Bozorga oʻtish davrida keng avj olgan va respublika iqtisodiyotiga xavf tugʻdirgan tovar-moddiy boyliklarni Oʻzbekiston Respublikasidan tashqariga gʻayriqonuniy ravishda olib chiqib ketishning oldini olish maqsadida Oʻzbekiston Respublikasi Oliy Kengashi qaror qiladi:

1) 1985-yil 13-dekabrdagi Oʻzbekiston Respublikasi Qonuni bilan tasdiqlangan Oʻzbekiston Respublikasining Maʼmuriy huquqbuzarlik toʻgʻrisidagi kodeksi (Oʻzbekiston Respublikasi Oliy Sovetining Vedomostlari, 1985-yil, № 35, 412-modda) quyidagi mazmunli 166-2 va 233-1-moddalar bilan toʻldirilsin:

Oʻzbekiston Respublikasidan tashqariga tovarlar, materiallar, xomashyo, qishloq xoʻjalik mahsulotlari, oziq-ovqat mahsulotlari va boshqa moddiy boyliklarni olib chiqib ketishning belgilangan tartibini buzganlik —

fuqarolarga — ikki yuz soʻmdan besh yuz soʻmgacha miqdorda, mansabdor shaxslarga — besh yuz soʻmdan bir ming soʻmgacha miqdorda jarima solinib, olib chiqib ketilayotgan tovar-moddiy boyliklarning musodara qilinishiga sabab boʻladi.

Oʻzbekiston Respublikasi Ichki ishlar vazirligi huzuridagi Tovar-moddiy boyliklarni olib chiqib ketishni nazorat qiluvchi davlat inspeksiyasi idoralari ushbu Kodeksning 166-2-moddasida koʻzda tutilgan maʼmuriy huquqbuzarliklar toʻgʻrisidagi ishlarni koʻrib chiqadilar.

Ushbu moddaning birinchi qismida koʻrsatilgan idoralar nomidan maʼmuriy huquqbuzarliklar toʻgʻrisidagi ishlarni koʻrib chiqishga va maʼmuriy jazo berishga Oʻzbekiston Respublikasi Ichki ishlar vazirligi xuzuridagi Tovar-moddiy boyliklarni olib chiqib ketishni nazorat qiluvchi davlat inspeksiyasi Bosh boshqarmasining boshligʻi va uning oʻrinbosarlari, shuningdek Oʻzbekiston Respublikasi Ichki ishlar vazirligi huzuridagi Tovar-moddiy boyliklarni olib chiqib ketishni nazorat qiluvchi davlat inspeksiyasining Qoraqalpogʻiston Respublikasidagi, viloyatlar va Toshkent shahridagi boʻlinmalarining boshliqlari va boshliq oʻrinbosarlari ham haqlidirlar”;

2) 1959-yil 21-maydagi Oʻzbekiston Respublikasi Qonuni bilan tasdiqlangan Oʻzbekiston Respublikasi Jinoyat kodeksi (Oʻzbekiston Respublikasi Oliy Sovetining Vedomostlari, 1959-yil, № 6, 2-modda) quyidagi mazmunli 179-2-modda bilan toʻldirilsin:

Oʻzbekiston Respublikasidan tashqariga tovarlar, materiallar, xomashyo qishloq xoʻjalik mahsulotlari, oziq-ovqat mahsulotlari va boshqa moddiy boyliklarni olib chiqib ketishning belgilangan tartibini buzish xuddi shunday xatti-harakat uchun maʼmuriy jazo chorasi koʻrilganidan keyin sodir etilsa, —

uch yilgacha ozodlikdan mahrum qilib, olib chiqib ketilayotgan tovar-moddiy boyliklarni musodara etish bilan yoki oʻn ming soʻmdam yigirma besh ming soʻmgacha miqdorda jarima solish bilan jazolanadi”;

3) 1959-yil 21-maydagi Oʻzbekiston Respublikasi Qonuni bilan tasdiqlagan Oʻzbekiston Respublikasi Jinoyat-protsessual kodeksi (Oʻzbekiston Respublikasi Oliy Sovetining Vedomostlari, 1959-yil, № 6, 3-modda) 108-moddasining toʻrtinchi qismi “179-moddaning ikkinchi qismi” degan soʻzlardan keyin “179-2-moddasi” degan soʻzlar bilan toʻldirilsin.