Oʻzbekiston Respublikasi Vazirlar Mahkamasining 2014-yil 31-dekabrdagi 372-son “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasining “Soliq va budjet siyosatining 2015-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2014-yil 4-dekabrdagi OʻRQ-379-son Qonuni)”gi qaroriga muvofiq Oʻzbekiston Respublikasi Moliya vazirligi va Axborot texnologiyalari va kommunikatsiyalarini rivojlantirish vazirligi qaror qiladi:

1. Oʻzbekiston Respublikasi Moliya vazirligi va Oʻzbekiston aloqa va axborotlashtirish agentligining 2012-yil 15-avgustdagi 58, 10-8/2927-sonli qarori (roʻyxat raqami 2394, 2012-yil 28-sentabr) (Oʻzbekiston Respublikasi qonun hujjatlari toʻplami, 2012-y., 40-son, 470-modda) bilan tasdiqlangan “O`ZBEKISTON POCNTASI” AJning pochta aloqasining mintaqaviy (viloyat) tashkilotlari va pochta aloqasi obyektlari orqali pensiyalar, nafaqalar va boshqa toʻlovlarni toʻlashni tashkil etish toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Muqaddimada “Ikkinchi jahon urushi” degan soʻzlar “1941 — 1945-yillardagi urush” degan soʻzlar bilan almashtirilsin.

2. Oʻzbek tilidagi matnning 38-bandi “a” kichik bandidagi “nizomning” degan soʻz “Yoʻriqnomaning” degan soʻz bilan almashtirilsin.

3. Mazkur oʻzgartirishlar “O`ZBEKISTON POCNTASI” AJ va Oʻzbekiston Respublikasi Markaziy banki bilan kelishilgan.