Oʻzbekiston Respublikasi Oliy Majlisi Qonunchilik palatasining Kengashi huzuridagi Qonun loyihalarini va boshqa normativ-huquqiy hujjatlar loyihalarini koʻrib chiqishni tashkil etish boʻyicha muvofiqlashtiruvchi guruhning axborotini eshitib, Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Oʻzbekiston Respublikasi Vazirlar Mahkamasi tomonidan 2013-yil 25-oktabrda kiritilgan 2014-yilda ish oʻrinlari tashkil etish va aholi bandligini taʼminlash dasturi loyihasini dastlabki tarzda koʻrib chiqish uchun Mehnat va ijtimoiy masalalar qoʻmitasi masʼul etib belgilansin.

2. Qonun loyihalarini va boshqa normativ-huquqiy hujjatlar loyihalarini koʻrib chiqishni tashkil etish boʻyicha muvofiqlashtiruvchi guruh 2014-yilda ish oʻrinlari tashkil etish va aholi bandligini taʼminlash dasturi loyihasini Mehnat va ijtimoiy masalalar qoʻmitasiga, siyosiy partiyalar fraksiyalariga va Oʻzbekiston ekologik harakati deputatlar guruhiga topshirsin.

3. Oʻzbekiston Respublikasi Oliy Majlisi Qonunchilik palatasining Spikeri oʻrinbosarlari shu yilning 20-noyabrigacha 2014-yilda ish oʻrinlari tashkil etish va aholi bandligini taʼminlash dasturi loyihasini siyosiy partiyalar fraksiyalari va Oʻzbekiston ekologik harakati deputatlar guruhi majlislaridagi muhokamasini tashkil etsin.

4. Mehnat va ijtimoiy masalalar qoʻmitasi siyosiy partiyalar fraksiyalari va Oʻzbekiston ekologik harakati deputatlar guruhi, Qonunchilik palatasi qoʻmitalarining fikrlari va takliflarini hisobga olgan holda ikki hafta muddat ichida Qonunchilik palatasi Kengashiga 2014-yilda ish oʻrinlari tashkil etish va aholi bandligini taʼminlash dasturi loyihasini Oʻzbekiston Respublikasi Oliy Majlisi Qonunchilik palatasi koʻrib chiqishi uchun qabul qilish mumkinligi toʻgʻrisida xulosa taqdim etsin.