Oʻzbekiston Respublikasi Davlat budjetining 2001-yildagi ijrosi yakunlari toʻgʻrisidagi hisobotni koʻrib chiqib, Oʻzbekiston Respublikasi Oliy Majlisining Kengashi qaror qiladi:

Oʻzbekiston Respublikasi Davlat budjetining 2001-yildagi ijrosi yakunlari toʻgʻrisidagi hisobot maʼqullansin va u Oʻzbekiston Respublikasi Oliy Majlisining sakkizinchi sessiyasi muhokamasiga kiritilsin.

Shu narsa qayd etilsinki, mamlakatimizda iqtisodiyotning moliyaviy muvozanati mustahkamlandi va toʻlov intizomining darajasi oshdi. Davlat budjetining daromad va xarajat qismlari tasdiqlangan koʻrsatkichlardan oshirib bajarildi. Davlat budjetining taqchilligi yalpi ichki mahsulotga nisbatan bir foizdan kamroqni tashkil etdi. Bu esa Oʻzbekiston Respublikasi Oliy Majlisi tasdiqlagan koʻrsatkichlarga mos keladi. Ushbu taqchillik Markaziy bank kreditlari va davlat mulkini xususiylashtirishdan olingan tushumlar, shuningdek respublika budjeti mablagʻlarining yil boshidagi qoldiqlari hisobigi qoplandi.

2001-yilda Davlat budjetining xarajatlari institutsional oʻzgarishlarni moliyalashtirish, ijtimoiy va insonparvarlik dasturlarini amalga oshirish, tarmoqlar va ishlab chiqarishlarni yangilash hamda texnika bilan qayta jihozlash, mamlakat xavfsizligini mustahkamlash uchun yoʻnaltirilganligi maʼlumot uchun qabul qilinsin.