Oʻzbekiston Respublikasi Vazirlar Mahkamasining “Baliqchilik tarmogʻida monopoliyadan chiqarish va xususiylashtirishni chuqurlashtirish chora-tadbirlari toʻgʻrisida” 2003-yil 13-avgustdagi 350-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining “Oʻzbekiston Respublikasida parranda goʻshti yetishtirishni yanada koʻpaytirish chora-tadbirlari toʻgʻrisida” 1999-yil 6-maydagi 220-son qarori 2-bandining beshinchi xatboshidagi “Oʻzbaliq” aksiyadorlik kompaniyasi korxonalarining” soʻzlari “baliqchilik tarmogʻi baliqchilik va baliq ovlash korxonalarining” soʻzlari bilan almashtirilsin.

2. Vazirlar Mahkamasining 2000-yil 5-sentabrdagi 343-son qarori (Oʻzbekiston Respublikasi QT, 2000-y., 9-son, 57-modda) bilan tasdiqlangan Oʻzbekiston Respublikasi hayvonot dunyosining davlat kadastrini yuritish tartibi toʻgʻrisidagi nizom 18-bandining beshinchi xatboshidagi “Oʻzbaliq” davlat korporatsiyasi” soʻzlari “Oʻzbekiston Respublikasi qishloq va suv xoʻjaligi vazirligi” soʻzlari bilan almashtirilsin.

3. Oʻzbekiston Respublikasi Vazirlar Mahkamasining “Qishloq xoʻjaligiga agrokimyo xizmati koʻrsatishni takomillashtirish chora-tadbirlari toʻgʻrisida” 2001-yil 1-fevraldagi 63-son qarori (Oʻzbekiston Respublikasi QT, 2001-y., 2-son, 8-modda) bilan tasdiqlangan Qishloq xoʻjaligi ishlab chiqaruvchilariga yetkazib beriladigan mineral oʻgʻitlar va oʻsimliklarni himoya qilishning kimyoviy vositalari, kimyo mahsulotlariga buyurtmanomalarni shakllantirish, ularni berish va ular uchun hisob-kitob qilish tartibining 20-bandidagi “Oʻzbaliq” korporatsiyasi” soʻzlari chiqarib tashlansin, “hamda kichik va oʻrta biznes subyektlariga” soʻzlari “baliqchilik va baliq ovlash korxonalari hamda kichik tadbirkorlik (biznes) subyektlariga” soʻzlari bilan almashtirilsin.