn toʻrtinchi xatboshidagi “jarima solish va boshqa jazolar” soʻzlari “maʼmuriy jazolar” soʻzlari bilan almashtirilsin.

3. Vazirlar Mahkamasining “Oʻzbekiston Respublikasi Davlat arxitektura va qurilish qoʻmitasi tarkibidagi Qoraqalpogʻiston Respublikasi Davlat arxitektura va qurilish qoʻmitasi, viloyatlar va Toshkent shahar arxitektura va qurilish bosh boshqarmalari hamda shahar va tuman arxitektura va qurilish boshqarmalari (boʻlimlari) faoliyatini takomillashtirish toʻgʻrisida” 2009-yil 11-noyabrdagi 294-son qaroriga (Oʻzbekiston Respublikasi qonun hujjatlari toʻplami, 2009-y., 46-son, 499-modda) 1-ilova 5-bandining oʻn toʻqqizinchi xatboshi quyidagi tahrirda bayon qilinsin:

“qonun hujjatlarida nazarda tutilgan hollarda va tartibda shaharsozlik faoliyati sohasidagi huquqbuzarliklar toʻgʻrisidagi ishlarni koʻrib chiqadi va maʼmuriy jazolarni qoʻllaydi, yoʻl qoʻyilgan qoida buzilishlarida aybdor boʻlgan shaxslarni javobgarlikka tortish uchun materiallarni huquqni muhofaza qilish organlari va sudga beradi”.

4. Vazirlar Mahkamasining “Vazirliklar va idoralarning budjetdan tashqari jamgʻarmalariga mablagʻlar ajratishni tartibga solish chora-tadbirlari toʻgʻrisida” 2010-yil 2-apreldagi 62-son qarorida (Oʻzbekiston Respublikasi QT, 2010-y., 4-son, 14-modda):

a) 1-ilovaning 16-bandida:

“Vazirliklar va idoralarning nomi” ustunidagi “Davlat arxitektura va qurilish qoʻmitasi” soʻzlari “Oʻzbekiston Respublikasi Davlat arxitektura va qurilish qoʻmitasi” soʻzlari bilan almashtirilsin”;

“Shakllantirish manbai” ustunidagi matn quyidagi tahrirda bayon qilinsin:

“Maʼmuriy javobgarlik toʻgʻrisidagi kodeksning 178-moddasiga muvofiq solinadigan jarimalar summasi (isteʼmolchilarning huquqlarini himoya qilish toʻgʻrisidagi qonun hujjatlari buzilishi yuzasidan)”;

b) 2-ilovaning 14-bandi oʻz kuchini yoʻqotgan deb hisoblansin.

5. Vazirlar Mahkamasining 2011-yil 29-iyuldagi 222-son qarori (Oʻzbekiston Respublikasi QT, 2011-y., 7-son, 67-modda) bilan tasdiqlangan Oʻzbekiston Respublikasi “Davarxitektqurilish” qoʻmitasining Davlat arxitektura-qurilish nazorati hududiy inspeksiyasi toʻgʻrisidagi namunaviy nizomda:

a) 6-bandning “e” kichik bandi quyidagi tahrirda bayon qilinsin:

“e) qonun hujjatlarida nazarda tutilgan hollarda shaharsozlik faoliyati sohasidagi maʼmuriy huquqbuzarlik toʻgʻrisida bayonnomalar tuzadi”;

b) 9-bandning “e” kichik bandida:

toʻrtinchi xatboshi quyidagi tahrirda bayon qilinsin:

“qonun hujjatlarida belgilangan tartibda shaharsozlik faoliyati sohasidagi maʼmuriy huquqbuzarlik toʻgʻrisida bayonnomalar tuzadi”;

beshinchi xatboshi quyidagi tahrirda bayon qilinsin:

“texnik tartibga solishning normativ hujjatlari talablari buzilishi aniqlanganda qurilish materiallari va buyumlarini ishlab chiqarishni, sotish va qurilishda qoʻllashni toʻxtatib qoʻyish. Tadbirkorlik subyekti faoliyati toʻxtatib qoʻyilishiga olib keluvchi qurilish materiallari va buyumlarini ishlab chiqarish, sotish va qoʻllashning, qurilish-montaj ishlarini davom ettirishning toʻxtatib qoʻyilishi sud tartibida amalga oshiriladi, favqulodda vaziyatlar, epidemiyalar paydo boʻlishining hamda aholining hayoti va sogʻligʻiga boshqa real tahdidning oldi olinishi munosabati bilan faoliyatni oʻn ish kunidan ortiq boʻlmagan muddatga toʻxtatib qoʻyish hollari bundan mustasno”;

v) 13-bandning ikkinchi xatboshi quyidagi tahrirda bayon qilinsin:

“Uning uchun maʼmuriy jazo berish nazarda tutilgan shaharsozlik toʻgʻrisidagi qonun hujjatlari buzilishlari holatlari yuzasidan yozma koʻrsatma Inspeksiya rahbarining imzosi bilan beriladi”.

1. Vazirlar Mahkamasining “Qurilish sohasidagi huquqbuzarliklar uchun yuridik shaxslarga solinadigan jarimalarni undirish tartibi toʻgʻrisidagi nizomni tasdiqlash haqida” 2003-yil 17-sentabrdagi 404-son qarori (Oʻzbekiston Respublikasi QT, 2003-y., 9-son, 86-modda).

2. Vazirlar Mahkamasining “Vazirlar Mahkamasining “Qurilish sohasidagi huquqbuzarliklar uchun yuridik shaxslarga solinadigan jarimalarni undirish tartibi toʻgʻrisidagi nizomni tasdiqlash haqida” 2003-yil 17-sentabrdagi 404-son qaroriga oʻzgartirishlar kiritish toʻgʻrisida” 2006-yil 18-maydagi 90-son qarori (Oʻzbekiston Respublikasi QT, 2006-y., 5-son, 32-modda).

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (“Tadbirkorlik subyektlarini huquqiy himoya qilish tizimi takomillashtirilganligi hamda ularning moliyaviy javobgarligi erkinlashtirilganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2006-yil 10-oktabrdagi OʻRQ-59-son Qonuni) 2006-yil 10-noyabrdagi 235-son qaroriga (Oʻzbekiston Respublikasi QT, 2006-y., 11-son, 86-modda) 1-ilovaning 47-bandi.