Hukumat aʼzolari faoliyatiga oid masalalar yuzasidan ularning axborotini, shuningdek davlat hokimiyati va boshqaruvi organlari rahbarlarining axborotini eshitish tartibining 3 va 4-bandlariga muvofiq Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Oʻzbekiston ekologik harakati deputatlari guruhining “2013 — 2017-yillarda Oʻzbekiston Respublikasida atrof-muhit muhofazasi boʻyicha harakatlar dasturi”ning IV-yoʻnalishida belgilangan “Atrof tabiiy muhitni muhofaza qilish va tabiatdan foydalanish, ekologik taʼlim va barqaror rivojlanish maqsadlarida taʼlim doirasidagi qonunchilikni va meʼyoriy-uslubiy bazani rivojlantirish” chora-tadbirlarining bajarilishi boʻyicha Oʻzbekiston Respublikasi Tabiatni muhofaza qilish davlat qoʻmitasi raisining axboroti Oʻzbekiston Respublikasi Oliy Majlisi Qonunchilik palatasining majlisida eshitish haqidagi taklifi qabul qilinsin.

2. Tadbirni, shuningdek ushbu tadbirga tayyorgarlik koʻrish va uni oʻtkazish rejasini ishlab chiqish uchun Oʻzbekiston Respublikasi Oliy Majlisi Qonunchilik palatasining Ekologiya va atrof muhitni muhofaza qilish masalalari qoʻmitasi masʼul etib belgilansin.

3. Oʻzbekiston Respublikasi Tabiatni muhofaza qilish davlat qoʻmitasi raisiga yuboriladigan tahminiy savollar roʻyxatiga rozilik berilsin.

4. Ekologiya va atrof muhitni muhofaza qilish masalalari qoʻmitasi Oʻzbekiston Respublikasi Oliy Majlisi Qonunchilik palatasining Spikeri nomidan Oʻzbekiston Respublikasi Tabiatni muhofaza qilish davlat qoʻmitasi raisini Oʻzbekiston Respublikasi Oliy Majlisi Qonunchilik palatasining majlisiga taklif etish toʻgʻrisida taxminiy savollar roʻyxatini ilova qilgan holda xat tayyorlasin.

5. Oʻzbekiston Respublikasi Tabiatni muhofaza qilish davlat qoʻmitasi raisining “2013 — 2017-yillarda Oʻzbekiston Respublikasida atrof-muhit muhofazasi boʻyicha harakatlar dasturi”ning IV-yoʻnalishida belgilangan “Atrof tabiiy muhitni muhofaza qilish va tabiatdan foydalanish, ekologik taʼlim va barqaror rivojlanish maqsadlarida taʼlim doirasidagi qonunchilikni va meʼyoriy-uslubiy bazani rivojlantirish” chora-tadbirlarining bajarilishi boʻyicha axborotini eshitishga tayyorgarlik ishlari borishini nazorat qilish Oʻzbekiston Respublikasi Oliy Majlisi Qonunchilik palatasi Spikerining oʻrinbosari B.B. Alixonov zimmasiga yuklatilsin.