“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2014-yil 4-sentabrdagi OʻRQ-373-son Qonuniga, Oʻzbekiston Respublikasi Prezidentining “Oʻzbekiston Respublikasining 2015-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida” 2014-yil 4-dekabrdagi PQ-2270-son qaroriga muvofiq, shuningdek Muddati oʻtkazib yuborilgan debitorlik va kreditorlik qarzlarni qisqartirish hamda budjetga toʻlovlar intizomini mustahkamlash boʻyicha respublika komissiyasining faoliyatini yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.

2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining 1999-yil 5-fevraldagi 54-son qarori (Oʻzbekiston Respublikasi QT, 1999-y., 2-son, 9-modda) bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi toʻgʻrisidagi Nizomda:

a) “B” boʻlimda:

1.2.7-bandidagi “haq toʻlash fondiga” soʻzlari “haq toʻlash xarajatiga” soʻzlari bilan almashtirilsin;

1.3.1-bandidagi “mehnatga haq toʻlash fondiga” soʻzlari “mehnatga haq toʻlash tarzidagi daromadlarga” soʻzlari bilan almashtirilsin;

1.3.2-band quyidagi tahrirda bayon qilinsin:

“1.3.2. Nodavlat pensiya jamgʻarmalariga ajratmalar va ixtiyoriy sugʻurtaga sugʻurta mukofotlari (badallari)ga”;

1.4.1-band quyidagi tahrirda bayon qilinsin:

“1.4.1. Asosiy ishlab chiqarish vositalarining, shu jumladan moliyaviy ijara (lizing) boʻyicha olingan, buxgalteriya hisobi toʻgʻrisidagi qonun hujjatlariga muvofiq hisoblangan amortizatsiya ajratmalari summasi”;

1.4.2-bandning birinchi jumlasi quyidagi tahrirda bayon qilinsin:

“Ishlab chiqarish ahamiyatiga ega boʻlgan nomoddiy aktivlar (Gudvill (firmaning narxi)dan tashqari), buxgalteriya hisobi toʻgʻrisidagi qonun hujjatlariga muvofiq hisoblangan amortizatsiya ajratmalari summasi”;

2.3.26-band quyidagi mazmundagi 2.3.26 va 2.3.27-bandlar bilan almashtirilsin:

“2.3.26. Ishlab chiqarish jarayonini toʻxtatib turish davrida ishlab chiqarish quvvatlari va obyektlarni saqlash hamda ularga xizmat koʻrsatish xarajatlari.

2.3.27. Boshqa xarajatlar”;

3.2-banddagi “uzoq muddatli” soʻzlari “moliyaviy” soʻzi bilan almashtirilsin;

b) “V” boʻlimda:

1.1-bandning birinchi jumlasi quyidagi tahrirda bayon qilinsin:

“Sotishdan olingan sof tushum tovarlar (ishlar, xizmatlar)ni sotishdan olingan, tovarlar (ishlar, xizmatlar) narxida hisobga olinadigan, unga qoʻshilgan qiymat soligʻi, aksiz soligʻi hamda transport vositalari uchun benzin, dizel yoqilgʻisi va gaz isteʼmoli soliqlari summasi kiritilmagan tushum sifatida aniqlanadi”;

2. 4-band quyidagi tahrirda bayon qilinsin:

“2.4. Xoʻjalik yurituvchi subyektning asosiy vositalari va boshqa mol-mulki chiqib ketishidan olingan daromadlar”;

3.3-bandidagi “uzoq muddatli” soʻzlari “moliyaviy” soʻzi bilan almashtirilsin.

2. Vazirlar Mahkamasining 1999-yil 3-iyuldagi 327-son qarori (Oʻzbekiston Respublikasi QT, 1999-y., 7-son, 35-modda) 2-bandining birinchi xatboshidagi “Oʻzbekiston Respublikasi Davlat soliq qoʻmitasi taqdimnomasiga koʻra Hisob-kitoblar mexanizmini takomillashtirish va budjetga toʻlovlar intizomini mustahkamlash boʻyicha Hukumat komissiyasi qarori bilan” soʻzlari “davlat soliq xizmati organlari tomonidan umidsiz soliq qarzlarini hisobdan chiqarish uchun belgilangan tartibda” soʻzlari bilan almashtirilsin.

3. Vazirlar Mahkamasining 2004-yil 14-apreldagi 182-son qarori (Oʻzbekiston Respublikasi QT, 2004-y., 4-son, 36-modda) bilan tasdiqlangan Muddati oʻtkazib yuborilgan debitorlik va kreditorlik qarzlarni qisqartirish va budjetga toʻlovlar intizomini mustahkamlash boʻyicha Respublika komissiyasi toʻgʻrisidagi nizom 8-bandining toʻrtinchi xatboshi quyidagi tahrirda bayon qilinsin:

“qonun hujjatlarida belgilangan tartibda xoʻjalik yurituvchi subyektlarga qarzlarni (asosiy summani, penyalarni, jarima sanksiyalarini) toʻlash boʻyicha muddatni kechiktirish va (yoki) boʻlib-boʻlib toʻlash imkonini berish, penya hisoblashni toʻxtatib turish va toʻxtatish, budjetga va davlat maqsadli fondlariga hamda vazirliklar va idoralarning budjetdan tashqari fondlariga toʻlanadigan soliqlar va toʻlovlar boʻyicha penyalar va jarima sanksiyalarni hisobdan chiqarish toʻgʻrisida qaror qabul qilish”.

4. Vazirlar Mahkamasining “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 275-son qarorida (Oʻzbekiston Respublikasi QT, 2005-y., 12-son, 63-modda):

a) 4-bandga quyidagi mazmundagi “v” kichik band qoʻshilsin:

“v) informatika kabineti mudirligi uchun — 50 foiz”;

b) qarorga 3-ilovaning 10-bandiga quyidagi mazmundagi “v” kichik band qoʻshilsin:

“v) informatika kabineti mudirligi uchun — 50 foiz”.

5. Vazirlar Mahkamasining 2010-yil 21-maydagi 98-son qarori (Oʻzbekiston Respublikasi QT, 2010-y., 5-son, 24-modda) bilan tasdiqlangan Oʻzbekiston Respublikasi Davlat soliq qoʻmitasi toʻgʻrisidagi nizomning 10.8-kichik bandi quyidagi tahrirda bayon qilinsin:

“10.8) soliq tekshiruvini oʻtkazishga soliq toʻlovchi tomonidan toʻsqinlik qilingan yoki hududlarni, binolarni, shu jumladan, soliq toʻlovchi tomonidan daromadlar olish uchun foydalanilayotgan yoxud soliq solish obyektini saqlash bilan bogʻliq joylarni tekshirish uchun davlat soliq xizmati organi mansabdor shaxslarini kiritish rad etilganda, soliq toʻlovchi maʼlum qilingan manzilda boʻlmaganda, shuningdek ular tomonidan soliq va (yoki) moliyaviy hisobot taqdim etilmagan hollarda bank schyotlari boʻyicha operatsiyalarni toʻxtatib turish boʻyicha sud tartibida chora-tadbirlar koʻrish (jinoiy faoliyatdan olingan daromadlarni legalizatsiya qilishning hamda terrorizmni moliyalashtirishning aniqlangan holatlari bundan mustasno)”.

6. Vazirlar Mahkamasining 2013-yil 31-yanvardagi 22-son qarori (Oʻzbekiston Respublikasi QT, 2013-y., 1-son, 6-modda) bilan tasdiqlangan Fermer xoʻjaligi yer maydonini maqbullashtirish va uni tugatish tartibi toʻgʻrisidagi Nizomning 29-bandidagi “Oʻzbekiston Respublikasi Davlat soliq qoʻmitasi taqdimnomasiga koʻra Hisob-kitoblar mexanizmini takomillashtirish va budjetga toʻlovlar intizomini mustahkamlash boʻyicha Hukumat komissiyasi qarori bilan” soʻzlari “davlat soliq xizmati organlari tomonidan umidsiz soliq qarzlarini hisobdan chiqarish uchun belgilangan tartibda” soʻzlari bilan almashtirilsin.