Oʻzbekiston Respublikasining Soliq kodeksi, “Davlat soliq xizmati toʻgʻrisida”gi, “Davlat statistikasi toʻgʻrisida”gi qonunlari hamda Oʻzbekiston Respublikasi Prezidentining 2013-yil 14-noyabrdagi PQ-2066-sonli “Tadbirkorlik subyektlarini davlat roʻyxatiga olish va hisobga qoʻyishning xabardor qilish tartibi toʻgʻrisidagi nizomga oʻzgartish va qoʻshimchalar kiritish haqida”gi qaroriga muvofiq Oʻzbekiston Respublikasi Davlat soliq qoʻmitasi va Davlat statistika qoʻmitasi qaror qiladi:

1. Quyidagilar oʻz kuchini yoʻqotgan deb topilsin:

Oʻzbekiston Respublikasi Davlat soliq qoʻmitasi va Davlat statistika qoʻmitasining 2006-yil 29-sentabrdagi 2006-40, 6-son “Tadbirkorlik subyektlarini davlat roʻyxatiga olishning xabardor qilish tartibida roʻyxatga oluvchi organlar va davlat soliq xizmati hamda davlat statistika organlari oʻrtasida oʻzaro axborot almashinuvi toʻgʻrisidagi yoʻriqnomani tasdiqlash haqida”gi qarori (roʻyxat raqami 1633, 2006-yil 31-oktabr) (Oʻzbekiston Respublikasi qonun hujjatlari toʻplami, 2006-y., 43-44-son, 434-modda);

Oʻzbekiston Respublikasi Davlat soliq qoʻmitasi va Davlat statistika qoʻmitasining 2011-yil 31-yanvardagi 2011-3, 1mb-son “Tadbirkorlik subyektlarini davlat roʻyxatiga olishning xabardor qilish tartibida roʻyxatga oluvchi organlar va davlat soliq xizmati hamda davlat statistika organlari oʻrtasida oʻzaro axborot almashinuvi toʻgʻrisidagi yoʻriqnomaga qoʻshimcha kiritish haqida”gi qarori (roʻyxat raqami 1633-1, 2011-yil 18-fevral) (Oʻzbekiston Respublikasi qonun hujjatlari toʻplami, 2011-y., 7-8-son, 75-modda).

2. Ushbu qaror Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.