Oʻzbekiston Respublikasi Vazirlar Mahkamasining 2011-yil 1-martdagi 52-sonli “Xalq taʼlimi hududiy organlari tuzilmasini takomillashtirish toʻgʻrisida”gi qaroriga muvofiq buyuraman:

1. Oʻzbekiston Respublikasi xalq taʼlimi vazirining 2008-yil 4-martdagi 56-sonli buyrugʻi (roʻyxat raqami 1778, 2008-yil 20-mart) (Oʻzbekiston Respublikasi qonun hujjatlari toʻplami, 2008-y., 12-13-son, 78-modda) bilan tasdiqlangan Umumiy oʻrta taʼlim oluvchilarning yakuniy davlat attestatsiyasi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 2-band oʻz kuchini yoʻqotgan deb topilsin.

2. 7-bandda:

birinchi xatboshidagi “insho” degan soʻz “bayon yoki insho” degan soʻzlar bilan almashtirilsin;

ikkinchi xatboshi quyidagi tahrirda bayon etilsin:

“Ayrim fanlar chuqur oʻrganiladigan davlat ixtisoslashtirilgan umumtaʼlim muassasalarida pedagogik kengashning qarori bilan tegishli fandan qoʻshimcha yakuniy attestatsiya kiritilishi mumkin. Imtihon biletlari, test topshiriqlari maktab metodik birlashmalari tomonidan tayyorlanadi va maktab direktori tomonidan tasdiqlanadi.”.

3. 10-bandda:

toʻrtinchi va beshinchi xatboshilar quyidagi tahrirda bayon etilsin:

“tegishli fan yoki unga yaqin boʻlgan fan oʻqituvchisidan bitta assistent.

Tegishli fan boʻyicha yakuniy attestatsiyani tashkil etish va uni oʻtkazish boʻyicha javobgarlik mazkur fan boʻyicha tuzilgan yakuniy attestatsiya komissiyasi raisi zimmasiga yuklatiladi.”;

yettinchi xatboshidagi “fuqarolarni” degan soʻz “fuqarolarning” degan soʻz bilan almashtirilsin.

4. 11-band quyidagi tahrirda bayon etilsin:

“11. Oʻzbekiston Respublikasi Xalq taʼlimi vazirligi, Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi hamda xalq taʼlimi muassasalari faoliyatini metodik taʼminlash va tashkil etish tuman (shahar) boʻlimlari mazkur Nizom talablarining bajarilishini nazorat qiladi. Ushbu jarayonda Oʻzbekiston Respublikasi Vazirlar Mahkamasi huzuridagi Davlat test markazi vakillari ishtirok etishlari mumkin.”.

5. 16-banddagi “Oʻquvchilarga” degan soʻz “Bitiruvchilarga” degan soʻz bilan almashtirilsin.

6. 17-banddagi “oʻtkaziladigan”, “Insho yoki bayon” va “oʻquvchiga” degan soʻzlar tegishlicha “yoziladigan”, “Bayon yoki insho” va “bitiruvchiga” degan soʻzlar bilan almashtirilsin.

7. 18-bandning birinchi xatboshisidagi “insho” va “oʻz insholariga” degan soʻzlar tegishlicha “bayon yoki insho” va “yozayotgan bayon yoki insholariga” degan soʻzlar bilan almashtirilsin.

8. 21-bandning ikkinchi xatboshisidagi “insholari, bayonlari,” degan soʻzlar “bayonlari, insholari va” degan soʻzlar bilan almashtirilsin.

9. 25-bandning birinchi xatboshisi quyidagi tahrirda bayon etilsin:

“25. Bitiruvchilarga ona tilidan bayon yozish uchun 3 astronomik soat (insho yozish uchun 4 astronomik soat), matematikadan yozma ish uchun 3 astronomik soat, test-sinov topshiriqlari berilishi koʻzda tutilgan boʻlsa, ularni bajarishga ijtimoiy-gumanitar fanlar boʻyicha har bir test savoli uchun 2 daqiqa, aniq fanlar boʻyicha har bir test savoli uchun 3 daqiqa vaqt ajratiladi.”.

10. 26-bandda:

birinchi xatboshidagi “bitiruvchi oʻquvchining” degan soʻz “bitiruvchining” degan soʻz bilan almashtirilsin;

ikkinchi xatboshi quyidagi tahrirda bayon etilsin:

“Bilet savoliga javob bera olmagan bitiruvchiga yakuniy attestatsiya komissiyasi tomonidan ikkinchi marotaba bilet olishga ruxsat beriladi. Bitiruvchi olgan ikkinchi biletga ham javob bera olmasa, unga yakuniy attestatsiyaning bahosi sifatida “qoniqarsiz” baho qoʻyiladi va uchinchi marotaba bilet olishga ruxsat berilmaydi.”.

11. 32-banddagi “tuman (shahar) xalq taʼlimi boʻlimlarida” va “tuman (shahar) xalq taʼlimi boʻlimi” degan soʻzlar tegishlicha “xalq taʼlimi muassasalari faoliyatini metodik taʼminlash va tashkil etish tuman (shahar) boʻlimlarida” va “xalq taʼlimi muassasalari faoliyatini metodik taʼminlash va tashkil etish tuman (shahar) boʻlimi” degan soʻzlar bilan almashtirilsin.

12. 33 va 37-bandlardagi “tuman (shahar) xalq taʼlimi boʻlimlari” degan soʻzlar “xalq taʼlimi muassasalari faoliyatini metodik taʼminlash va tashkil etish tuman (shahar) boʻlimlari” degan soʻzlar bilan almashtirilsin.

13. 34-band quyidagi tahrirda bayon etilsin:

“34. Chet elda taʼlim olgan (ota-onasi xorijda ishlagan davrda yoxud turli tanlovlar yoki chet mamlakatlarning grantlari hisobidan xorijda taʼlim olgan) bitiruvchilarni yakuniy attestatsiyaga qoʻyish masalasi Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi tomonidan koʻrib chiqiladi.

Bitiruvchi oʻqigan mamlakatida umumiy oʻrta va oʻrta taʼlim hujjatlarini olgan boʻlsa, ular Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmalarida tashkil etiladigan komissiyalar xulosasiga asosan Oʻzbekiston Respublikasi Vazirlar Mahkamasi huzuridagi Davlat test markazining Kadrlar tayyorlash sifatini nazorat qilish, pedagog kadrlar va taʼlim muassasalari attestatsiyasi boshqarmasi tomonidan qonun hujjatlarida belgilangan tartibda nostrifikatsiya qilinadi.

Bitiruvchiga chet mamlakatlarda berilgan umumiy oʻrta taʼlim hujjati Oʻzbekiston Respublikasida beriladigan shahodatnoma oʻrnini bosa olmasa, yaʼni bitiruvchi maʼlum bir fanlar yoʻnalishidagina taʼlim olib kelgan boʻlsa, u umumiy tartibda yakuniy attestatsiyaga kiritiladi. Bunday hollarda bitiruvchi oʻziga berilgan hujjatda koʻrsatilgan fanlardan boshqa barcha fanlar boʻyicha yakuniy attestatsiyadan oʻtkaziladi.

Bitiruvchiga yakuniy bahoni qoʻyishda uning avvalgi sinflarda olgan baholari ham inobatga olinadi.”.

14. 36-band quyidagi tahrirda bayon etilsin:

“36. Yillik baho va yakuniy attestatsiya natijalariga koʻra, umumiy oʻrta taʼlim davlat taʼlim standartlari talablarini bajarmay, “qoniqarsiz” baho olgan bitiruvchilar shu sinfda qayta oʻqishga qoldiriladi.”.

15. 38-bandda:

birinchi xatboshidagi “tuman (shahar) xalq taʼlimi boʻlimlari” degan soʻzlar “xalq taʼlimi muassasalari faoliyatini metodik taʼminlash va tashkil etish tuman (shahar) boʻlimlari” degan soʻzlar bilan almashtirilsin;

toʻrtinchi xatboshi chiqarib tashlansin.

16. Mazkur oʻzgartirishlar Oʻzbekiston Respublikasi Vazirlar Mahkamasi huzuridagi Davlat test markazi bilan kelishilgan.