Oʻzbekiston Respublikasining Budjet kodeksi va Oʻzbekiston Respublikasi Prezidentining 2015-yil 22-dekabrdagi PQ-2455-son “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga muvofiq buyuraman:

1. Oʻzbekiston Respublikasi moliya vazirining 2010-yil 20-avgustdagi 65-son buyrugʻi (roʻyxat raqami 2146, 2010-yil 11-oktabr) (Oʻzbekiston Respublikasi qonun hujjatlari toʻplami, 2010-y., 40-41-son, 356-modda) bilan tasdiqlangan Budjet tasnifini qoʻllash boʻyicha yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 60-bandning oʻninchi, oʻn birinchi va oʻn ikkinchi xatboshilari quyidagi tahrirda bayon etilsin:

“Oʻzbekiston Respublikasi Mehnat vazirligiga beriladigan mablagʻlar;

Qoraqalpogʻiston Respublikasi Mehnat vazirligi, viloyatlar va Toshkent shahri mehnat bosh boshqarmalariga beriladigan mablagʻlar;

Bandlikka koʻmaklashuvchi tuman (shahar) markazlariga beriladigan mablagʻlar”.

2. 79-banddan “va aholini ijtimoiy muhofaza qilish” degan soʻzlar chiqarib tashlansin.

3. 84-banddagi “Oʻzbekiston Respublikasining Aloqa, axborotlashtirish va telekommunikatsiya texnologiyalari davlat qoʻmitasi” degan soʻzlar “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi” degan soʻzlar bilan almashtirilsin.

4. 116-banddagi “muassasalari, Oliy biznes maktabini” degan soʻzlar “muassasalarini” degan soʻz bilan almashtirilsin.

5. 129-band quyidagi tahrirda bayon etilsin:

“129. 7 109 000 “Boshqa toifalarga tegishli boʻlmagan ijtimoiy muhofaza masalalari” boʻlimida Oʻzbekiston Respublikasi Mehnat vazirligi markaziy apparatini va uning hududiy boʻlinmalarini saqlash xarajatlari, Oʻzbekiston Respublikasining Bandlikka koʻmaklashish davlat jamgʻarmasi xarajatlari, ijtimoiy taʼminotning boshqa tadbirlari, ijtimoiy moslashuv markazlarini, Odam savdosi jabrdiydalariga yordam berish boʻyicha Respublika reabilitatsiya markazini, nogironlarni reabilitatsiya qilish va protezlash markazlarini saqlash xarajatlari, zararni qoplash, shuningdek budjet ajratmalari, budjet ssudalari va boshqa manbalar hisobidan kapital qoʻyilmalar, shuningdek boshqa xarajatlar aks ettiriladi.”.

6. 1-ilovadagi 3 005 0 0 qatorning nomi quyidagi tahrirda bayon etilsin:

“Oʻzbekiston Respublikasining Tiklanish va taraqqiyot jamgʻarmasi”.

7. 2-ilovada:

1) 3 111 500 qator nomi “(kichik korxona, mikrofirma va fermer xoʻjaliklari boʻyicha hisoblangandan tashqari)” degan soʻzlar bilan toʻldirilsin;

2) 3 111 600 qatordan keyin quyidagi mazmundagi qator bilan toʻldirilsin:

“3 111 700 “Xodimlar soni va mehnatga haq toʻlash fondining eng kam meʼyorlari joriy etilishi bilan bogʻliq ravishda, kichik korxona, mikrofirmalar va fermer xoʻjaliklari boʻyicha qoʻshimcha hisoblangan, jismoniy shaxslardan olinadigan daromad soligʻi”;

3) 3 112 107, 3 112 504, 3 112 604, 3 112 704 va 3 112 804 qatorlardagi “Gastrol-konsert” degan soʻzlar “Konsert-tomosha” degan soʻzlar bilan almashtirilsin;

4) 3 112 115 qatordan keyin quyidagi mazmundagi qator bilan toʻldirilsin:

“3 112 116 “Mobil aloqa xizmati koʻrsatuvchi yuridik shaxslar (uyali aloqa kompaniyalari) foydasining belgilangan rentabellikdan yuqori qismidan qoʻshimcha foyda soligʻi”;

5) 3 112 900 qatordan keyin quyidagi mazmundagi qatorlar bilan toʻldirilsin:

“3 112 901 “Iqtisodiyotning barcha tarmoqlaridagi toʻlovchilar tomonidan toʻlanadigan ijtimoiy infratuzilmani rivojlantirish va obodonlashtirish soligʻi (quyidagi daromad tiplaridan tashqari 902-903)”;

3 112 902 “Tijorat banklari tomonidan toʻlanadigan ijtimoiy infratuzilmani rivojlantirish va obodonlashtirish soligʻi”;

3 112 903 “Xorijiy investitsiyalar ishtirokidagi korxonalar tomonidan toʻlanadigan ijtimoiy infratuzilmani rivojlantirish va obodonlashtirish soligʻi”;

6) 3 131 101 qator nomi “(quyidagi daromad tiplaridan tashqari 102 — 105)” degan soʻzlar bilan toʻldirilsin;

7) 3 131 101 qatordan keyin quyidagi mazmundagi qatorlar bilan toʻldirilsin:

“3 131 102 “Tadbirkorlik faoliyati uchun foydalanilayotgan, yuridik shaxsga yoki yakka tartibdagi tadbirkorga ijaraga berilgan obyektlar, shuningdek jismoniy shaxslarning mulkida boʻlgan yashash uchun moʻljallanmagan joylar boʻyicha jismoniy shaxslarning mol-mulkiga solinadigan soliq”;

3 131 103 “Shaharlarda joylashgan umumiy maydoni 200 kv. m dan koʻp va 500 kv. m gacha boʻlgan turar joylar va kvartiralar boʻyicha jismoniy shaxslarning mol-mulkiga solinadigan soliq”;

3 131 104 “Shaharlarda joylashgan umumiy maydoni 500 kv. m dan koʻp boʻlgan turar joylar va kvartiralar boʻyicha jismoniy shaxslarning mol-mulkiga solinadigan soliq”;

3 131 105 “Boshqa aholi punktlarida (shaharlardan tashqari) joylashgan umumiy maydoni 200 kv. m dan koʻp boʻlgan turar joylar va kvartiralar boʻyicha jismoniy shaxslarning mol-mulkiga solinadigan soliq”;

8) 3 131 207 va 3 131 208 qatorlarning nomi tegishincha quyidagi tahrirda bayon etilsin:

“Boshqa sohalardagi (quyidagi daromad tiplaridan tashqari 208-209) toʻlovchilar tomonidan toʻlanadigan yagona yer soligʻi”;

“Asosiy faoliyati paxtachilik va gʻallachilik boʻlgan fermer xoʻjaliklari tomonidan toʻlanadigan yagona yer soligʻi”;

9) 3 131 208 qatordan keyin quyidagi mazmundagi qator bilan toʻldirilsin:

“3 131 209 “Asosiy faoliyati chorvachilik va baliqchilik boʻlgan fermer xoʻjaliklari tomonidan toʻlanadigan yagona yer soligʻi”;

10) 3 136 100 qatordan keyin quyidagi mazmundagi qatorlar bilan toʻldirilsin:

“3 136 101 “Iqtisodiyotning barcha tarmoqlaridagi toʻlovchilar tomonidan toʻlanadigan mol-mulk soligʻi (quyidagi daromad tiplaridan tashqari 102-103)”;

3 136 102 “Tijorat banklari tomonidan toʻlanadigan mol-mulk soligʻi”;

3 136 103 “Xorijiy investitsiyalar ishtirokidagi korxonalar tomonidan toʻlanadigan mol-mulk soligʻi”;

11) 3 141 102 qatorning nomi quyidagi tahrirda bayon etilsin:

“Iqtisodiyotning barcha tarmoqlaridagi toʻlovchilar tomonidan toʻlanadigan qoʻshilgan qiymat soligʻi (quyidagi daromad tiplaridan tashqari 101, 103 — 105)”;

12) 3 141 104 qatordan keyin quyidagi mazmundagi qator bilan toʻldirilsin:

“3 141 105 “Yagona soliq toʻlovi toʻlovchilari tomonidan ixtiyoriy asosda toʻlanadigan qoʻshilgan qiymat soligʻi”;

13) 3 141 201, 3 141 202 va 3 141 203 qatorlarning nomi tegishincha quyidagi tahrirda bayon etilsin:

“Transport vositalariga benzin va dizel yoqilgʻisi ishlatganlik uchun olinadigan soliq (toʻgʻridan-toʻgʻri shartnomalar boʻyicha sotilgan neft mahsulotlaridan tashqari)”;

“Transport vositalariga suyultirilgan gaz ishlatganlik uchun olinadigan soliq”;

“Transport vositalari uchun siqilgan gaz ishlatganlik uchun olinadigan soliq”;

14) 3 141 203 qatordan keyin quyidagi mazmundagi qator bilan toʻldirilsin:

“3 141 204 “Toʻgʻridan-toʻgʻri shartnomalar boʻyicha sotilgan neft mahsulotlari boʻyicha transport vositalariga benzin, dizel yoqilgʻisi ishlatganlik uchun olinadigan soliq”;

15) 3 145 204 qator “kommunal xizmat koʻrsatish korxonalari” degan soʻzlardan keyin “, alkogolsiz ichimliklarni ishlab chiqaruvchi korxonalari” degan soʻzlar bilan toʻldirilsin;

16) 3 145 205 qatordan keyin quyidagi mazmundagi qator bilan toʻldirilsin:

“3 145 206 “Alkogolsiz ichimliklarni ishlab chiqaruvchi korxonalarning suv resurslaridan foydalanganligi uchun soliq”;

17) 3 211 300 qatorning nomi quyidagi tahrirda bayon etilsin:

“Dehqon xoʻjaliklari aʼzolari tomonidan toʻlangan sugʻurta badallari”;

18) 3 211 301 qatorning nomi quyidagi tahrirda bayon etilsin:

“Yuridik shaxs tashkil etgan holda tuzilgan dehqon xoʻjaliklarining rahbari va aʼzolari tomonidan toʻlangan sugʻurta badallari”;

19) 3 211 302 qatorning nomi quyidagi tahrirda bayon etilsin:

“Yuridik shaxs tashkil etmagan holda tuzilgan dehqon xoʻjaliklarining rahbari va aʼzolari tomonidan toʻlangan sugʻurta badallari”;

20) 3 211 303 qatorning nomi quyidagi tahrirda bayon etilsin:

“Shaxsiy yordamchi xoʻjaliklarda qoramol boqish va yetishtirilgan chorvachilik mahsulotlarini sotish bilan band boʻlgan jismoniy shaxslar tomonidan ixtiyoriy ravishda toʻlangan sugʻurta badallari”;

21) 3 151 211 qatordan keyin quyidagi mazmundagi qator bilan toʻldirilsin:

“3 151 212 “Ukrainada ishlab chiqarilgan tovarlar importi uchun qoʻshimcha yigʻim”;

22) 3 212 700 qator nomi “(kichik korxona, mikrofirma va fermer xoʻjaliklari boʻyicha hisoblangandan tashqari)” degan soʻzlar bilan toʻldirilsin;

23) 3 212 700 qatordan keyin quyidagi mazmundagi qator bilan toʻldirilsin:

“3 212 800 “Xodimlar soni va mehnatga haq toʻlash fondining eng kam meʼyorlari joriy etilishi bilan bogʻliq ravishda, kichik korxona, mikrofirma va fermer xoʻjaliklari boʻyicha qoʻshimcha hisoblangan toʻlovlardan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga ajratmalar”;

24) 3 213 100 qatorning nomi quyidagi tahrirda bayon etilsin:

“Yuridik shaxs tashkil etmagan holda faoliyat yuritayotgan shaxslar (yakka tartibdagi tadbirkorlik bilan shugʻullanuvchi jismoniy shaxslar va ular tomonidan yollangan xodimlar, shuningdek oilaviy tadbirkorlik subyekti va uning oila aʼzolari) tomonidan toʻlangan majburiy ravishda toʻlangan sugʻurta badallari”;

25) 3 214 113 qatordan keyin quyidagi mazmundagi qator bilan toʻldirilsin:

“3 214 114 “Chet elda yollangan holda ishlovchi shaxs, shuningdek jami yillik daromad toʻgʻrisidagi deklaratsiyada koʻrsatilgan mehnatga haq toʻlash tarzidagi daromadlar summasidan kelib chiqqan holda soliq agenti hisoblanmaydigan ish beruvchidan daromad oluvchi xodim tomonidan ixtiyoriy ravishda toʻlangan sugʻurta badallari”;

26) 3 411 117 qatordan keyin quyidagi mazmundagi qatorlar bilan toʻldirilsin:

“3 411 118 “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining vaqtinchalik boʻsh mablagʻlarini tijorat banklari depozitlariga joylashtirishdan tushgan foiz tushumlari”;

“3 411 119 Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining xorijiy valyutadagi boʻsh mablagʻlarini depozitlarga joylashtirishdan tushgan foiz tushumlari”;

27) 3 412 103 qatordagi “Paxtasanoat” hududiy aksiyadorlik birlashmalarining” degan soʻzlar “Oʻzpaxtasanoat” aksiyadorlik jamiyati va uning hududiy filiallarining” degan soʻzlar bilan almashtirilsin;

28) 3 422 101 qator nomi “(quyidagi daromad tiplaridan tashqari 102 — 105, 109 — 113)” degan soʻzlar bilan toʻldirilsin;

29) 3 422 112 qatordan keyin quyidagi mazmundagi qatorlar bilan toʻldirilsin:

“3 422 113 “Konsert-tomosha faoliyatini amalga oshirish huquqi uchun davlat boji”;

30) 3 422 207 qatorning nomi quyidagi tahrirda bayon etilsin:

“Oʻzbekiston Respublikasining Qizil kitobiga kiritilgan yovvoyi hayvonlarni tutganlik va yovvoyi oʻsimliklarni toʻplaganlik (gʻamlaganlik) uchun toʻlov undirishdan olingan mablagʻlar”;

31) 3 422 208 qatorning nomi quyidagi tahrirda bayon etilsin:

“Yovvoyi hayvonlar va yovvoyi oʻsimliklarning boshqa turlarini tutganlik va toʻplaganlik (gʻamlaganlik) uchun toʻlov undirishdan olinadigan mablagʻlar”;

32) 3 422 221 qatordan keyin quyidagi mazmundagi qatorlar bilan toʻldirilsin:

“3 422 222 “Yovvoyi hayvonlar va oʻsimliklarning boshqa turlarini olib chiqish uchun toʻlov undirishdan olinadigan mablagʻlar”;

3 422 223 “Respublikaning baliqchilik xoʻjaligi tabiiy suv havzalarida sanoat maqsadida baliq ovlash uchun olinadigan mablagʻlar”;

3 422 224 “Yalangʻoch qizilmiyani qayta ishlash mahsulotini (suyuq va kukunsimon ekstraktlarini) shuningdek yalangʻoch qizilmiyani mahsulot sifatida chetga olib chiqishga berilgan ruxsatnoma uchun toʻlov undirishdan olinadigan mablagʻlar”;

3 422 225 “Davlat oʻrmon fondiga kirmagan daraxt va butalarni kesishga ruxsatnomalar beriщdan tushadigan mablagʻlar”;

33) 3 430 133 qatorning nomi quyidagi tahrirda bayon etilsin:

“Oʻzbekiston Respublikasi Ichki ishlar vazirligining Patrul-post va jamoat tartibini qoʻriqlash xizmati tomonidan undiriladigan jarimalar”;

34) 3 430 133 qatordan keyin quyidagi mazmundagi qator bilan toʻldirilsin:

“3 430 134 “Qoʻriqxonalar hududidan tashqari, hayvonot va oʻsimlik dunyosini muhofaza qilish va undan foydalanish toʻgʻrisidagi qonun hujjatlari buzilganligi uchun jarimalar va yetkazilgan zararni qoplashdan tushadigan mablagʻlar”;

35) 3 450 507 qatordan keyin quyidagi mazmundagi qator bilan toʻldirilsin:

“3 450 508 “Musodara qilingan ov va baliq ovlash qurollari, noqonuniy ov qilish va baliq ovlash natijasida olib qoʻyilgan mahsulotlarni hamda oʻsimlik dunyosi obyektlaridan noqonuniy foydalanishdan olingan mahsulotlarni sotishdan tushgan mablagʻlar”;

36) 3 450 980 qator “pensiya va nafaqalarni” degan soʻzlardan keyin “tayinlash va” degan soʻzlar bilan toʻldirilsin;

37) 3 512 150 qatordan keyin quyidagi mazmundagi qatorlar bilan toʻldirilsin:

“3 512 160 “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi mablagʻlarining qaytarilishi”;

“3 512 161 “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining tijorat banklari depozitlariga qoʻyilgan vaqtinchalik boʻsh mablagʻlarini qaytarilishi”;

“3 512 162 “Oʻzbekiston Respublikasi Moliya vazirligi huzuridagi budjetdan Pensiya jamgʻarmasining xorijiy valyutadagi depozitlarga qoʻyilgan mablagʻlarini qaytarilishi”;

38) 3 520 115 qatorning nomi quyidagi tahrirda bayon etilsin:

“Qoraqalpogʻiston Respublikasi Mehnat vazirligi, viloyatlar va Toshkent shahri mehnat bosh boshqarmalari tomonidan olingan ssudalar”.

8. 4-ilovada:

1) 7 018 512 qatorning nomi quyidagi tahrirda bayon etilsin:

“Oʻzbekiston Respublikasi Mehnat vazirligiga beriladigan mablagʻlar”;

2) 7 018 513 qatorning nomi quyidagi tahrirda bayon etilsin:

“Qoraqalpogʻiston Respublikasi Mehnat vazirligi, viloyatlar va Toshkent shahri mehnat bosh boshqarmalariga beriladigan mablagʻlar”;

3) 7 018 514 qatorning nomi quyidagi tahrirda bayon etilsin:

“Bandlikka koʻmaklashuvchi tuman (shahar) markazlariga beriladigan mablagʻlar”;

4) 7 029 904 va 7 046 102 qatorlardagi “Oʻzbekiston Respublikasining Aloqa, axborotlashtirish va telekommunikatsiya texnologiyalari davlat qoʻmitasining” degan soʻzlar “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining” degan soʻzlar bilan almashtirilsin;

5) 7 041 231 qatordan “va aholini ijtimoiy muhofaza qilish” degan soʻzlar chiqarib tashlansin;

6) 7 046 101 qatordagi “Oʻzbekiston Respublikasining Aloqa, axborotlashtirish va telekommunikatsiya texnologiyalari davlat qoʻmitasini” degan soʻzlar “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligini” degan soʻzlar bilan almashtirilsin;

7) 7 094 200 qator chiqarib tashlansin;

8) 7 109 100 qatorning nomi quyidagi tahrirda bayon etilsin:

“Oʻzbekiston Respublikasi Mehnat vazirligi xarajatlari”;

9) 7 109 110 qatorning nomi quyidagi tahrirda bayon etilsin:

“Oʻzbekiston Respublikasi Mehnat vazirligi markaziy apparatini saqlash xarajatlari”;

10) 7 109 120 qatorning nomi quyidagi tahrirda bayon etilsin:

“Oʻzbekiston Respublikasi Mehnat vazirligi hududiy boʻlinmalari xarajatlari”;

11) 7 109 207 qatorning nomi quyidagi tahrirda bayon etilsin:

“Bandlikka koʻmaklashuvchi tuman (shahar) markazlarida ishsizlik maqomi olgan va ish qidiruvchi sifatida roʻyxatda turgan shaxslarni kasbga tayyorlash, ularning malakasini oshirish va qayta tayyorlash ishlarini mablagʻ bilan taʼminlash”;

12) 7 109 404 qatorning nomi quyidagi tahrirda bayon etilsin:

“Odam savdosi jabrdiydalariga yordam berish boʻyicha Respublika reabilitatsiya markazi”;

13) 7 109 405 qatorning nomi quyidagi tahrirda bayon etilsin:

“Nogironlarni reabilitatsiya qilish va protezlash markazlari”.

9. 6-ilovaning 50-boʻlimidan 3-paragraf chiqarib tashlansin.