“Davlat statistikasi toʻgʻrisida”gi Oʻzbekiston Respublikasi Qonuniga muvofiq hamda Oʻzbekiston Respublikasi Prezidentining “Oʻzbekiston Respublikasi Makroiqtisodiyot va statistika vazirligini qayta tashkil etish toʻgʻrisida” 2002-yil 24-dekabrdagi PF-3183-son Farmonini bajarish yuzasidan, shuningdek respublika statistika organlari faoliyatini tashkiliy taʼminlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Davlat statistika qoʻmitasi tizimi tuzilmasi 1-ilovaga muvofiq;

Oʻzbekiston Respublikasi Davlat statistika qoʻmitasi markaziy apparatining tashkiliy tuzilmasi 2-ilovaga muvofiq tasdiqlansin.

2. Oʻzbekiston Respublikasi Davlat statistika qoʻmitasi markaziy apparati shtatdagi xodimlarining cheklangan soni 128 nafar (xizmat koʻrsatuvchi xodimlardan tashqari) etib belgilansin.

Oʻzbekiston Respublikasi Davlat statistika qoʻmitasida raisning bir nafar birinchi oʻrinbosari, raisning uch nafar oʻrinbosari hamda yetti kishidan iborat Hayʼat boʻlishiga ruxsat etilsin.

Oʻzbekiston Respublikasi Davlat statistika qoʻmitasi raisi vazir maqomiga, Oʻzbekiston Respublikasi Davlat statistika qoʻmitasi raisining birinchi oʻrinbosari va oʻrinbosarlari — tegishli ravishda vazirning birinchi oʻrinbosariga va oʻrinbosarlariga tenglashtirilsin.

Oʻzbekiston Respublikasi Davlat statistika qoʻmitasi raisiga shtatdagi xodimlarning belgilangan soni va statistika ishlarini amalga oshirishga ajratiladigan mablagʻlar doirasida Qoʻmita tuzilmasiga oʻzgartirishlar kiritish huquqi berilsin.

3. Quyidagilar:

Qoraqalpogʻiston Respublikasi, viloyatlar va Toshkent shahar statistika boshqarmalarining, tuman (shahar) statistika boʻlimlarining namunaviy tuzilmasi 3, 3a, va 3b-ilovalarga muvofiq;

Oʻzbekiston Respublikasi Davlat statistika qoʻmitasi toʻgʻrisidagi nizom 4-ilovaga muvofiq;

Oʻzbekiston Respublikasi Davlat statistika qoʻmitasining maxsus jamgʻarmasi toʻgʻrisidagi nizom 5-ilovaga muvofiq tasdiqlansin.

4. Oʻzbekiston Respublikasi Davlat statistika qoʻmitasi huzurida davlat statistikasini rivojlantirish, uning faoliyat koʻrsatishi va uni muvofiqlashtirish muammolari boʻyicha kollegial maslahat organi — Statistika kengashi tashkil etilsin.

Oʻzbekiston Respublikasi Davlat statistika qoʻmitasi ikki hafta muddatda Statistika kengashi toʻgʻrisidagi nizomni belgilangan tartibda tasdiqlash uchun kiritsin.

5. Belgilab qoʻyilsinki:

Oʻzbekiston Respublikasi Davlat statistika qoʻmitasining raisi va Statistika kengashining shaxsiy tarkibi respublika Hukumatining taqdimnomasiga koʻra Oʻzbekiston Respublikasi Prezidenti tomonidan tasdiqlanadi;

Oʻzbekiston Respublikasi Davlat statistika qoʻmitasi, Qoraqalpogʻiston Respublikasi, viloyatlar va Toshkent shahridagi, tumanlar va shaharlardagi statistika organlari va unga boʻysunuvchi tashkilotlar Oʻzbekiston Respublikasi Davlat statistika qoʻmitasining yagona tizimini tashkil etadi;

Qoraqalpogʻiston Respublikasi, viloyatlar va Toshkent shahar statistika boshqarmalari boshliqlari tegishli ravishda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining taqdimnomasiga koʻra Oʻzbekiston Respublikasi Davlat statistika qoʻmitasi raisi tomonidan lavozimga tayinlanadi;

tuman va shahar statistika boʻlimlari boshliqlari tuman va shahar hokimlarining taqdimnomasiga koʻra hamda Oʻzbekiston Respublikasi Davlat statistika qoʻmitasi bilan kelishilgan holda Qoraqalpogʻiston Respublikasi, viloyatlar va Toshkent shahar statistika boshqarmalari boshliqlari tomonidan lavozimga tayinlanadi.

6. Oʻzbekiston Respublikasi Davlat statistika qoʻmitasiga davlat statistika hisoboti shakllarini va ularni toʻldirish boʻyicha yoʻriqnomalarni tasdiqlash yuklansin.

Oʻzbekiston Respublikasi Davlat statistika qoʻmitasi, mulkchilik shakllaridan qatʼi nazar, xoʻjalik yurituvchi subyektlar tomonidan davlat statistikasi toʻgʻrisidagi amaldagi qonun hujjatlariga rioya qilinishi, statistika axboroti oʻz vaqtida taqdim etilishi, uning toʻliqligi va ishonchliligi ustidan qatʼiy nazorat oʻrnatsin. Qonun buzilishlari aniqlangan hollarda aybdor shaxslarni jinoiy javobgarlikkacha javobgarlikka tortish toʻgʻrisida takliflar kiritilsin.

7. Oʻzbekiston Respublikasi Davlat statistika qoʻmitasi bir oy muddatda mintaqaviy statistika boshqarmalari hamda tuman (shahar) statistika boʻlimlari va boshqa oʻziga qarashli tashkilotlar toʻgʻrisidagi Namunaviy nizomlarni belgilangan tartibda tasdiqlasin.

8. Belgilansinki, Oʻzbekiston Respublikasi Davlat statistika qoʻmitasi tizimi faoliyati statistika ishlarini amalga oshirish uchun ajratiladigan davlat budjeti mablagʻlari, shuningdek xoʻjalik hisobidagi faoliyati mablagʻlari hisobiga mablagʻ bilan taʼminlanadi.

9. Belgilab qoʻyilsinki, Oʻzbekiston Respublikasi Davlat statistika qoʻmitasi:

Oʻzbekiston Respublikasi Makroiqtisodiyot va statistika vazirligining statistikaga oid vakolatlari boʻyicha;

Oʻzbekiston Respublikasi Makroiqtisodiyot va statistika vazirligi Statistika davlat departamentining vakolatlari, majburiyatlari va mulkiy huquqlari boʻyicha huquqiy voris hisoblanadi.

Oʻzbekiston Respublikasi Davlat statistika qoʻmitasining oʻz vakolatlari doirasida qabul qilingan qarorlarining vazirliklar, idoralar, xoʻjalik birlashmalari, mahalliy hokimiyat va boshqaruv organlari, mulkchilik shakllaridan qatʼi nazar, xoʻjalik yurituvchi subyektlar tomonidan bajarilishi majburiy hisoblanadi.

10. Oʻzbekiston Respublikasi Davlat statistika qoʻmitasi xodimlarini attestatsiyadan oʻtkazish boʻyicha 6-ilovaga muvofiq tarkibda komissiya tashkil etilsin.

Attestatsiya komissiyasi bir oy muddatda Oʻzbekiston Respublikasi Davlat statistika qoʻmitasi markaziy apparati xodimlarini hamda Qoraqalpogʻiston Respublikasi, viloyatlar va Toshkent shahar statistika boshqarmalari rahbarlarini attestatsiyadan oʻtkazsin.

Respublika viloyatlarida shunday attestatsiya komissiyalari tashkil etilsin, ularning tarkibiga Oʻzbekiston Respublikasi Davlat statistika qoʻmitasi, Iqtisodiyot vazirligi rahbarlari, viloyat hokimlarining iqtisodiyot va kadrlar masalalari boʻyicha oʻrinbosarlari, hududiy Statistika boshqarmalari boshliqlari kiritilsin. Hududiy komissiyalar ikki oy muddatda viloyat statistika boshqarmalari, tuman va shahar statistika boʻlimlari xodimlarini attestatsiyadan oʻtkazsin.

Attestatsiya komissiyasi raisi (R.S. Azimov) oʻtkazilgan attestatsiya natijalari toʻgʻrisida Vazirlar Mahkamasiga axborot bersin.

11. Xalqaro statistika standartlariga muvofiq kadrlarni qayta tayyorlash va ularning malakasini oshirish maqsadida Oʻzbekiston Respublikasi Davlat statistika qoʻmitasi huzurida Bozor munosabatlari oʻquv-konsalting markazi bazasida Kadrlarni qayta tayyorlash va statistika tadqiqotlari markazi tashkil etilsin.

Oʻzbekiston Respublikasi Davlat statistika qoʻmitasi 2003—2005-yillarda davlat statistika organlari tizimi xodimlarining malakasini oshirish, ularni qayta tayyorlash dasturini ikki oy muddatda ishlab chiqsin va tasdiqlasin.

Kadrlarni qayta tayyorlash va statistika tadqiqotlari markazi davlat statistikasi hududiy organlari, birinchi navbatda, tuman va shahar statistika boʻlimlari rahbarlarining uch yilda kamida bir marta kasb darajasi va malakasi oshirilishini taʼminlasin.

12. Oʻzbekiston Respublikasi Oliy va oʻrta maxsus taʼlim vazirligi Oʻzbekiston Respublikasi Davlat statistika qoʻmitasining buyurtmalariga muvofiq davlat statistika organlari uchun mutaxassislar tayyorlanishini taʼminlasin.

13. Davlat statistika hisobotini taqdim etish tartibini buzganligi, statistika maʼlumotlarini yashirganligi va buzib koʻrsatganligi uchun mansabdor shaxslarga solinadigan jarimalardan shakllantiriladigan Maxsus jamgʻarmani yuritish Oʻzbekiston Respublikasi Davlat statistika qoʻmitasiga berilsin.

14. Oʻzbekiston Respublikasi Davlat statistika qoʻmitasi raisiga, Qoraqalpogʻiston Respublikasi, viloyatlar va Toshkent shahar statistika boshqarmalari boshliqlariga davlat statistika organlari tizimi xodimlarining yuqori malakasi uchun ularga oylik lavozim maoshi miqdoridan ortiq boʻlmagan miqdorda ustama belgilash huquqi berilsin.

Oʻzbekiston Respublikasi Davlat statistika qoʻmitasining maxsus jamgʻarmasi mablagʻlari davlat statistika organlari tizimi xodimlarining yuqori malakasi uchun toʻlanadigan ustamalar manbai etib belgilansin.

15. Oʻzbekiston Respublikasi Moliya vazirligi:

har yili davlat budjetini shakllantirishda statistika ishlarini amalga oshirish, davlat statistika organlarining taʼminoti va moddiy-texnika bazasini mustahkamlash uchun zarur mablagʻlarni nazarda tutsin;

Oʻzbekiston Respublikasi Davlat statistika qoʻmitasiga beshta yengil avtomobil xarajatlari uchun limit ajratsin.

16. Quyidagilar:

Oʻzbekiston Respublikasi Davlat statistika qoʻmitasi Toshkent shahar, Buyuk ipak yoʻli koʻchasidagi 63-uyga;

Oʻzbekiston Respublikasi Davlat statistika qoʻmitasining Kadrlarni qayta tayyorlash va statistika tadqiqotlari markazi Toshkent shahar, Buyuk ipak yoʻli koʻchasidagi 42a-uyga joylashtirilsin.

Oʻzbekiston Respublikasi Makroiqtisodiyot va statistika vazirligining Statistika davlat departamenti va unga qarashli tashkilotlar egallab turgan xizmat binolari Oʻzbekiston Respublikasi Davlat statistika qoʻmitasi va unga qarashli tashkilotlar ixtiyorida qoldirilsin.

17. Oʻzbekiston Respublikasi Davlat statistika qoʻmitasi Oʻzbekiston Respublikasi Prezidentining farmonlari va farmoyishlari, Vazirlar Mahkamasining qarorlari va farmoyishlari bir nusxadan majburiy tartibda yuboriladigan tashkilotlar roʻyxatiga kiritilsin.

18. Oʻzbekiston Respublikasi Adliya vazirligi Davlat statistika qoʻmitasi bilan birgalikda bir oy muddatda amaldagi qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

19. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Xodimlarning umumiy soni (xizmat koʻrsatuvchi xodimlardan tashqari) —128 kishi.

I guruh (61 tuman) — 6-7 kishi

II guruh (58 tuman) — 5-6 kishi

III guruh (83 tuman) — 3-4 kishi

1. Mazkur Nizom Oʻzbekiston Respublikasi Davlat statistika qoʻmitasining maqomi, asosiy vazifalari, funksiyalari, vakolatlarini va faoliyatining tashkiliy asoslarini belgilaydi.

2. Oʻzbekiston Respublikasi Davlat statistika qoʻmitasi “Davlat statistikasi toʻgʻrisida”gi Oʻzbekiston Respublikasi Qonuniga hamda Oʻzbekiston Respublikasi Prezidentining “Oʻzbekiston Respublikasi Makroiqtisodiyot va statistika vazirligini qayta tashkil etish toʻgʻrisida” 2002-yil 24-dekabrdagi PF-3183-son Farmoniga muvofiq tashkil etilgan.

3. Oʻzbekiston Respublikasi Davlat statistika qoʻmitasi statistika sohasida rivojlanishning milliy va mintaqaviy xususiyatlarini hisobga olgan holda ilmiy metodologiyaga, xalqaro standartlar va qoidalarga asoslangan yaxlit ilgʻor statistika axboroti tizimini yaratishga va uning faoliyat koʻrsatishiga yoʻnaltirilgan yagona siyosatni amalga oshiruvchi, davlat hokimiyati va boshqaruv organlari, xoʻjalik yurituvchi subyektlar, fuqarolar va tashkilotlarning rasmiy statistika axborotlariga boʻlgan ehtiyojini qondiruvchi davlat hokimiyati ijro etuvchi organi hisoblanadi.

4. Oʻzbekiston Respublikasi Davlat statistika qoʻmitasi oʻz faoliyatida:

Oʻzbekiston Respublikasi Makroiqtisodiyot va statistika vazirligining statistikaga oid vakolatlari boʻyicha;

Oʻzbekiston Respublikasi Makroiqtisodiyot va statistika vazirligi Statistika davlat departamentining vakolatlari, majburiyatlari va mulkiy huquqlari boʻyicha huquqiy voris hisoblanadi.

5. Oʻzbekiston Respublikasi Davlat statistika qoʻmitasi statistika ishlarining:

ishonchlilik, xolislik, begʻarazlik;

dolzarblik, qiyosiylik va barqarorlik;

qulaylik, ochiq-oydinlik va oshkoralik;

statistika axborotini yigʻish, qayta ishlash va umumlashtirish tartibiga har qanday aralashishni istisno etish prinsiplari asosida tashkil etilishini taʼminlaydi.

6. Oʻzbekiston Respublikasi Davlat statistika qoʻmitasi oʻz faoliyatida Oʻzbekiston Respublikasi Konstitutsiyasi va qonunlariga, Oliy Majlis qarorlariga, Oʻzbekiston Respublikasi Prezidentining farmonlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, mazkur Nizomga hamda boshqa qonun hujjatlariga amal qiladi.

7. Oʻzbekiston Respublikasi Davlat statistika qoʻmitasi, Qoraqalpogʻiston Respublikasi, viloyatlar va Toshkent shahridagi, tumanlar, shaharlardagi statistika organlari hamda Oʻzbekiston Respublikasi Davlat statistika qoʻmitasiga qarashli tashkilotlar Oʻzbekiston Respublikasi Davlat statistika qoʻmitasining yagona tizimini tashkil etadi.

8. Oʻzbekiston Respublikasi Davlat statistika qoʻmitasining oʻz vakolatlari doirasida qabul qilingan qarorlarining vazirliklar, idoralar, ijro etuvchi hokimiyat mahalliy organlari va xoʻjalik yurituvchi subyektlar tomonidan bajarilishi majburiy hisoblanadi.

Davlat statistika organlari faoliyatiga davlat organlari va joylardagi davlat hokimiyati organlarining aralashishiga yoʻl qoʻyilmaydi.

9. Oʻzbekiston Respublikasi Davlat statistika qoʻmitasi oʻz faoliyatini respublika va mahalliy hokimiyat organlari, oʻzini oʻzi boshqarish organlari, jamoat birlashmalari va tashkilotlari bilan oʻzaro bogʻliq ravishda amalga oshiradi.

10. Oʻzbekiston Respublikasi Davlat statistika qoʻmitasi mustaqil yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, mustaqil balansga, oʻz hisob raqamlariga, shu jumladan xorijiy valyutadagi hisob raqamlariga ega boʻladi.

11. Quyidagilar Oʻzbekiston Respublikasi Davlat statistika qoʻmitasining asosiy vazifalari hisoblanadi:

statistika sohasida yagona siyosatni ishlab chiqish va amalga oshirish, statistikani tashkil etishning zamonaviy xalqaro statistika standartlariga javob beradigan samarali tizimini taʼminlash;

ilmiy asoslangan, bozor iqtisodiyoti asosiy prinsiplariga javob beradigan yagona statistika metodologiyasini hamda milliy hisob raqamlarini tuzishni taʼminlovchi va xalqaro statistika standartlariga muvofiq boʻlgan koʻrsatkichlar tizimini ishlab chiqish va joriy etish;

jamiyatning iqtisodiy va ijtimoiy hayotida roʻy berayotgan jarayonlarni har tomonlama xarakterlovchi statistika va hisobot koʻrsatkichlarining tezkorligini, ishonchliligini, xolisligini va izchilligini taʼminlash;

statistik axborotning qulayligini, aniqligini va oshkoraligini kengaytirish ishlarini amalga oshirish;

statistika ishlarini tashkil etishning statistika axborotini yigʻish, qayta ishlash va umumlashtirish tartibiga har qanday aralashishni istisno qiluvchi tizimini yaratish;

ijtimoiy-iqtisodiy hodisalar va jarayonlar toʻgʻrisidagi statistika axborotlarini yigʻish, qayta ishlash, toʻplash, saqlash, umumlashtirish, tahlil qilish va eʼlon qilishni amalga oshirish;

SNS xalqaro metodologiyasiga muvofiq boʻlgan milliy hisoblar tizimini ishlab chiqish, xalqaro statistika standartlari va qoidalarini hisobga olgan holda milliy hisoblarni tuzishni axborotlar bilan taʼminlash tizimini shakllantirish;

statistika ishlari davlat buyurtmasini tayyorlash va uning bajarilishini taʼminlash, davlat hokimiyati va boshqaruv organlari ehtiyojlari, foydalanuvchilarning statistika axborotlariga talabini oʻrganish asosida Davlat statistika ishlari dasturlarini ishlab chiqish va ularning bajarilishini tashkil etish;

yoʻnalishlar boʻyicha statistika axborotlarining taqqoslanuvchanligini, mamlakatlararo taqqoslanuvchanligini taʼminlovchi, oʻzaro bogʻliq boʻlgan iqtisodiy-statistik tasniflar tizimini ishlab chiqish, joriy etish va yuritish;

vazirliklar, idoralar va tashkilotlarning statistika sohasidagi yagona siyosatni amalga oshirish boʻyicha faoliyatining muvofiqlashtirilishini taʼminlash;

respublikani, mintaqalarni va tarmoqlarni iqtisodiy va ijtimoiy rivojlantirish dasturlarining, ijtimoiy-iqtisodiy masalalar boʻyicha Oliy Majlis qarorlarining, Oʻzbekiston Respublikasi Prezidenti farmonlarining, Vazirlar Mahkamasi qarorlari va farmoyishlarining bajarilishining statistika kuzatuvlarini amalga oshirish;

davlat organlarini va fuqarolarning oʻzini oʻzi boshqarish organlarini, yuridik shaxslarni, davlat muassasalarini va xalqaro tashkilotlarni hamda jamoatchilikni statistika axboroti bilan belgilangan tartibda taʼminlash;

dolzarb ijtimoiy-iqtisodiy masalalar boʻyicha metodik bazaning ishlab chiqilishini amalga oshirish, tematik yozishmalarni, senz tadqiqotlarini va monitoringni tashkil etish va amalga oshirish;

statistika organlarini zamonaviylashtirish hamda statistika axborotini tezkorlik bilan uzatishni va qayta ishlashni taʼminlovchi zamonaviy kompyuterlar hamda axborot-kommunikatsiya tizimlari va texnologiyalari bilan qayta jihozlash, statistika boʻyicha yagona axborot tizimini yanada rivojlantirish, uning respublikadagi boshqa axborot tizimlari bilan oʻzaro muvofiqligi va bogʻliqligini taʼminlash;

statistika ishlarini tashkil etish uchun zarur boʻlgan iqtisodiy-statistik klassifikatorlar tizimini hamda Korxonalar va tashkilotlarning yagona davlat reyestrini yuritish;

statistika axborot resurslarining xavfsizligini taʼminlash va axborot-hisoblash tizimini ruxsatsiz foydalanishdan himoya qilish;

barcha darajalardagi statistika organlari kadrlari malakasini izchil asosda oshirishni va ularni qayta tayyorlashni taʼminlash;

Oʻzbekiston Respublikasining ustuvor yoʻnalishlar boʻyicha davlat statistikasi sohasidagi xalqaro majburiyatlarini bajarish va xalqaro hamkorligini rivojlantirish;

xoʻjalik shartnomalari asosida korxonalar va tashkilotlarga dasturlar ishlab chiqish boʻyicha xizmatlar hamda axborot-hisoblash xizmatlari koʻrsatishga doir statistik va boshqa ishlarni bajarish, noshirlik faoliyatini amalga oshirish.

12. Oʻzbekiston Respublikasi Davlat statistika qoʻmitasi oʻziga yuklangan vazifalarga muvofiq quyidagi funksiyalarni amalga oshiradi:

davlat statistika prinsiplariga rioya etilishini va xalqaro standartlar va qoidalarga muvofiq boʻlgan statistik metodologiyaning yagonaligini taʼminlaydi;

statistika kuzatuvlari va statistik hisob-kitoblar metodologiyasini takomillashtirish boʻyicha metodologik tadqiqotlar oʻtkazadi;

davlat statistikasini rivojlantirishning ustuvor yoʻnalishlarini, ularning ilmiy-metodologik, tashkiliy-texnik, kadrlar va moliyaviy taʼminotini belgilaydi;

statistika ishlarining koʻp yillik va yillik Dasturlarini ishlab chiqadi va belgilangan tartibda respublika Hukumatiga tasdiqlash uchun kiritadi hamda ularning bajarilishini tashkil qiladi;

statistika kuzatuvlari dasturlarini ishlab chiqadi va tasdiqlaydi, ularning samarali amalga oshirilishini, statistika axborotlarini qayta ishlash, toʻplash, saqlash va tarqatishni taʼminlaydi;

davlat statistika hisoboti shakllarini va ularni toʻldirishga doir yoʻriqnomalarni ishlab chiqadi va belgilangan tartibda tasdiqlaydi hamda idoraviy statistika hisoboti shakllarini kelishib oladi;

eng muhim ijtimoiy-iqtisodiy muammolar boʻyicha monitoringni tashkil qiladi va amalga oshiradi;

mamlakatda va mintaqalarda roʻy berayotgan ijtimoiy-iqtisodiy jarayonlarni kompleks tahlil qilish uchun statistika koʻrsatkichlarining axborot tizimini shakllantiradi;

iqtisodiy islohotlarning borishini, institutsional oʻzgarishlarni, bozor munosabatlari va bozor infratuzilmasining vujudga kelishini, narxlar dinamikasini va inflyatsiya darajasini, davlat, korxonalar va iqtisodiyot tarmoqlarining moliyaviy ahvolini, mehnat bozorlari, investitsiya va isteʼmol tovarlari va xizmatlari konyunkturasini, demografik jarayonlarni, mehnat resurslari dinamikasi va tarkibini, mehnatga haq toʻlash va uning shartlarini, ijtimoiy guruhlar va daromaddorlik guruhlari boʻyicha aholi turmushining moddiy taʼminlanganligi darajasini, ijtimoiy soha, huquqiy tartibot va ekologiyaning ahvolini, iqtisodiyot sektorlari va tarmoqlari faoliyat koʻrsatishi dinamikasini, davlatning tashqi iqtisodiy faoliyati, savdo va toʻlov balansini statistika kuzatuvlarini va tadqiq qilishni amalga oshiradi;

mamlakatdagi eng muhim iqtisodiy va ijtimoiy jarayonlar va hodisalarning dastlabki statistik tahlilini amalga oshiradi;

bozor munosabatlarida iqtisodiyotni va ijtimoiy sohani baravar tavsiflash hamda muvofiq axborot tizimlari va dasturiy resurslarni yaratish uchun yagona asosni taʼminlash uchun Oʻzbekiston Respublikasi Davlat statistika qoʻmitasiga birkitilgan umumdavlat va tizim ichidagi klassifikatorlarni ishlab chiqadi va ularning yuritilishini taʼminlaydi;

foydalanuvchilarga umumdavlat klassifikatorlari va ularga kiritiladigan oʻzgartirishlar toʻgʻrisidagi axborotni belgilangan tartibda taqdim etadi;

respublikadagi barcha xoʻjalik yurituvchi subyektlarni toʻliq hisobga olishni va identifikatsiyalashni hamda axborot resurslarining mosligini taʼminlovchi asosiy metodologik instrument sifatida Korxonalar va tashkilotlarning yagona davlat registrini yanada rivojlantirishni taʼminlaydi;

statistika kuzatuvlarini tanlov boʻyicha tashkil etishning asosi sifatida statistika kuzatuvlari subyektlarining asosiy majmuini takomillashtiradi;

statistik faoliyat, shu jumladan davlat axborot tizimlari va resurslarini yaratish hamda yuritish masalalari boʻyicha normativ-huquqiy hujjatlar loyihalarini ishlab chiqadi, kelishib oladi va belgilangan tartibda respublika Hukumatiga va tegishli organlarga kiritadi;

respondentlarni statistika kuzatuvlarini oʻtkazish uchun zarur boʻlgan statistika hisoboti shakllari blankalari, ularni toʻldirish boʻyicha yoʻriqnomalar bilan respublika budjetidan ushbu maqsadlarga ajratiladigan mablagʻlar doirasida taʼminlaydi;

statistika kuzatuvlari va rasmiy statistika axboroti masalalari boʻyicha axborot-tushuntirish ishlarini amalga oshiradi;

milliy qonun hujjatlariga va mavjud xalqaro standartlarga va tavsiyanomalarga muvofiq statistika maʼlumotlarining maxfiyligini taʼminlaydi;

maʼlumotlarni tayyorlash metodlarini, tartibini va sifatini takomillashtirish negizida barcha foydalanuvchilarga ochiq statistika axborotini tarqatadi va ularni foydalanish uchun teng sharoitlar bilan taʼminlaydi;

metodologiya va statistika masalalari boʻyicha xalqaro qoidalarga muvofiq boʻlgan va milliy sharoitlarga moslashtirilgan tadqiqot ishlarini tashkil qiladi va amalga oshiradi;

ijro etuvchi hokimiyatning boshqa organlari bilan birgalikda Oʻzbekiston Respublikasining xalqaro tashkilotlarda aʼzoligidan kelib chiqadigan majburiyatlarni bajaradi, jamiyatning ehtiyojlariga muvofiq statistika sohasida xalqaro hamkorlikni amalga oshiradi, ilgʻor xorijiy tajribani oʻrganadi, umumlashtiradi va tarqatadi.

Oʻzbekiston Respublikasi Davlat statistika qoʻmitasi qonun hujjatlarida belgilangan boshqa funksiyalarni ham bajaradi.

13. Oʻzbekiston Respublikasi Davlat statistika qoʻmitasiga oʻziga yuklangan funksiyalarni bajarishi uchun quyidagi huquqlar beriladi:

statistika boʻyicha yagona siyosatni oʻtkazish sohasidagi faoliyatni muvofiqlashtirishni va funksional tartibga solishni amalga oshirish;

davlat statistika kuzatuvlari shakllarini, ularni toʻldirish hamda taqdim etish tartibini tasdiqlash va idoraviy statistika kuzatuvlari shakllarini kelishib olish;

moliya, bojxona, soliq organlaridan, banklardan, boshqa idoralar va xizmatlardan, yuridik shaxslardan va ularning vakolatxonalari va filiallaridan, yakka tartibdagi tadbirkorlardan idoraviy hisobga olish maʼlumotlarini olish hamda ulardan davlat statistika hisobotlarida statistika maqsadlarida foydalanish;

moliya, bojxona, soliq organlaridan va davlat boshqa tashkilotlaridan davlat statistika ishlarini amalga oshirish uchun zarur boʻlgan boshqa maʼlumotlarni (ularni ishlab chiqishning har qanday bosqichida), shuningdek ularga ilova qilinadigan tushuntirishlarni talab qilish va olish;

yuridik shaxslarni va yakka tartibdagi tadbirkorlarni davlat roʻyxatidan oʻtkazishni amalga oshiruvchi organlardan, faoliyatning ayrim turlarini litsenziyalovchi organlardan, ijro etuvchi hokimiyatning boshqa organlaridan, shuningdek budjetdan tashqari davlat jamgʻarmalaridan taʼsis hujjatlari nusxalarini hamda Korxonalar va tashkilotlarning yagona davlat registrini yuritish uchun zarur boʻlgan yuridik shaxslar va yakka tartibdagi tadbirkorlar toʻgʻrisidagi maʼlumotlarni olish;

davlat organlari, yuridik shaxslar, ularning vakolatxonalari va filiallari, statistika maʼlumotlari taqdim etuvchi yakka tartibdagi tadbirkorlar tomonidan bajarilishi majburiy boʻlgan normativ hujjatlarni belgilangan tartibda qabul qilish;

davlat statistika kuzatuvlari metodologiyasi va ularni tashkil etish, shuningdek rasmiy statistika axboroti bilan bogʻliq masalalar boʻyicha axborot-tushuntirish ishlarini amalga oshirish;

statistika axborotlari va statistika maʼlumotlarining notoʻgʻri foydalanilishi va talqin qilinishi hollarini tushuntirish;

amaldagi qonun hujjatlariga muvofiq davlat statistikasi sohasidagi Oʻzbekiston Respublikasi qonun hujjatlarining barcha yuridik shaxslar va yakka tartibdagi tadbirkorlar tomonidan bajarilishi ustidan nazoratni amaldagi qonun hujjatlariga muvofiq amalga oshirish;

olinayotgan statistika maʼlumotlarining toʻliqligi, ishonchliligi va xolisligini ekspertizadan oʻtkazish;

Oʻzbekiston Respublikasi hududidagi muassasalar va tashkilotlarda statistika maʼlumotlarining ishonchliligi va toʻliqligini belgilangan tartibda tekshirish. Buzilishlar aniqlangan taqdirda ularni bartaraf etish toʻgʻrisida koʻrsatmalar berish va statistika maʼlumotlariga tegishli tuzatishlar kiritish;

statistika maʼlumotlarini taqdim etish tartibi buzilishiga yoʻl qoʻygan hamda yashirin va noqonuniy ishlab chiqarishni, pul mablagʻlarining bankdan tashqari aylanishini yashirishga va korxonalar faoliyatini xolisona baholashning buzilishiga sabab boʻladigan, uning muassislari va aksiyadorlari manfaatlariga zarar keltiradigan notoʻgʻri statistika maʼlumotlarini qasddan taqdim etgan shaxslarga nisbatan Oʻzbekiston Respublikasi qonun hujjatlariga muvofiq jarima jazolari qoʻllash;

notoʻgʻri statistika hisobotini notoʻliq va qasddan notoʻgʻri taqdim etgan holda qoʻpol qonun buzilishiga yoʻl qoʻygan shaxslarni qonunchilikka muvofiq maʼmuriy va jinoiy javobgarlikka tortish yuzasidan belgilangan tartibda takliflar kiritish;

davlat statistika hisobotini taqdim etish tartibi buzilganligi uchun mansabdor shaxslardan undiriladigan jarimalar hisobiga Maxsus jamgʻarmani shakllantirish hamda undan belgilangan qoidaga muvofiq foydalanish;

Oʻzbekiston Respublikasi Davlat statistika qoʻmitasi tasarrufidagi tashkilotlarni tashkil etish, qayta tashkil etish va tugatish toʻgʻrisida Oʻzbekiston Respublikasi qonun hujjatlarida belgilangan tartibda takliflar tayyorlash va kiritish, shuningdek ushbu korxonalar va tashkilotlar toʻgʻrisidagi nizomlarni (ustavlarni) tasdiqlash;

xoʻjalik shartnomalari boʻyicha, tijorat asosida statistik, tahliliy, axborot-hisoblash, noshirlik va soha mavzusi boʻyicha boshqa ishlarni amalga oshirish;

boshqa davlatlarning statistika idoralari va xalqaro statistika va boshqa tashkilotlar bilan statistika faoliyati masalalari boʻyicha hamkorlik qilish toʻgʻrisida belgilangan tartibda bitimlar tuzish;

statistika sohasidagi ilmiy tadqiqotlarning ustuvor yoʻnalishlarini belgilash, ularni ishlab chiqish uchun Oʻzbekiston Respublikasi ilmiy muassasalarini, respublika va xorijiy mamlakatlarning boshqa tashkilotlarini, shuningdek olimlar va mutaxassislarni belgilangan tartibda jalb etish;

xalqaro statistika va iqtisodiyot tashkilotlari bilan hamkorlik qilish, statistika masalalari boʻyicha seminarlar va kengashlar, shu jumladan xalqaro seminar va kengashlar oʻtkazish hamda ularning ishida qatnashish.

Oʻzbekiston Respublikasi Davlat statistika qoʻmitasi Oʻzbekiston Respublikasining amaldagi qonun hujjatlariga muvofiq boshqa huquqlarga ham egadir.

14. Oʻzbekiston Respublikasi Davlat statistika qoʻmitasi statistika sohasidagi yagona siyosatning samarali amalga oshirilishi uchun javob beradi.

15. Oʻzbekiston Respublikasi Davlat statistika qoʻmitasi xodimlari “Davlat statistikasi toʻgʻrisida”gi Oʻzbekiston Respublikasi Qonuni talablarini buzganlik uchun, shuningdek statistika maʼlumotlarini yashirganlik va buzib koʻrsatganlik uchun, yoxud mazkur qonun buzilishlariga koʻmaklashganlik uchun qonunga muvofiq maʼmuriy va jinoiy javobgarlikka tortiladi.

16. Oʻzbekiston Respublikasi Davlat statistika qoʻmitasiga rais rahbarlik qiladi. Rais respublika Hukumatining taqdimnomasiga koʻra Oʻzbekiston Respublikasi Prezidenti tomonidan lavozimga tayinlanadi va lavozimdan ozod qilinadi.

Rais lavozimga oʻzining kasb va texnik malakasi asosida uch yil muddatga tayinlanadi hamda u oʻzining kasbga nomuvofiqligi sababli belgilangan muddatdan oldin lavozimdan ozod etilishi mumkin.

Raisning Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan toʻrt nafar oʻrinbosari, shu jumladan bir nafar birinchi oʻrinbosari boʻladi.

Oʻzbekiston Respublikasi Davlat statistika qoʻmitasi raisi maqomiga koʻra vazirga, raisning birinchi oʻrinbosari va oʻrinbosarlari — tegishli ravishda vazirning birinchi oʻrinbosari va oʻrinbosarlariga tenglashtiriladi.

Oʻzbekiston Respublikasi Davlat statistika qoʻmitasi raisi Oʻzbekiston Respublikasi Davlat statistika qoʻmitasiga yuklangan vazifalarning bajarilishi va uning funksiyalarining amalga oshirilishi uchun shaxsan javob beradi.

17. Oʻzbekiston Respublikasi Davlat statistika qoʻmitasi raisi:

Oʻzbekiston Respublikasi Davlat statistika qoʻmitasi faoliyatiga rahbarlik qiladi;

Oʻzbekiston Respublikasi Davlat statistika qoʻmitasining tarkibiy boʻlinmalari toʻgʻrisidagi nizomlarni tasdiqlaydi;

davlat statistika organlari xodimlariga nisbatan malaka talablarini belgilaydi va ularning mehnatini ragʻbatlantirish tizimini shakllantiradi, yuqori malaka uchun ustamalar belgilaydi;

zarurat boʻlganda Oʻzbekiston Respublikasi Davlat statistika qoʻmitasi tuzilmasiga shtatdagi xodimlarning tasdiqlangan soni va statistika ishlarini amalga oshirish uchun ajratiladigan mablagʻlar doirasida oʻzgartirishlar kiritadi;

Qoraqalpogʻiston Respublikasi, viloyatlar va Toshkent shahar statistika boshqarmalari rahbarlarini tegishli ravishda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari taqdimnomasiga koʻra belgilangan tartibda lavozimga tayinlaydi va lavozimdan ozod qiladi;

dasturlar boʻyicha bajariladigan statistika ishlari hajmlariga muvofiq moliyaviy va moddiy-texnika resurslarini taqsimlaydi;

Oʻzbekiston Respublikasi Davlat statistika qoʻmitasi barcha organlari va boʻlinmalari tomonidan bajarilishi majburiy boʻlgan buyruqlar chiqaradi va koʻrsatmalar beradi;

statistika organlarining moddiy-texnika bazasini yaxshilash, ularni zamonaviylashtirish hamda zamonaviy kompyuterlar va axborot-kommunikatsiya tizimlari va texnologiyalari bilan qayta jihozlash chora-tadbirlarini koʻradi;

qonun hujjatlarida nazarda tutilgan tartibda hamda xalqaro huquq normalariga muvofiq boshqa davlatlar iqtisodiyot idoralari bilan statistika metodologiyasini va amaliyotini takomillashtirish masalalari boʻyicha shartnomalar tuzadi, oʻziga yuklangan vazifalar doirasida xalqaro va xorijiy statistika tashkilotlari bilan hamkorlikni amalga oshiradi;

Oʻzbekiston Respublikasi qonun hujjatlari doirasida oʻziga yuklangan vazifalarning sifatli va oʻz vaqtida bajarilishini taʼminlash uchun amaldagi qonun hujjatlari doirasida boshqa barcha zarur chora-tadbirlarni koʻradi.

18. Oʻzbekiston Respublikasi Davlat statistika qoʻmitasida 7 kishidan iborat Hayʼat tuziladi. Hayʼat tarkibi belgilangan tartibda tasdiqlanadi.

Hayʼat davlat statistikasini rivojlantirishning asosiy yoʻnalishlarini, shuningdek davlat statistikasi organlari faoliyatining boshqa masalalarini koʻrib chiqadi.

Hayʼat qarorlari protokollar bilan rasmiylashtiriladi va Oʻzbekiston Respublikasi Davlat statistika qoʻmitasi raisining buyruqlari bilan amalga oshiriladi.

19. Oʻzbekiston Respublikasi Davlat statistika qoʻmitasi huzurida davlat hokimiyati organlari, ishbilarmon doiralar, ilmiy jamoatchilik, jamoat tashkilotlari, ommaviy axborot vositalari vakillaridan iborat tarkibda davlat statistikasini rivojlantirish, faoliyatini amalga oshirish va muvofiqlashtirish, shuningdek statistika metodologiyasini takomillashtirish va foydalanuvchilarning rasmiy statistika axborotiga boʻlgan ehtiyojini hisobga olish muammolari boʻyicha kollegial maslahat organi hisoblanadigan Statistika kengashi tashkil etiladi.

Statistika kengashi faoliyatining tashkiliy-texnik taʼminoti Oʻzbekiston Respublikasi Davlat statistika qoʻmitasi tomonidan amalga oshiriladi.

Statistika kengashining shaxsiy tarkibi respublika Hukumati taqdimnomasiga koʻra Oʻzbekiston Respublikasi Prezidenti tomonidan tasdiqlanadi.

20. Oʻzbekiston Respublikasi Davlat statistika qoʻmitasi huzurida yuridik shaxs huquqiga ega boʻlgan Kadrlarni qayta tayyorlash va statistika tadqiqotlari markazi tashkil etiladi.

21. Oʻzbekiston Respublikasi Davlat statistika qoʻmitasining mol-mulkini asosiy vositalar va aylanma mablagʻlar, shuningdek qiymati uning mustaqil balansida aks ettiriladigan boshqa boyliklar tashkil etadi.

22. Oʻzbekiston Respublikasi Davlat statistika qoʻmitasini mablagʻ bilan taʼminlash va uning moddiy-texnika taʼminoti Davlat statistika ishlari dasturiga muvofiq Davlat budjeti mablagʻlari hisobiga amalga oshiriladi.

Davlat statistika ishlari dasturiga kiritilmagan qoʻshimcha statistika ishlariga haq toʻlash buyurtmachilar mablagʻlari hisobiga moliyalashtiriladi.

Foyda (daromad), amortizatsiya ajratmalari, shuningdek boshqa tushumlar Oʻzbekiston Respublikasi Davlat statistika qoʻmitasining moliyaviy resurslarini shakllantirish manbalari hisoblanadi.

23. Oʻzbekiston Respublikasi Davlat statistika qoʻmitasi oʻz faoliyatini har yili Oʻzbekiston Respublikasi Vazirlar Mahkamasi tomonidan tasdiqlanadigan Statistika ishlarini bajarish davlat buyurtmasiga, shuningdek mahsulotlar, ishlar va xizmatlardan foydalanuvchilar bilan tuzilgan shartnomalarga muvofiq tashkil qiladi.

24. Oʻzbekiston Respublikasi Davlat statistika qoʻmitasi oʻz ishlari natijalarining tezkor va buxgalteriya hisobini amalga oshiradi, statistika hisobotini yuritadi.

1. Ushbu Nizom “Davlat statistikasi toʻgʻrisida”gi Oʻzbekiston Respublikasi Qonuniga, Maʼmuriy javobgarlik toʻgʻrisidagi kodeksga hamda Oʻzbekiston Respublikasi Prezidentining “Oʻzbekiston Respublikasi Makroiqtisodiyot va statistika vazirligini qayta tashkil etish toʻgʻrisida” 2002-yil 24-dekabrdagi PF-3183-son Farmoniga muvofiq ishlab chiqilgan.

2. Nizom Maxsus jamgʻarmaning maqsadi va vazifalarini belgilaydi, uning shakllantirilishi va foydalanilishi tartibini nazarda tutadi.

3. Quyidagilar:

davlat statistika organlarining moddiy-texnika bazasini mustahkamlash;

davlat statistika organlari mutaxassislari malakasini oshirish;

davlat statistika organlari mutaxassislarining statistika maʼlumotlarining tezkorligi, ishonchliligi, toʻliqligi va sifatini taʼminlashdan moddiy manfaatdorligini oshirish vositasida statistika hisobotining ishonchliligi va toʻliqligini taʼminlashga koʻmaklashish Oʻzbekiston Respublikasi Davlat statistika qoʻmitasi maxsus jamgʻarmasining asosiy maqsadi hisoblanadi.

4. Maxsus jamgʻarma iqtisodiy sanksiyalardan hamda davlat statistika hisobotini taqdim etish tartibini buzganlik, statistika maʼlumotlarini yashirganlik va buzib koʻrsatganlik uchun mansabdor shaxslarga solinadigan jarimalardan tushadigan mablagʻlardan shakllantiriladi.

5. Jarimalardan olingan mablagʻlarning:

15 foizi — Oʻzbekiston Respublikasi Davlat statistika qoʻmitasi jamgʻarmasiga;

15 foizi — Qoraqalpogʻiston Respublikasi, viloyatlar va Toshkent shahar Statistika boshqarmalari jamgʻarmalariga yoʻnaltiriladi;

70 foizi — jarima sanksiyasini belgilagan davlat statistika organiga yoʻnaltiriladi.

6. Maxsus jamgʻarmaga tushgan mablagʻlar davlat statistika organlarining maxsus hisob raqamlarida jamlanadi.

7. Mablagʻlarning Maxsus jamgʻarmalarga toʻliq, toʻgʻri va oʻz vaqtida oʻtkazilishi ustidan nazorat Oʻzbekiston Respublikasi Davlat statistika qoʻmitasi tomonidan amalga oshiriladi.

Mablagʻlarni Maxsus jamgʻarmaga oʻtkazish tartibi buzilganligi va oʻz vaqtida oʻtkazilmaganligi uchun mansabdor shaxslar Oʻzbekiston Respublikasi qonun hujjatlariga muvofiq javob beradilar.

8. Maxsus jamgʻarmadan:

davlat statistika organlarining moddiy-texnika bazasini rivojlantirish va mustahkamlash;

davlat statistika organlari kadrlari malakasini oshirish, ularni tayyorlash va qayta tayyorlash;

davlat statistika organlari mutaxassislarini moddiy ragʻbatlantirish;

vakillik xarajatlari uchun foydalaniladi.

9. Oʻzbekiston Respublikasi Davlat statistika qoʻmitasi raisi, Qoraqalpogʻiston Respublikasi, viloyatlar va Toshkent shahar statistika boshqarmalari boshliqlari, tuman (shahar) statistika boʻlimlari boshliqlari tegishli ravishda Maxsus jamgʻarma mablagʻlarini tasarruf etadilar.

10. Maxsus jamgʻarma mablagʻlaridan maqsadli va qonuniy foydalanilishi ustidan nazorat Oʻzbekiston Respublikasi Davlat statistika qoʻmitasi raisi zimmasiga yuklanadi.

11. Maxsus jamgʻarmaning joriy yilda foydalanilmagan mablagʻlari keyingi yilga oʻtadi va olib qoʻyilmaydi.

12. Maxsus jamgʻarmaning moliyaviy resurslari alohida joriy hisob raqamida hisobga olib boriladi.

Maxsus jamgʻarma xarajatlari boʻyicha joriy hisob Buxgalteriya hisobining milliy standartlariga muvofiq order-daftar tizimi boʻyicha yuritiladi.

Mintaqaviy davlat statistikasi organlari chorakdan keyingi oyning 15-kunigacha Oʻzbekiston Respublikasi Davlat statistika qoʻmitasiga, hisob va hisobotni yuritishning toʻgʻriligini nazorat qilish uchun Maxsus jamgʻarmaning shakllantirilishi va foydalanilishi toʻgʻrisida chorak hisobotlari taqdim etishadi.

Maxsus jamgʻarmaning moliyalashtirilishi va foydalanilishi toʻgʻrisidagi hisobot ortib boruvchi yakun boʻyicha tuziladi.