Oʻzbekiston Respublikasi Oliy Majlisi Senati Fan, taʼlim, madaniyat va sport masalalari qoʻmitasining “Oʻzbekiston Respublikasi Mehnat va aholini ijtimoiy muhofaza qilish vazirligi tomonidan 2012-yilda ish oʻrinlari tashkil etish va aholi bandligini taʼminlash dasturining mamlakat mintaqalarida ijro etilishi toʻgʻrisida”gi parlament eshituvi yakunlari haqidagi axborotini muhokama qilib, Oʻzbekiston Respublikasi Oliy Majlisi Senatining Kengashi qaror qiladi:

1. Oʻzbekiston Respublikasi Oliy Majlisi Senati Fan, taʼlim, madaniyat va sport masalalari qoʻmitasi raisining “Oʻzbekiston Respublikasi Mehnat va aholini ijtimoiy muhofaza qilish vazirligi tomonidan 2012-yilda ish oʻrinlari tashkil etish va aholi bandligini taʼminlash dasturining mamlakat mintaqalarida ijro etilishi toʻgʻrisida”gi parlament eshituvi yakunlari haqidagi axboroti maʼlumot uchun qabul qilinsin.

2. Oʻzbekiston Respublikasi mehnat va aholini ijtimoiy muhofaza qilish vaziri (A. Xaitov), Oʻzbekiston Respublikasi iqtisodiyot vaziri (G. Saidova), Oʻzbekiston Respublikasi oliy va oʻrta maxsus taʼlim vaziri (B. Xodiyev), Oʻzbekiston Respublikasi Davlat statistika qoʻmitasining raisi (B. Toʻrayev), Qoraqalpogʻiston Respublikasi Vazirlar Kengashining raisi (B. Yangiboyev), viloyatlar va Toshkent shahar hokimlari Oʻzbekiston Respublikasi Oliy Majlisi Senati Fan, taʼlim, madaniyat va sport masalalari qoʻmitasining “Oʻzbekiston Respublikasi Mehnat va aholini ijtimoiy muhofaza qilish vazirligi tomonidan 2012-yilda ish oʻrinlari tashkil etish va aholi bandligini taʼminlash dasturining mamlakat mintaqalarida ijro etilishi toʻgʻrisida”gi parlament eshituvi yakunlari boʻyicha qarorining oʻz vaqtida ijro etilishi yuzasidan koʻrilgan choralar va natijalari haqida ushbu Qoʻmitaga belgilangan muddatlarda axborot taqdim etilishini taʼminlasin.

3. Oʻzbekiston Respublikasi Oliy Majlisi Senatining Fan, taʼlim, madaniyat va sport masalalari qoʻmitasi “Oʻzbekiston Respublikasi Mehnat va aholini ijtimoiy muhofaza qilish vazirligi tomonidan 2012-yilda ish oʻrinlari tashkil etish va aholi bandligini taʼminlash dasturining mamlakat mintaqalarida ijro etilishi toʻgʻrisida”gi parlament eshituvi yakunlari boʻyicha qabul qilingan Qoʻmita qarorini tegishli davlat organlari tomonidan koʻrib chiqish natijalari haqidagi umumlashtirilgan axborotni 2013-yil 15-dekabrgacha Oʻzbekiston Respublikasi Oliy Majlisi Senati Kengashiga taqdim etsin.

4. Ushbu qaror Oʻzbekiston Respublikasi Oliy Majlisi Senatining oʻn birinchi yalpi majlisi tasdigʻiga kiritilsin.

5. Ushbu qarorning ijro etilishini nazorat qilish Oʻzbekiston Respublikasi Oliy Majlisi Senatining Fan, taʼlim, madaniyat va sport masalalari qoʻmitasi (M. Xujamberdiyev) zimmasiga yuklatilsin.