Oʻzbekiston Respublikasining Bojxona kodeksiga muvofiq Vazirlar Mahkamasi qaror qiladi:

1. 1999-yil 1-maydan boshlab bojxona yigʻimlari stavkalari ilovaga muvofiq belgilansin.

Oʻzbekiston Respublikasining butun hududida bojxona yigʻimlari milliy valyuta — “soʻm”da, erkin bojxona zonalari va erkin omborlar hududlarida — erkin almashtiriladigan valyutada undiriladi.

Erkin bojxona zonalari va erkin omborlar hududida yigʻimlar undirishdan valyuta tushumlari, Oʻzbekiston Respublikasi Vazirlar Mahkamasining qarori bilan belgilangan Jahon bojxona tashkilotiga har yilgi aʼzolik badali summasi chiqarib tashlangan holda, belgilangan tartibda respublika budjeti daromadiga oʻtkaziladi.

2. Belgilansinki, bojxona rasmiylashtiruvi uchun bojxona yigʻimlari quyidagi hollarda undirilmaydi:

Oʻzbekiston Respublikasi bojxona chegarasidan muruvvat yordami, tekin yordam sifatida yoki xayriya, shu jumladan, texnik koʻmaklashuv maqsadlari uchun, avariya va halokatlar, tabiiy ofatlar oqibatlarini bartaraf etish maqsadida olib oʻtilayotgan tovarlar va transport vositalarini rasmiylashtirishda;

yuridik shaxslarning qiymati eng kam oylik ish haqining oʻn baravari va undan kam miqdordagi tovarlarini rasmiylashtirishda;

jismoniy shaxslarning qiymati (miqdori), boj toʻlovisiz olib kirish va olib chiqishning cheklangan normalaridan ortiq boʻlmagan tovarlarini rasmiylashtirishda;

tovarlar va transport vositalarini “davlat foydasiga voz kechish” rejimida rasmiylashtirishda;

tovarlar va transport vositalarini “vaqtincha saqlash” rejimida rasmiylashtirishda;

Oʻzbekiston Respublikasi hududidan Oʻzbekiston Respublikasi ular bilan erkin savdo toʻgʻrisida bitim tuzgan davlatlarga hamda ulardan teng asosda tranzit rejimida olib oʻtilayotgan tovarlarni rasmiylashtirishda;

xorijiy davlatlarning diplomatik vakolatxonalari va konsullik muassasalari, xalqaro birlashmalar va tashkilotlari rasmiy ravishda foydalanishi uchun Oʻzbekiston Respublikasi hududiga olib kelinayotgan tovarlarni, shuningdek, Oʻzbekiston Respublikasidan tashqariga olib chiqib ketilayotgan va Oʻzbekiston Respublikasining diplomatik va ularga tenglashtirilgan vakolatxonalari faoliyatini taʼminlash uchun moʻljallangan tovarlarni rasmiylashtirishda, tovarlarni saqlash, belgilangan joylardan boshqa joyda yoki bojxona organlari ish vaqtidan tashqari paytda rasmiylashtirishda undiriladigan toʻlovlar bundan mustasno;

Oʻzbekiston Respublikasining davlat muzeylari, kutubxonalari, arxivlari fondlarida va davlatning madaniy boyliklarni boshqa saqlovchilarida doimiy saqlanayotgan vaqtincha olib chiqiladigan va qaytarib olib kelinadigan madaniy boyliklarni rasmiylashtirishda;

Oʻzbekiston Respublikasining davlat muzeylari, kutubxonalari, arxivlari va davlatning madaniy boyliklarni boshqa saqlovchilari tomonidan koʻrgazmaga qoʻyish maqsadida vaqtincha olib chiqiladigan hamda koʻrgazmalar, vernisajlar va shunga oʻxshash tadbirlar oʻtkazilgandan keyin qaytarib olib kelinadigan madaniy boyliklarni rasmiylashtirishda;

Oʻzbekiston Respublikasi Mudofaa vazirligi, Milliy xavfsizlik xizmati, Ichki ishlar vazirligi, Favqulodda vaziyatlar vazirligi, Davlat chegaralarini himoya qiluvchi qoʻmita va Davlat bojxona qoʻmitasining harbiy yuklarini rasmiylashtirishda.

3. Oʻzbekiston Respublikasi Vazirlar Mahkamasining “Koʻrsatilgan xizmatlar uchun boj yigʻimlari olishni tartibga solish toʻgʻrisida” 1992-yil 7-avgustdagi 366-son qarori oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Bosh vazir oʻrinbosari B.S. Hamidov zimmasiga yuklansin.