“Oʻzbekiston havo yoʻllari” MAKning uzluksiz faoliyatini, shuningdek, Oʻzbekiston Respublikasining davlat kafolati ostida jalb etilgan kreditlarning oʻz vaqtida qaytarilishini taʼminlash maqsadida:

1. “Oʻzbekiston havo yoʻllari” milliy aviakompaniyasining tarkibiy boʻlinmalariga 2015-yilning toʻrtinchi choragida hisoblanadigan qoʻshilgan qiymat soligʻi va mol-mulk soligʻini toʻlash muddati kechiktirilsin, toʻlovlar 2016-yil davomida har chorakda teng ulushlarda amalga oshirilsin.

2. “Oʻzbekiston havo yoʻllari” MAK “Uchuvchilar majmuasi” DUKning Oʻzbekiston Respublikasi aeroportlarida samolyotlarga aviatsiya kerosinini quyish xizmatidan olingan daromadiga sof tushum sifatida qaralmasligi va Respublika yoʻl jamgʻarmasiga, Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga hamda Umumtaʼlim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, kapital taʼmirlash va jihozlash boʻyicha budjetdan tashqari jamgʻarmasiga majburiy ajratmalarni hisoblash obyekti hisoblanmasligi belgilansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.