LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Kichik va o‘rta biznes subyektlarini qo‘llab-quvvatlash davlat dasturini rivojlantirish, tijorat banklari va sarmoyalar milliy bozori tizimini rivojlantirishga ko‘maklashish maqsadida Vazirlar Mahkamasi qaror qiladi:
Germaniya federal hukumati tomonidan O‘zbekiston Respublikasi uchun uch yillik imtiyozli davrni o‘z ichiga olgan holda 10,5 yil muddatga ajratiladigan kredit liniyasini 15 million yevro (30 mln. Germaniya markasi) miqdoriga ko‘paytirish haqida qaror qabul qilinganligi;
kichik va o‘rta biznesning investitsiya loyihalarini mablag‘ bilan maqsadli ta’minlash uchun ko‘rsatib o‘tilgan mablag‘lar “KfV” banki tomonidan Tashqi iqtisodiy faoliyat milliy bankiga berilishi ma’lumot uchun qabul qilinsin.
kredit liniyasi umumiy miqdorining 7,5 million yevro miqdoridan ortiq bo‘lmagan qismi Tashqi iqtisodiy faoliyat milliy banki tomonidan bevosita kichik va o‘rta biznes loyihalarini mablag‘ bilan ta’minlashga yo‘naltiriladi;
kredit liniyasi umumiy miqdorining kamida 7,5 million yevro miqdoridan kam bo‘lmagan qismi O‘zbekiston Respublikasi tijorat banklari keyinchalik kichik va o‘rta biznes loyihalarini mablag‘ bilan ta’minlashlari uchun Tashqi iqtisodiy faoliyat milliy banki tomonidan ushbu banklarga qayta moliyalanadi.
O‘zbekiston Respublikasi Moliya vaziri “KfV” banki tomonidan berilayotgan kredit bo‘yicha O‘zbekiston Respublikasi kafolatini berishga;
O‘zbekiston Respublikasi Tashqi iqtisodiy faoliyat milliy banki boshqaruvi raisi Tashqi iqtisodiy faoliyat banki bilan “KfV” banki o‘rtasida tuziladigan Qarz bitimini imzolashga vakil qilinsin.
3. O‘zbekiston Respublikasi Adliya vazirligi O‘zbekiston Respublikasi kafolati bo‘yicha “KfV” banki uchun maqbul shaklda yuridik xulosa bersin.
4. Moliya vazirligi, Markaziy bank O‘zbekiston banklari uyushmasi va Tashqi iqtisodiy faoliyat milliy banki bilan birgalikda mazkur kredit liniyasi mablag‘larini kichik va o‘rta biznes subyektlariga qayta moliyalash uchun tijorat banklari ro‘yxatini bir oy muddatda aniqlasinlar.