1. 29-may 2015-yil Burabay shaharchasida (Qozog‘iston Respublikasi) MDH hukumat rahbarlarining Kengashi majlisida imzolangan O‘lchov vositalarining turini tasdiqlash, metrologik attestatsiyadan o‘tkazish, tekshirish va kalibrlash maqsadidagi sinovlar natijalarini o‘zaro tan olish to‘g‘risidagi Bitim quyidagi izoh bilan tasdiqlansin:

“10-moddaning ikkinchi xatboshisi bundan mustasno”

2. O‘zbekiston Respublikasi Tashqi ishlar vazirligi O‘zbekiston Respublikasi tomonidan mazkur xalqaro shartnomaning kuchga kirishi uchun zarur bo‘lgan davlat ichki tartib-taomillari bajarilganligi to‘g‘risida depozitariyga tegishli bildirishnoma yo‘llasin.

3. O‘zbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu xalqaro shartnoma kuchga kirgandan keyin O‘zbekiston Respublikasining majburiyatlari bajarilishi ustidan nazoratni belgilangan tartibda ta’minlasin.

4. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.