“Seleksiya yutuqlari to‘g‘risida”gi O‘zbekiston Respublikasi Qonuniga muvofiq hamda O‘zbekiston Respublikasi Prezidentining “Qonunlarning havolaki normalarini amalga oshirishga qaratilgan normativ-huquqiy va boshqa hujjatlarni ishlab chiqish rejalarini tasdiqlash to‘g‘risida” 2013-yil 15-iyuldagi PQ-2003-son qarorini bajarish maqsadida Vazirlar Mahkamasi qaror qiladi:
Oldingi tahrirga qarang.
1. “Seleksiya yutuqlari to‘g‘risida”gi O‘zbekiston Respublikasi Qonuniga muvofiq talabnomada ko‘rsatilgan seleksiya yutug‘ining patentga layoqatlilik ekspertizasi, shu jumladan, sinovlarning quyidagi ixtisoslashtirilgan tashkilotlar tomonidan o‘tkazilishi ma’lumot uchun qabul qilinsin:
(1-bandning birinchi xatboshisi O‘zbekiston Respublikasi Vazirlar Mahkamasining 2023-yil 11-sentabrdagi 461-sonli qarori tahririda — Qonunchilik ma’lumotlari milliy bazasi, 12.09.2023-y., 09/23/461/0696-son)
Oldingi tahrirga qarang.
O‘zbekiston Respublikasi Qishloq xo‘jaligi vazirligining Qishloq xo‘jaligi ekinlari navlarini sinash markazi — o‘simliklarning yangi navlari bo‘yicha;
(1-bandning ikkinchi xatboshisi O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)
Oldingi tahrirga qarang.
O‘zbekiston Respublikasi Qishloq xo‘jaligi vazirligi huzuridagi Veterinariya va chorvachilikni rivojlantirish qo‘mitasi — yangi hayvon zotlari bo‘yicha.
(1-bandning uchinchi xatboshisi O‘zbekiston Respublikasi Vazirlar Mahkamasining 2023-yil 11-sentabrdagi 461-sonli qarori tahririda — Qonunchilik ma’lumotlari milliy bazasi, 12.09.2023-y., 09/23/461/0696-son)
Oldingi tahrirga qarang.
(2-band O‘zbekiston Respublikasi Vazirlar Mahkamasining 2023-yil 11-sentabrdagi 461-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 12.09.2023-y., 09/23/461/0696-son)
Oldingi tahrirga qarang.
3. Belgilab qo‘yilsinki, hayvonlarning yangi zotlari bo‘yicha talabnomada ko‘rsatilgan seleksiya yutug‘ining patentga layoqatlilik ekspertizasi O‘zbekiston Respublikasi Qishloq xo‘jaligi vazirligi huzuridagi Veterinariya va chorvachilikni rivojlantirish qo‘mitasi tomonidan hayvonlarning yangi zotlari yaratilgan tashkilotlar — chorva naslchiligi subyektlarida o‘tkaziladi.
(3-band O‘zbekiston Respublikasi Vazirlar Mahkamasining 2023-yil 11-sentabrdagi 461-sonli qarori tahririda — Qonunchilik ma’lumotlari milliy bazasi, 12.09.2023-y., 09/23/461/0696-son)
Oldingi tahrirga qarang.
31. Seleksiya yutuqlariga doir talabnomalar bo‘yicha patentga layoqatlilik ekspertizasini o‘tkazish uchun to‘langan davlat bojining (patent bojining) seleksiya yutuqlarini ro‘yxatga oluvchi davlat organiga tegishli qismi ushbu ekspertizani o‘tkazgan ixtisoslashtirilgan tashkilotga to‘liq o‘tkaziladi.
(31-band O‘zbekiston Respublikasi Vazirlar Mahkamasining 2023-yil 11-sentabrdagi 461-sonli qaroriga asosan kiritilgan — Qonunchilik ma’lumotlari milliy bazasi, 12.09.2023-y., 09/23/461/0696-son)
4. O‘zbekiston Respublikasi Qishloq va suv xo‘jaligi vazirligi manfaatdor vazirliklar va idoralar bilan birgalikda ikki oy muddatda seleksiya yutuqlari sinovlarini o‘tkazish uslubiyotini ishlab chiqsin va belgilangan tartibda tasdiqlasin.
Oldingi tahrirga qarang.
(5-band O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 10.12.2018-y., 09/18/995/2287-son)
6. Mazkur qarorning bajarilishini nazorat qilish O‘zbekiston Respublikasi Vazirlar Mahkamasining Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari axborot-tahlil departamentiga yuklansin.