Oʻzbekiston Respublikasining 2014-yil 14-maydagi OʻRQ-372-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish, shuningdek ayrim qonun hujjatlarini oʻz kuchini yoʻqotgan deb topish toʻgʻrisida”gi Qonuniga muvofiq buyuraman:

1. Oʻzbekiston Respublikasi adliya vazirining 2010-yil 20-oktabrdagi 223-mh-son buyrugʻi (roʻyxat raqami 2149, 2010-yil 20-oktabr) (Oʻzbekiston Respublikasi qonun hujjatlari toʻplami, 2010-y., 42-43-son, 369-modda) bilan tasdiqlangan Notarius stajorining faoliyatini tashkil etish tartibi toʻgʻrisida nizomga ilovaga muvofiq oʻzgartirish va qoʻshimchalar kiritilsin.

2. Mazkur buyruq davlat roʻyxatidan oʻtkazilsin va bu haqda Idoraviy meʼyoriy hujjatlarni davlat roʻyxatidan oʻtkazish boshqarmasi (O. Hakimov) Idoraviy normativ-huquqiy hujjatlarning davlat reyestriga tegishli yozuv kiritsin.

3. Qonun hujjatlarini turkumlash va huquqiy axborot boshqarmasi (D. Saʼdullayev) hamda Notariat, advokatura va FHDY organlari boshqarmasi (D. Yakubova) ushbu idoraviy normativ-huquqiy hujjatni barcha manfaatdor shaxslarga yetkazilishi va “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

4. Mazkur buyruq rasmiy eʼlon qilingan kundan eʼtiboran kuchga kiradi.

5. Mazkur buyruq ijrosini nazorat qilish vazir oʻrinbosari O. Murodov zimmasiga yuklansin.

1. 16-band quyidagi mazmundagi ikkinchi xatboshi bilan toʻldirilsin:

“Sudyalik lavozimida kamida besh yil ishlagan yoxud notarial faoliyatga rahbarlikni amalga oshiruvchi va ushbu faoliyatni nazorat qiluvchi lavozimlarda kamida uch yil ishlagan stajorlar uchun stajirovkadan oʻtish muddati bir yilni tashkil etadi.”;

ikkinchi xatboshi uchinchi xatboshi deb hisoblansin.

2. 27-band “yakunida” degan soʻzdan keyin “, mazkur Nizomning 16-bandi ikkinchi xatboshisida nazarda tutilgan stajor esa har chorak yakunida” degan soʻzlar bilan toʻldirilsin.

3. 28¹-band quyidagi mazmundagi xatboshi bilan toʻldirilsin:

“Mazkur Nizomning 16-bandi ikkinchi xatboshisida nazarda tutilgan stajorlar ushbu bandning ikkinchi, uchinchi va toʻrtinchi xatboshilarida koʻrsatilgan masalalar boʻyicha har chorak yakunida sinovdan oʻtkaziladi.”.