Oʻzbekiston Respublikasi Oliy Majlisi Senati Fan, taʼlim, madaniyat va sport masalalari qoʻmitasi raisining “Oʻzbekiston Respublikasi Mehnat va aholini ijtimoiy muhofaza qilish vazirligi tomonidan 2013-yilda ish oʻrinlari tashkil etish va aholi bandligini taʼminlash dasturining mamlakat mintaqalarida ijro etilishi toʻgʻrisida”gi parlament eshituvi yakunlari haqidagi axborotini tinglab va muhokama qilib, Oʻzbekiston Respublikasi Oliy Majlisi Senatining Kengashi qaror qiladi:

1. Oʻzbekiston Respublikasi Oliy Majlisi Senati Fan, taʼlim, madaniyat va sport masalalari qoʻmitasi raisining “Oʻzbekiston Respublikasi Mehnat va aholini ijtimoiy muhofaza qilish vazirligi tomonidan 2013-yilda ish oʻrinlari tashkil etish va aholi bandligini taʼminlash dasturining mamlakat mintaqalarida ijro etilishi toʻgʻrisida”gi parlament eshituvi yakunlari haqidagi axboroti bildirilgan takliflarni inobatga olgan holda maʼlumot uchun qabul qilinsin.

2. Oʻzbekiston Respublikasi mehnat va aholini ijtimoiy muhofaza qilish vaziri (A. Xaitov), Oʻzbekiston Respublikasi iqtisodiyot vaziri (G. Saidova), Oʻzbekiston Respublikasi oliy va oʻrta maxsus taʼlim vaziri (B. Xodiyev), Oʻzbekiston Respublikasi Davlat statistika qoʻmitasining raisi (B. Toʻrayev), Qoraqalpogʻiston Respublikasi Vazirlar Kengashining raisi (B. Yangiboyev), viloyatlar va Toshkent shahar hokimlari Oʻzbekiston Respublikasi Oliy Majlisi Senati Fan, taʼlim, madaniyat va sport masalalari qoʻmitasining “Oʻzbekiston Respublikasi Mehnat va aholini ijtimoiy muhofaza qilish vazirligi tomonidan 2013-yilda ish oʻrinlari tashkil etish va aholi bandligini taʼminlash dasturining mamlakat mintaqalarida ijro etilishi toʻgʻrisida”gi parlament eshituvi yakunlari boʻyicha qabul qilingan qarorining oʻz vaqtida ijrosini taʼminlasin, shuningdek ushbu masala ijrosi yuzasidan koʻrilgan choralar va ularning natijalari haqida belgilangan muddatlarda Qoʻmitaga axborot taqdim etsin.

3. Oʻzbekiston Respublikasi Oliy Majlisi Senatining Fan, taʼlim, madaniyat va sport masalalari qoʻmitasi “Oʻzbekiston Respublikasi Mehnat va aholini ijtimoiy muhofaza qilish vazirligi tomonidan 2013-yilda ish oʻrinlari tashkil etish va aholi bandligini taʼminlash dasturining mamlakat mintaqalarida ijro etilishi toʻgʻrisida”gi parlament eshituvi yakunlari boʻyicha qabul qilingan Qoʻmita qarorini tegishli davlat organlari tomonidan koʻrib chiqish natijalari haqidagi axborotni 2014-yil 20-dekabrgacha Oʻzbekiston Respublikasi Oliy Majlisi Senati Kengashiga taqdim etsin.

4. Ushbu Qaror Oʻzbekiston Respublikasi Oliy Majlisi Senatining oʻn toʻrtinchi yalpi majlisi tasdigʻiga kiritilsin.