Oʻzbekiston Respublikasi Prezidentining 2011-yil 23-avgustdagi PQ-1602-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi va 2013-yil 27-iyundagi PQ-1989-son “Oʻzbekiston Respublikasining Milliy axborot-kommunikatsiya tizimini yanada rivojlantirish chora-tadbirlari toʻgʻrisida”gi qarorlariga muvofiq buyuraman:

1. Oʻzbekiston Respublikasi adliya vazirining 2012-yil 23-oktabrdagi 234-mh-son “Fuqarolik holati dalolatnoma yozuvlarining shakllari va ularni toʻldirish boʻyicha qoidalarni tasdiqlash haqida”gi buyrugʻiga (roʻyxat raqami 2397, 2012-yil 23-oktabr) (Oʻzbekiston Respublikasi qonun hujjatlari toʻplami, 2013-y., 43-son, 501-modda) ilovaga muvofiq oʻzgartirish va qoʻshimchalar kiritilsin.

2. Mazkur buyruq davlat roʻyxatidan oʻtkazilsin va bu haqda Idoraviy meʼyoriy hujjatlarni davlat roʻyxatidan oʻtkazish boshqarmasi (B. Boliyev) Idoraviy normativ-huquqiy hujjatlarning davlat reyestriga tegishli yozuv kiritsin.

3. Notariat, advokatura va FHDY organlari boshqarmasi (D. Yakubova) hamda Qonun hujjatlarini turkumlash va huquqiy axborot boshqarmasi (J. Achilov) ushbu idoraviy normativ-huquqiy hujjatni barcha manfaatdor shaxslarga yetkazilishi va “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

4. Mazkur buyruq rasmiy eʼlon qilingan kundan eʼtiboran kuchga kiradi.

5. Mazkur buyruq ijrosini nazorat qilish vazir oʻrinbosari A. Usmanov zimmasiga yuklansin.

1. Buyruqda:

1) 1-band quyidagi tahrirda bayon etilsin:

“1. Quyidagilar:

Tugʻilganlik haqidagi dalolatnoma yozuvining qogʻoz shakli 1-ilovaga muvofiq;

Tugʻilganlik haqidagi dalolatnoma yozuvining elektron shakli 1a-ilovaga muvofiq;

Nikoh tuzilganligi haqidagi dalolatnoma yozuvining qogʻoz shakli 2-ilovaga muvofiq;

Nikoh tuzilganligi haqidagi dalolatnoma yozuvining elektron shakli 2a-ilovaga muvofiq;

Nikohdan ajralganlik haqidagi dalolatnoma yozuvining qogʻoz shakli 3-ilovaga muvofiq;

Nikohdan ajralganlik haqidagi dalolatnoma yozuvining elektron shakli 3a-ilovaga muvofiq;

Oʻlim haqidagi dalolatnoma yozuvining qogʻoz shakli 4-ilovaga muvofiq;

Oʻlim haqidagi dalolatnoma yozuvining elektron shakli 4a-ilovaga muvofiq;

Fuqarolik holati dalolatnoma yozuvlari shakllarini toʻldirish qoidalari 5-ilovaga muvofiq tasdiqlansin.”;

2) mazkur oʻzgartirish va qoʻshimchalarning 1 — 4-ilovalariga muvofiq shaklda 1a, 2a, 3a va 4a-ilovalar bilan toʻldirilsin.

2. Qoidalarda:

1) 4-banddagi “yozuvlari raqami katakchalariga” degan soʻzlar “yozuvining yuqori qismiga ushbu” degan soʻzlar bilan almashtirilsin;

2) 5-bandda:

“Tegishliligiga” degan soʻz “Dalolatnoma yozuvining qogʻoz shaklida tegishliligiga” degan soʻzlar bilan almashtirilsin;

quyidagi mazmundagi xatboshi bilan toʻldirilsin:

“Dalolatnoma yozuvining elektron shaklida maʼmuriy-hududiy birlikning nomi tanlash orqali kiritiladi, dasturda mavjud boʻlmagan shaharcha, qishloq, ovul va boshqa joy nomlari toʻgʻridan toʻgʻri yoziladi.”;

3) 10-bandning ikkinchi xatboshisi quyidagi tahrirda bayon etilsin:

“Dalolatnoma yozuvining qogʻoz shaklida oliy taʼlim muassasasini tugatgan shaxslar uchun “oliy”, oliy taʼlim muassasasida tahsil olayotgan, lekin oʻqishni tugatmagan shaxslar uchun “toʼliqsiz oliy”, akademik litsey yoki kasb-hunar kollejini tugatgan shaxslar uchun “oʼrta maxsus, kasb-hunar”, umumiy oʻrta taʼlim muassasasini (I — IX sinflar) tugatgan shaxslar uchun “umumiy oʼrta”, umumiy oʻrta taʼlim muassasasini tugatmagan shaxslar uchun “toʼliqsiz oʼrta” va maʼlumoti boʻlmagan shaxslar uchun “maʼlumotsiz” soʻzlarining tagi chiziladi, dalolatnoma yozuvining elektron shaklida tegishli soʻz tanlash orqali kiritiladi.”;

4) 13-band quyidagi mazmundagi xatboshi bilan toʻldirilsin:

“Dalolatnoma yozuvining elektron shakliga oʻzgartirish, tuzatish yoki qoʻshimchalar kiritilganda, tegishli ustunga yangi yozuv kiritiladi. Bunda oldingi maʼlumot avtomatik ravishda saqlanib qolinadi.”;

5) 14-band quyidagi mazmundagi xatboshi bilan toʻldirilsin:

“Dalolatnoma yozuvining elektron shakli, uning chop etilgan nusxalariga imzolar va gerbli muhr qoʻyish orqali tasdiqlanadi.”;

6) 16-band quyidagi tahrirda bayon etilsin:

“16. “4. Jinsi” ustunida dalolatnoma yozuvining qogʻoz shaklida “erkak”, “ayol” yoki “nomaʼlum” soʻzlaridan birining tagi tegishliligiga qarab chiziladi, dalolatnoma yozuvining elektron shaklida tegishli soʻz tanlash orqali kiritiladi.”;

7) 19-bandning birinchi jumlasi quyidagi tahrirda bayon etilsin:

“8-ustunda dalolatnoma yozuvining qogʻoz shaklida “tirik” yoki “oʼlik” soʻzlaridan birining tagi chiziladi, dalolatnoma yozuvining elektron shaklida tegishli soʻz tanlash orqali kiritiladi”.

8) 29-band quyidagi tahrirda bayon etilsin:

“29. “11. Oilaviy ahvoli” ustunida dalolatnoma yozuvining qogʻoz shaklida “nikohda boʼlmagan”, “tul” yoxud “ajrashgan” soʻzlaridan birining tagi chiziladi, dalolatnoma yozuvining elektron shaklida tegishli soʻz tanlash orqali kiritiladi.”;

9) 40-band quyidagi tahrirda bayon etilsin:

“40. “11. Nechanchi nikohi” ustunida dalolatnoma yozuvining qogʻoz shaklida nikohdan ajraluvchilarning nechanchi nikohi ekanligiga qarab “birinchi”, “ikkinchi”, “uchinchi va undan ortiq” soʻzlaridan birining tagi chiziladi, dalolatnoma yozuvining elektron shaklida tegishli soʻz tanlash orqali kiritiladi.”;

10) 43-bandning ikkinchi jumlasi quyidagi mazmundagi jumlalar bilan almashtirilsin:

“Agar 18 yoshga toʻlmagan bolalari boʻlmasa, “yoʼq” deb yoziladi. Bunda dalolatnoma yozuvining qogʻoz shaklidagi katakcha ichiga chiziq tortiladi.”;

11) 54-bandda:

ikkinchi xatboshi quyidagi tahrirda bayon etilsin:

“Pasport seriyasi, raqami, qachon va kim tomonidan berilganligi koʻrsatiladi, agar pasport FHDY organiga taqdim etilmagan boʻlsa, ushbu qatorga “Taqdim etilmadi” deb yoziladi va “19. Belgilar uchun” ustunida taqdim etilmaganlik sababi koʻrsatiladi.”;

toʻrtinchi xatboshidagi “yoziladi” degan soʻz “yoziladi, agar guvohnoma FHDY organiga taqdim etilmagan boʻlsa, ushbu qatorga “Taqdim etilmadi” deb yoziladi va “19. Belgilar uchun” ustunida taqdim etilmaganlik sababi koʻrsatiladi.” degan soʻzlar bilan almashtirilsin;

toʻqqizinchi band chiqarib tashlansin;

oʻninchi — oʻn toʻrtinchi bandlar tegishincha toʻqqizinchi — oʻn uchinchi bandlar deb hisoblansin;

“katakchalarida”, “katakchalariga” va “katakchalari” degan soʻzlar tegishlicha “qatorida”, “qatorida” va “qatorlari” degan soʻzlar bilan almashtirilsin;

12) 55-band quyidagi tahrirda bayon etilsin:

“55. “12. Oilaviy ahvoli” ustunida dalolatnoma yozuvining qogʻoz shaklida “nikohda boʼlmagan”, “beva (tul)” yoxud “ajrashgan” soʻzlaridan birining tagiga chiziladi, dalolatnoma yozuvining elektron shaklida tegishli soʻz tanlash orqali kiritiladi.”.

3. Mazkur oʻzgartirish va qoʻshimchalar Oʻzbekiston Respublikasi Davlat statistika qoʻmitasi, Sogʻliqni saqlash vazirligi, Oliy va oʻrta maxsus taʼlim vazirligi hamda Xalq taʼlimi vazirligi bilan kelishilgan.