“Oʻzbekiston Respublikasi Oliy Majlisining Qonunchilik palatasi toʻgʻrisida”gi Oʻzbekiston Respublikasi Konstitutsiyaviy Qonunining 12-moddasiga muvofiq Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasidagi Oʻzbekiston ekologik harakati deputatlar guruhi aʼzolari Oʻ.X. Otaqulov, S.V. Samoylov va F.M. Quvvatov tomonidan kiritilgan Oʻzbekiston Respublikasi Tabiatni muhofaza qilish davlat qoʻmitasining raisi N.M. Umarovga atrof muhitning xoʻjalik yurituvchi subyektlar tomonidan ifloslantirilishining oldini olishni kompleks ravishda taʼminlaydigan qonunchilik bazasini yanada takomillashtirish haqida Oʻzbekiston Respublikasi Oliy Majlisi Qonunchilik palatasining parlament soʻrovi qabul qilinsin.

2. Oʻzbekiston Respublikasi Tabiatni muhofaza qilish davlat qoʻmitasi raisi N.M. Umarovga ushbu qaror va parlament soʻrovi yuborilsin.

3. Ushbu qaror qabul qilingan kundan eʼtiboran kuchga kiradi.