LexUZ sharhi
Mazkur qaror O‘zbekiston Respublikasi Vazirlar Mahkamasining 2005-yil 22-fevraldagi 73-sonli “O‘zbekiston Respublikasi Hukumatining ayrim qarorlarini o‘z kuchini yo‘qotgan deb hisoblash hamda ba’zilariga o‘zgartirishlar kiritish to‘g‘risida”gi qaroriga muvofiq o‘z kuchini yo‘qotgan.
Yoqilg‘i-energetika kompleksini boshqarish tuzilmasini yanada takomillashtirish, kompleks tarkibiga kiruvchi vazirliklar va idoralarning neft-gaz, energetika va geologiya-razvedka tarmoqlarini barqaror va mutanosib rivojlantirishni ta’minlashga doir faoliyatini muvofiqlashtirishni kuchaytirish, mamlakatning energetika mustaqilligini ta’minlovchi yoqilg‘i-energetika bazasini mustahkamlash va rivojlantirish dasturlarini shakllantirish va amalga oshirish, ularni amalga oshirish uchun chet el investitsiyalarini keng jalb etish maqsadida Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasi apparati tuzilmasida O‘zbekiston Respublikasi Vazirlar Mahkamasining Yoqilg‘i-energetika kompleksi kotibiyati negizida Yoqilg‘i-energetika kompleksini rivojlantirish departamenti tashkil etilsin.
2. Quyidagilar Yoqilg‘i-energetika kompleksini rivojlantirish departamentining asosiy vazifalari etib belgilansin:
mamlakat yoqilg‘i-energetika kompleksini rivojlantirish hamda geologiya-razvedka ishlari olib borish sohasida yagona davlat siyosatini shakllantirish va amalga oshirish yuzasidan takliflar tayyorlash;
Oldingi tahrirga qarang.
O‘zbekiston Respublikasi Iqtisodiyot vazirligi hamda boshqa manfaatdor vazirliklar va idoralar bilan birgalikda neft-gaz va energetika tarmoqlarini rivojlantirishning qisqa muddatli va uzoq muddatli prognozlari va dasturlari, yoqilg‘i-energetika va mineral-xomashyo resurslari ishlab chiqarish va iste’mol qilish balanslari ishlab chiqilishini tashkil etish;
(2-bandning uchinchi xatboshi O‘zbekiston Respublikasi Vazirlar Mahkamasining 2003-yil 18-noyabrdagi 518-sonli qarori tahririda — O‘R QHT, 2003-y., 22-son, 222-modda)
iqtisodiyot tarmoqlarini va respublika aholisini yoqilg‘i-energetika resurslari bilan barqaror ta’minlash, elektr energetikani, neft-gaz va ko‘mir sanoati korxonalarini zamonaviy asbob-uskunalar va ilg‘or texnologiyalar negizida zamonaviylashtirish va texnika bilan qayta jihozlash ishlarini muvofiqlashtirish;
Ustyurt mintaqasida va respublikaning boshqa istiqbolli neft-gazli viloyatlarida qidiruv va razvedka ishlarini jadal sur’atda amalga oshirishni ta’minlash ishlarini muvofiqlashtirish, ushbu maqsadlar uchun chet el investitsiyalarini keng jalb etish;
neft va gaz qidiruvga oid geologiya-razvedka ishlari, neft va gaz kondensati, tabiiy gaz va ko‘mir qazib olish va qayta ishlash, energetika va geologiyani rivojlantirish sohasida alohida yirik va strategik jihatdan muhim investitsiya loyihalarining texnika-iqtisodiy asoslanishini va mablag‘ bilan ta’minlash sxemalarini ko‘rib chiqish, shuningdek ularni amalga oshirish monitoringini tashkil etish;
yetakchi xorijiy kompaniyalar va firmalar bilan hamkorlikni kengaytirish chora-tadbirlari kompleksini tashkil etish, respublika yoqilg‘i-energetika va geologiya-razvedka tarmog‘iga chet el investitsiyalarini keng jalb etish uchun normativ-huquqiy bazani takomillashtirish yuzasidan takliflar ishlab chiqish;
energiya manbalari jahon bozori monitoringi asosida yoqilg‘i-energetika kompleksi tarmoqlarining eksport salohiyatini rivojlantirishga doir aniq chora-tadbirlarni ishlab chiqish va amalga oshirish;
foydali qazilma boyliklar konlari va texnogen hosilalar Davlat kadastrini yuritish ishlarini muvofiqlashtirish;
Yoqilg‘i-energetika resurslarini tejash komissiyasining samarali ishlashini ta’minlash, komissiya tomonidan qabul qilingan qarorlar bajarilishini muvofiqlashtirish va nazorat qilish;
yoqilg‘i-energetika resurslaridan oqilona foydalanish masalalari bo‘yicha davlat boshqaruvi organlari, korxonalar, muassasalar va tashkilotlarning faoliyatini muvofiqlashtirish, samarali, energiyani tejovchi texnologiyalarni joriy etishga doir loyihalar va chora-tadbirlarni amalga oshirish.
Oldingi tahrirga qarang.
(3-band O‘zbekiston Respublikasi Vazirlar Mahkamasining 2004-yil 2-fevraldagi 47-sonli qaroriga muvofiq o‘z kuchini yo‘qotgan — O‘R QHT, 2004-y., 5-son, 52-modda)
O‘zbekiston Respublikasi Prezidenti farmonlari va farmoyishlari, Vazirlar Mahkamasining qarorlari va farmoyishlari, Hukumatning boshqa qarorlari majburiy yuboriladigan tashkilotlar ro‘yxatiga;
Oldingi tahrirga qarang.
Iqtisodiyot vazirligi, Davlat bojxona qo‘mitasi, Moliya vazirligi, Markaziy bank va O‘zbekiston Respublikasining boshqa idoralari statistika axboroti byulletenlari majburiy yuboriladigan reyestrga kiritilsin.
(4-bandning uchinchi xatboshi O‘zbekiston Respublikasi Vazirlar Mahkamasining 2003-yil 18-noyabrdagi 518-sonli qarori tahririda — O‘R QHT, 2003-y., 22-son, 222-modda)
5. O‘zbekiston Respublikasi Vazirlar Mahkamasining 2000-yil 13-iyundagi 227-son qaroriga 1-ilova o‘z kuchini yo‘qotgan deb hisoblansin.
Oldingi tahrirga qarang.
(6-band O‘zbekiston Respublikasi Vazirlar Mahkamasining 2004-yil 2-fevraldagi 47-sonli qaroriga muvofiq o‘z kuchini yo‘qotgan — O‘R QHT, 2004-y., 5-son, 52-modda)
Oldingi tahrirga qarang.
1. Yoqilg‘i-energetika kompleksini rivojlantirish departamenti (keyingi o‘rinlarda “Departament” deb ataladi) O‘zbekiston Respublikasi Vazirlar Mahkamasi apparatining tarkibiy bo‘linmasi hisoblanadi.
2. Departamentning faoliyati yoqilg‘i-energetika kompleksi tarkibiga kiruvchi vazirliklar va idoralarning neft-gaz, energetika va geologiya-razvedka tarmoqlarini barqaror va mutanosib rivojlantirishni ta’minlashga doir faoliyatini muvofiqlashtirishni kuchaytirishga; ushbu maqsadlarda mamlakatning energetika mustaqilligini ta’minlovchi yoqilg‘i-energetika bazasini mustahkamlash va rivojlantirish dasturlarini shakllantirish va amalga oshirishni tashkil etishga; yoqilg‘i-energetika kompleksini rivojlantirishga chet el investitsiyalari keng jalb etilishini ta’minlashga, shuningdek Davlat kadastrlarining yagona tizimini yuritish ishlarini muvofiqlashtirishga yo‘naltirilgan.
3. Departament o‘z faoliyatida O‘zbekiston Respublikasi qonunlariga, O‘zbekiston Respublikasi Oliy Majlisining qarorlariga, O‘zbekiston Respublikasi Prezidentining farmonlari va farmoyishlariga, Vazirlar Mahkamasining qarorlari va farmoyishlariga, xalqaro shartnomalarga hamda mazkur Nizomga amal qiladi.
4. Departament o‘z faoliyatini O‘zbekiston Respublikasi Bosh vazirining o‘rinbosari Yoqilg‘i-energetika kompleksi rahbari boshchiligida amalga oshiradi va bevosita unga hisob beradi, ijro intizomini mustahkamlash masalalari bo‘yicha esa Vazirlar Mahkamasi Apparati Rahbariga hisob beradi.
Oldingi tahrirga qarang.
(5-bandning “v” kichik bandi O‘zbekiston Respublikasi Vazirlar Mahkamasining 2003-yil 18-noyabrdagi 518-sonli qarori tahririda — O‘R QHT, 2003-y., 22-son, 222-modda)
6. Departament ishiga maqomiga ko‘ra O‘zbekiston Respublikasi vazirining birinchi o‘rinbosariga tenglashtirilgan Departament boshlig‘i rahbarlik qiladi.
7. Departament boshlig‘i lavozimga O‘zbekiston Respublikasi Vazirlar Mahkamasining qarori bilan tayinlanadi va ozod qilinadi.
8. Departament o‘zbek tilida yozilgan va O‘zbekiston Respublikasi Davlat gerbi tavsiri tushirilgan o‘z blankiga egadir.
mamlakat yoqilg‘i-energetika kompleksini rivojlantirish hamda geologiya-razvedka ishlari olib borish sohasida yagona davlat siyosatini shakllantirish va amalga oshirish yuzasidan takliflar tayyorlash;
Oldingi tahrirga qarang.
O‘zbekiston Respublikasi Iqtisodiyot vazirligi hamda boshqa manfaatdor vazirliklar va idoralar bilan birgalikda neft-gaz va energetika tarmoqlarini rivojlantirishning qisqa muddatli va uzoq muddatli prognozlari va dasturlari, yoqilg‘i-energetika va mineral-xomashyo resurslari ishlab chiqarish va iste’mol qilish balanslari ishlab chiqilishini tashkil etish;
(9-bandning uchinchi xatboshi O‘zbekiston Respublikasi Vazirlar Mahkamasining 2003-yil 18-noyabrdagi 518-sonli qarori tahririda — O‘R QHT, 2003-y., 22-son, 222-modda)
iqtisodiyot tarmoqlarini va respublika aholisini yoqilg‘i-energetika resurslari bilan barqaror ta’minlash, elektr energetikani, neft-gaz va ko‘mir sanoati korxonalarini zamonaviy asbob-uskunalar va ilg‘or texnologiyalar negizida zamonaviylashtirish va texnika bilan qayta jihozlash ishlarini muvofiqlashtirish;
Ustyurt mintaqasida va respublikaning boshqa istiqbolli neft-gazli viloyatlarida qidiruv va razvedka ishlarini jadal sur’atda amalga oshirishni ta’minlash ishlarini muvofiqlashtirish, ushbu maqsadlar uchun chet el investitsiyalarini keng jalb etish;
neft va gaz qidiruvga oid geologiya-razvedka ishlari, neft va gaz kondensati, tabiiy gaz va ko‘mir qazib olish va qayta ishlash, energetika va geologiyani rivojlantirish sohasida alohida yirik va strategik jihatdan muhim investitsiya loyihalarining texnika-iqtisodiy asoslanishini va mablag‘ bilan ta’minlash sxemalarini ko‘rib chiqish, shuningdek ularni amalga oshirish monitoringini tashkil etish;
yetakchi xorijiy kompaniyalar va firmalar bilan hamkorlikni kengaytirish chora-tadbirlari kompleksini tashkil etish, respublika yoqilg‘i-energetika va geologiya-razvedka tarmog‘iga chet el investitsiyalarini keng jalb etish uchun normativ-huquqiy bazani takomillashtirish yuzasidan takliflar ishlab chiqish;
monopoliyadan chiqarish jarayonlarini chuqurlashtirish, yoqilg‘i-energetika tarmog‘ida raqobat uchun shart-sharoitlar yaratish yuzasidan takliflar ishlab chiqish;
energiya manbalari jahon bozori monitoringi asosida yoqilg‘i-energetika kompleksi tarmoqlarining eksport salohiyatini rivojlantirishga doir aniq chora-tadbirlarni ishlab chiqish va amalga oshirish;
geologiya-razvedka ishlarining, yer osti boyliklari va mineral resurslarni geologik o‘rganishning strategik yo‘nalishlarini belgilashga doir ishlanmalarni muvofiqlashtirish;
foydali qazilma boyliklar konlari va texnogen hosilalar Davlat kadastrini yuritish ishlarini muvofiqlashtirish;
Bosh vazir o‘rinbosarining ko‘rib chiqishi uchun Vazirlar Mahkamasiga kiritilayotgan takliflar ekspert ishlab chiqilishini, Vazirlar Mahkamasining Raisi, O‘zbekiston Respublikasining Bosh vaziri, Bosh vazir o‘rinbosarining topshirig‘i bo‘yicha Hukumat qarorlari loyihasi tayyorlanishini tashkil etish;
Yoqilg‘i-energetika resurslarini tejash komissiyasining samarali ishlashini ta’minlash, komissiya tomonidan qabul qilingan qarorlar bajarilishini muvofiqlashtirish va nazorat qilish;
yoqilg‘i-energetika resurslarini ishlab chiqarish va iste’mol qilishda ulardan oqilona foydalanish masalalari bo‘yicha davlat boshqaruvi organlari, korxonalar, muassasalar va tashkilotlarning faoliyatini muvofiqlashtirish, samarali, energiyani tejovchi texnologiyalarni joriy etishga doir loyihalar va chora-tadbirlarni amalga oshirish.
Oldingi tahrirga qarang.
O‘zbekiston Respublikasi Iqtisodiyot vazirligi bilan birgalikda Yoqilg‘i-energetika tarmoqlarini rivojlantirishning o‘rtacha muddatli va uzoq muddatli dasturlarini, yoqilg‘i-energetika resurslari ishlab chiqarish va iste’mol qilish balanslarini ishlab chiqish, ular bo‘yicha Vazirlar Mahkamasining tegishli qarorlarini tayyorlash;
(10-bandning ikkinchi xatboshi O‘zbekiston Respublikasi Vazirlar Mahkamasining 2003-yil 18-noyabrdagi 518-sonli qarori tahririda — O‘R QHT, 2003-y., 22-son, 222-modda)
yoqilg‘i-energetika kompleksi tarmoqlarini rivojlantirish strategiyasi bo‘yicha tahliliy materiallar va takliflar tayyorlash;
respublika yoqilg‘i-energetika kompleksini rivojlantirish bo‘yicha alohida investitsiya loyihalari yuzasidan Hukumat qarorlari ishlab chiqilishi, tayyorlanishi jarayonini va ularning bajarilishi nazorat qilinishini ta’minlash;
xorijiy davlatlarning siyosiy va ishbilarmon doiralarini, xalqaro moliya-iqtisodiyot institutlarini va chet el banklarini respublika yoqilg‘i-energetika tarmog‘idagi investitsiya muhitidan va amalga oshirilishida chet el investorlari qatnashishi mumkin bo‘lgan loyihalardan keng xabardor qilish uchun respublikada va chet elda konferensiyalar va taqdimotlar tashkil etish ishlarini muvofiqlashtirish;
chet el investorlarini geologiya-razvedka ishlariga jalb qilish maqsadida vazirliklar va idoralar bilan birgalikda xalqaro tenderlar o‘tkazish ishlarini tashkil etish;
yangi geoaxborot texnologiyalari va tizimlarini joriy etish sohasida istiqbolli rivojlantirishni prognozlash, ustuvor davlat ilmiy-texnik dasturlarini ishlab chiqish va amalga oshirish ishlarini tashkil etish;
O‘zbekiston Respublikasining tabiiy-resurs salohiyatini to‘liq va ishonchli tavsiflovchi aerokosmik va kadastr axborotidan foydalangan holda mavzuli, geografik, tabiatni muhofaza qilish xaritalari, planlar va atlaslar yaratish ishlarini muvofiqlashtirish;
vazirliklar va idoralar tomonidan O‘zbekiston Respublikasi Prezidentining farmonlari va farmoyishlari, Hukumatning qarorlari, farmoyishlari, Vazirlar Mahkamasining Departament yuritadigan masalalarga tegishli bo‘lgan topshiriqlari o‘z vaqtida bajarilishini nazorat qilish.
Vazirlar Mahkamasi komplekslari kotibiyatlari va bo‘limlaridan, vazirliklar, idoralar, korporatsiyalar, uyushmalar, birlashmalar, korxonalardan, shuningdek barcha darajalardagi davlat boshqaruvi organlaridan Departament vakolatiga kiruvchi masalalar bo‘yicha materiallarni so‘rab olish;
neft-gaz, energetika va geologiya-razvedka tarmoqlarini barqaror va mutanosib rivojlantirish, respublikaning energetika mustaqilligini va mineral-xomashyo bazasini yanada mustahkamlashga qaratilgan xorijiy investitsiyalar jalb qilingan dasturlarni tayyorlash va amalga oshirish masalalari bo‘yicha vazirliklar va idoralarning, barcha darajalardagi davlat va xo‘jalik boshqaruvi organlarining hisobotlarini eshitish va o‘z vakolatlari doirasida ularga topshiriqlar berish;
yoqilg‘i va energetika sohasidagi eng muhim muammolarni maslahatlashish, o‘rganish va hal etish uchun mamlakatimiz ekspertlarini va xorijiy ekspertlarni jalb qilish, ushbu sohada takliflar tayyorlash uchun vaqtinchalik ishchi guruhlar tuzish;
xalqaro hamkorlik masalalari bo‘yicha xalqaro konferensiyalar, kongresslar, simpoziumlar va kengashlar ishida, davlatlararo va hukumatlararo hamkorlik masalalariga doir muzokaralarda qatnashish;
vazirliklar va idoralar rahbarlari ishtirokida kengashlar o‘tkazish, ularning hay’atlari ishida, Vazirlar Mahkamasi majlislarida, ijroiya hokimiyat mahalliy organlari majlislarida, vazirliklar, idoralar, korporatsiyalar, uyushmalar va korxonalardagi kengashlarda qatnashish;
O‘zbekiston Respublikasi vazirliklari va idoralari bilan, shuningdek o‘zaro hamkorlik masalalari bo‘yicha xalqaro, xorijiy, moliyaviy va iqtisodiy tashkilotlar bilan mustaqil ravishda yozishmalar olib borish;
o‘z vakolatlari doirasida O‘zbekiston Respublikasining vazirliklari va idoralari axborotidan va ma’lumotlar elektron bazalaridan foydalanish;
neft-gaz qazib olish va qayta ishlash sanoati tarmoqlarini, energetika va ko‘mir sanoatini rivojlantirish dasturlari loyihalarini, ular amalga oshirilishi monitoringi va moliyaviy resurslardan, shu jumladan jalb etiladigan xorijiy investitsiyalardan samarali foydalanish natijalarini, shuningdek Vazirlar Mahkamasining tegishli qarorlari va O‘zbekiston Respublikasi Prezidentining farmonlari bajarilishi to‘g‘risidagi hisobotlarni ko‘rib chiqish uchun Vazirlar Mahkamasiga kiritish;
O‘zbekiston Respublikasi Prezidentining farmonlari, Vazirlar Mahkamasi qarorlari yoqilg‘i-energetika kompleksi vazirliklari va idoralari tomonidan bajarilishi ustidan amaliy nazorat qilish;
xalqaro kompaniyalar va firmalarning, xorijiy hukumat muassasalari moliyaviy va iqtisodiy tashkilotlarining yoqilg‘i-energetika tarmog‘ida o‘zaro hamkorlik qilish to‘g‘risidagi takliflarini ishlab chiqish.
Departament o‘zi tomonidan qabul qilinadigan qarorlar uchun amaldagi qonun hujjatlari va mazkur Nizom bilan belgilangan o‘z vakolatlari doirasida javob beradi.
Oldingi tahrirga qarang.