Oʻzbekiston Respublikasi Prezidentining “Oʻzbekiston Respublikasi xalq baxshisi” faxriy unvonini belgilash toʻgʻrisida” 2000-yil 14-mart Farmonidagi baxshichilik sanʼatini yanada rivojlantirish, milliy qadriyatlarimizni eʼzozlash va oʻzbek xalq ogʻzaki ijodiyotini keng targʻib etishdagi, oʻz ijodi va ijrochilik faoliyati bilan xalqimizni, ayniqsa yoshlarni koʻp ming yillik madaniyatimiz sarchashmalaridan bahramand qilishdagi salmoqli hissalari hamda Vatan istiqloli va shon-sharafini ulugʻlash yoʻlida Oʻzbekiston Respublikasi fuqarolarini ragʻbatlantirishning maqsadga muvofiq ekanligini hisobga olib, Oʻzbekiston Respublikasi Oliy Majlisining Kengashi qaror qiladi:

1. “Oʻzbekiston Respublikasi xalq baxshisi” faxriy unvoni taʼsis etilsin.

2. Mazkur Qaror Oʻzbekiston Respublikasi Oliy Majlisi tasdigʻiga kiritilsin.

3. Oliy Majlisning Fan, taʼlim, madaniyat va sport masalalari hamda Qonunchilik va sud-huquq masalalari qoʻmitalariga Oʻzbekiston Respublikasining tegishli qonun hujjatlariga oʻzgartish va qoʻshimchalar kiritish yuzasidan takliflar tayyorlab, Oliy Majlis muhokamasiga havola etish topshirilsin.